地产博客 > 资深会员专栏 返回
浏览人次:179283    回应:221
资深会员专栏

真正嘅第十个人

 

珍惜香港

法团专业投资者
SMIEEE.MSc(ICDE)
http://facebook.com/hongkongtruevalue/
2015年8月7日
记得「」里面,我话,响呢个专栏度,三傻一日未出文,我喺唔会出文。

所以,今日呢篇,唔会喺乜嘢文章,只喺一个「召集」。

呢篇「召集」,同法子兄响 2014/05/242014/06/06、及 2014/06/12 果三篇 CCL 竞猜,性质上喺一样。不过,今次个竞猜题目,唔喺 CCL 噃,而喺:

* 美国联储局,今年(2015)之内,会否加息?
请选择
最后投票日期:2015年8月31日

呢个题目,当然冇估 CCL 咁吸引啦!但我话过,楼市升跌,涉及好多人嘅得失,唔喺攞嚟赌嘅!就睇呢排,地产网一片淡风,啲好友唔知去哂边。其实,睇好睇淡,冇乜所谓嘅,但讲到要人地跳楼打杷,又话惊死中央出招救港之类,就真喺太唔应该。我讲过好多次,机会当然唔放过,但做人就唔可以咁黑心

我一向唔钟意评论楼价,因为我唔想用楼价升跌呢个理由,去影响人地买唔买楼嘅决定。尤其喺自住,买楼与否,换楼与否,喺视乎个别人士或家庭嘅需要同能力,而唔喺基於对未来楼价一个毫无把握嘅赌注

其实,我反而觉得,息口呢个议题,比楼价更重要。所谓,万物归於实体,真正嘅息口,就喺催化经济嘅成本,最终幻化成各行各业嘅发展荆途,点会唔重要?了解息口,喺了解宏观经济嘅基础课题,长线投资者必备嘅条件。楼价,反而只喺冰山一角,大家何必咁执著?

不过,如果有人问我,怕唔怕加息?我会话,加又得,唔加又得。都喺果句,长线投资者,喺睇长线,一个加息,喺唔会令到一个长线投资者,作一百八十度嘅改变。

回正题,点解呢篇叫「召集」?上星期,我再次重申,我仍然维持,美国今年之内唔加息呢个预测,仲话,我先至算喺,真正嘅第十个人。跟住呢,就即刻有人问,何需争做第十个人

依家几乎所有评论员,都一面倒咁,相信美国会响今年之内加息。有啲人,持相反意见,都只喺提出疑问,唔敢直接否定。咁又好难怪嘅,任何评论员,响呢个时势之下,仲敢做第十个人嘅,就真喺会押上自己一生嘅名声。所以,我今次提出竞猜,就喺想「召集」各位,睇下「真正嘅第十个人」,仲剩番几多。

各位勇士,响决定回应之前,唔该谂清谂楚。前日,有报导话,议息会议有投票权嘅洛克哈,认为九月喺适合嘅加息时机。寻日,又有报导话,市场估计九月加息机会超过五成喎!就算喺较保守嘅评论,都话预期十二月会加息噃!哗!呢铺狼来了,真喺好坚啫!依家仲够姜大声直言,话美国今年之内唔加息嘅人,唔通真喺胆生毛?

所以我认为,今期喺最 RIGHT TIME,向大家提出呢个竞猜:

* 美国联储局,今年(2015)之内,会否加息?
请选择
最后投票日期:2015年8月31日

而我自已,当然喺「真正嘅第十个人」,睇死美国佬今年之内唔会加息啦!不过,基於「」嘅承诺,我唔会响呢篇「召集」度,详述我嘅理据。其实,我之前已经谈及多次,有兴趣嘅话,可以参考以下两个系列:

环球经济新常态之一:债嘅机遇
环球经济新常态之续:资源论述

我曾经提过,话会写第三系列。如果三傻之一,响呢个专栏度出文,咁我亦会遵守承诺,将系列三写响度。唔喺嘅话,可能写响唔知边个回应箱里面,又或者唔写,要睇心情啦!

不过要声明,我今次绝对唔喺抽水。呢度每一个够姜答「否」嘅人,都喺平起平坐,都喺「真正嘅第十个人」,而唔会喺第 11、12 ... N 个人。至於持相反意见,只要肯表态,答「会」嘅人,都一样好勇敢,一样咁有吉士。讲到尾,大家只喺估估下啫,两边都会面对「输」呢个可能架!

最后一点要注意嘅,喺唔好以为,楼市好友,一定睇美国唔加息;亦唔好以为,楼市淡友,一定睇美国会加息。记住,利率同楼价之间,喺冇绝对关系嘅。唔明?就请重温一下余伟文嘅讲话啦!

希望各位拥跃表态!
 
 
我要回应
我的称呼
回应 / 意见
验证文字
 
会员登入
登入ID 或 网名
密码
1. cc 2015-08-07 10:14:52
我投唔会加息
2. 亮剑 2015-08-07 10:41:24
珍惜香港兄……
美国可能在今年加息吗?
我估最多一成机会吧!
加息永远在下一次开会嗰阵,哈哈!
3. 汤饭 2015-08-07 10:43:09
唔会.
4. 数据分析员 2015-08-07 11:06:55
讲就天下无敌, 做就有心无力.

我估不会加息
5. hifi 2015-08-07 11:17:24

老美经济大家有眼睇。有明显改善??

6. Fianncial Anlyst 2015-08-07 11:23:16
If you look at the market interest rate futures market, traders priced more than 50% of rate hike already for the rest of the year. If you look at Q1 2016, the probability is more than 80%. If you know what is the main function of central bank, you would not rule out the rate hike this time.
7. 亮剑 2015-08-07 11:28:45
在投资市场,周不时都出现呢种情况:
明明某只股票公布出来的业绩非常靓仔,派息又有显著增长,但股价就不升反跌,大户纷纷减持。 

其实呢度有两个主要可能性:
1 好消息证实出货。 
2 消息真系好,但呢个好消息其实比坊间的普遍预期有落差,例如好多大行其实预某股业绩有四成增长,派息多叁成;但出来的结果系增长只有叁成、派息加得 15%,而呢只股之前又基於「预期增长」被炒高,咁呢只股就会被大户洗仓。

咁呢度同楼市有何关系?

如果大家有留意香港私楼楼价在呢六七年系咁升,但买楼既人可支付的首期反而由 3 成半上到近 5 成,而供款占入息比,亦不断减少,跌到近 3成半。 
呢个现象我老友 PP 解读为:「当楼价越升,其实置业者反而越保守。」 
置业者用保守方式入市,政府用行政手段干预系其一;但另一方面呢 5~6 年自我去杠杆亦系主流。 

例如上车客 A 月入 3 万几,原本预 1M 首期,再用月入 4 成半上件 4 M 几。
但呢几年呢 D 客,就会问屋企人借多壹佰几拾,然后住远D住细D,买件 4 M 楼下,务求将供款占入息比例,压落到 3x %。

呢几年当大部分买家都可拿出 5 成首期,供款又只占入息的 3 份之 1,其实系代表入市者,已经自己同自己做埋一个比政府规定还要求高的压力测试。

在09年打后,当全世界都吹低利率年代即将告终,不日按息将会升至合理水平,咁如果喺呢段时间还入市,而你又无预埋利息将会上升者,佢哋若不是智障,都应该系无知。 

咁问题来了,如果近几年入市者,若大部分只系动用咗半力去供楼,那么有凸嗰 D,究竟去了那里?? 

合理而佢哋真系有做嘅,当然系储起佢啦,有 D 存 ML;有 D 攞去买股票或人仔。 

在呢篇文章起初,小弟咪讲,好消息若是给过度反映,股价可能在证实后不升反跌。

咁调转头讲,如果几乎所有新旧业主,都已经在几年开始,预咗香港按揭利息喺预见的将来会「正常化」,咁一旦加息真的系遥遥无期呢只,市场又会畀乜反应过佢?


8. TO so called financial anlsyt (not analyst) 2015-08-07 11:37:38
http://www.themoneyillusion.com/
latest TIPS spreads are downright scary if you believe the Fed should actually try to hit its inflation target:

5 year TIPS spread = 1.34%

10 year TIPS spread = 1.66%

30 year TIPS spread = 1.82%

Keep in mind that even if the Fed were on target for 2% CPI inflation, the 30 year spread will usually be a bit over 2%, because long term there is more tail risk of high inflation than deflation.  The 1.82% figure is worse than it looks.

And it’s even worse.  The Fed is actually targeting PCE inflation, which tends to run about 0.3% below CPI inflation, so those spreads actually reflect about 1.04%. 1.36% and 1.52% PCE inflation expectations.  That’s dangerously close to a position where the Fed could lose credibility.

>2% of 30 year tips almost implies deflation!  
9. yyfan 2015-08-07 11:53:11
唔会
10. 大胃IT人 2015-08-07 12:03:58
我投会加息
11. 过来人 2015-08-07 12:04:39
会,九月同12月都会
CCL 会系130咁上下。
12. HKTOM.COM 2015-08-07 12:19:49
唔会加息  !
13. 二叔公 2015-08-07 12:20:22

珍港兄文章好有意思,我跟你,美国佬今年唔加息。

14. yy 2015-08-07 12:41:52
我有准备加息,不过相信今年不会加。
15. Oscar Lam 2015-08-07 13:09:43
珍兄,

现在不是估加不加息的问题,而是估加多少息?

可否加上一项,如果加息,加多少?这样可能更加准确。嘻嘻!

在下估美国今年加息0.25%。
16. Oscar Lam 2015-08-07 13:16:31
更准确一些来说:

美国今年12月加息0.25%。
17. x 息 x 2015-08-07 13:29:47
耶伦已做到"大家有加息预期" 既结果, 所以效果达到又何需要再加息, 
18. 过路人 2015-08-07 13:34:35
我估今年唔会加息.
19. 朗晴 2015-08-07 14:27:57
如果年尾美国开始加息,相信香港行点都会推D定按Plan出嚟做下生意,但到今日重未收到风.
可能银行都唔信美国可以每年加一厘或以上.
维持早前同奥师兄打赌一客大X乐焗猪估算,15年尾加0.1等你心息.
20. Oscar Lam 2015-08-07 14:50:23
加0.1不如不加。

政治讲平衡。加0.25最能平衡各方利益。

维持年尾美国加息0.25。先多谢朗师兄的大X乐焗猪。

共食之,哈哈!
21. 我是15楼 2015-08-07 15:04:06
唔会加息
22. 屋村师爷陈 2015-08-07 15:19:23
珍惜香港兄,

系「视乎」✅,唔系「是乎」❌
系「毫无」✅,唔系「亳无」❌

「「依家几乎所有评论员,都一面倒咁,相信美国会响今年之内加息。」」

只系呢班评论员背后嘅金主已做足加息后准备,金主们已等咗好耐,评论员们仲唔发力听唔洗再有得lo。

换边箱,民生仍然处於「估*」加唔加息状态之下,对於这班估民嚟讲毫无准备或准备唔切下,其实已比呢班金主们迟哂啦。

息🔛一定会随时加,但几时加?!

我个人认为都要睇睇邻国央行会否有新一轮减息行动,如呢年内(2015)无,我估出年年头美国一定加息!!!

睇嚟年底中国央行快要减息,这个把握我会有!直至现在第二季尾都减咗2次啦,美国加息只能轻叹望尘莫及。

若果金主们在今年2015洗横手迫耶伦在加息议案上表态的话,正所谓一发不可收,易加难收,不断累加0.25点子时2015-2017就是息魔降世之年,最终息口可能十几廿厘与供楼承担压力爆煲就是楼巿调整之时。

如果比我讲中2015尾至2017系加息周期,在加息年初楼巿股巿继续向去,因为要有好嘅经济支持下息率才敢攀上。失业率减少,工资薪金大增,公司挖角潮涌,息口加了业主毫无影响,因为人会衡量收入及支出,你加息时我加租,租客也毫不畏惧我人工又系咁加,反而租楼So过买楼,都系租住先边租边储,待时机嚟蓄势待发。

但去到加息周期尾声时,人人也负担唔到息率带来嘅影响,业主宁愿见好就收,有些可能减价促销,楼股滙皆输,成街都见要钱唔要货嘅资深投资者,对於未上车嘅人来讲,当然这可能是最好时机,但适逢银行要call loan嘅时候,手上无足够嘅现金嘅人,哪有一间银行愿意借钱你哋去买楼?无足够现金嘅人唔洗等,下次大跌时再吼啦。
(醒起珍兄讲果句,勿估楼巿升跌,会误上车人或自住人嘅机会)

楼股滙输光输净嘅时候,可能直至2017-2020间,便好快出现QE4, QE5, QE6或以新型态出现。
以上年份只是用来做比喻,到真正的周期性出现时,有没有人像班金主们般早有防备及足够准备呢?

各位米再傻估了,做好属於自己的两手准备啦。
机会只留给有准备嘅人!
23. 引刀一快 2015-08-07 15:38:57
加唔加息都一样,减息楼市一样会跌。
24. middle middle class 2015-08-07 15:53:43
会。
25. 中年人 2015-08-07 16:36:50

我的楼己FP, 但我估不加

26. 怒妇炒鱼柳 2015-08-07 19:37:22
22楼:

我好同意你嘅讲法,因为神又系你鬼又系你,讲哂啦你!

计我话呢:唔加多过加!
27. 珍惜香港 2015-08-07 20:23:45
珍惜香港

TO:15/F Oscar Lam

阁下嘅意思,答案即喺「会」。不过,投「会」或「否」之余,当然欢迎更深入嘅预测同理据剖述啦!

坦白讲,近期大家讨论楼价,已经开始走火入魔。将创新高、劈价、执笠呢啲事件,根据自己嘅主观意志,讲成喺市场嘅大围事,欠缺预先过滤个别情况嘅客观步骤。我嘅目的,除咗想大家抽离切身嘅楼价议题,轻松一下之外,更希望带入较宏观性嘅讨论。恳请各位不吝赐教,提出自己嘅论据,切磋之下,必有得益。

我亦唔会咁专制,焗大家一定要做勇士嘅。就好似亮剑兄咁,话最多一成机会,我就私下问过佢,咁算唔算喺「否」?佢话,果一成喺美国夹硬加,以兑现承诺喎,咁我都收货啦!我同佢嘅分别,就喺我认为,美国只会响条件许可,同有著数嘅情况之下,先至会真喺加息,唔会夹硬加,即喺话,连果一成机会都冇!

TO:22/F 屋村师爷陈

多谢提醒,错字已经修正。

讲到两手准备,其实,作为长线投资者,一定要有多手准备。因为,长线投资嘅转营,唔喺一话做,就即刻可以实现,而喺断季、断年计,规模越大,时间越长。

响低息环境之下,吐 CASH 等跌入货,只喺属於投机行为。真正嘅长线投资者,转营,喺持续性,根据宏观经济变化,逐步微调自己嘅投资组合。佢地嘅主要利润,唔喺嚟自入同沽果两刻之间嘅价差,而喺持有同行使投资物带嚟嘅时间回报。

所以,真正嘅长线投资者,从来唔会「等」,只喺会「变」。
28. 元朗人 2015-08-07 21:31:19
我投美国今年会加息,亦投香港今年不会加息。
29. 大宝二宝 2015-08-07 21:43:59
同意元朗人兄。美国第四季会加0.25%,原因同亮剑兄一样,但香港唔加,因香港水浸!

共猜之,哈哈!
30. 鱼蛋仔 2015-08-07 22:04:34

我估美国今年吾加息

31. 打工仔 Andy 2015-08-07 22:06:51
加少少.......再等...........再加少少................! 又要减反啦..............再减................2047了! 

哈哈哈! 共等之! 
32. 历史长河 2015-08-07 22:49:03
珍港兄,既是长线投资者,就赌长一点。小弟估10年利率内吾会超过4%。
另外有超过六成已还清贷款,剩下的大部分用紫H+,加息对现有业主影响不大,倒是对坐等围观者来说,贷款能力倒相应减少了。
33. Joe 2015-08-07 23:59:56

因为一加息系唔会翻转头,所以一定要睇到自身经济好转才决定加息,现时仍看不到这势头,因此今年系不会加的。

34. anggie T. 2015-08-08 00:49:12
Yes, I'd say fundamentals in U.S. are still not so strong.  So no increase in interest rate this year...
35. 亮剑 2015-08-08 10:56:06
不过万一美国真的询众要求而加息,香港喺一年半载内亦无可能照跟,原因请看下列政府公布:

综合利率跌至0.29厘

2015年07月17日

金融管理局今日公布,6月底的综合利率跌至0.29厘,较5月底的0.31厘跌2基点。
综合利率下跌,反映月内存款和银行同业资金的加权资金成本减少。

综合利率根据零售银行提供的资料编制,反映银行平均资金成本。零售银行约占银行体系总客户存款九成。

36. 引刀一快 2015-08-08 12:01:38
唔驶加息,楼市照跌,减息都跌。
37. 弓丨人一笑 2015-08-08 23:13:46
加息,不过楼价升跌不关我事,因为我是没有港楼的超闲公园阿伯
38. 引刀一快 2015-08-09 06:17:44
呵呵,系呀
39. 新淡友 2015-08-09 18:28:06
投会加息,应该9月加0.1-0.125, 但唔加IOR的话银根唔会收紧,十二月可能再加。
不过正如刀兄所言,息口唔系关键,最大问题系北上广深以外,全中国都步入萧条(当然呢个以中国同楼市好友为主又小走大陆线既论坛唔会有人feel到),系东北好多日资公司全退,东北本来系好多日资后勤,我旧同事个仔甚至系操流利日本但唔多适英文都可以做到中高层,但新年日纸跌人仔升,佢老板话系日本请问个call centre接电话都平过系东北,结果真系摺左所有中国既后勤,佢公子亦因而失业,加上层楼又供唔起卖唔去,本来一个当打30出头外资高层而变左要啃老,亦完全见唔到有可能找到类似工作既可能,佢话东北好可能会底特律化。
重有深圳同事炒股输左3年人工,重要系问亲戚借的,我建议老板睇实佢,老板话下个月冇新单就炒佢费事烦。 
40. 肥婆四 2015-08-09 21:05:24
我估加息,原因方便的兄弟挘水,又唔使比人话得个讲字,咁加息后影响经济系好闲,咪黎过铺罗,反正公死有肉食,婆死亦有肉食,出年选总统减番息仲啱「何车」。
41. Ann Lee 2015-08-10 01:16:08
我估美国今年加息
42. 珍惜香港 2015-08-10 06:19:49
珍惜香港

睇咗寻日个 Q&A,见博士嘅心情,似乎唔太好。直觉上,可能同我有啲关系,因为我呢篇「召集」,导致有人响另一个公开平台度,出咗篇以我网名为题嘅文章。本来都冇谂住回应果篇文章,亦唔想涉及网站之间嘅矛盾,但既然惊动到博士,咁睇嚟我又唔可以唔写番啲嘢。

我呢篇回应,唔喺特别针对边啲人。或者应该咁讲,有啲人,寸足全场之后,就叫人唔好对号入座。但我就反而希望,每一个睇到我呢篇回应嘅人,都要对号入座

有人话,做人要有品,有风度。究竟乜嘢喺有品?乜嘢喺风度?

唔好见我成日问嘢,就以为我满肚谜团,我嘅思维,都唔知几清晰。例如,乜嘢喺冇品?背后讲人是非,算唔算冇品?我谂好多人,第一个反应,都会话算嘅。咁不如问下各位,有冇试过背后讲人是非?冇?同朋友讲呢?冇?同挚友呢?冇?咁同近亲呢?同另一半呢?唔好话我知冇,同另一半讲嘅嘢,分分钟唔出得街啦!

如果你同另一半讲人事非,而佢竟然话番俾当事人知,搞到你俾人闹,咁唔知边个冇品?好多私人对话,根本就唔应该出街。正如早前,唔知边个咁冇品,将某群组嘅 WHATSAPP 内容公开,搞到曾主席好尴尬。又正如,上次特首选举果排,我虽然撑唐,但佢将人地闭门讲过嘅嘢爆出嚟,都好冇品啫!出动解放军?关埋门,讲下唔得?使乜咁认真?但喺公开咗,就变成另一回事啦!

公开对人、对事作出批评,好平常,不过真喺要注意用词,用词不当,亦可以变得好冇品。例如,粗口或者类粗口,好似唔知乜字母果啲,就真喺唔好用啦!好耐之前,我响度用过低唔知乜,结果俾 Admin 叉咗。当时我有啲微言,但因尊重呢个场,之后都唔再用。其实,果个词语,又唔喺粗口,只喺大家尺度唔同,但既然喺咁,选择尊重番个主瑒,冇乜蚀底啫?唔通好似班黄虫咁,郁下就摆言论自由上枱咩,做人点可以咁冇品架!

讲到风度,法子兄曾经话过,预测唔准唔重要,最重要喺唔准果阵,不失风度。我真喺要一赞法子兄,佢讲过就算,唔会死缠烂打,呢啲就喺风度。我地大家都喺自由人,唔好讲到自己,好似受咗唔知几大屈辱咁。呢个世界,好大,好广阔,边有人咁得闲成日屈你?成日觉得自己受屈,几叻嘅才子,都会变成一个流氓。我真喺觉得好可惜!同我讲风度?不如我借果一面镜俾你,照一照自己,睇下你自己咁写法,几有品,几有风度?

两星期前,我发现博士一个专栏唔见咗,搞清楚后,原来喺一场误会。点解我会咁著意?因为我认为,如果一个专栏作者,随便因一时之气,就删除自己嘅专栏,都几冇风度。当一个专栏被删除,相关嘅所有回应箱内容,都会一并被删除。唔喺净喺专栏作者,会花心机写嘢嘅,回应箱里面,有唔少文章,都喺好用心嘅作品嚟架!唔通佢地嘅心血,俾你一个唔钟意,就可以随便蒸发哂?

关於我呢篇「召集」,之前已经讲得好清楚,我一啲都唔希罕「第十个人」呢个称号。都话,唔喺要焗大家一定要做勇士咯!我只喺请大家唔好净喺响度争拗个楼价,而失去对宏观经济嘅触觉。希望大家明白,楼价只喺果,经济先至喺因,关心经济,比关心楼价更重要

坦白讲,我有少少失望,有啲朋友,唔喺冇嘢讲,只喺唔响呢度讲。难道,响我回应箱度写,又有政治考虑?又喺言论自由嘅问题?或者,喺我自视过高,连泛泛之交都不如啦。

定喺,又唔知,边个冇品,边个冇风度?
43. 苹果财经 2015-08-11 01:15:51
联储局副主席:通胀回复正常前不加息



联储局第二把交椅、副主席费希尔(Stanley Fischer)今日接受传媒访问时,指联储局关注低通胀情况,扬言会待至通胀回复正常水平前,储局都不会加息。其言论拖累美元升幅收窄,商品价格止跌回升。美汇指数最新仅升 0.1%,报 97.682。纽约 9 月期油最新倒升 21 美仙,报每桶 44.08 美元;伦敦 3 个月期铜从六年低位反弹,最新升 0.15%,报每公吨 5181 美元。

报导来源:苹果财经
建立时间:2015年08月10日 20:04
44. (cc) 2015-08-11 10:32:17
珍惜香港兄,如你所讲,预测正确与否只是果,理据才是最主要部份,最值得讨论地方。
就算今年美国加息,香港都不会加。因为之前美国减,香港冇跟。而且,连祖国也准备QE,可想而之D钱几平。
美国是否加息,不是只看经济因素,可以是政治因素。


45. 路人皆知 2015-08-11 11:26:15

在欧、日及大陆疯狂QE 下,美国没有条件加息!

尤其是大陆为了救股市及经济,看到和看不到的QE 规模将会是前所未见的,大量热钱将涌港,香港息率完全没上升压力,楼市将有新一轮升浪!

珍惜香港兄支持你继续发表你的宝贵意见!


46. 珍惜机会 2015-08-11 12:16:26

回珍惜香港兄以下这句:

"因为我认为,如果一个专栏作者,随便因一时之气,就删除自己嘅专栏,都几冇风度。"

这一句可能就是你激怒博士的说话? 因他曾因气愤说不写。

你还写:

"每一个睇到我呢篇回应嘅人,都要对号入座"

唔知对不对,只有天哓!


47. 珍惜香港 2015-08-11 16:40:33
珍惜香港TO:46/F 珍惜机会

关於 42/F 嘅是非题,我已经作出咗最简短同准确嘅总结,冇嘢好补充。

不过,阁下嘅言论,有泼火之嫌,所以我必须澄清。

「随便因一时之气,就删除自己嘅专栏,都几冇风度」:博士从来冇真正删除过专栏,我唔会因为任何冇真正实行嘅气言,而作出批评。删除专栏者,喺另有其人,不过唔好问我喺边个,我唔会答你。唔指名道姓,喺希望当事人(有嘅话)收到同反思,唔喺要为难或者攻击边个人。

「每一个睇到我呢篇回应嘅人,都要对号入座」:我已经响总结度写得好清楚,的确喺有回赠对象,但唔好睇漏呢两句:「从而带出相关议题,希望大家反思」。任何矛盾,责任都唔会净喺响一边度,好多时,多方都有责任,甚至犯咗同自己指责对方一样嘅错误。请大家各自对号入座,就喺咁嘅意思。

每一个留言者,都有自己嘅风格同原则,出文嘅原因,亦只有当事人至知。所以唔好乱估作者嘅企图,更加唔好公开咁一口咬定,作者有乜嘢企图,你九成估错之余,仲会引发是非争议。举个例,43/F 篇财经报导,喺我 POST 嘅,不过我唔讲,唔知有冇人会知道我嘅目的?原来好简单,因为我见 42/F 之后,太耐冇人回应,而我又担心呢个涉及是非嘅留言太显眼,所以就求其搵篇报导,塞咗响佢后面罗!

吓?咁都得?真喺唔好意思,我呢份人,就喺咁怪鸡。

所以,我有时都会以非注册身份留言,主要喺转载一啲报导、或其他人嘅文章,但因考虑到版权,一定会标示来源同相关连结。大家对我,都有既定嘅立场同形象,如果用自己身份 POST,读者就会将我嘅立场混埋入去,影响咗客观性。况且,我亦会转载一啲同自己立场唔同,甚至喺相反嘅文章,例如郑立果篇,就喺我 POST,目的只喺想带入唔同角度嘅评论。但如果用我嘅身份 POST,人地就会以为我 BUY 作者嘅立场,或者以为我想借人地嘅文章,带出啲唔知乜讯息啦!

所以,都喺果句,唔明嘅话,唔好乱估!同埋,是非题,已经划上句号啦!
48. 珍惜机会 2015-08-11 17:48:46

珍惜香港兄,我相信公开写出来的文章,很多时不同人看有不同的理解,对於你所说的怪鸡行为我觉得很正确,你只是想 monitor 或引导读者循你的方向去吧!正如耶伦利用佢既渠道及招数引导市场返应一样!

正好有些人看了会认为我泼火、有些人看了只视为荼余饭后的趣事,但既然你那么在意我尊重不会再提了。

最后人民币今日失惊无神眨百分之二,加上所产生既预期美国今年应不会加息!


49. 珍惜香港 2015-08-12 02:56:01
珍惜香港TO:48/F 珍惜机会

人仔眨值,只喺反映市场需要,减息兼放水,点可以唔眨值?

所谓新常态,就喺全球各经济体发展成熟之时,先洗未来钱之势趋向极化,用嚟包底嘅新兴市场又买少见少,结果形成增长放缓,举债渡日,以致货币供应泛滥,市场走向薄利多销嘅环球经济现象。

基於新常态推算,各国排住队 QE、减息,就喺预期之内。而债务危机、股灾之类嘅金融波动,就成为将新常态推向完全体嘅趋化剂。

所以,阻止美国加息嘅,都唔喺突发事件,而喺自然生成,亦可以话喺预期之内
50. 北京新浪网 2015-08-12 03:18:42
摩通称人民币贬值无碍联储 9 月加息

摩根大通分析师表示,虽然中国采取让人民币贬值的行动,但依然预计美联储将在 9 月会议上加息,人民币贬值不足以改变联储的加息步调。

来源:北京新浪网(2015-08-12 00:32)
52. 屋村师爷陈 2015-08-12 11:07:27
昨日11/8/2015人仔突大幅度贬值,
本人大胆肯定,美国加息步伐只能乌龟缓行。

明知加息系天方夜谈,金主们就会如珍惜香港兄般说「变」,他们惟有「变阵」再催迫评论员们都无用,心灰意冷下,惟有「变阵」再作新一轮部署及准备~!

to:怒妇炒鱼柳兄,我向你宣今年美国不加息,米说我系神又系鬼。嘻嘻
53. 初学者Tony 2015-08-13 07:26:56
唔会加息
54. 我是15楼 2015-08-13 13:47:07
蔡志忠 - 金管局出招 楼市被扭曲 2015/03/04
45. 珍惜香港 2015-03-05 00:14:38  
【珍惜香港】TO:大宝二宝、打工仔
我认识一对老人家,一屋自住,两屋收租,全部都喺 10XX 建尺嘅三房单位。最近佢地加租之后,都喺比市租平 15%,两屋加埋租金收入四万有找,扣除管理费连埋其他七除八扣,净袋唔够三万。一对拥有三间大单位嘅老人家,算唔算风光?原来退休收入都只喺咁,依家百物腾贵,其中一老最近身体唔好,仲坐咗轮椅添。

文亮言 - 为何创新高都是极低层单位  2015/03/14
48. 珍惜香港 2015-03-14 19:51:22  
【珍惜香港】TO:33/F Sino Tom
大部份收租佬,都好低调,佢地唔喺专业投资者,甚至唔可以讲话喺投资者。上次提到果对老人家,坐拥三件大单位,退休收租每月都只喺净袋唔够三万。Oscar 兄话,卖咗其中一间,下半世都洗唔完啦;引刀兄仲进取啲,话卖哂两间,做人仔定期,食息都够晒喎!但事实喺,你教埋佢地,佢地都唔会肯卖,点解?
当然,你亦可以话,我先至喺一厢情愿,自以为市场嘅主流持份者,都同我好接近啫!咁究竟喺你啱,定喺我啱?可惜呢样嘢,喺冇乜公开数据可以参考到嘅。所以,我果次都只喺凭呢十多年宏观大势嘅转变,再加埋自己作为市场参与者嘅亲身体会,推算出嚟。
就正如引刀兄话,或者张建宗同谢伟俊,都喺传统收租佬嚟?如果一众高官同议员,买楼收租,都只不过喺好似我讲果种退休心态嘅话,好多疑问,喺唔喺就即刻迎刃而解?

---------------------------
*****引刀兄仲进取啲,话卖哂两间,做人仔定期,食息都够晒喎!******
****人仔而家玩眨值*****

55. 引刀一快 2015-08-13 15:30:58
十五楼嘅牛牛

依家系咪牛市呀?
56. 引刀一快 2015-08-13 15:33:12
人仔会唔会跌50%呀?楼市会。
57. 珍惜香港 2015-08-17 03:17:15
珍惜香港

眨下眼啫,就已经半个月啦!

心大心细,结果都喺正式回应咗果篇文章(见附件)。唔写响呢度,喺因为唔想影响个竞猜气氛,况且礼貌上,都应该要直接写响果边嘅。

原来咁多人,对我珍惜香港,咁唔了解。其实,我呢份人,重情义,就喺咁简单

废话少说,仲剩番两个礼拜咋!转軚嘅,仲嚟得切,未表态嘅,就要快啲啦!

希望各位拥跃回应!

[ 此文藏有一个附件,按此显示附件内容 ]
58. 八十后 2015-08-17 13:13:39
不会
59. AC 2015-08-17 16:01:48

my guest is will increase rate for small amount like 0.25%

my reasoning is it has been talking too much, need to do some action to ensure credibility

but it may not be a interest rising cycle

after doing the small rise, Fed can talk again for quite a while

60. 我是15楼 2015-08-18 08:26:56
美国2015年内不会加息。
但香港楼市会升至150CCL, 然后回落。
香港经济转平稳。 楼市平稳回落至133CCL. 然后回升至2016年尾
61. 引刀一快 2015-08-18 09:43:30
错咗到时咪又换马甲罗。
62. 修道船 2015-08-18 10:23:37
D好友为左寸人,仲啱都可以换马甲啦!法子PP都成日换马甲又来攻击淡友,你地睇唔到咩?
估中都咁冇品,估错仲得了?
63. 元朗人 2015-08-19 23:12:51
这个网造就了—位明星,其他人只是陪衬品,各位何用太认真或重情,互相尊重讨论下便应满足。珍惜香港兄要是有文章与众分享,希望不要再等条件成立,快些上载吧。谢谢!
64. CD ROM 2015-08-20 17:28:25
珍兄呢个问题我真系谂左好耐, 加上撞正人仔忽然眨值呢个变数, 难度又加大左D~~~

答左先: 唔加!!!

但系我呢d低手就无谓加d乜野解释系后面啦, 我相一样野, 对美国佬来讲, 口齿紧要净Jetso紧要d??????
65. Ronald 2015-08-25 00:10:47
首先,我认为美国今年内会加息。

虽然美国债台高筑,经济、就业、房屋等各类数据尚未造就条件给联储局加息,但基於联储局对(共和党)另一方利益者的承诺,基於中美货币、贸易等多层面博奕,战略上联储局会决定美国今年加息。

过往有记录的35年,加息对楼价的影响是,20%令楼价向下,80%没影响甚至是楼价继续向上。

若今年加息,我相信属过去20%部分令楼价向下,因今次加息刚巧遇环球股市动荡,中国经济急速回调及亚洲货币战,加息有如点燃火药引,一连串不利因素炸毁羊群般的置业者情绪,甚么供求失衡、刚需、供应到不到位等等...,在过往急升急跌的历史中告诉我们,这不起作用。
66. Schumpeter 2015-08-25 11:31:04
今年一定加息!9月唔加12月都加。
其实美国过去10年既大战略系要防止中国掘起,而家系千载难得既机会,冇可能会放过!
美国已经出现比保护主义更可怕既重商主义,以屯积资金,原料再倾消去打击对手,实力不足既巴西,委内瑞拉,俄罗斯都粉粉倒下,而家只剩金仔朝鲜同中国待宰!

系刀兄"刚刚需"论前面,作何"刚需"论都系不堪一击,即时变成"刚衰"!
67. 向饭民说不 2015-08-26 00:08:49
还是那一句,楼价最终是由港币购买力决定。港币购买力是由创汇能力决定。今日高尚港人越来越像二世祖,将创汇看成魔鬼,反而对那些消耗外汇的活动看成公平。福利开支都是在消耗外汇,本来赚到外汇,比多点福利都正常,所谓work hard, play hard.
今日,人民币贬值了,香港创汇能力肯定减小,如果外汇不断流失,相信港币被攻击将是时间问题,到时就是楼价下跌的时候,而且永不超生,香港有的是高尚无竞争力的二世祖。
68. Max 2015-08-26 01:11:48
近几日股市之波动,已足以证明美国今年唔会加息!除了汇率大幅波动,全球股市更是欲罢不能,美国佬凭什么加息?讲完。
69. Schumpeter 2015-08-26 19:51:39
中国经济只系占美国通胀1.6%,今年一定加息!

2015年8月26日

唐纳文 宏观分析

瑞银

高级全球经济师

唐纳文: 最重要的中国数据-1.6%



人民币动向只是小噪音

当我们详细检视并做出调整之后,会得出美国花在中国经济活动上的比重为1.6%。因此,美国消费者物价指数有1.6%受到影响中国经济活动的因素所影响。

如果你认为1.6%很小,请谨记,美国人的支出多半和中国的经济活动并无明显可见关联性存在。住房是美国消费者物价指数里的最大部分(超过40%),医疗保健和教育也是指数里的大项。食物(中国不出口食物)则是另一个重要项目。最后,就算美国人购买真正中国制造的产品,身为消费者,他们还需要支付仓储、经销、零售商的经常性开支、店面助理的薪资等等――这些都是国内成本(主要是国内劳动成本)。美国的劳动成本约占美国消费者物价指数的60%。

因此,有关美国利率方面,联储局的经济学家将会着眼於国内的劳动压力。中国人民币的动向只是几乎注意不到的背景噪音而已。也因此,美国很可能在9月时加息。

70. 向饭民说不 2015-08-29 01:23:47
楼上,问题美国佬已经感觉到强美金的压力。加拿大人少了去美国消费。等等等。
71. 引刀一快 2015-08-30 04:23:40
To 66楼  Schumpeter兄

系刀兄"刚刚需"论前面,作何"刚需"论都系不堪一击,即时变成"刚衰"!

谢兄台认同,我只不过系按住日常社会里面嘅人情物理作一个简单结论啫。

讲多次:

住,系刚需

想赚钱,系刚需中嘅刚需

唔想蚀钱,系刚需刚需刚刚需......



72. 珍惜香港 2015-08-30 13:17:34
珍惜香港

各位朋友,听日,就喺最后嘅投票日期啦!

大家果然喺非常关心香港嘅楼价,估美国加唔加息之余,都会顺带提下。

但喺,如果唔先放下对楼价嘅主观愿望,就好难引出客观嘅宏观思维,做准确嘅分析。相信大家明白,美国联储局,喺唔会为咗要令香港楼价升或者跌,而去决定是否加息嘅,喺唔喺?

响二手成交偏低嘅情况之下,任何成交个案,都会好显眼。较低价嘅成交个案,会俾唱淡者渲染成大市向下,而较高价嘅成交个案,就会俾唱好者渲染成大市向上。如果香港楼市,真喺下跌嘅话,大家点会唔知?就好似金融风暴、沙士、金融海啸果阵,使乜要听啲评论员唱至知?

美元喺国际货币,港元亦同美元挂勾,作为资金自由流动嘅开放型国际金融中心,美国加息,对香港经济,当然会有影响。不过,香港嘅经济,喺一把双刃刀,作为长线投资者,态度,一定要积极正面

都喺果句,听日就喺最后投票日期,转軚嘅,仲嚟得切,未表态嘅,就要快啲啦!

希望各位拥跃回应!
73. AH-HO 2015-08-30 21:31:08
哈哈,deadline前赶得及。
后期先投票有著数,因为中国的汇率、利息等等都变左。
我估唔加。
74. 小师妹 2015-08-31 00:05:23
九月唔会加息
75. 惜缘 2015-08-31 01:03:24
今年不会加息
76. 打工仔 Andy 2015-08-31 07:37:03
珍惜兄,
写得好! 

我估今年不加息! 
77. 占士 2015-08-31 10:55:02

珍惜香港兄,

就目前情况来看,我也估计今年不会加息!

78. 2011年开始 2015-08-31 11:12:24
不加息
79. 收买佬 2015-08-31 11:26:59
反其道,包坳颈,我估9月加!
80. 旺丝 2015-08-31 11:29:08

我估今年不加息!
楼唔升, 但租要升10-20%, 因为D人买唔起转租!!
81. 引刀一快 2015-08-31 11:37:28
担心加息,即系对价位冇信心。
82. 唔好再delete我 2015-08-31 14:43:19
2015唔会加
83. Schumpeter 2015-08-31 16:35:33
而家反而一面倒话唔加息,市场一定会比意外惊喜班好友!
港汇跌紧,港元太贵,又冇创汇能力,加唔加息都死。
加息只系令香港死得快D,唔系有6百万投资移民,中山楼好过香港多多偣,但只系1/5价钱。
84. Schumpeter 2015-08-31 16:39:23
好友发放虚假信息,网上造谣,系中国要刑事强制,系中国香港删post都好合理

内地《财经》杂志社一名记者涉嫌伙同他人编造并传播证券、期货交易的虚假信息,被当局采取刑事强制措施。

另外,公安打击网上造谣,至今查处197人。
85. To83 2015-08-31 17:44:57
系啊,所以请自重
86. Carson 2015-08-31 20:44:08
不会。
87. 潘朵拉 2015-08-31 20:47:45
唔加
88. PF Law 2015-08-31 22:57:52




所以there is a high chance that 2015 not only 唔会加息, but conduct QE4.
89. 珍惜香港 2015-09-01 00:02:52
珍惜香港

转眼间,DEADLINE 已经到咗啦!各位对美国联储局,今年(2015)之内,会否加息嘅取态,简列如下:

「会」:注册 11 人,非注册 5 人,共 16 人 .....
大胃IT人

Oscar Lam(今年 12 月加 0.25%)
朗晴(2015 年尾加 0.1%)
middle middle c1ass
元朗人(香港唔跟)
大宝二宝(第四季加 0.25%,香港唔跟)
新淡友(9 月加 0.1-0.125%,12 月或再加)
肥婆四(方便兄弟挘水,体现承诺)
Ronald(基於承诺同中美博奕之战略考虑)
Schumpeter(难得打击中国,人仔眨冇影响
收买佬(9 月就加)
Fianncial Anlyst(6/F
过来人(11/F
弓丨人一笑(37/F
Ann Lee(41/F
AC(59/F

「否」:注册 21 人,非注册 15 人,共 36 人 .....
珍惜香港
(基於新常态,抗加息事件自然生成
亮剑(一成机会美国夹硬加,香港唔跟
数据分析员
yyfan
x 息 x(预期效果已达,无须加息)
我是15楼CCL 上 150 回 133 再升至 16 年尾)
鱼蛋仔
Joe(美国冇经济好转势头)
路人皆知(环球 QE,美国冇条件加)
初学者Tony
八十后
CD ROM(撞正人仔眨值,Jetso 紧要 D)
AH-HO(中国汇率、利息因素改变)
惜缘
打工仔
占士
2011年开始
旺丝(楼唔升租升 10-20%)
Carson
潘朵拉
十兄弟(话见美国客取消订单喎)
cc(1/F
汤饭(3/F
TO so called financial anlsyt (not analyst)(8/F
HKTOM.COM(12/F
二叔公(13/F
yy(14/F
过路人(18/F
屋村师爷陈(22/F52/F
中年人(25/F
怒妇炒鱼柳(26/F
anggie T.(34/F
珍惜机会(48/F
Max(68/F
唔好再delete我(82/F
PF Law(88/F

其他:注册 3 人,非注册 3 人,共 6 人 .....
历史长河
(10 年内利率吾超过 4%)
小师妹(只喺话 9 月唔加)
引刀一快(总之楼市点都照跌)
hifi(5/F
(cc)(44/F
向饭民说不(67/F70/F

以上喺以表态先后排名,注册者排先及加补充,仲包括埋连结,指番去各位嘅回应度,一目了然!

BY THE WAY,大家唔好奇怪,点解我加埋十兄弟上去。响编辑紧呢篇 89/F 竞猜总结果阵,见 90/F91/F 弹咗出嚟;咁过咗少少,冇所谓啦!相信大家应该明白,9 月中就喺第一个会否加息嘅 MILESTONE,所以条死线定响 8 月底,已经好尽。

真喺唔好见芳间啲评论员,喺咁唱美国今年内加息,呢度嘅读者,反而喺拣「否」嘅居多,占咗约三分之二,比起拣「会」嘅多成倍,对真正嘅第十个人呢个题目,可能又要另作解读。不过,希望各位唔好忘记,我提出呢个竞猜嘅另一个目的,喺想大家先放下对楼市嘅主观意志,退一步剖析一下宏观大势。

仲有,都喺果句,对於楼市,睇好睇淡,冇乜所谓嘅,但做人,千祈唔好咁黑心。成日想人 PK 呢种态度,最终只会自食其果。赚钱,从来都喺好难;拥有,亦唔喺必然。香港好多嘢,得来不易,希望大家珍惜。

至於竞猜结果,几时开估呢?

快则半个月后,慢则年尾,各位拭目以待啦!
90. 十兄弟 2015-09-01 01:45:10
我个美国客今日又取消多一张订单,个市咁差,点加啊!今年无得加。
91. 十兄弟 2015-09-01 01:46:02
我个美国客今日又取消左一D订单,个市咁差,加鬼加马咩!今年无得加。
92. 引刀一快 2015-09-01 06:35:42
To,83楼  Schumpeter兄

中山三角有个几靓屋苑,未股灾前唔驶港纸500蚊尺,估计依家400有交易。
93. 占士 2015-09-01 10:35:22
多谢珍惜香港!
94. 历史长河 2015-09-01 12:25:02
珍港兄,有心有力,令人敬佩!
95. 引刀一快 2015-09-02 01:11:16
呢铺系我嘅喇。
96. yyfan 2015-09-02 07:25:49
to:十兄弟

其实今年美国水唔差,只系所有chains都比网购逼到无钱赚
97. CD ROM 2015-09-04 17:11:48
我收到风, 美国几间大retail裁员潮tim ar............
98. 亮剑 2015-09-18 05:27:35
珍惜香港兄……

美国可能在今年加息吗?

我估最多一成机会吧!

加息永远在下一次开会嗰阵,哈哈!
……………………………………………………………………


美国联储局公开巿场委员会结束两日议息会议,决定维持利率於0至0.25厘区间不变。会后声明指,当劳工巿场进一步改善,以及有信心通胀率会升至2%的目标,就会适宜加息。储局又指,会密切注视外围风险局势发展。

今次政策决定的投票结果是以9票赞成对1票反对通过,里士满储行行长拉克投下了反对票。储局指,经济扩张步伐稳健,就业增长强劲且失业率偏低,通胀已进一步下滑且可能会继续降低,但随著就业改善及低能源价格效应暂时消退,中期通胀会上升。储局特别指出,除了阅读就业市场及金融市场讯息外,亦会留意国际发展。

储局於今年余下时间,尚有两次议息会议,分别於10月及12月。美国联储局主席耶伦在会议后记招上表示,自上次会议以来,就业增长稳建,局方仍预计通胀的下滑压力将消退,但近期全球发展可能给通胀带来下滑压力,但委员会对经济前景看法未有重大改变。

她指出,当看到就业市场进一步改善及通胀回升时,才是合适的开始加息时机;首次加息后,货币政策立场还将保持高度宽松一段长时间美国联储局理事们同时下调未来两年息口预测。在最新经济预测中,17名理事中,有13人料2015年为合适加息时间,较之前增加两人;另有3人则预期2016年才加息,有1位更倾向於2017年才加息。

理事又预期,至2015年底平均联邦基金利率将升至0.375厘,低过6月时估计的0.625厘;并料2016年息口进一步升至1.375厘,亦高过早前预期的1.625厘;2017年则为2.625,亦低於6月时预估的2.875。不过,长期平均利率水平则为3.5厘。

当局又调高今年经济增长预测,由6月时估计1.9%,上周至2.1%。储局理事们又预料今年第四季失业率将降至5%,较6月时估计的5.3%有改善,核心通胀则维持於1.4%,稍高於之前的1.3%。

99. 引刀一快 2015-09-18 07:04:14
唔加息就好喇,咁就可以更加清晰地引证我嘅讲法,美国加唔加息,楼市照跌!
100. 珍惜香港 2015-09-18 07:05:04
珍惜香港

叮!第一个回合,终於揭盅啦!


亮剑兄引刀兄,乜咁早?等埋你地,先至霸到呢个 100 号位咋,哈哈哈!

第一回合嘅答案喺:唔加住喎!

咦?咁个竞猜游戏,咪又可以再玩耐啲?由依家到年尾,联储局仲有两次议息,下次十月底,而今年最后一次呢,就响十二月中,即喺话,仲有一至两个回合,各位拭目以待!

耶伦话,唔加息,喺因为被「人地」拖住咗,尤其喺啲「新兴市场」,估佢地唔到喎!佢仲调低埋对来年嘅经济同通胀预测添。唉!最衰都喺果只唔知乜「新兴市场」,降准减息又贬值;喂!你唱到咁行加息,人地只喺送你一程,帮你加突咗少少啫,唔喺连多谢都冇句嘛?总之,都喺咁话,预期之内啦!

呢个真正嘅第十个人竞猜,真喺搞得啱哂 TIMING。全球对於今次议息,聚焦到出哂火,各界对美国加息,简直惊得要死。大家紧张咗咁耐,倒不如轻松一下,睇睇片先:

Copernicus.Galileo.Newton
101. 珍惜香港 2015-09-18 11:53:38
珍惜香港续 100/F

唔知大家估唔估到,点解我会放段片响 100/F 度?我从来都唔会放埋啲冇意思嘅嘢喎!

原来,真正嘅第十个人,真喺好唔易做!

各位有冇听过,哥白尼(Copernicus),呢个学者?响佢年代嘅人,相信地球为宇宙嘅中心,而其他所有天体,都喺围住地球转,即喺所谓嘅地心说。哥白尼凭观测同计算,推出咗日心说」,即太阳先至喺宇宙嘅中心,而地球只喺自转,同埋跟其他行星一样,围住太阳公转。不过,呢个哥白尼,又真喺几胆小,到临死果阵,至肯出版佢果本惊世嘅天体运行论。话说,佢都只喺摸咗一下个样板封面,就咁去咗啦!

唉!佢就走得爽啫,之后啲 FANS,就真喺惨罗!五十七年后,布鲁诺(Bruno),因为支持日心说,仲将佢发扬光大,结果俾宗教法庭冠以「异端邪说」罪,鉴生烧死。又再三十二年后,伽利略(Galileo)亦因捍卫哥白尼嘅日心说,被召到罗马受审,最后被迫认错之余,仲终身软禁,不得善终!

真正嘅第十个人,真喺好唔易做!

其实,如果你只喺估埋啲楼价会升定喺会跌,利息会加定喺唔加,咁你跟本就冇资格,成为真正嘅第十个人。

真正嘅第十个人,喺通过考察宏观、微观现象,推算出一套理论,去描绘事物嘅真相,而唔喺做埋哂啲乜嘢预测。所谓预测,只喺作为引证理论,众多方法嘅一种。预测准,唔代表你套理论一定喺啱;预测错,亦唔代表你套理论一定喺错。要知道,呢个世界,好多嘢,喺存在变数。而当理论太过崭新,又同芳间普遍认受嘅信念相违背果阵,就会受到攻击、排剂、迫害,呢个就喺,真正第十个人嘅命运

虽然我以亲身体验、观察,组织成新常态资源论,但世界之大,呢堆嘢,相信亦唔会喺我所独有,又或者已经属於现今经济学里面,其中一个派别。其实,做唔到真正嘅第十个人,唔紧要嘅,今时今日,要做到,莫讲话超级难,就算俾你做到,都未必喺好事。

最重要嘅,就喺求真。百忙之中,不忘求真,求一个清醒嘅人生,就喺咁简单。

好淡嘅争持,输赢嘅执著,真喺令人烦厌;幸好有呢个小空间,可以舒舒气。希望各位,竞猜、争辩之余,结果跑出之后,无论你估中与否、喜欢与否,都要尊重。因为,每一个跑出嘅结果,唔一定证明你啱,亦唔一定证明你错,但呢个结果,代表嘅,就喺一个现实,问题喺,你睇唔睇得穿。

记得小时候,睇过一套伽利略嘅卡通,最后一幕,喺伽利略认错之后,跑出广场,向天大声疾呼:地球喺自转嘅!跟住个镜头退开去,直至退出太空,见到地球嘅转动,再退出太阳系,见到包括地球嘅各大行星,围绕住太阳公转。呢一幕,令我非常感动。

大家唔好以为,我讲到离哂题,连天文学都吹埋。

哥白尼,1517 年起,出过三版论文。当中嘅 MEMORANDUM,更成为货币量化理论嘅始祖,劣币驱逐良币嘅先驱。咁你话,我有冇离题?

热切期待,第二个回合嘅结果!
102. 亮剑 2015-09-18 12:50:24
珍港兄……见你喺度讲「旧屎」,呢度我又作个比喻:

某埠打紧仗,粮食出现短缺,记者问领导:「超市D米已经被人抢光,政府有何对策?」

手掌就话:「供应短缺系暂时性,呢家我们政府,已急市民所急,经已派船去泰国、大陆及越南运紧米来,下个月头有 10 吨,过多两星期又多 15 吨,月底前再有 20 吨……」!

有个唔熟性但读过书的记者仔就问手掌:「呢家超市D米被淘空,下个月夹埋先来大米 45 吨,即 1 万 包 5 公斤都唔够,好似……」!

手掌就打断记者话:「我仲未计在外国收割紧、包装中、种喺田果D,潜在供应系十万九仟几吨先真」!

第二日所有报导标题就系:「本地大米潜在供应有成十万九仟几吨,够我们食 3~4 年」!
103. Oscar Lam 2015-09-18 13:05:11
亮剑兄,

没那么夸张,哈哈!

没有粮食食会死人。现在还不至於很多人冇屋住要流落街头,最多是住的环境差一点、小一点而已。
104. 亮剑 2015-09-18 13:08:33
OL 兄……
你想我死咩,我都唔系讲楼。
105. Oscar Lam 2015-09-18 13:26:28
亮剑兄,

不好意思!我误会了。看到你就好像看到楼,嘻嘻!
106. 引刀一快 2015-09-18 13:34:10
某埠打紧仗,粮食出现短缺,记者问领导:「超市D米已经被人抢光,政府有何对策?」

天文台报道员插句嘴话:『大海啸已经嚟紧,有米都要搵人食喇,一个大浪冚埋嚟搵阿水打仗咩?仲唔走?』

话音未落,天文台报道员发现已经四野无人.....................
107. Oscar Lam 2015-09-18 14:07:43
珍港兄,

第十个人确实很难做,偶尔做一、二次还可以,但不能经常做。情况这好像是孔明的空城计,不到紧急关头也不会用。

在投资市场,我宁愿顺势而行。观察市场的变化、人心的变化,再配合自己的实际情况,随机应变,果断行动。我相信,这样比做第十个人的成功机会大很多。
108. 大宝二宝 2015-09-18 14:23:50
回106 刀兄

D人仲唔走哂去抢米咩,海啸过后留返条命冇米食咪一样死,早D储定先嘛。够多嘅话做埋批发仲得,一生富唔富贵都系睇呢铺咋……哈哈哈哈…………

共抢之,哈哈!
109. 引刀一快 2015-09-18 14:30:44
大宝兄

唔系嘛?同海啸搏斗博富贵?海啸过后成地都系海鲜,慢慢执食到唔食就真!
110. 大宝二宝 2015-09-18 14:41:46
回刀兄

因为呢个报导员长期出口术,吹水唔抹咀, 废噏咗三、五、七年,怕人抢贵米,D人都唔信佢讲嘢喇。
111. Oscar Lam 2015-09-18 14:49:09
引刀兄,

最终才发现海啸根本就没有来,但为时已晚,粮食已被抢完了。
112. 引刀一快 2015-09-18 15:04:00
正是,大家都觉得海啸唔嚟,先至大批人被卷落海,喂肥晒D海鲜。
113. 引刀一快 2015-09-18 15:04:04
嘻嘻,讲笑到此爲止,大家慢慢睇落去,大陆第二波快嚟。
114. 我是15楼 2015-09-18 17:51:57
2013年引刀已説第一波啦。现在2015-9-18日啦
115. 引刀一快 2015-09-18 18:44:10
嚟咗第一波喇,冇得逆转嘅。
116. 引刀一快 2015-09-18 18:47:09
自称15楼,你已经输到出面,你食屎喇。
117. 引刀一快 2015-09-18 18:51:24
净系识得扭曲人地嘅说话,我真系好好奇你系咩环境长大,咁得意嘅?
118. 我是15楼 2015-09-18 19:37:51
82. 引刀一快
2014-06-05 21:27:32
大陆冧市在即,我继续睇淡,好多人攞97年情况嚟比,我觉得唔实际,理由好简单,97年嘅灾难性崩盘,今次唔驶学足,学三成都够死。

138. 引刀一快 2014-06-05 23:45:36
to 法子兄

113我都唔怕118就更冇问题,既然你以118作爲基綫,咁就118罗。

系玩就正规D,2014年年尾,2015年年中,2015年年尾,2016年年中,各设一数,净系2014年尾有乜用?

147. 亮剑 2014-06-06 00:05:41
引刀兄……本人并冇铺位收租, 不涉及利益冲突 ,但我看到特区政府对自由行旅客呢度全无方向,喺度药石乱投,谷鬼气咋!
另一方面 CCL在今年年底,会企稳於125点,而我估计CCL於下年及后年都看好,初步估15年系130、同16年系145,但17年会跌翻落去115甚至更低。

158. 引刀一快 2014-06-06 00:29:11
To 自我陶醉兄 

陶醉兄你前几日提及嘅CCL我搵唔到,系边日呢?

近日大陆楼市风起云涌,我开电单车去巡点,睇到好多嘢,其实我就系唔太确定大陆对香港影响嘅滞后性有几大,按道理,呢度收风比大陆民衆快D,但系几时浮面有变数,否则,113我系够胆买嘅。


18. 引刀一快 2014-09-28 20:51:21
低于118,低于118。

14. 引刀一快 2014-09-28 15:04:25
你都冇point,你又凴咩嚟顶我颈呢?
我一向主张卖自住楼,就系咁简单。
如果呢个社会个个都净系揽住间自住楼,个个都花一世嚟供楼,香港边有活力?边有出路?香港仲可以对大陆咁有价值咩?唔识你就收敛下,咪下下烦住人,借机会摄位出镜喇。

31. 引刀一快 2014-10-07 10:02:11
懒人兄
我咁讲其实系出于对呢个做媒嘅“医生”有多少愤概,呢两公婆嘅配搭,好戏剧,两个都系市民大衆眼中嘅,既有学历文化又有收入同人脉嘅典型,仲好经典咁,唔系医生嫁医生,或者律师娶律师,而系两个咁令大衆羡慕嘅行业交叉,即系同老百姓、小市民讲:“两个行头嘅人都买唔到楼,加埋都买唔到!”
如果咁様跨行业嘅婚姻都买唔到楼,楼就已经唔系起嚟卖架喇,系六合彩嘅奖品。
2009年,我喺大陆入咗货,香港犹豫咗一下,冇入,但系回想当时,我唔系手头紧张到怕供唔起,只系听信基金佬嘅规劝,等跌啫。连引刀咁平凡嘅人都唔觉买唔起楼,咁呢对优皮夫妇又点会有困难呢!
119. 引刀一快 2015-09-18 19:47:52
自称15楼,仲唔为我嘅准绳鼓掌?
120. 我是15楼 2015-09-18 20:19:32
19. 引刀一快 2014-12-31
我对2014年嘅楼价睇法就系系时候回落,CCL年中118,年尾就低于118,就系咁简单。
就系估错咗罗。我估错CCL咪输咗罗。
不过,我系输咗一次,唔好夹硬话人输十次,其它九次几时发生过呀?
原因:
1,大陆经济唔好,而且唔系一般人睇数据公报果种唔好,一定会发作。呢様嘢虽然今年嚟唔切表现喺香港楼市,出年一样会嚟。
2,香港人普遍嘅竞争力同购买力,根本唔系好友睇嘅咁高,物价升幅高过薪水升幅,生活指数大降,当物业大比例落入所谓”强者“同埋冇定力嘅”刚需者“手上,冧市指日可待。
3,地産商唔再喞牙膏出货,用行动表达对楼市睇法,唔通系见大家心急益大家咩。
引刀一快继续看跌。

贴文预测推算分析正确。
引刀只是大淡友,我都想知几时楼价回落,回落多少? 
回应:顶价四成,以118为凖。
但积极面对,已经上了车。
如果现在回落到CCL 100,上车客都不够胆量买楼,2012年大家都叫楼价高过1997啦,现在比2012年又升了30%-40% 细价楼。
引刀你分析一下吧。
回应:依家成交量低,你可以话因爲冇盘,而且往后都缺盘,但系成交量低意味参考性同样低。我认爲大陆人揸嘅会放,仲要系爆发式,香港楼市折点嘅扳机,好可能就系大陆人扣嘅。

121. 历史长河 2015-09-18 20:37:56
小弟看帖不仔细?唔明珍惜香港兄的第二回合所指为何?
122. 珍惜香港 2015-09-18 22:10:32
珍惜香港

TO:104/F 亮剑

亮剑兄,讲楼又唔使死嘅!虽然我话过,希望大家,先抽离切身嘅楼价议题,带入较宏观性嘅讨论啫,不过我呢份人,都唔喺咁专制架?哈哈哈!

TO:107、111/F Oscar Lam

长线投资者,喺睇长线,短期嘅波动,喺唔会令到一个长线投资者,作一百八十度嘅改变;阁下果然喺一个审慎嘅成功投资者。

至於海啸,你讲得冇错,根本就冇嚟过。风暴、海啸、爆煲,喺会引发连锁反应,同巨额撇账。金融市场上,冧市嘅次序,先喺股市,跟住到股基、股债基、债基,再杀入债市,冲击实体经济,最后到楼市。早排中港股大跌,只能够话喺资产大转移,喺波动、调整,而唔喺真正嘅冧市。被吐现嘅资金,未见被蒸发,反而因为缺乏消化嘅出路,选择性重新投入市场,令每一个阶段之间,产生庞大嘅反抗动力。

TO:121/F 历史长河

长河兄贵人善忘啦!

个竞猜题目喺,美国联储局,今年(2015)之内,会否加息?所以:

第一个回合:九月中议息(啱啱过咗
第二个回合:十月底议息
第三个回合:十二月中议息
123. 历史长河 2015-09-18 22:45:29
珍惜香港兄,多谢提醒,小弟上次猜的是十年期,所以忘记咗十月十二月二个回合。到时定会捧场。正如你说讲,在这𥚃可以透透气。
124. 历史长河 2015-09-18 23:06:03
To 107 Oscar Lam, 
认同顺势而为,随机应变。
125. 珍惜香港 2015-10-13 09:31:13
珍惜香港

各位,第二个回合,仲有半个月左右就揭盅啦!

喺时候又过嚟舒舒气 .....

话说前日,财爷曾同耶伦会面,大家千祈唔好睇少呢场会面,耶伦嘅影响力,仲大过奥巴马。今次耶伦咁俾面,无他嘅!正如我问,依家世界上,仲有边只 GDP 增长,得番两三巴仙嘅成熟经济体,冇欠人债,仲有盈余?

背住十八多万亿巨债嘅大国,联储局嘅主席,梗喺要会一会财爷曾,参考一下我地嘅理财哲学,顺便睇下呢件未开发嘅肥猪肉,可以渣到啲乜啦。不过呢,我又唔太担心噃,几强悍嘅大鳄,遇正呢个,深不可测嘅太极高手,喺洒唔出乜花样嘅!未见面,就率先响网志出招,话会问耶伦个加息 SCHEDULE,仲睇死埋佢,会好似自己讲楼市咁,开动人肉录音机喎!吓?自踩式寸爆耶伦之余,仲一次过咁,就自己以往,对楼市嘅所有评论,同大家交代一句:唔使咁认真嘅!

哈哈哈!财爷呢个人,真喺好得,不枉我封佢为,真正嘅大师

有人话,财爷成日估错数;我就话呢,估错数,先喺正常!俾你估中 CCL 又点?林一鸣估中恒指,咪一样俾我寸佢,背后理据唔相称?估数咁叻,不如估下,嚟紧六合彩开乜?如果你只喺就著,以往嘅数字模式,拷贝式咁,推算将来嘅数字,而唔喺真正去了解,推动数字嘅背后宏观因素,咁你只不过,喺以果推果。

真正嘅大师,喺以因推果,唔喺以果推果。

我曾经指出,真正嘅大师,有两个重要元素。咁究竟真正嘅大师,话唔话到俾我地知,几时几日,个 CCL 喺乜?个恒指喺乜?个顶响边?个底又响边?几时入货?几时至沽货?

真正嘅大师,喺俾唔到你,一个数字,或者一个决定;佢俾到你嘅,喺一个方向。

香港,需要嘅喺,一个正确嘅发展方向

几个月前,响亚投行协定签署仪式里面,习近平同财爷曾握手,结果引起各方猜测,财爷会唔会选特首?如果佢真喺参选嘅话,我一定撑佢。

讲番,真正嘅第十个人。有朋友话,美国加唔加息,根本唔重要,就算加,都唔会加得多。所以佢地认为,呢个竞猜,好无聊,加息呢个议题,根本冇需要讨论。我虽然提出咗新常态,亦同样认为,美国响短期之内,唔会加息,就算加,都唔加得多,但我仍然非常重视,美国加唔加息,同埋几时会加。

点解?

因为,几叻嘅人,都只喺一只井底蛙,大家嘅分别,只在於个井口几大,同指向天嘅边一部份。

热切期待,第二个回合嘅结果!
126. 打工仔 Andy 2015-10-13 10:04:57
我估,美国佬今年无得加息,下年先算! 
127. 二叔公 2015-10-13 10:25:42
加息?遥遥无期。
128. 历史长河 2015-10-13 12:34:04
珍惜兄果然魅力非凡,点击率已经超过8万,唔知是否新纪录?

答案同上次一样:十年内晤会超过4%。
129. 珍惜香港 2015-10-29 09:39:56
珍惜香港

叮叮!第二个回合,终於揭盅啦!

第二回合嘅答案喺:仲未加住喎!

今次呢个回合,又真喺几闷蛋嘅,议息之前,市场已经预咗佢唔会加,所以喺 NO SURPRISE。依家个境,比起八月份果阵呢,简直就喺天渊之别。记得当时,全城喺咁唱,讲到美国响九月份,一定加硬息咁。

唉!家阵已经搞唔清楚,究竟边个先算喺,「真正嘅第十个人」啦!

上次我提到哥白尼,喺想带出两个重点。首先,佢总结咗货币量化理论,成为当今经济学一个好重要嘅基础。简单讲,货币嘅值,喺唔会超过铸币嘅成本,即喺话,当印钞成本趋向零,货币值亦会趋向零。依家要印钞,真喺易过借火,响电脑入多几个零,或者响张唔知乜票据上面,写多几个零,边使乜嘢成本?原来,十六世纪嘅古人,一早就已经预言咗今日嘅 QE 啦!

另一个重点,就喺我成日讲嘅,环球经济新常态。我已经响 49/F,尽量用最简短嘅表述,描绘咗呢个咁复杂嘅经济环境:

所谓新常态,就喺全球各经济体发展成熟之时,先洗未来钱之势趋向极化,用嚟包底嘅新兴市场又买少见少,结果形成增长放缓,举债渡日,以致货币供应泛滥,市场走向薄利多销嘅环球经济现象。

呢个经济环境,唔喺短期,亦唔会番转头,所以喺冇周期。增长放缓,喺全球性,亦喺呢个世界,每个地方,不断进步,以及人类嘅生活,不断得到改善,最终要达至嘅一个必然结果。最近,人行又玩双降,但美国佬已经冇再好似上次咁,将自己加唔到息嘅理由,推咗去人地度。一切阻止美国加息嘅,果啲所谓突发事件,根本就喺预期之内,而呢个新常态,亦一次又一次咁,得到咗引证。

可惜好多人,死咬住以前嘅经济模型,仲喺用紧过哂时嘅周期同波浪理论,去解释依家嘅经济现象,解释唔到呢,就话啲嘢唔合理、唔正常。全球资金嘅流动性,只会越嚟越高,资讯亦只会越嚟越发达,如果呢个低息环境,真喺咁唔合理,咁唔正常嘅话,边可能维持到成九年咁长?仲未肯面对新常态嘅,就好似哥白尼年代啲人咁,死坚持地心说,唔肯接受日心说。呢种人,永远走响时代嘅后面,永远觉得人地成功,只喺好彩,佢地错过咗呢个九年,亦会错过埋下一个九年。

当人地仲喺发紧梦果阵,我已经响度搵紧,下一个新常态,究竟会喺乜嘢嚟?於是,我提出咗资源论。如我所料,接受唔到新常态嘅人,更加接受唔到资源论。有啲人,仲喺死等紧一个灾难嘅来临,一个撇账嘅出现,希望从中取利。我从来都唔发灾难财,果啲摆住钱响度,等灾难嚟到至入货嘅,就喺想发灾难财。我奉劝呢班人,死咗条心,借钱唔还,分分钟搞到要还资源,睇下希腊就知。所以呢,唔好以为美国佬,仲够胆死,会好似当年金融海啸咁,玩多一次撇账,至於我地中国人,就更加唔会咁傻啦!

寻日,金管局又注资,银行体系结余,已经由上月底嘅 3,443 亿,升到 4,204 亿啦!一个月内,多成 761 亿,即喺足足两成几喎!响联系汇率之下,无论美元转强又好,转弱又好,港元都喺咁受欢迎,资金一样不断流入,喺唔喺又好唔合理?早前我响一篇提及财爷曾嘅长嘢里面,反问咗两条问题:香港作为一个,各方资金,自由进出嘅国际金融中心,都唔使搞乜停市机制,但点解美国反而要有?香港嘅实体经济,冇因为股市大跌而受到冲击,又点解?

呢方面,金管局真喺功不可没,佢响金融同经济实体之间,筑起咗一道强大嘅保护墙。所以,点解我话,香港喺一件肥猪肉。要知道,呢四千几亿,喺以港元形式存在,同时亦推动紧港元资产嘅交替同更新。

今次,联储局维持利率不变,不过话,十二月仲有可能加息喎,咁就听住先啦!呢个真正嘅第十个人竞猜,果然要玩埋第三个回合,先至可以真正揭盅。芳间有评论话,美国大选年喺唔会加息,所以十二月果次议息,将会再一次成为全球焦点,唔会好似今次咁闷蛋啦!

都喺果句,几叻嘅人,都只喺一只井底蛙,大家嘅分别,只在於个井口几大,同指向天嘅边一部份。所以,希望各位,唔好睇少加息呢个议题。

美国加唔加息,同埋几时会加,我喺非常重视,因为呢个将会喺,环球经济新常态,一个好重要嘅里程碑。

热切期待,第三个回合嘅结果!
130. 打工仔 Andy 2015-10-29 10:06:04
珍惜兄
下次议息系12月, 美国佬今次大把时间再搬龙门呀!

期待第三回合
131. 历史长河 2015-10-29 11:18:33
珍兄,认同未来的日子将唔会睇到象样之周期,缓慢上升将是新常态。

送句岳飞的话给等低买高卖的弄潮好手们:「莫等闲,白了少年头,空悲切!」
132. 占士 2015-10-29 11:54:04

谢谢珍惜香港兄的分享!

133. Sugar 2015-10-29 12:00:18

#132 Hi,James Bond^^ Nice 2 C U~~

Also thanks 珍港前辈!!!

134. 八十后 2015-10-29 13:15:51
多谢珍惜香港前辈!

您每次的文章都是非常用心及具有啓发性!
135. 元朗人 2015-10-29 21:24:12
珍惜香港兄

这论坛的可贵是能容纳不同意见,但觉得三位高级会员再出文的可能性(暂时)不大。莫等闲,白了少年头。请考虑改变出文的条件吧。
136. 历史长河 2015-10-29 23:01:05
珍惜香港兄,茣再等待,请出手!
137. 珍惜香港 2015-10-30 01:42:13
珍惜香港TO:63/F、135/F 元朗人,136/F 历史长河

两位喺长期回应者,亦见证咗地产论坛嘅成立,及转化成资深会员专栏呢两个阶段。所以,关於我以承诺,封印自己唔用专栏出文,并将封印之匙,交予三傻之手,个中嘅来龙去脉,相信唔须要再详细表述。

其实,我有嘢想写嘅话,就算唔响专栏出文,都可以响回应箱出文,唔会影响我嘅分享,反正一向都喺咁。当然,我亦明白,两者喺有分别嘅。

我的确有心事未了,而且相关嘅事情,亦尚未完结。现阶段,我喺有须要遵守承诺,所以暂时唔想考虑呢个问题住。

早几日,我已经回覆过长河兄,关於呢件封印之事,恐怕要到真正嘅第十个人完结篇里面,先至会再作检讨,同作出交代。而所谓嘅完结篇,就暂定於第三回合揭盅之日
138. 历史长河 2015-10-30 12:41:19
珍港兄,解铃还须系铃人。要三傻返来,睇落要博士或纲主亲自出面了!
139. 负利率 2015-11-05 20:39:46

耶伦称下月有加息可能惟未决定

美国联储局主席耶伦在国会听证会上表示,下月议息会议有加息可能,但目前仍未有决定。纽约联储银行行长杜德利亦称,同意耶伦的说法。

联储局上星期议息后发表的政策声明,特别提到会在十二月议息会议上决定是否加息。

耶伦出席美国国会众议院金融服务委员会听证会,再次确认这个说法。耶伦表示如果经济数据支持,十二月会议将会作出加息决定,但目前仍未有决定。

耶伦指出,即使当局十二月开始加息,加息步伐会是缓慢有序,利率逐步调升,不会对美国房地产市场构成打击。她认为美国经济表现良好,今年以来就业市场显著改善,但承认近期就业增长步伐有所放缓,美国经济的强劲势头,被全球经济疲弱所带来的影响抵销,但整体上美国经济面临的风险仍然是平衡。

不过一旦经济情况严重恶化,当局可能考虑实施负利率,刺激银行放贷,但目前并无必要这样做。联储局第三号人物、纽约联储银行行长杜德利,在另一个场合发表演说时表示完全赞同主席耶伦有关十二月加息的观点,他认为当局保持经济均衡发展是非常重要,希望美国薪酬进一步上升,推动通胀率实现 2% 的目标。

来源:有线新闻(2015/11/05 06:11)

140. 历史长河 2015-11-05 21:20:00
耶姐是真正太极大师,佢讲咗三种可能,仲有第四种咩:
1. 加
2. 唔加
3.减。即负利率。莫非珍兄真的有水晶球?

唔知陶醉大师点念?
141. yyfan 2015-11-06 07:54:54
相信"如果“呢两个字系近年最好用的字之一,基本上可以令任何吹水作大处於不败之地
142. 历史长河 2015-11-06 08:40:33
Fan兄,除咗「如果」,还有「一旦」!  哈哈,共勉之。
143. 历史长河 2015-11-06 11:54:36
陶醉兄,点解我在里度问,你却在边度回应?

我都同意美国应该冇咩可能施行负利率,如果万一行紧,肯定会有人提出重新评估联汇制度。
144. 珍惜香港 2015-11-07 15:58:04
珍惜香港TO:143/F 历史长河

不如,你问一下亮剑兄,点解唔肯响汤博士个场下面发言?我估,答案都喺一样,不过再讲白啲嘅,恐怕又会俾人话喺骑劫啦!哈哈!

我都唔认为,美国会响短期之内,实行负利率。不过,一个联储局主席,公开言论,喺具有指标性,同强大嘅市场影响力,所以一言一词,都要经过深思熟虑,同充足嘅准备,绝对唔可以爆肚胡吹。如果冇必要嘅话,佢根本冇须要提,点解一定要讲?唔通真喺睇过地产网咩!

所以,耶伦响国会听证会度,公开提及负利率,一定有佢嘅目的。佢话,如果经济情况,明显地恶化(deteriorate in a significant way),任何包括(including)负利率嘅措施,都会被摆上枱。讲真,佢又要提,又要讲「包括」,即喺「唔一定」喺负利率,又要话「如果」情况明显地恶化,之类之类,倒不如唔提算啦!

点解一定要提?

美国佬唱加息,唱咗咁多年,佢地嘅技俩,难道大家仲未睇得出?

正如,基於乜嘢条件加息,呢个「龙门」,喺可以搬嚟搬去,但美国佬,会唔会加息,几时先至加息,同埋,最重要,佢真正嘅加息条件,都喺唔会话你知。

乜嘢喺「明显地恶化」呢,喺冇定义嘅!今日,美国佬讲得出负利率,就即喺话,佢已经有咗盘算,到真喺要实施果阵,就唔好话佢冇讲过。至於,乜嘢喺「明显地恶化」,呢个只喺「龙门」,而真正实施负利率嘅条件,都喺一样,唔会话你知。

所以呢,千祈唔好以为,负利率,一定要响啲乜嘢「灾难」,或者乜嘢「恶劣」嘅情况之下,先至会实施。冇事冇干,但条件成熟,一样可以被演绎成「明显地恶化」。不过有一点,就可以好肯定:

负利率,一定喺对美国,自身有著数嘅,先至会实施。

吓?咪即喺讲咗等於冇讲?家阵,美国佬正喺密切注视紧,每一个曾经、正在、或计划行负利率嘅经济体,睇住佢地嘅动态,同埋一切相关嘅因果关系,拟定一旦实施负利率嘅话,个流程要点样行,先最有著数。

长河兄提到联汇;其实,香港呢粒弹丸之地,同时又喺一个,资金随意进出嘅国际金融中心,好多金融项目,都喺以美元为基础。所以,香港喺有须要,保持联汇呢个制度,以确保金融体系嘅稳定。至於外围因素,对本土经济嘅冲击,就以金管局筑起果道强大保护墙嚟阻隔。呢个,就喺香港嘅特色,同优越之处。

所以,就算美国行负利率,都唔会冲击到联汇制度。美元转强又好,转弱又好,港元都喺咁受欢迎,资金一样不断流入,香港自己,话唔定已经行得负利率呢?睇嚟,我已经好间接咁,回答咗我响另一边 54/F,最后提出果条,俾人话喺骑劫嘅问题。

呢个世界每一件事物,都喺因为须要存在而存在,至於是好是坏,其实只喺主观角度嘅问题。如果美国佬,真喺冇事冇干,冇「灾难」,又唔喺咁「恶劣」,都失惊无神走去行负利率嘅话,睇怕又会有好多人,走出嚟大声疾呼,喊哂口咁话,唔合理、唔正常啦!
145. 历史长河 2015-11-07 19:36:23
珍兄,

讲真,我也一直在想点解耶伦今次提负利率,我的考虑是讲给国际对手听多过内在考量。不过你讲的更全面,对太极大师们的心理分析透彻。至於联汇,认同以目前香港全局来看,仍是利大於弊,唔需改变。

看来你是低息塔利班,做债将会长做长有!

PS:恭喜点击过9万。


146. 九成经济师预测 2015-11-14 18:46:26

杜德利称很快满足加息条件

美国联储局多名官员发言,包括副主席费希尔,与局内第三号人物杜德利等都同意短期内可以加息,只有一人反对。主席耶伦没有表明立场,但称要留意货币政策影响可能较以往大。

一天六名联储局官员公开讲话,惟独主席耶伦没有谈及下月会否加息,只称要评估非常规货币政策工具对经济和金融市场的影响。其余五人当中,只有芝加哥联储银行行长埃文斯表明,倾向更迟才开始加息。之后也要信守「缓慢加息」的承诺,确保市场清楚了解当局的意向。

副主席费希尔虽然没有谈及自己的意见,但就称十月议息声明显示十二月加息可能是合理,通胀明年应该会回升。只是由於美元强势,影响经济及物价,整个加息步伐需要更缓慢。局内第三号人物、纽约联储银行行长杜德利也暗示很快会开始加息。

连续两次在议息会议投反对票的里士满联储银行行长拉克尔,与明年议息时有投票权的圣路易联储银行行长布拉德都认为,现在就需要加息,更称不应该过早「锁死」加息步伐。如果经济较预期强劲,就可以加快调高息率。

市场在美国公布强劲的就业数据后,就似乎已同意应该开始加息。《华尔街日报》调查发现,超过九成受访经济师预期,十二月议息会议会加息;只有个别经济师认为,会待明年三月,甚至更迟才行动。

来源:有线财经(2015/11/13 10:07)

147. 历史长河 2015-11-15 00:00:33
多谢楼上分享,该篇报导有两句话比较重要,请自行解读。

[主席耶伦没有表明立场,但称要留意货币政策影响可能较以往大。]

[只是由於美元强势,影响经济及物价,整个加息步伐需要更缓慢]
148. 打工仔 Andy 2015-11-15 01:08:11
路要行
工要开
饭要食
息要加
租要收


149. Bosco 2015-11-15 01:35:05
加息的意义是什么?
以我既理解是为了压抑通胀及防止经济过热。
但美国最新的通胀率聊胜於无,而且比较接近滞胀。
另外,实质工资同08年相比基本上持平冇分别!实体经济冇出现加人工抢人的话,经济是否出现过热而去加息压止呢?
我认为,12月会加0.25里最多之后横行一段时间,直至通胀及实质购买力有明显上升势头才会正式进入加息周期,但如果重陷衰退就会反高潮进入负利率及QE4。

注:现时联储利率是0-0.25%
加0.25里可以解读为多少?自己谂⋯
150. 历史长河 2015-11-15 11:49:36
Bosco 兄,加 0.25非同小可。如你借银行500万,每年要多付一万多利息,每个月大约多付1000大洋。这可是小弟一个月的杯麺budget.
151. 历史长河 2015-11-15 11:54:44
打工兄,所言甚是。

在边度玩呀?已近岁尾,又是一个好年头,玩开心点,唔好超速啊!
152. Bosco 2015-11-15 13:33:03
历史长河兄,
关键是否进入加息周期,如果加息力度不足,不能够把楼市推下来。
我相信下次楼市洗牌之时,就是财富进一步归边的结局。
个人来说,我不希望看到这个现象发生。
153. 历史长河 2015-11-15 13:36:21
Bosco兄, 楼市归边一直进行中, 无论加息与否,人仔升值或贬值...........,这也是淡友一直搅唔明白的地方,不过你懂的。
154. Bosco 2015-11-15 13:49:20
历史长河兄
我是懂的,所以感到十分不安及悲观。这方面新加坡做得比较好,平民怨气冇香港咁严重。
155. 历史长河 2015-11-15 13:58:33
Bosco 兄,深层次矛盾只能靠政治解决,不是冇办法,只是小弟承蒙祖训,唔愿公开谈论任何政治议题。

话分两头,丛林法则乃自然规律,唔使过於不安。如有力则做点善事好了。

156. 向饭民说不 2015-11-15 14:45:04
154楼,香港有咩吾好,穷人住公屋,不需要交税,全世界有边度比香港好。
香港的问题是因为外部实力,有很多人拿了美分,日元,台币,在web到散布负能量,跟著制作动乱,新加坡可以比这些外部势力生存吗?
我最近重新思考,原来这些外部势力一直都在web,5毛系到了后期才出现
157. 向饭民说不 2015-11-15 15:00:19
154楼,就以地铁服务为例,香港地铁在世界上服务水平是很高,但是一样被毒媒抹黑到一无是处。
158. 打工仔 Andy 2015-11-15 18:10:56
长河兄

今次坐时速200km 的高铁, 哈哈!
159. 历史长河 2015-11-15 20:23:14
打工兄,正所谓:

坐地日行八万里,巡天遥看一千河;

快哉快哉!

160. Sugar C 2015-11-15 20:30:06

^^好诗,like!


161. 打工仔 Andy 2015-11-15 22:21:50
长河兄
小弟跟你一回,

长河兄: 
坐地日行八万里,巡天遥看一千河;

打工仔: 
引力星辉醉河里, 天影云月现星河 ! 

162. 历史长河 2015-11-15 22:29:44
哈哈,都成诗人了,好,可以帮助拉高香港小业主质素。
163. Bosco 2015-11-15 22:32:36
To: 156楼
如果个个人都好似你咁谂,懂得珍惜香港,基层市民知足,明白幸福不是必然就好了,最怕有人唯恐天下不乱⋯
所以我是十分支持香港要建多些公屋,作为安抚社会怨气的工具。总好过搞得整个社会深层次矛盾显性左出来,到时连累业主全部人都是输家!
164. 向饭民说不 2015-11-16 11:00:46

楼上,实际上很多年轻人被毒媒洗脑。

今次法国事件,我在不同情他们了。他们自己打开了潘多拉魔盒,种咩因,得咩果。

还有我相信,如果中共不能压得住新疆回民,一旦他们能够作反,新疆汉人一定被屠杀。

学下黄尸歹一句话,97年前,世界是那么和平,点解97年之后,世界那么不和平。

165. 向饭民说不 2015-11-16 11:29:32

今日彭博新闻,

Japan Enters Recession as Economy Contracts in the Third Quarter

台湾也enters recessions,加拿大也是吧。

香港有咩唔好,其实香港在全世界的经济表现,已经是非常好。点解仲可以被抹黑。年轻人点解仲觉得民不聊天.

Bosco,香港现在有4成人口住公屋,不同新加波那种住组屋的, 不但没有政府补贴,自己还要交税,香港的公屋是需要纳税人补贴的.所以事实是60%住在私人楼,补贴紧40%住公屋的人,按这条formula,如果公屋人口不断增加,私人楼的业主压力只会越来越大, 私人楼价肯定更加高.


166. 无言 2015-11-16 15:30:01
无论香港行边种制度,,都会有人不满,,这是人类的天性,贪...!永远站在自己褔利高地上。人素质高低只能控制自己贪念或多或少,,因此各种正统宗教教导我们怎样处理好自己心魔。
其实楼价指数147出现在2019/2020年,社会怨气就无咁多。每年平均7-8%升幅个人觉得太多数社会人仕接受。所以估计2017年年中或第三季前指数跌至107-117区域,之后逐年回升7%,约2019/2020回复至147。
167. 无通胀 美国点加息 2015-11-16 17:28:13
政•经•顽石不低头
石镜泉
经济日报副社长兼研究部主管、电台财经节目主持人
 
无通胀 美国点加息
16/11/2015






前周五,因美国就业数据亮丽,市场咸认为美国加息无悬念。
在上周一笔者文则对此有保留,本谓上周二为文解释,但因市场有其他发展,终未成文,但今天就不能不讲,为何美国12月加息有难度。
今年12月美国加息的机会率可从美联邦基金利率期货的走势得知,今年5月时,其机会率是2%,到公布10月就业数据前已升至50%,亮丽的10月就业数据公布后,加息的机会率已升至72%,但上周五这个机会率又回跌至64%,是甚么原因促使市场认为美12月加息的机会率在消退?两个原因:经济和通胀数据。
美国是以消费来主导经济增长,10月就业数据虽好,工资亦见有2.5%的年增长率(这或是因提升最低工资有关),但汽车销售、普通商品和汽油销量均见跌幅,抵销了餐饮、家具和材料。整体零售销售增长自2014年中以来一直放缓,自2015年中以来放缓速度更加快,这个原因亦简单,美国工人收入增长少,消费也自然少。今周公布的消费物价指数对美储局的加息决定,有重大作用,如果消费物价指数放缓,美储局加息的压力应会减退。
不少人看重了10月亮丽的就业数据,但就忽略了9月17日美储局主席耶伦在议息会后公告会上的几句话:"Two percent is our objective, we want to see inflation go back to 2 percent. "。
在当日之前一日公布的核心通胀率只为1.8%,不要少看这0.2%的差距,真是不易增上的。


失业率数据失真


关注通胀的,不止耶伦,还有储局副主席费沙,前两星期,和上星期,费沙在公开场合也讲有通胀便加息,表面看,他也是加息鹰,但反言之,无通胀呢?
2013年6月,前任美储局主席伯南克,立出了美储局会加息的两大门槛,失业率低於5.8%,通胀高於2%,但在2013年11月,美储局会议纪录提出了,由於劳工就业率低(即不少人不想打工,而退出劳动力大军),自残失业,你就不能当他失业率,故失业率低至5%也无大用,更加上近年美国工人工资加得少,变成是:「有工打,也有粮出,但粮不足,要食白粥」,美国工人如果食白粥尚可,可惜他们不是,结果就是:在麦当奴做Part-Time的工人,其时薪不够食个汉堡餐,竟要自带午餐,如此消费「劲」吗?


美国加息只看通胀


就业这门槛虽已被废,最尴尬的是,每当就业数据一好,人人就以为美储局会加息,事实上美储局的加息门槛应已变成单蹄马,只看通胀。
有人分析过美储局主席耶伦,自上任主席位以来,她讲得最多的字是:通胀(inflation),较就业(employment)多出逾倍。不要以为这是口爽,要知耶伦是就业问题上的经济专家,不讲就业而多谈通胀,明显地是有潜台词,要怎演绎?有两个,一个政治上的,暂不讲,一个经济学上的,下详。
传统的资本主义经济学,加息有两个目的,通胀过高,或经济过热,但今时美国,两个都没有,根本没有加息的迫切性,只不过之前伯南克及其幕僚於2013年6月时,仍揸住旧本子办事,以为美国的自然失业率仍是5.8%,到之,等於全民就业,但今时这个旧认识是不合时宜的,故便只能当就业数据一好,就搬出全新加息门槛,欧洲不稳、中国不稳、市场不稳,如果这些藉口也不可以成为藉口时,怕要用气候异变,不可加息了。


通胀达标三条件


亮丽就业数据会成为美储局的尴尬时,美储局就只好搬出通胀升至2%,但从9月17日耶伦所言,已开始为通胀率要升逾2%(至2.5%)才会加息。
说实在要美国通胀率升至该水平,有三个情况才可,
1.美国工人赚了大钱,再大花,又或肯刷信用卡去花,而全球制造业的库存都被美国消费者消耗了,要加价,促使美国有强力的输入通胀;
2.美滙大跌,油价大升,美国通胀必升;
3.美滙大跌,美债息急升。
前两个因素出现的机会微,反之第三个因素不要以为不可以。世人是否对美元百分百信赖?一般人是,富豪不一定,假如不知为甚么原因(原因其实一箩箩,不过今时不讲了)。世人一旦弃美元,或弃10%美元,美债息急升,美储局一定要加息,因为市场息已升,官方息如仍赖死不升,定会促使更多的美元流走,市场息必升。
反之,美国的库存,却大升,而目前的高水平,放诸从前,是代表会陷衰退,若是,美储局敢加息吗?
Zerohedge撰文指出,由於零售商补充库存激增,9月份商业库存跳升0.3%(见附表),显著高於持平预期,为6月份以来最高位。零售商销售同比增长1.7%,但零售商的库存同比增长了5.1%。
销售保持不变,但库存率大升至1.38倍(见附图),为金融危机以来的最高水平。
同零售销售一样,之前两次库存相对於销售处於如此高水平之时,美国经济已经陷入衰退。
168. 华富财经 2015-12-08 01:45:10

美联储 Lockhart:个人已经为加息做好准备

Lockhart 表示,支持加息的标准当前已经大量实现,美联储决定加息应非意外,分歧意味著美联储在货币政策的讨论上是十分活跃的,未来的提高联邦利率将取决於通胀是否上升,美联储可能在未来部分会议上决定暂缓加息;美国的经济增速大体上是由自身推动,当前海外因素并没有太多影响,有关对中国经济增速前景的担忧已经被证明是有些夸大了,中国将保持不错的经济增速势头,金融部门与新兴市场正在为美联储加息做准备。


美联储布拉德:FOMC 没在 9 月份加息可能是一个错误

布拉德表示,美国 11 月非农就业报告“非常强劲”,表明 9 月份决定推迟加息可能是一个错误,即便是在首次加息之后,美联储仍然应当将行动与数据挂钩;一度担心秋季会放缓,但实际情况却并非如此;(对於美联储是否滞后於利率曲线这个问题)我们肯定能够弥补未能提前加息的过错,首次加息的时间节点可能并不是那么至关重要。


梁兆基料美国本月加息机会大 人民币明年或贬 2-3%

汇丰银行亚太区顾问梁兆基表示,美国联储局於本月宣布加息的机会大,而市场估计加息幅度为四分一厘,他相信幅度将会温和,对经济下行压力较小,他又预计,美国明年会再加息 2-3 次。

被问到美国加息会否影响企业发债,他回应指,由於市场已预期美国加息多时,相信即使加息,对债市造成危机的机会不大,企业仍会按个别需要发债,不过,他关注由於息率已有一段时间维持在近乎零的水平,若美国加息后,或会造成不可预期的波动。

他指,人民币获纳入 SDR 后,相信短期的汇价会稳定,但长期仍有贬值的趋势,预料明年人民币会再贬值 2-3%;本港方面,他指出,港元汇价强劲,减轻入口通胀压力,预料明年 GDP 增长 2%,若明年楼价升幅较今年小或出现下跌趋势,通胀或会有下行压力。


财爷:本港内需平稳 料全年 GDP 增长率为 2.4%

财政司司长曾俊华表示,第3季环球经济出现波动,国际货币基金组织更三度下调全球经济增长至 3.1%,为 2009 年以来最低的增速,外围经济环境严峻影响亚洲地区出口表现,本港第三季服务输出按年下跌 1.3%,而环球经济增长疲弱对香港的影响越来越明显,但内需保持稳定,私人消费开支亦稳健增长,但由於经济气氛不理想,机器及设备购置按年下跌 10.5%,令总投资开支录得跌幅,因此预计第四季经济表现较差,全年经济增长只有 2.4%,有信心可以达到。

他指,本港 8-10 月的失业率维持於 3.3%,而劳动人口按年上升 2.4 万,由於预期明年环球经济增速仍处於低速及不平均,将今年全年的通胀率下调 0.1 个百分点至 2.5%。

他指,市场本预期联储局将於下次会议宣布加息,但无论月内加息或下年开始加息,仍然存不确定性,困扰全球经济,加上各国央行政策分歧,令国际货币环境更为复杂,对资金流向及金融市场带来波动,他提醒市场,美元强势,新兴货币备受压力,其风险不容忽视,预计短期内香港贸易仍存在不明朗因素。


陈德霖:美国好可能下周加息 资金或流出香港市场

金管局总裁陈德霖在一个活动致辞时表示,美国联储局将会在下周讨论是否加息,若然加息将会启动利率正常化进程。他认为,美国好可能会开始加息,相信美元强势会持续一段时间,现时难以预料资产市场对加息的反应,但可以肯定将对新兴市场造成影响,包括能源及商品价格下跌、资金流出、经济放缓等,而本港亦将面对资金流出以及楼市下行压力等。

他又指,金管局自 2009 年起,已推出 7 轮逆周期措施确保金融体系具有抗震能力,他认为,只要香港不自乱阵脚,加上拥有依靠内地的优势,在内地坚持金融改革开放,加快两地互联互通的步伐,相信可以应对市场挑战。他又指,过去 8 年美国就业市场的职位增加落后於劳动人口增长,虽然近期失业率下跌,但劳动人口参与率同时亦减少,而美国今次经济复苏力度只及过去几轮经济周期的一半。

他又指,环球多个市场推行量化宽松政策,但他认为,量宽会带来多个副作用,包括令依靠利息收入的个人储蓄者蒙受损失、大量资金流入新兴经济体,造成资产过热、拉阔贫富差距等。

另外,他指出,暂时未见访港旅客人数下跌与港元强势有直接关系,因港元名义利率上升 6.6%,而同期珠宝钟表等奢侈品价格下跌 8%,而酒店房租则下跌 12%,认为物价下跌已抵消汇价上升的因素。


来源:华富财经(2015 年 12 月 7-8 日)

169. 阿思达克财经网 2015-12-08 01:54:09

加息如箭在弦,黄金利空出尽

上周五,大涨之后的非美货币普遍出现了小幅的修正,欧元以 0.57% 的幅度领跌;商品货币除纽元升 0.87% 之外,整体波动有限;美元指数反弹至 98.246。美股大幅走高,截至收盘,道指上涨 369.96 点,报 17,847.63 点,涨幅 2.12%;标普 500 上涨 42.07 点,报 2,091.69 点,涨幅 2.05%;纳指上涨 104.74 点,报 5,142.27 点,涨幅 2.08%。2 月黄金期货上涨 22.9 美元至 1084.1 美元/盎司,涨幅 2.2%。

市场在过去一周主要由央行政策主导。欧央行不出所料延长了 QE 期限及下调银行存款利率,但仅仅达到预期下限。市场的失望溢于言表,欧元爆升推动了黄金的初步反弹。随后,周五公布的美国 11 月非农就业增加 21.1 万人,高于预期的 20 万。同时 10 月数据上修爲 29.8 万人,两个月合计增加就业超过 50 万。在如此强劲的就业数据下,美联储已经没有理由把首次加息再推到明年。而从近期官员的言论来看,12 月加息也是水到渠成。

然而金价在跳水后出现了急升,最高冲至 1,088 美元。因此前加息预期已经充分消化,这是一次典型的 “买预期,卖事实” 反弹。获利盘将金价推升至下行通道顶部之上,进而引发了更多的空头回补。结合此前愈发明显但迟迟未见效力的 RSI 底背离,这在技术面上不难解释。而美联储在 12 月加息之后,应该也幷不会急于在明年 1 月再度行动,因此就目前而言,黄金确实利空出尽。

周綫图上,上周的阳烛完全吞没了前一根阴烛,爲较强烈的转势信号,利好后市。不过日綫保利加通道顶部 1,094 距现价不远,短綫或遇到反复。本周重要数据不多,主要关注美国 11 月零售销售,PPI 及 12 月密执根大学消费信心指数初值。

来源:阿思达克财经网(2015/12/07 11:48)

170. 珍惜香港 2015-12-08 11:43:03
珍惜香港

转眼间,呢个真正嘅第十个人竞猜,已经接近尾声。

又要提一提大家,下个礼拜四,将会喺第三个回合,即喺最后一个回合嘅揭盅。记得我响上个回合度话过,十二月呢次议息,将会再一次成为全球焦点。果然,芳间嘅评论,又再一面倒向加息呢个预期。比起八月份,我启动竞猜果阵呢,今次更加一面倒,何止全城唱加息,简直就喺,当正美国佬,已经宣布咗加息啦!

话说,耶伦连续两日,暗示会短期内加息,仲话本月加息喺「现实选项」添。神山直树,呢位日兴资産管理首席战略投资顾问,更加指明,美国十一月非农就业人数高过预期,年底加息「已成定局」。而利率期货亦显示,下星期加息机率「接近八成」。就连俾我封为真正大师嘅财爷曾,都响政府网志度话,大部分人会预期,联储局十二月正式踏出利率正常化嘅第一步,就好似一套全球关注嘅「长篇连续剧」,观众早知嘅结果终於要上演咁。

至於金管局总裁,陈德霖呢,当然都唔执输啦!佢亦讲到明,话预计美国下星期就加息,唔单止喺咁,佢仲讲埋一大堆危言耸听嘅说话,吓你一大餐,之后再叫各位,唔好自乱阵脚喎!

哗!真喺好似打到嚟咁,唔知大家惊唔惊?

记得我启动竞猜之后,汤博士睇过呢度嘅回应,见到话唔加息嘅人,比加息嘅人多,於是就认为,我唔算喺第十个人。依家到咗尾声,响咁一面倒嘅环境之下,唔知我仲算唔算有资格,成为「真正嘅第十个人」呢?哈哈哈!不过,原来仲有少数人,例如石镜泉,都有质疑美国点加到息,但都喺果句啦,只提出质疑,唔敢直接否定。

今次呢铺,真喺唔嘢少,下星期议息嘅结果,喺加,定喺唔加,意义都非常重大,因为美国佬嘅真面目,即将揭开。所以点解,我一开始就已经话,拣八至十二月呢段期间,向大家提出竞猜,喺最 RIGHT TIME

不过,上次各位勇士表态,已经喺成三个几月前。过咗咁耐,仲要大家坚持不变,好似有啲讲唔过去咁。所以我决定俾各位一次转軚嘅机会,时限定响嚟紧周日,而未表态嘅回应者,亦欢迎响呢段期间加入竞猜

* 最后转軚日期:2015年12月13日(星期日)
* 最后加入日期:2015年12月13日(星期日)


首先,当然要再重申,我喺睇死美国佬,今年之内唔加息啦!

依家,已经到咗关键嘅时刻。我要声明,无论最后回合嘅结果喺点,呢个「真正嘅第十个人」竞猜,都会正式结束,唔会延伸到 2016 年。

所以,呢个喺最后机会,俾大家转軚、加入,而各位亦千祈唔好怕瘀。转軚,唔代表你衰咗,敢於转軚,先至喺大智大勇嘅表现,如果立场有变,又唔敢承认呢,反而喺懦夫行为。仲有,我希望上次表咗态嘅各位勇士,无论会唔会转軚,都再回应一次,重新表明立场。而各位亦请放心,我呢份人,好均真,你点样回应都好,回唔回应都好,你冇写到明嘅话,我喺绝对唔会咁冇品,老屈你转軚嘅,哈哈哈!

期待大家嘅回应!
171. 历史长河 2015-12-08 12:03:01
唔加. 另外十年内加息唔会超过3%,都有可能先加再减。

重申:唔加息唔系好事,资金会继续等待情况明朗化。
172. 长期读者Y 2015-12-08 12:04:25
之前无投过,我投:
今年老美不加息!

173. 大宝二宝 2015-12-08 12:36:50
珍兄

我叫紧糊,点会转呔?我剩系想知估中有咩奖品啫。哈哈哈哈……

共等之,哈哈!
174. 二叔公 2015-12-08 12:37:24
我信期货佬,要转軚,加 quarter。
175. yyfan 2015-12-08 13:22:13
唔加

但希望佢会加,否则一定世界动荡
176. 亮剑 2015-12-08 13:35:43
世界经济疲不能兴,各国滙价对美元不断创新低,而反映经济兴衰的油价就跌到一仆一辘。
美国呢阵要加息唯一理由,就是「做人要讲口齿!」
话咗今年加;那可待下年!!
177. Sammy 2015-12-08 13:36:20
睇死美国佬,今年之内唔加息!
178. 惜缘 2015-12-08 13:37:17
珍港兄

维持睇法,今年不加息。
179. To 176. 亮剑 2015-12-08 13:54:05
   

       Missed you.



180. 无奈 2015-12-08 13:56:02
加1/8,附带声明,将会非常缓慢。
加1/4,附带声明,随时会减息。


181. 向饭民说不 2015-12-08 14:27:56
看到 ate dog shit 的公民党,香港庆幸有689,否则,香港真系要跟台湾ate dog shit。

台湾的民粹令到建好的核电不能开,大巨蛋烂尾。所有基建stop。不过台湾人要ate dog shit,是他们自己的选择。我地香港吃花生,鄙视他们。

但是香港班公民党ate dog shit为了自己的利益,要令港珠澳大桥烂尾,要令高铁烂尾,要令3跑起唔成。

班公民党全部都是律师,不知道生活艰难,不知道香港就来被边缘法,仲对香港加多脚。

公民党全部都是人渣。
182. AH-HO 2015-12-08 14:46:02
维持我的预测,唔加。
183. 向饭民说不 2015-12-08 14:46:37
楼上,美国佬不加息是不可以的,在不加息,联邦储备局就没有权威了。美金分分钟暴跌。所以点都会加一点点。当然不可能多,因为全世界经济都好差。根本没有一个经济火车头带动。
184. 打工仔 Andy 2015-12-08 14:46:56
维持今年不加息!
185. 佛过大佛寺 2015-12-08 15:04:36
唔加息,估错就将笔名倒转来写。
186. Jerry 2015-12-08 16:56:19
加息0.25,之后唔加或蜗牛咁加
187. Sugar 2015-12-08 17:02:05
同#186Jerry一样:今年加息0.25
188. 肥婆四 2015-12-08 20:26:36
加硬!理由任佢讲,总之要收人皮。
189. Gordy 2015-12-09 06:27:08
唔加。
190. 引刀一快 2015-12-09 06:29:20
加唔加楼价照跌!
191. 打工仔 Andy 2015-12-09 08:52:34
引刀兄

应景 ! 哈哈哈!
192. Joe 2015-12-09 23:14:25

差D忘记左,再讲一次,唔加。
193. 鱼蛋仔 2015-12-09 23:19:52

哈哈!我都不变。加!

194. 2011年开始 2015-12-10 00:45:52
不加
195. Oscar Lam 2015-12-10 07:30:02
珍兄,

现在不是估加不加息的问题,而是估加多少息?

可否加上一项,如果加息,加多少?这样可能更加准确。嘻嘻!

在下估美国今年加息0.25%。
16. Oscar Lam
2015-08-07 13:16
更准确一些来说:

美国今年12月加息0.25%。
196. Oscar Lam 2015-12-10 07:32:44
16. Oscar Lam
2015-08-07 13:16
更准确一些来说:

美国今年12月加息0.25%。
197. Oscar Lam 2015-12-10 07:34:51
以上是在下之前估的。目前依旧有效。共加之,嘻嘻!
198. 估神 2015-12-10 16:48:05
美国佬会加0.15%应酬大家!

199. 估神 2015-12-11 20:14:01
珍兄:
恳请赐教……美国佬希望万剑归宗,尽收全球资金,可以唔加息都达到吗?:-)
估神

200. yyfan 2015-12-13 08:13:29
只要留意下近日债市发生紧咩事,就知道加息真系一次都嫌多,除非美国佬可以做到置身事外,全世界出事都唔关他事啦
201. 新抱仔 2015-12-13 10:44:06
加。见到美债不跌反升,感到开始埋单的情况
202. 珍惜香港 2015-12-13 22:19:34
珍惜香港

TO:149/F Bosco、172/F 长期读者Y、177/F Sammy、180/F 无奈、185/F 佛过大佛寺、186/F Jerry、187/F Sugar、189/F Gordy、198/F 估神、201/F 新抱仔

欢迎加入!

TO:174/F 二叔公、171/F 历史长河、183/F 向饭民说不

暂时一位转咗軚,两位本来无凌两可嘅表咗态。

TO:173/F 大宝二宝

可能正因为估中冇奖,所以吸引唔哂所有注册者参与啦!哈哈哈!

TO:176/F 亮剑

又喺呢个似是而非嘅答案?我一样会将你归类为「否」喎!

TO:171/F 历史长河

呢个真正嘅第十个人竞猜,第三回合之后,就会正式结束,玩唔到十年咁耐。不过,阁下嘅预测,仍然会纪录在网嘅。

TO:195/F Oscar Lam

根据依家大部份嘅市场预测,阁下嘅赢面好大,而你亦似乎假设咗,今次一定会加。都喺果句,第三回合,已经足以揭开美国佬嘅真面目,所以,加几多,已经唔再重要,亦唔喺今次竞猜嘅主题。

同样地,阁下预测加 0.25%,喺会纪录在网嘅。

TO:199/F 估神

万剑归宗,唔一定合乎美国佬嘅利益。加息,喺要「长远付出」去争取刹那间嘅好处,除非美国佬,真喺有条件食得起。如果加咗之后,短期内减番,市场对美元嘅信心就会尽失,衰过唔加,所以呢,倒不如出口术算啦。

加息嘅利弊,喺好复杂嘅议题,不过我可以用一个假设去演绎。加息推低美债,再以公开市场操作回收旧债,咁就可以赚番前债嘅成本。再加上前债已经喺超低息,即喺变相将前债,再推低到零甚至负利率回收。呢个做法,等同要美债投资者,为美国嘅债务埋单,同抢钱冇分别。但如果出口术,就已经可以达至相同嘅效果,咁点解要真喺加息,断自己后路?

TO:200/F yyfan、201/F 新抱仔

两位都喺睇债市嘅表现,但结论就相反噃!哈哈!

各位,我会将 DEADLINE,延至嚟紧嘅凌晨两点。四个钟头之后,我会为大家嘅选择,再作一次总结。
203. 小师妹 2015-12-13 22:35:10
今年不会加
204. yyfan 2015-12-13 22:54:42
新抱仔睇嘅系债市对加息嘅预期,我睇到嘅系加息对债市嘅影响,全球资金放系边度最多?咪债市lor,睇下加息点样影响债市,基本上可以知道决策者应该点做
205. 珍惜香港 2015-12-14 02:03:46
珍惜香港

转軚、加入嘅 DEADLINE 又过埋啦!各位对美国联储局,今年(2015)内会否加息,最后取态简列如下:

「会」:注册 16 人,非注册 8 人,共 24 人 .....
大胃IT人

Oscar Lam(12 月加 0.25%)(重申 0.25%
朗晴(2015 年尾加 0.1%)
middle middle c1ass
元朗人(香港唔跟)
大宝二宝(第四季 +0.25% 香港唔跟)(叫紧糊
新淡友(9 月加 0.1-0.125%,12 月或再加)
肥婆四(方便兄弟挘水,体现承诺)(重申加硬
Ronald(基於承诺同中美博奕之战略考虑)
Schumpeter(难得打击中国,人仔眨冇影响
收买佬(9 月就加)
Bosco(11 月中加入,话 12 月加 0.25%)
无奈(新加入,加息 1/8 慢加,1/4 随时减番)
Jerry(新加入,加息 0.25% 之后唔加或蜗牛式)
Sugar(新加入,今年加息 0.25%)
新抱仔(新加入,美债不跌反升,开始埋单)
Fianncial Anlyst(6/F
过来人(11/F
弓丨人一笑(37/F
Ann Lee(41/F
AC(59/F
二叔公(13/F)(信期货佬,转軚加 0.25%
向饭民说不(67/F70/F)(权威因素
估神(新加入 198/F 加息 0.15% 应酬大家

「否」:注册 25 人,非注册 16 人,共 41 人 .....
珍惜香港
(基於新常态,抗加息事件自然生成
亮剑(一成机会夹硬加,香港唔跟)(重申?
数据分析员
yyfan重申但希望加息
x 息 x(预期效果已达,无须加息)
我是15楼CCL 上 150 回 133 再升至 16 年尾)
鱼蛋仔重申唔加
Joe(美国冇经济好转势头)(重申唔加
路人皆知(环球 QE,美国冇条件加)
初学者Tony
八十后
CD ROM(撞正人仔眨值,Jetso 紧要 D)
AH-HO(中国汇率、利息改变)(重申唔加
惜缘重申唔加
打工仔重申唔加
占士
2011年开始重申唔加
旺丝(楼唔升租升 10-20%)
Carson
潘朵拉
十兄弟(话见美国客取消订单喎)
历史长河(十年内利率吾过 4%,或加唔过 3%
长期读者Y(新加入)
Gordy(新加入)
小师妹(只喺话 9 月唔加)(重申今年唔加
cc(1/F
汤饭(3/F
TO so called financial anlsyt (not analyst)(8/F
HKTOM.COM(12/F
yy(14/F
过路人(18/F
屋村师爷陈(22/F52/F
中年人(25/F
怒妇炒鱼柳(26/F
anggie T.(34/F
珍惜机会(48/F
Max(68/F
唔好再delete我(82/F
PF Law(88/F
Sammy(新加入 177/F
佛过大佛寺(新加入 185/F 估错倒转笔名写

其他:注册 1 人,非注册 2 人,共 3 人 .....
引刀一快(总之楼市点都照跌)(重申题外话
hifi(5/F
(cc)(44/F

注册 41 人:39% 会(16 人),61% 否(25 人)
表态 65 人:37% 会(24 人),63% 否(41 人)


今次再利用市场压力,诱使各位转軚,结果都喺失败。呢度嘅读者,到咗最后阶段,仍然拣「否」嘅居多,占约三分之二,同之前一样,跟市场一面倒倾向「会」嘅现象相反。

睇嚟,响呢个场度,我做唔到真正嘅第十个人啦!哈哈!

热切期待,最后一个回合嘅结果!
206. 珍惜香港 2015-12-17 03:25:39
珍惜香港续 205/F

距离结果,只剩番最后一刻咋!唔知大家紧唔紧张?

今次,美国联储局,受到嘅压力,喺近十年,咁多次议息以嚟,最大嘅一次。呢铺呢,真喺要买定花生等睇戏啦!此时此刻,全球嘅市场,唔喺「预期」佢会加息,而喺「当正」佢已经加咗,可谓史无前例。

加,即喺要顶硬上;唔加,就要露底!

如果,响咁嘅环境之下,都唔加息,咁好多嘢,就不言而喻。但喺,加嘅,又会代表啲乜?好简单,加息,即喺话,美国佬响环球金融嘅舞台上,已经丧失咗领导地位,唔到佢选择。好多人以为,美国可以借助加息,重夺话事权,其实,失去,就喺失去,仲死要抓住嘅话,只会失去得更快。

所以点解我话,美国佬嘅真面目,即将揭开

记得旧年九月果篇,环球经济新常态之一,里面我曾经暗示,持有垃圾债券嘅基金,尤其喺美债基金,开始要睇紧啲;半年后,我再提一次,仲发出咗最后警告。其实好多嘢,我唔想讲到明,因为唔一定准,而我亦唔想倒人地米。最近,好多债基都出咗问题,尤其喺美债基金,当中有只 Third 唔知乜仲话要收皮添。

美债基金出问题,已经蕴酿咗超过一年,加唔加息,都喺阻止唔到。我提出真正嘅第十个人竞猜,仲要拣,八月份,年尾前,呢个 TIMING,喺有重大嘅意义。简单讲,无论最后嘅结果,喺加,定喺唔加,我都已经赢咗,点解?好难解释,或者可以话,我拣咗呢个 TIMING 罗!

我之所以响最后一刻之前,出呢篇回应,喺因为有啲内容,揭盅之后喺唔会再提。

喺时候大觉瞓啦!

注:啱啱写完呢篇回应,结果就出咗。算啦,都喺瞓觉先!
207. Ronald 2015-12-17 05:15:53
我中了
208. 亮剑 2015-12-17 08:34:16
珍港兄……不如开个 2016 年美国夹埋加唔加倒一厘,及香港加唔加倒半厘息好不好?
小弟首先表态,美国 2016 年可能加多 0.25 厘;而香港跟加 0.25 厘!
209. CD ROM 2015-12-17 10:03:25
出来认一认输.........................

唔紧要, 亮剑兄你开个局, 大家都玩得开心!!!
210. 历史长河 2015-12-17 10:10:40
认输
211. 惜缘 2015-12-17 11:42:13
认输先……

同意CD ROM兄,不如亮剑兄开局,在下相信大家一定会玩得更加开心。

共待之!
212. 珍惜香港 2015-12-17 12:01:17
珍惜香港

叮叮叮!最后一个回合,终於揭盅啦!

最后回合嘅答案喺:加息四分之一厘

哈哈哈!就大家嘅取态,答案,喺出人意表;而市场呢,就喺众望所归!

今次嘅大赢家,喺 Oscar Lam大宝二宝,两位都喺第一次表态,就估中最后一刻先加 0.25%。另外,值得一赞嘅,就喺二叔公,好勇猛咁,於最后一刻转軚,仲估中埋加几多。真喺恭喜恭喜!

而我,呢个睇死美国佬,今年之内,加唔到息嘅死硬派,当然就喺输咗

不过,更重要嘅,梗喺衷心多谢,各位嘅参与!

亮剑兄,我话过,呢个真正嘅第十个人竞猜,第三回合之后,就会正式结束。其实,呢个 POST 已经出咗差唔多成四个月,好多表咗态嘅朋友,都唔知仲有冇追紧。就睇今次最后揭盅,截至呢个时刻,只有 5 位出现过,其他有关加息嘅回应,都去哂汤博士果边。我嘅号召力,去到今日,已经喺咁上下,唔可以再玩落去罗。

不过呢,如果有亮剑兄嘅号召力,咁就唔同哂啦!不如剑兄,将你提议嘅,来年美国同香港加几多息,响呢个专栏度,开一个新嘅竞猜,你肯出马嘅,大家一定会捧场,玩足一年!

今日,就美国加息,陈德霖话(03:44),大家要为港元利息上升,同埋资产市场可能作出嘅调整,做好准备喎。坦白讲,如果你到今时今日,先至开始做准备嘅话,就已经太迟。

我话,提出呢个竞猜,仲要拣,八月份,年尾前,呢个 TIMING,喺有重大嘅意义,呢方面,我有时间、有 MOOD 嘅话,会再同大家分享。不过,我想带出嘅喺,预测,有几准,有几中,唔喺最重要。每个人,一生里面,为自己嘅将来,都做过无数嘅预测,亦唔喺次次都准。问题喺,你响预测嘅过程之中,有冇凭每次跑出嘅结果,不断修正自己嘅睇法。最难嘅,唔喺估错果阵去修正,呢样个个都识。但估中呢,你会沾沾自喜,更加肯定自己一贯嘅睇法,还是对自己再严厉啲,搞清楚估中嘅背后理据,喺唔喺真喺你谂果只?

今次美国联储局,受到史无前例嘅压力,已经代表咗,环球经济,开始进入另一个阶段。所以,加唔加息,喺冇乜分别。至於来年会唔会再加,加几多,拭目以待啦!

总之,2016 年嘅投资环境,将会非常严峻。年几前,我已经开始准备,你呢?

好多时,作为旁观者,依牙松钢,好似好爽。但如果你喺当局者,前面有 N 咁多条路,当中有唔知几多条,喺死路,咁唔知你又会,拣边条嚟行?定喺企定唔敢郁?唔郁,可能仲死快啲喎!

真正嘅赢家,唔喺睇你点估,而喺睇你点行动!

再送多次各位,一曲抉择

真正嘅第十个人」竞猜,正式结束,祝大家,乘风破浪,更上一层!

火影忍者:抉择
213. 打工仔 Andy 2015-12-17 12:50:22
认输!
214. 历史长河 2015-12-17 13:17:19
再次认输, 心服口服。
215. 小师妹 2015-12-17 13:21:22
输了……但已准备好迎接严峻的2016年!
216. I am ready. 2015-12-17 13:29:58
我也准备好了
217. Gordy 2015-12-17 15:09:52
我认输。
218. middle middle class 2015-12-17 15:22:39
珍兄,我一直有支持你啊!  不过,我上班的公司/所在嘅行业前景非常黯淡,加上不学无术,所以冇乜回应啫。

219. Sammy 177/f 2015-12-17 17:29:06
认输
220. 2011年开始 2015-12-17 17:40:22
认输
221. 东网专讯 2015-12-18 01:53:26

息魔杀到:联储局或将扩大逆回购规模

【on.cc东网专讯】联储局将联邦基金利率目标区间上调 0.25 个百分点,至 0.25% - 0.50%,同时详解如何通过 2 种利率来设定区间的上限和下限。

1、联储系统理事会一致同意上调超额存款准备金利率(IOER),由 0.25% 上调至0.5%,2015 年 12 月 17 日生效。0.5% 的 IOER 将成为银行系统利率的上限。

2、隔夜逆回购利率提高 20 个基点至 0.25%,从 0.05% 上调至 0.25%;并取消每天 3,000 亿美元的下限;换言之,或将扩大逆回购规模。通过这一机制,联储局以其持有的美国国债作为抵押进行隔夜拆借。

联储局表示,逆回购计划的总规模将取决联储局目前持有的美国国债数量。联储局相信,大约有 2 万亿美元美国国债可用於该计划。联储局并未明示如此庞大的逆回购规模将维持多长时间,但此前曾有联储局官员暗示,逆回购的规模将逐渐缩减。

上述运作表明联储局影响借贷成本的方式出现重大转变。近几十年来,联储局都是通过买卖美国国债来调整联邦基金利率。由於金融危机爆发后大量准备金流入金融系统,这一方式的效果受到影响。

联储局官员认为,新工具能够帮助联储局控制短期利率。

联储局未就其 4.5 万亿美元资产负债表的长期计划发表评论。联储局称,将继续利用到期美国国债的收益来购买新的债券,以保持所持国债数量的稳定。

来源:东网专讯(12月17日 12:50)

222. 橙讯 2015-12-18 02:10:43

【唔使惊】金管局跟随加息 银行利息未加

【橙讯】美联储局宣布加息 0.25 厘,金管局跟随其加息脚步,宣布加息 0.25 厘,而银行是否跟随加息才是大众关心的问题。不用担心,汇丰、星展香港、渣打香港等多家银行,先后宣布,最优惠利率将维持不变。

汇丰银行今日宣布,该行的最优惠利率将维持不变,保留在目前的 5% 水平。汇丰对上一次於 2008 年 11 月 10 日改动最优惠利率,当时减息 25 点子。同时,汇丰给予港元储蓄存款户口的利率将会维持不变,储蓄存款 5000 元以下无利息,5000 元或以上年利率 0.001 厘。

汇丰香港区行政总裁施颖茵表示,美国联邦储备局的公开市场委员会刚宣布加息 0.25 厘,是市场预料之中。由於香港银行体系资金仍然充裕,本行决定维持港元储蓄存款利率及最优惠利率不变。我们会继续观察金融市场的情况,有需要时会检讨港元存贷利率。

多家银行维持最优惠利率不变

施颖茵续指,除美国利率走势外,本港金融市场的资金流动也会影响银行存贷利率。市民适宜留意利率变动下对其债务负担的影响,尽早作出风险管理的准备。另外,渣打香港亦宣布维持香港利率不变,最优惠利率维持目前 5.25 厘水平,港元储蓄户口利率亦维持不变。

星展香港企业及机构银行总监兼董事总经理张健生表示,现时本港银行流动资金结余充裕,港汇持续高企在 7.75 水平,认为短期香港同业拆息未必需要跟随美国上调,星展香港维持最优惠利率不变,亦维持按揭利率不变。他认为,加息对香港会有影响,但如果加幅不超过 1 厘,对整体经济影响不会太大。至於香港何时加息,他说要视乎美国是否继续加息、加幅,以及资金流向等情况。

中银香港高级经济研究员卓亮预期,明年美国会加息 2 次,每次幅度 0.25 厘,由於美国已经历一段较长时间的复苏周期,料未来的复苏动力或会减弱,加息周期或会在 2017 年终止。卓亮又说,本港的流动性充裕,有延后加息的条件,但相信长远本港息率与美国息率的走势一致。由於预期美国的加息幅度温和,相信不会对本港楼价构成太大压力,料明年楼价会有单位数跌幅。

中银香港发展规划部副总经理鄂志寰表示,由於加息在预期之中,故对市场冲击有限,虽然新兴市场的资金外流会加剧,但由於新兴货币汇价已提前作出调整,加上新兴国家的外债占外汇储备比率较低,料不会因而引发金融危机。

银行加息对市民影响有几大?

美国加息对市民供楼会有多大影响?假设一个楼价 500 万元的单位,承造六成按揭,供款 30 年为例,以现时息率 2.15 厘计,每月供款近 11315 元,全期总利息超过 107 万。如果银行跟随加息 0.25 厘,每月供楼要 11698 元,多出 300 多元,全期利息就要多付超过 13%。假如出现加息周期累积加息一厘,每月供款约 12892 元,会比现时多 1500 多元,全期利息会增加至超过 164 万,即要多付超过 57 万元利息。

来源:橙讯(2015-12-17 16:14)