【珍惜香港】
上面话,谂紧好唔好为
民主议题写篇长嘢;后嚟,大家好快就终止咗个讨论。本来已经唔谂住写,但见
占中期近,结果都喺开咗笔。为咗唔想搞乱博士新文章嘅留言区,都喺写番响呢个 EXPIRED 嘅区度,赠有缘人啦!
前文有云:
物竞天择,适者生存;古往今来,永恒不变。意图违反呢两个
自然定律嘅,小至个人,大至国家,势必走上
灭亡之路。进化论,亦喺基於呢两个自然定律;每一物种,之所以能够进化,皆因面对弱肉强食嘅世界,
优存劣亡,只留低胜者可以继续繁衍。
进化之路,只能向前,绝不能停;停,就即喺灭亡!
人类发展到近代,出现咗
智慧;智慧,令人类创造出
文明,从而主宰呢个世界。但喺,文明亦同时衍生咗
骄傲同自我;结果,骄傲同自我,搞出咗
「人权」呢样嘢。人权,令到人类
多次违反「物竞天择,适者生存」呢两个自然定律,招至一次又一次嘅
失败。如果人类再唔觉悟嘅话,最终会走上
灭亡之路!
哗!讲乜呀!歪理!人权从来都喺公认嘅真理嘛!
其实,我都好唔想达至呢个结论;可惜,每当我退一步,以
宏观去睇果阵,见到嘅世界,的确喺咁。就睇
人权嘅基础:生存;话说,每个人,一出生,就拥有
生存嘅平等权利。咦?乜唔喺
适者,先可以生存咩?原来呢个
人权嘅最底线,本身就已经违反咗「适者生存」啦!而当
「适者生存」遭沦陷,「物竞天择」亦会随之失守,因为响人权嘅最底线之上,会衍生
一系列嘅平等权利,最终会冲击到「物竞天择」呢个定律!
近代一个最典型嘅例子,就喺共产主义嘅崛起。
共产主义,本身就喺建基於人权;呢种人权,就喺每个人,都拥有
平等财产嘅权利;财产,必须
平均咁分配俾每个人。所以,一个共产主义社会,
完全违反哂「物竞天择,适者生存」呢两个自然定律,个体无须竞争,社会无须进步,人人共存,人人共产。结果,所有奉行共产主义嘅国家,都喺
彻底咁失败,无一幸免!
资本主义,之所以能够成为近代较成功嘅财产分配体制,正喺因为佢符合咗「物竞天择」;通过对社会
贡献能力嘅竞争,促进咗人类嘅进步。但喺
人权呢个包袱,始终令到人类无法遵从「适者生存」呢个定律。结果,人权,就衍生咗
「福利」呢样嘢。
「不适者」,通过福利,逃过灭亡厄运,得以生存。可惜,大自然喺残酷嘅,优者响数目上往往远少於劣者;违反「适者生存」嘅恶果,就喺物种以
优少劣多嘅比例繁衍,步向灭亡!
一条解决呢个问题嘅出路,就喺
将劣者,转化成优者。所以,早期嘅福利制度,只喺会俾劣者
生存嘅最基本元素。响最基本嘅福利制度之下,劣者会被社会歧视、忽略,
意识上,同灭亡冇分别。不过呢种歧视、忽略嘅社会态度,反而能够激发起劣者
改变命运嘅动力,令佢地置於死地而后生,转化成优者。
发展中嘅资本主义社会,因为
能力上只能提供最基本嘅福利,往往造就咗呢个
促进劣转优嘅环境,令到社会高速咁向上发展。香港嘅上一代,就正正喺一个典型嘅例子。
但喺,唔知几时,福利开始变质,慢慢转化成
福利主义。原来,
罪魁祸首,又喺人权!
人权,将每一个人嘅
政治权利,划上等号。呢样嘢,就喺所谓嘅
「民主」!响「物竞天择,适者生存」呢两个自然定律得以严格遵守嘅情况之下,
一人一票嘅民主制度,喺唔会有问题,因为劣者已经全被淘汰,唔再存在啦!可惜,人类无法遵从「适者生存」呢个定律,形成
优少劣多嘅比例;从此,劣者唔再需要咁辛苦将自己转化成优者,以取得社会嘅资源,因为佢地已经能够以
大多数嘅选票,令到政策
向福利倾斜;「物竞天择」,终於受到冲击!
而每当「适者生存」遭沦陷,「物竞天择」失守之后,下一步,就会喺灭亡之路!
民主制度发展成熟嘅国家,普遍都喺
入不敷支,之所以维持到今时今日,喺因为佢地能够通过
经济手段,掠取其他国家嘅血汗同资源。
堪称世上最民主嘅国家,亦喺世上最入不敷支嘅国家;呢个国家,利用
军事,利用
科技,利用
货币,去
渣干其他发展中国家嘅
血汗同资源,先至可以
填补佢要维持呢个自命最民主嘅制度而需要付出嘅
沉重代价。唔喺咁嘅话,呢个国家嘅体制一早就已经崩溃咗!
至於冇足够经济能力发展民主制度嘅国家,后果喺点,有目共赌。
天,从来冇赋予过我地每一个人平等嘅权利;只喺人类嘅骄傲、自我,以为可以胜天!
人权,只不过喺一个美丽嘅谎言!