跟本有人控制测量师的估价

This is probably the only bright spot I see in the whole report. 

谁人能够做仲裁才是整个问题关键所在，而点解政府不相信测量师，........

可以由使用500亿社福开支的人来仲裁???????????

【珍惜香港】

上次好长气咁问咗博士啲嘢，不过喺响凌晨 post，我假设博士睇唔到。

寻日阁下果两篇文章，令我感觉好无奈。你话庸梁今次呢份施政报告可以接受，甚至值得表扬，请恕我肤浅，我完全理解唔到。你自己觉得派钱冇所谓，话施比受更有福，OK！不过，唔好代表埋其他生活响水深火热中嘅纳税人讲呢啲嘢。庸梁派钱，唔喺多少嘅问题，喺点解要搞恒常化？佢要同财爷斗气，就关埋门斗饱佢，唔好攞香港嚟较非！做得纳税人，唔介意交税，之但喺你一边攞佢地啲钱去派，另一边嘅经济政策就交白卷，继续锁港打残百业，断佢地米路，咁点讲得过去？你又讲到庸梁咁醒，识得同果两只乜乜基金对著干喎，又请恕我肤浅，我真喺觉得好牵强！佢成日扮到自己咁「果断」咁去对付啲自力更生搵两餐嘅人，点解又唔识咁「果断」咁去摺埋果两只嘢？

你又话，施政报告终於承认土地供应不足，我又完全理解唔到，果个庸梁几时有否认过土地供应不足？佢都唔知几清楚！唔喺佢又点会话呢个喺乜乜非常时期，要搞埋啲乜乜非常手段呀？点解博士到咗今时今日，仲要好似年半前咁去同佢护航？佢搞 3D 辣招，喺曾荫权跣佢？果两只乜乜基金，喺双曾醒佢嘅烂摊子？佢搞唔好土地政策，喺长策会无能？咁佢自己冇脑架？如果要话唐英年喺猪，咁佢又喺咩呀？我就睇得好简单，事实喺，神喺佢，鬼又喺佢，乜嘢长策会，只不过喺佢个喉舌啫！你话长策会要集体辞职，我就话佢自己先至要辞职！

土地政策，本来就应该喺一个在商言商嘅问题，官商本来就应该勾结，有乜唔妥？响低税率嘅大前提下，地产就喺支柱，呢个就喺现实，现实喺要嚟面对，而唔喺要嚟逃避嘅！作为一个国际化商业城市，最直接同正面嘅治港模式，就喺当生意咁做，唔通学毛主席咁？点解唔可以用协商同互惠互利嘅原则去解决问题，下下都讲到要对著干至得？本来就应该喺在商言商嘅嘢，搞到咁政治化，搵边个嚟仲裁有 Q 用？咁 3D 辣招呢啲咁嘅嘢，永远都唔使旨意撤啦！

如果阁下觉得呢份施政报告冇搞加辣就叫可以接受，咁你未免要求太低啦！佢喺边个？特首嚟架！阁下对呢个特首咁仁慈，知唔知喺对香港好残忍？佢有种派钱，就要有种为香港解锁，即喺话，要撤辣招、撤限奶令、优化自由行、大搞医疗同教育产业等等等等，要首先重点支持香港本身已经有优势嘅嘢，而唔喺搞埋啲已经失势咗 N 年嘅乜乜呃钱科技！佢可以做到咁，先至算喺可以接受！

好可惜，博士原来仲对呢个庸梁抱有期望，一有机会就同佢解话，替佢护航。不过我认为，黑嘅嘢，喺唔会响一夜之间变成白嘅！我响前日果篇长嘢度问过阁下，依家重点睇庸梁？阁下当日挺梁，咁依家算唔算喺转咗軚？而因应呢个改变，阁下又有冇 review 过自己对前朝同曾荫权，甚至喺对唐英年嘅睇法？我咁问，唔喺要抽你后脚，只不过我认为，如果阁下转軚，只喺因为庸梁达唔到你嘅期望，而冇对自己嘅一贯理念作出过基础上嘅修正，咁呢个转軚，喺全无意义。今日你对呢个庸梁失望，他日你就会期待第二、三、四个庸梁出现，一个又一个失望，没完没了。

但喺睇嚟，我已经有咗答案。

【珍惜香港】续 4/F

不过，我仍然希望自己喺睇错，所以我会将我前日果篇长嘢响度抄多一次，顺便改啲嘢同加啲料：

所有曾经真心挺过梁嘅人，都有一个共通点，就喺遇人不淑。遇人不淑呢样嘢，唔一定会致命，有啲成功人士都有呢个问题，其中一个典型嘅例子，就喺又搞平价航空又搞数码电台果个电子工业家，喺边个就唔咁直接讲啦。我自去年九月底开始响度留言，对博士嘅文章都好欣赏，不过我可能要赠你一句：切忌遇人不淑矣！

真正嘅大师，喺可以 sense 到宏观里面嘅决定性因素，去判定今日同未来一啲重要嘅事实。

乜嘢喺宏观里面嘅决定性因素？仲记唔记得响特首选举初期，庸梁落区拉票，有市民大赞佢嘅八万五，佢点答人地？佢话喎：你赞我闹我都好，实事求是啫！其实，八万五喺咪真喺佢搞出嚟嘅，已经唔再重要，因为单睇佢呢个答案，就已经好肯定，呢个人绝对唔可以做特首！后嚟佢见势色唔对，又改口话：八万五喺彭定康留落嚟芝嘛！一个咁冇承担嘅人，你对佢可以有乜期望？之后好多嘢，包括星岛「一铺清袋」论，梦熊饭局等等，都一一引证咗对佢嘅呢个结论：

有功自居、有错不认；好大喜功、漠视协商；心胸狭窄、拒纳意见；恶者奉之、贤者拒之。

佢呢啲特点，特首选举果阵我以署名珍惜响 i-cable 嘅留言都讲唔少（参考：１、２）。我只喺一个蚁民，一个物业长线投资者，唔喺乜嘢大师，我亦唔认为佢呢啲嘢要去到大师级至睇得穿。咁点解当时咁多香港人睇唔出，就连博士响果阵都睇唔出？原因可能就如当日我响 i-cable 咁话：「活在繁荣的大树下，看不顺眼一点枯枝就要换掉整棵大树；港人如梦初醒，实还在梦中」。后嚟庸梁上咗任，就被笃爆佢响选举果阵用幅墙封咗个僭建喎；原来佢呢个特首运，喺一个横运嚟！咁香港仲点会有运行？跟住个元旦游行，阿婆嘅说话，一针见血：一个咁嘅人，几好都喺假！阿婆都可以喺神级，点解？呢啲就喺所谓睇穿咗宏观里面嘅决定性因素！

其实选委投票前香港人仲有一个改变命运嘅机会，呢个就喺我响 i-cable 另一段留言度提到嘅最后机会：理大全民投票。响百忙之中，我都要带埋屋企人去理大投唐英年，就喺因为我知道呢个投票喺好关键，如果我唔投呢一票，对唔住自己良心。果阵选委倒戈投梁本嚟已成大局，不过如果理大嘅结果喺唐英年跑出，咁阿爷唔单止唔会逆港人嘅意愿，反而仲会对我地另眼相看，结果选委一定回軚投唐。港人自发投票成功改变选举结果，意义何其重大！唔单止将会改写香港嘅历史，甚至会成为香港普选历程嘅一个重要里程碑！

真喺发梦冇咁早，原来大部分人远道而嚟竟然只喺去投一张白票，以为咁就代表乜嘢反小圈子喎！如果我喺阿爷，就真喺睇唔起你地呢班香港人，俾埋你都唔识拣，仲成个细路咁搞反叛，究竟你地够成熟去玩普选未？一个人要有资格去拣，就先要识得响有限嘅嘢里面拣，呢个根本就喺大人教细路仔嘅幼稚园道理！唔知大家当日有冇去投票？投咗边个？定喺投咗白票？唔使话我知，自己反思。

记得果阵响 i-cable 同挺梁者辩论，佢地讲嘅嘢，不外乎喺话经济好果阵，啲富商处处赚到尽，觉得曾班子向大地产商倾斜，庸梁就以民生为主，唔会同大地产商妥协等等。其实呢样对地产霸权嘅不满，有时亦出现响博士嘅文章度。博士文章对曾荫权嘅批评，主要喺两方面：一为政策倾斜大地产商，增加土地供应乏力；二为推出 SSD 等打击楼市政策，成庸梁辣招嘅始作俑者。对於呢两样嘢，我嘅睇法好唔同。

曾荫权接手老懵董嘅烂摊子果阵，只喺一句「做好呢份工」。呢个人谦卑正面，能者必拥之，所以一开始我就睇好佢；有人话佢只喺好彩喎，就算真喺好彩又点？一个有运行嘅人做咗特首，香港都会有运行，有乜唔好？况且治港唔喺玩泥沙，唔掂嘅话点会有运行，呢啲叫因果关系，睇庸梁就知。我虽然唔信教，但见曾氏作为一个虔诚嘅教徒，处事一定唔会逆天而行，后嚟得以证实，此人嘅作风，果然喺顺住大势走，唔会逆市。

我从来都唔认为有乜嘢地产霸权，就算有，都只不过喺香港经济结构衍生嘅一个大势所趋。所谓大势，只能顺，不能逆，因为冇经济，就冇民生；试问如果冇咗所谓嘅地产霸权，最低工资又点可能会 WORK？曾班子唔喺向大地产商倾斜，只喺顺大势而行，以协商而唔喺对著干嘅手法对人。如果土地供应真喺曾班子失职，咁庸梁大锣大鼓咁搞又点解会搞唔掂？依家庸梁搞到要盲目抢地去破坏香港嘅配套，博士先至知道，曾荫权喺为咗唔想牺牲啲乜嘢？

至於话佢将楼价飙升嘅问题归咎於物业投资者，何以见得？因为佢 SSD 等嘅政策？咁博士有冇谂过，一个作风咁顺势嘅虔诚教徒，点会响金融海啸啱啱过咗之后，大胆搞埋啲咁逆市嘅嘢？原因好简单，曾班子出招，根本就唔喺为咗要打击楼价，呢个只不个喺为出招护航嘅借口。我响另一篇留言提过，以前嘅楼市喺以炒卖主导，所谓嘅供不应求其实只喺假象。果阵啲地代，会特别优待啲炒家，佢地甚至将用家拒之门外。同一个吉盘，可以响短期内成交 N 次，呢啲所谓嘅成交量，同埋衍生出嚟嘅乜乜指数，根本冇代表性。

咁乜嘢先至喺真正嘅供求？

当物业嘅一个成交，喺会导致一个有需要住嘅人或家庭可以攞嚟住嘅，咁呢一个成交，先至算喺 fulfill 咗市场上嘅一个需求。

博士究竟有冇研究过，八万五真正嘅教训喺乜嘢？八万五只喺果，真正嘅因，喺老懵董同埋佢果只头马，即喺依家呢个庸梁，完全睇错哂个楼市，将当时嘅供过於求当成喺唔够供应！记得金融海啸之后，任总曾经警告过会有第二甚至第三波嘅风险。曾班子拣果个时刻出招，唔喺为咗满足响乜嘢电台讲过乜嘢嘅人，而喺因为果阵正喺楼市应金融海啸调整后反弹嘅时刻，响呢个 timing 顺势出招，对个市影响最细。真正嘅目的，唔喺要打击楼价，而喺要清除摩货及短炒，令到以上所讲嘅真正供求实况透明化，再加埋优化楼按质素及透明度，嚟避免重滔当年八万五嘅覆辙！所以我将佢取名为曾任改革，呢样嘢，其实唔喺净喺用嚟保护本港金融体系嘅。

曾任改革，喺要楼市导入供求主导嘅正轨；真正嘅目的，其实喺要长远保护楼市！

博士讲过好多次，曾班子出招后，楼价应声下跌，政府沾沾自喜，但势估唔到后嚟会回升得咁快喎。不过我见到嘅事实同博士讲嘅好唔同；楼价应声下跌，喺因应炒家离场，市场自我平衡至供求主导嘅结果，后嚟回升，亦只喺因为市场开始进入真正嘅供不应求。呢啲嘢，曾班子已经预咗，响供求实况透明化之后，再重订房屋政策，可惜果阵已经供应乏术。如果曾任改革早响董政时代执行，供求透明化之后，老懵董就唔会睇错市，亦唔会有八万五，而香港嘅楼市亦会避过咗果一劫。

所以曾任改革，绝对唔喺庸梁辣招嘅始作俑者，庸梁自已先至喺自作俑者，佢嘅好大喜功，将曾班子嘅心血完全搞喎哂！如果当日喺唐英年当选，果啲乜乜辣招、打私院、打水贷、限奶令、废教育产业等等嘅消极废策，一定唔会出现，因为唐氏同曾氏一样，作风都喺顺住大势走，唔会逆市！而唐氏会更胜一筹，点解？因为佢冇曾氏果种打工仔心态！不过有人笑佢喺猪喎，而我就觉得，一个谂得出公私院互补呢种双赢概念嘅人，喺唔会差得去边；况且，一个特首自已有几叻，唔喺最重要，能者拥之，先至喺最重要！

最后提埋呢次：如果挺梁，只喺为咗不满前朝嘅一啲现状，而宁愿去信埋哂啲咁嘅人，期望一个咁嘅人可以带嚟一啲改变，咁好抱歉，你呢个期望，喺永远唔会实现；如果一个转軚，只喺为咗有人达唔到自己嘅期望，而唔喺对自己嘅一贯理念作出过基础上嘅修正，咁呢个转軚，喺全无意义。博士解唔开呢个结，恐怕我就只可以赠你一句：切忌遇人不淑矣！

主宰命运嘅，喺人，唔喺数字。所以我重点睇嘅，喺人，唔喺数字。

香港发展地产系点揾钱，请汤博士参考呢段旧报导。

昔日地产新闻 2011年01月14日(Fri)

 

恒基新世界落禾沙已补价96亿

　香港文汇报讯（记者 颜伦乐）城规会今日将审批多项申请，其中最触目的包括恒基旗下三盘，其中与新世界合作发展的马鞍山落禾沙项目，早前申请增加3,200方米的非住宅楼面，以及增加2.6%单位数目至3,900伙、减少车位数量等，规划署未反对，料今日将闯关成功；但同系元朗和生围项目，拟建358幢洋房，则因未有详细的湿地保育计划等理由，遭规划署反对。

　恒基与新世界合作发展的马鞍山落禾沙项目，早於09年10月完成近96亿元补地价，每尺补额约3,243元。发展商早前向城规会申请增加3,200方米的住宅楼面，以作准许兴建有盖24小时开放的公众行通道及附属设施，随后并修订项目的发展参数，包括修订最高物业高度由127.5增至129米，单位数量由3,800伙增加2.6%至3,900伙，但平均单位面积亦减少2.6%至873尺等。

　同时，项目各类车位数量亦减少5.7%至1,353个，发展商并将发展期数由之前分7期发展，减少至分6期发展。规划署认为，有关修订获相关部门同意，而主要修订为高度，属轻微修订，未反对申请，料今日可获城规会通过。

呢个项目叫『迎海』，分几期发展，土地成本加补地价每尺当你 3.5 K，加上建筑成本 3.5 K，总共系咪 7 K？

迎海呢个盘 12 年尾开第一期实尺 1 万，最近开星湾价格相若，即发展商「大赚 4 成几」喎！

 

喺感觉就系事实嘅现况下，呢个仲唔系地产商无良嘅有力证据？

 

想当年CCL 指数喺 09 年 10 月约 73 点，恒基与新世界完成近96亿元补地价，每尺补额约3,243元。

因为文件往来需时，咁计对上几个月政府批呢个补地价应好合理，而嗰阵 CCL 应唔够 70 点，即比照现在 CCL 系 120 点，4 年多大市升咗 7 成！

四叔申请补地价嗰阵，政府应该揸到个价好尽，所以当恒基公报佢哋接受政府开出补近96亿元地价嗰日，四叔已经拜神唔见只鸡，可知每尺补额约3,243元，根本就系市价！

 

结论就系-----如果呢个迎海项目最终有赚，亦只不过系地产商看对后市咋！

 

而喺今时今日，政府话明你楼市再升的话，咁政府就会毫不迟疑再出招，那麽在有输无赢的环境下，地产商如果仲走同政府申请补地价嘅话，拒哋个脑一定出咗问题！

 

而MTR嘅项目亦可参照上面嘅分析！

mtr 嘅项目, 地基已经打好左, 啲站仲要有咁大得咁大, 分分钟仲系乘客出钱起, 条数计法应有唔同.

唐英年连庸梁都赢唔到，俾人食住上，怪得边个？佢有几广阔胸襟，但到只狼扑到埋来先意识到个危险性，又怪得边个？佢俾巿民官商勾结嘅形象咁深，点解唔系选举工程上下苦功？最尾连阿爷都放弃佢，又怪得边个？呢铺系注定香港人要输！

路上，对香港来讲，点都好过路母西条seven 头。

TT最低限度不会玩死香港。

资本主义从来都是官商勾结，如果不要官商勾结，请求北韩。

个重点系，你几叻几有凝聚力，都要你坐到正先讲假。正如你考大学，你都要考好个DSE假。个考试制度系咁，你一系唔玩啫，你落得场玩就要谂下点考高分同埋点㩒低人啲分！我唔系话要零官商勾结，系要点样淡化个色彩，等多啲公众接受。都系嗰句，系全香港陪佢一齐输。

"珍惜香港" 君每一片言只字，更胜千军万马。可见香港市民当中不乏卧虎藏龙之辈，在下佩服得五体投地 ！

"珍惜香港" 君每一片言只字，更胜千军万马，可见香港市当中不乏卧虎藏龙之辈。在下佩服得五体投地 ！

大部分香港人都是非黑即白，以为CY唔好 = TT好, or vice versa!

珍惜香港君：
听君一夕话，胜读十年书。
佩服，佩服 ！

非也，我们只是反对共产党。所以对饭民和CY,都一样讨厌。

假如连政治危机都化解唔到甚至察觉唔到，你身边啲奇人异士帮你挡得几多箭，救得你几多次？你个团队点有效施政？你捱唔捱到个任期完？

to 7/F 亮剑

即发展商「大赚 4 成几」喎！ - 但不要忘记，这 4 成几利润是由一个 4 年多之发展项目所得，平均每年约10%，并不是不合理。

吓窒业主 居屋公屋掀减价潮

本报讯】政府企硬不撤回楼市辣招，特首梁振英任内第二份施政报告提出大幅兴建公营房屋，其中居屋供应更由每年5,000个大幅增加至8,000个，增幅六成。消息即时震散本已疲弱的二手楼市，居屋及公屋首当其冲，天水围有居屋劈价一成走货，私楼亦受波及。
记者：朱连峰

成单野唐点解会输。
实事是当因委仔仁搞到唐公子讲错野：推双普选：
即晚司机朋友车有票老细去深圳见乔公接旨、
跟手民贱联表态支持路姆西。
白白都冇甘白哪。
当主子唔一定要叻，要睇佢既助手。
当日任縂话会帮唐公子，盛志文等等能人。
要知刘备得天下亦是身旁能人之助。
路姆西、、、、谂样就一大堆，首选流精华。

【珍惜香港】TO：14/F Andy

当日有种去理大投唐嘅人，唔喺你讲果种非黑即白既心态，唔好低估呢一小撮人！

黑就喺黑，白就喺白。黑响边度，白响边度，我上面篇长嘢已经写得太清楚，唔想重复。

不过，到咗今时今日先至识转軚嘅人，心态就各有不同。好似我上文咁话，要是乎呢个转軚，喺唔喺只喺为咗有人达唔到自己嘅期望，定喺对自己嘅一贯理念作出过基础上嘅修正。都喺果句啦：

切忌遇人不淑！

【珍惜香港】TO：9，11，17/F 永言

我唔否认，唐唐响选举果阵，真喺几懒嘅！一个懒人去考 DSE，输咗，唔出奇；不过，佢又输咗啲乜嘢？要怪嘅话，怪边个？

原来当日去考 DSE 嘅，唔喺唐唐喎！咁究竟喺边个呢？咪就喺香港人罗！

唐唐虽然几懒，但起码佢都叫做知道自己考紧试嘅；香港人，连自己考紧试都唔知！

仲有，阁下太高估响香港啲民綷嘅威力。响特首选举果个时期，民綷其实唔太严重，只要守得住经济，乜嘢都可以化解。到咗今时今日，啲民綷搞成咁，其实只喺俾庸梁嘅消极施政放大咗。你以为特首喺流架？上得到呢个位，咁易会被人拉番落嚟？你好担心唐唐捱唔捱到个任期完？我反而觉得，如果呢个将香港搞成咁嘅庸梁都可以捱到个任期完，我就可以好肯定咁讲，唐唐唔止可以做足成个任期，佢甚至会连埋任添！

香港D测量师好少俾人告，反为建筑师大大镬比人告就有［九仓告甘铭］。近年测量师行俾人告好似得一单商铺估错价一两亿，如果D买家或者卖家经常发褛蚁动不动告人，测量师行会准确D罗！

5楼 珍惜香港

【珍惜香港】TO：22/F 煲浪追浪

所谓观人於微，一个人嘅心理反射，喺会好容易会响行为上面透露出嚟。如果阁下有好细心咁睇当日果三个准特首嘅辩论会，就唔难发现，你讲果个委仔仁，响后期嘅立场已经好明显咁大细超，佢甚至不自觉地成个身都侧咗埋去唐公子果边。我可以好肯定，佢响果阵已经睇清楚庸梁嘅为人，甚至可以话同唐唐惺惺相惜，只喺碍於身份唔可以做到咁扬。所以佢唔喺搞到唐公子讲错野，呢个只不过喺佢地太啱咀形嘅 side effect。

其实，双普选呢个问题，唔喺响阿爷度，而喺响香港人果度。你要人地俾你拣，就要先证明俾人睇你识拣，呢个喺你嘅责任，唔喺人地嘅责任！作为父母，如果你嘅细路只喺识得扖地扭计搞破坏咁去同你争取，你会唔会放俾佢？呢个唔喺乜嘢人权问题，唔喺乜嘢国际标准，喺你够资格未！所以点解我响上面咁话，果次理大嘅全民投票，喺好关键。两个都喺阿爷 approved 嘅选择，香港人有种搞全民投票，由一个结果改变成另一个结果，阿爷点解唔 buy？你咁有骨气，莫讲会听哂你话，你要搞双普选，WHY NOT？

不过咁，你要扭计投白票，依家仲搞埋占中，怪得边个？所以点解话，香港人，连自己考紧试都唔知！

【珍惜香港】TO：27/F 法子

我地呢一小撮人，真喺搵多个都难。再识多一个，好开心！

由贴文开始，小浪是极度对大话英这人反感，
小浪为人好简单，只有黑及白，没有灰的存在。
好是好，坏是坏，没有不好坏，
単说两蚊车船津贴，其实好完善。
再搞小巴两蚊，划蛇划足，多此一举。
先说老人家坐小巴是极度不便，
加上安全问题，简直是低能白痴之举。
要搞搞社区饭堂，让老人家食便宜饭。
派福利从来是有作为政府之法，
搞社区托儿护老，让有能力的人仕腾出从投社会工作。
派福利买民望，是极无能之政棍买票板斧。
因自己时间太少，想写多D正面贴文亦有心无力，
只可写丢路姆西大话英短文，
万物归一法，大话英落台香港先有运行。
今年小浪book定鹅颈稿七婆帮手，
打七个杏家橙小家小气小喇叭既小人大话英。
祝条仆街早走早箸，一路好走。
在此谢过珍惜兄回文。

7,466最后更新: 0119 17:22 / 建立时间: 0119 14:06适中字型较大字型何家达摄《明报》撤换总编辑风波未了，由《明报》老板张晓卿亲信吕家明负责的加东版《明报》，继续封杀所有提及该报撤换总编辑的文章。公民党主席余若薇直言，加东版《明报》抽起专栏文章的做法是「行动已证明一切」，认为新闻自由收窄已非单一事件，「香港人唔可以再沉默」。至於《明报》高层声言撤换总编辑只是正常人事调动，前政务司司长陈方安生回应指，传媒影响力大，相信事件并非纯粹私人机构人事调动这么简单。

珍惜香港:100%同意、拜服。

【珍惜香港】TO：网主

5/F 留言第四段，应该喺：星岛「一铺清袋」论，唔喺：明报「一铺清袋」论。

方便嘅话，请帮忙改番啱佢，谢谢！

To 32/F, 我不肯定你指的是不是我，我两段留言的结尾都强调香港陪佢一齐输，我唔知点解会解读成我幸灾乐祸同埋连自己输左都唔知。
To 珍惜兄，我唔系唔明白梁生嘅种种问题，我只系理解唔到唐生响竞选时的表现，点样说服到大部分香港人去信佢得，你讲香港人唔识选我唔否认，正如你地都讲了解真相嘅人只得少数，即系识答呢份卷嘅人得少数。。。我第三次讲，系香港人陪佢一齐输，责任虽属？就佢本人落败责任，绝对系佢自己。就香港输嘅责任，我只能够讲系香港特别行政区嘅所有持份者！！！

普选不普选不是我们关心的，事实上香港的奇迹根本同民主无关。

香港的成功依靠的是资本主义，这是香港的核心。

但是现在最大的问题，饭民和CY等政客为了争取基层的票，大搞社会主义，大搞大锅饭，最终一定会出卖香港。

【珍惜香港】TO：32/F Hongkong People，34/F 永言

相信呢年半以嚟，好多香港人，都变得好迷惘。不久之前我响一篇留言度讲过，庸梁继续当政，会越嚟越多人中招，连支持佢果啲人都唔会幸免，所以越迟醒觉嘅人，伤得越深。

但喺又唔需要太灰心嘅，中国有排都未可以全面开放，我地仲有时间。庸梁又唔喺成世做特首，连到任嘅机会又近乎零，佢喺玩唔死香港嘅，不过下一任特首就真喺多得佢唔少。几十年嚟，香港都喺咁起起跌跌啦，千祈唔好谂移民，要对香港有信心嘛！

讲到自私呢样嘢，我近排都喺咁借金融扭曲呢个境去从中取利罗，只要行正路，喺冇乜问题嘅。都喺果句：机会一定唔会放过，但做人就唔可以咁黑心。一个人唔为自己，点对得住父母同埋屋企人？只要守住呢啲原则，自私都可以好 OK。

至於 Hongkong People 果啲 comment，相信佢喺冇恶意嘅，唔好咁上心。我上面果两篇长嘢都喺咁锄博士啦，只喺想赠佢啫，一样冇恶意。至於唐唐落败呢样嘢，我只喺从一个好简单直接嘅角度去睇。正如刘备三顾草庐请诸葛亮出手相助，当然喺刘备需要诸葛亮，多过诸葛亮需要刘备。用诸葛亮嚟比喻唐公子，似乎太褒奖佢啦，不过香港人的确喺需要佢胜任特首，多过佢需要坐特首呢个位喎！

【珍惜香港】TO：36/F 掹车边80后

「总之唔好卖自住楼」，响呢个时势，呢句最啱听！

啱嘅，呢四圈恶打，再起个东换个庄再玩过，最紧要呢四圈唔好输爆棚。如果无信心玩唔落去，倒不如起身去第度玩锄D罗。

【珍惜香港】TO：网主

真喺改咗！我唔喺 user 都肯帮我修正，好感激阁下！