【珍惜香港】TO：20/F 十郎
由初辣到依家，最低工资、建筑成本，呢啲嘢唔在讲，成个
「社会成本」，都已经升哂。今时今日，讲话要个楼价，返到初辣果阵，先叫做
「竟全功」，根本就不切实际。
社会、经济嘅规模，喺与时并进，
究竟乜嘢，先叫做「合理」楼价？好多年前，楼价曾经喺几十万，甚至几万一个单位，咁唔通要去番呢啲
「曾经」价位，先叫做合理？有啲人呢，又好钟意抛出乜嘢，唔饮唔食几多年，啲咁嘅
呃人理论出嚟，就话楼价唔合理。其实呢条数，
任何年代攞出嚟计，个楼价都喺咁唔合理啦！
亦有人话，香港经济唔好，
就嚟出现通缩，所以楼价要大跌。我谂，
通缩，都可以算喺一个，楼价跌嘅理由；但喺，香港家阵通缩咗咩？未噃，不过
「就嚟」嘛！哦，咁就唔好讲呢啲住啦，不如问下，
最低工资，取消得未？
阁下话，要出辣招，喺因为楼市初现
失控、有病。我谂有样嘢，要搞清楚，楼市有冇失控、有冇病，唔喺单睇个楼价，而喺要睇，
推动楼市嘅机制，运作得健唔健康，借贷水平，有冇过高。响香港，从来都喺，大部份人买唔到楼，只得少部份人，先至买到楼，呢个根本就喺，
本地嘅市场现实。所以，好多人买唔到楼，唔喺问题，只要，买到楼果部份人，
都喺量力而为，冇出现夹硬上车嘅情况，咁就算楼价几高，都唔可以叫做失控、有病啦！
正如，港股升至两万八，再跌到万八点，依家又上番两万零几百，唔通港府，又要出招搞搞佢？香港对金融市场嘅监管，喺非常严格，而严格嘅监管，
喺针对市场嘅「运作」，而唔喺针对个「价」。价，喺由市场决定，响杠杆受严控之下，那怕你升到三万，跌到万五？至於楼市，因涉及民生、涉及实体经济嘅融资，监管嘅著眼点，自然喺有所不同，但针对嘅，都喺一样，
响个「运作」度，而唔喺响个「价」度。
香港，曾几何时，
一张临约可以攞嚟炒，N 间银行做九成按揭，呢啲先叫做失控、有病，因为呢种楼市嘅运作机制，喺非常唔健康，成交价，
唔喺真价，而喺炒价，反映唔到物业嘅实用值。
曾政年代，推出咗 SSD，成立正面信贷资料库，根本就唔喺针对楼价，
而喺修正楼市嘅运作机制，而楼价，仍然喺由市场供求决定。可惜，到咗
庸政年代，施政流於政治化，为搏取掌声，不惜脱离市场现实。所谓，
消极施政，已经讲得太多，唔再重复。
我从来认为，
金管局，只喺做好监管嘅角色，同庸梁嘅加辣，基础上，喺两码事。不过，庸梁辣招，当然会令到楼市，
产生结构性嘅变化，间接影响金管局嘅决定。当楼市，
失去咗流动性，咁楼价，亦自然失去指标，而金管局，就惟有趋向保守，调低杠杆比例，降低借贷风险。呢个就喺，我以前多次提及过嘅，
金融扭曲。
曾氏好多政策，唔喺俾庸梁滥用，就喺俾佢 band 咗。好一个焚化炉计划，埋门一脚，俾庸梁一句话就攞嚟泡咗汤。曾氏将楼价，引导返去供求主导嘅正轨，庸梁就打断换楼炼，破坏市场流动性，令楼价失去指标。
所以你话，
未竟全功、未捣黄龙，套用响庸梁度就啱。至於金管局，会唔会放宽，或者调节逆周期措施，喺唔会单睇楼价，呢样嘢，
财爷曾已经讲得好清楚。我响
17/F，叫各位地产界人仕、楼市评论员，唔好以为，攞住啲咁少成交量嘅楼价数字，就可以叫金管局做嘢，喺因为，要放宽逆周期措施，
一定要先打通换楼炼，令市场回复流动性，咁金管局，先至有条件对楼市风险，作出较近乎现实嘅评估。
即喺话，
个波，喺响庸梁度，而基於政治考虑，庸梁喺唔会随便拆自己个生招牌嘅！
既然喺
MISSION IMPOSSIBLE，咁啲地产界人仕、以及楼市评论员，出尽九牛二虎之力，有咁衰讲到咁衰，仲有乜嘢意义？
攻击弱势屋苑，恐吓银行，令银行调低估价，令银行向本来差少少，就过到关嘅生意人开刀，就喺为咗，要令金管局做嘢？良心，过意得去咩？十郎兄，
好多嘢，喺一环扣一环，唔喺你想像中咁简单。
讲到地代，都喺果句，政府要做嘅，喺监管市场嘅「运作」，而唔喺监管个「价」，更加唔应该为咗地代有冇生意而做嘢。
任何行业，都一定要与时并进，适应环境，先可以生存。可惜，好多地代，唔喺托价，就喺锄价，用嘅手段，层出不穷，我只能奉劝佢地，
做好自己嘅角色。成就交易，喺要了解买卖双方嘅差异，拉近差异，同提供客户相关嘅服务，而唔喺净喺识得，死锄死托。
至於你话，啲留言版硬好，仲叫人入市买货。
我之前都话过，呢度冇人，会好过份咁，斗胆叫人冇能力，借财仔都要迫上车。
呢度喺地产网，响地产网，鼓励人买楼，喺冇问题，唔通鼓励人买股？楼市买卖，门槛高，过程复杂，所以成功买咗楼果啲，
一定喺自己嘅决定，关啲「硬好」乜事？所以呢，唔使咁上心嘅！
App下载
