网主宴客之后，大家都纷纷体现承诺，响呢个月之内，至少各写一篇专栏文章。最后
Sugar 姐都出咗文，即喺已经齐全。我话过，或许会出「
十四篇后感」嘅
续写，但考虑到，再玩多次炒埋一碟，似乎唔太恰当，咁就不如认真啲，开个 TOPIC。不过，为表对各位嘅敬意，我会以十四篇之后，先至出文嘅网友文章，引入主题。
收租佬嘅「专业」咁就由
Sugar 姐嘅精彩故事讲起啦！话说，租客迟咗十日都未交租，收租婆先至打电话去追，而且仲唔止一次喺咁。我觉得呢位收租婆，太好人，标准租约订明，租客必须响应缴之日嘅七日之内交租。迟成十日至追，人地唔会多谢你，只会觉得你冇所谓，可以再拖，久而久之，就演变成拖租嘅习惯，次次要追，好麻烦。
记得我有个租客，一向准时交租，但有次就迟过七日。我第八日就 SEND 咗个 EMAIL 俾佢，再加一个电话，发出义正词严嘅警告，话准时交租，喺租客质素嘅重要指标，再有下次嘅话，我可以即时终止租约。结果佢道歉之余，仲即日安排过数，之后咁多年，佢都喺响应缴之日，或之后最快嘅工作天交租。除咗有次，佢迟咗五日，虽然仲喺七日之内，但佢都 EMAIL 我解释。你底线清晰，人地反而会尊重你，作为收租佬，秉承合约精神，喺好重要。或者，呢啲就喺，收租佬嘅「专业」吧？
其实收租佬，冇话专业唔专业嘅！尤其喺住宅收租佬，好多都唔喺生意人，收租亦只不过作为储钱嘅副业。但商用物业嘅投资者就唔同，好似
CD ROM 买车位，都要同 MORTGAGE LINK 比较一下，而
占士兄呢，每件物业都要去计 ROI，真喺几专业。不过，如果投资物业，超越咗储钱退休嘅规模，成为正业嘅话，咁就算喺住宅收租佬，都唔可以唔专业。而呢种专业，亦唔单止喺我上段讲嘅合约精神咁简单，而喺响操作上，要好似
自醉兄咁，
有策略，同适合自身情况嘅一套
投资法。虽然自醉兄果一系列文字式 IF、THEN 流程，专业到连我呢个专业机构投资者，都睇到头昏，但我相信，好多实战投资者，可能亦不知不觉咁，运用紧自醉兄提及嘅策略同投资法，坦白讲，我都有用紧一啲。能够将投资行为，有系统咁归类、分析，总结成一系列流程，自醉兄嘅专业，令人佩服。
更上一层嘅「投资理念」如果要响投资方面，更上一层，就必须要通过参透宏观，去建立自己嘅一套「投资理念」。呢味嘢，好概念性，亦好个人化，但对投资行为嘅影响，比任何专业操作更重要，亦喺成败嘅关键。我经常提及，
积极正面嘅投资态度，就喺一种投资理念。正如
2011年开始讲嘅「硬好」，亦喺一样，世上任何事物，都有正反两面，同样地，
物业投资，都有好有坏。硬好，将事物嘅正面，尤其喺世人忽略果部份，抽取并加以善用。就好似，
无奈兄嘅魔女篇，提到加息，可以喺「危」，亦可以喺「机」。无论任何环境，都总会有投资机会，问题喺，你搵唔搵得到。要对自己身处嘅地方，坚持硬好嘅信念，先至有机会搵得到，有如大海捞针嘅投资机会。而就算搵唔到，响锲而不舍嘅过程之中，亦随时会发掘出新嘅机遇。呢个世界，就喺咁奇妙。
真正嘅「专业」早前，我响
一篇回应里面话，唔好对「专业」呢味嘢，太认真。好多所谓嘅财演，自命大师，讲就天下无敌，但有几多个，自身同时又喺成功嘅投资者？佢地自己嘅投资规模，又有几大？专业，喺好难定义，但如果你拥有认可机构，颁授一个认可嘅学术或专业身份，咁你亳无疑问，可以话喺一个「专业人仕」。不过，一个专业人仕，唔一定好专业；唔喺专业人仕，又唔一定唔专业喎！我认为，操控资产嘅规模，同投资者是否专业，有间接嘅关系。当然，规模细，都唔代表唔专业嘅，但规模大，就一定要好专业。试问，如果你操控住，过亿嘅资产，点可以唔够专业？又如果，你背住，过亿嘅负债呢？少一啲专业，都会死得好惨啦！
响「
真正嘅第十个人」，
揭盅篇里面，我话过，真正嘅赢家，唔喺睇你点估，而喺睇你点行动。同样地，真正嘅专业，唔喺睇你点吹，而喺睇你点做。
专业投资者（PI）记得三个月前，我提过一下「
机构投资 PI」，结果就惹嚟一阵风波。大家都喺太著眼於 PI 呢个身份，但有一位嘅回应，只提机构投资者，唔提 PI；呢位心水咁清嘅回应者，就喺
神算兄。
其实 PI，真喺冇乜大不了。PROFESSIONAL INVESTOR（专业投资者），简称 PI，喺响证监规定之下，投资产品供应商，或银行，赋予客户嘅一个身份。PI 入场，喺八球流动资产，好多人都做得。咁做 PI，有乜著数？坦白讲，冇乜！只喺有部份投资产品，例如阿里巴巴上市咁，普通投资者唔买得，PI 先至有权认购。唔好以为，呢啲喺乜荀嘢，入场银码大之余，条款又辣。不过 PI，即喺专业嘛！条款上，使乜保障你？差唔多一年前，银行介绍过一只人仔基金，只有 PI 可以买，好彩冇中招。做咗 PI 几年，呢啲产品，我一件都冇入过，真喺几羞家。
所谓，有权有责，你有权买啲冇乜保障嘅荀嘢，当然就要背得镬。简单讲，PI，同另一个普通投资者，就算买埋同一只嘢，衰咗嘅话，普通投资者有得赔，PI 都冇得赔。点解？都喺果句，PI，即喺专业嘛！点可以扮唔识话俾人呃？所以，响我嘅眼中，PI，同水鱼冇分别，不过要强调，呢啲纯属我个人意见。希望各位明白，有好多 PI，都喺富豪级，得罪任何一位，都唔使旨意有运行啦！
就好似早前，
中国再保招股，都吸引咗机构投资者，同富豪级嘅 PI 认购。作为机构投资 PI，我当然亦有权玩，不过呢，人地喺 BIG PI，输得起；我喺 SMALL PI，输唔起。再者，人地入货果阵，就大锣大鼓啫，但佢地几时沽货，你又唔会知喎！人地嘅投资，有人睇住，佢地嘅交际群，互通消息，而我地呢，就要食自己。所以话，陪玩，都要讲资格嘅！
或者，我应该修正一下之前嘅讲法，应该喺，未达富豪级嘅 PI，同水鱼冇分别。
机构投资者：GIVE AND TAKE咁点解，我仲肯去做 PI 呢？原因好简单，纯粹商业决定。当你嘅投资规模，扩大到咁上下，银行就会推你上 PI。当然，你可以拒绝，但作为生意人，有啲嘢，唔使人地讲到明。你要做大，银行梗喺非常欢迎，不过，佢地都要考虑同你合作嘅风险。又要做大，又想好似啲老散咁，随时可以扮失忆，搏赔偿？边有咁著数？呢个世界，好 FAIR 嘅，GIVE AND TAKE 啫！
我之所以赞
神算兄心水清，喺因为 PI，的确冇乜大不了，但机构投资者就唔同。所谓，机构投资者，即喺以公司名义，作出投资。呢种模式，成本高，要报税，又要年年做数，如果规模唔够大，都喺私人投资著数啲。不过，以公司名义投资，同其他金融机构合作，尤其响融资方面，会较有弹性，而金管局对机构投资嘅规范，亦较宽松。作为机构投资者，我要定期做 FORECAST，BRAINSTORM 新嘅思维，同拟定未来嘅投资策略，同自己交待，以及同金融机构伙伴交待，以谋共同发展嘅机会。机构投资，喺有利於分散投资，同引入创新嘅投资模式，所以发展嘅空间喺无限。
机构投资喺一盘生意都喺果句，GIVE AND TAKE。机构投资，一定要有生意头脑，
投资，喺当一盘生意咁做，所以，唔到你唔专业。正如
Oscar 兄，由物业开始，到进军投资企业上市，唔喺私人投资可以做到。一个细嘅机构投资者，专业方面，唔会输俾一个大 PI。
讲到呢度，唔知各位对「专业」呢味嘢，会有更深嘅领会，定喺俾我搞到，一头雾水？哈哈！
我会响下一篇，分享自己作为，专业机构投资者，嘅一啲体验同体会，而当然唔会少得，我早前提过嘅，
三个十倍啦！不过，大家唔好抱太大期望，细节上，我唔会写得好具体，而数字方面，亦只会喺比例上嘅表达，略过基数，唔会透露真正嘅规模。咁喺基於私稳关系，请各位见谅。
今日写住咁多先，下回见！
App下载
