地產博客 > 敢說亮話 返回
瀏覽人次:14646    回應:26
敢說亮話
茶餐廳亂話(477)救得一個得一個
 
湯文亮博士
紀惠集團行政總裁
2019年2月26日

  今早去到茶餐廳,老闆問香港究竟出了什麼問題,自殺的新聞每日都會出現,而且不是一個人輕生,而是全家人一起輕生,老闆的問題也是我的問題,但我不是社工,根本不了解自殺者的心路歷程,而很多的個案是他殺之後再自殺,這比一般自殺更複雜,代表自殺的人不想家裡的人在他死後生活難過,所以先將屋企人殺死然後自殺,在昨日的個案,報章話事主炒燶股票,輸左幾十萬,迫不得已而自殺,老實說,我並不同意這個說法,現在賭輸錢或者炒燶股票的人很多,但為此而要自殺的人就很少,老闆問會不會為情,老闆真的是情聖,香港人兩性之間早已參透合則來不合則去這句話,點會為情自殺,一句分手啦就可以解決問題,至於會不會因病厭世,我不排除這個可能性,但最多是自殺,不會將自己的屋企人先殺死,政府一定要關注那些自殺個案,了解其來龍去脈,救得一個得一個。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 文員 2019-02-26 14:37:48
其實現在做文員, 是否足夠養妻活兒?
2. 真真薯片 2019-02-26 14:46:50
以前有唔少人係香港衰左,可以著草去台灣,澳門或者大陸重新黎過,依家林鄭要封人後路,唉
3. To 2 2019-02-26 14:55:22
錢債糾紛唔涉及詐騙可以拉嘅咩?
4. 時辰到 2019-02-26 15:00:49
佛偈有話「善有善報,惡有惡報,不是不報,時辰未到。」

上年大大聲叫人買樓「救得一個得一個」,但自知樓價高風險的專家,實質是自己想「賺得一個得一個」或「呃得一個得一個」,今年人家時辰到變成「害得一個得一個」。

有天理嘅,遲早輪到自私專家時辰到,希望大家不要再害人,真的會死人㗎。



5. 湯瑪斯 2019-02-26 15:20:23

「賭輸錢或者炒燶股票的人很多,但為此而要自殺的人就很少」,少都係有呀,而家因為賭輸錢或者炒燶股票而自殺既人都仍然係少。

炒燶股票就全家一齊死,我地思想正路既人梗係覺得佢地好傻。不過任何一個社會都有一些咁想唔開既人。惟有大家努力提倡正向思想。其實現時既香港,欠債唔駛坐監,最多破產。屋企人失去家庭經濟支柱,係困難!不過餓唔死既,香港有綜援安全網嘛。唔駛死姐!

6. 佢地好傻 2019-02-26 15:53:52
佢地並不是傻, 而是用「我為你好」或「我都係為你好」來掩蓋一切虛偽和自大的行為
7. 引刀一快 2019-02-26 17:27:45
香港嘅居住環境,本來就係一種壓力,當呢種壓力普遍存在於社會之中,臨近於崩潰閾值嘅人就會相對多,再加D外在刺激,比如疾病、欠債之類,好易成為催命符。
選擇買大灣區對好多人嚟講,可以緩解呢個問題。第一,三份一嘅錢可以買大幾倍,可以住得到香港買唔起嘅大屋,大大降低精神壓抑。第二,首期同月供都低得多,選擇又多,可以睇餸食飯,輕輕鬆鬆過日子。第三,今日搏老命買納米港樓嘅人,會發現香港越來越似大陸,天價買大陸屋,而買大灣區嘅人,雖然不至於變成港樓,但係間屋越來越方便,越來越好用,而平時日子亦相對寬裕一些,呢D都係精神上同實質上嘅好處。
8. To 7 2019-02-26 17:38:12
快哥, 睇返報導同是非卜截圖(如果屬實), 哩對夫妻一早講「馬騮戲」落幕, 將人地對佢地的鼓勵看成落井下石, 你俾生路佢行, 佢淨係覺得佢想行果條才是生路。 
9. 引刀一快 2019-02-26 17:46:10
To 8

睇睇先!
10. To 9 2019-02-26 17:56:36
啫係有人問你借錢, 或者問你點解咁成功, 其實我地衰左學野含忍果時冇俾人見啫
咁你鼓勵佢含忍, 謹慎自律, step down, 破產, 都係大路無公害解決方法, 但對當事人而言, 我地就唔係企響佢果邊
咁冇人可以將成功俾人架嘛, 俾都守唔住啦


11. 平常心 2019-02-26 17:58:28
浮夢世界 如霧世界
愈看得真 感想愈怪
若要假嗎 天真的我
不會粉飾天賜的情懷

寧願告退 難像你醉
未慣一生 不分就裡
讓我此生 交給天意安排
不想講也不必猜

平常的心  從沒顛簸陌巷
無須高低起跌升降
每項平常事 平凡又如何
結果亦是得一個
只不過是感覺
12. 掹車邊80後 2019-02-26 19:09:36
俾親朋將借錢當「馬騮戲」一定有關係
13. 小小市民 2019-02-26 20:28:55
社工幫到人?現在大部分社工都欺善怕惡,吾好俾到麻煩佢就得。佢話新移民,聲大夾惡,我地都怕左佢地,最重要無手尾跟。我話有幾次,真係想攬住個細既跳落去(利由無欠債)佢話呢d係你既選擇,真係俾佢吹到⋯應該有好社工既,未遇到!
14. 鄧學士 2019-02-27 06:51:12
社會缺乏 愛
15. 自我陶醉 2019-02-27 09:40:14
香港現在嘅問題,主要係人口政策失衡導致,除咗房屋供應無法滿足無止境的新增人口,其他社會的內部資源,亦無法滿足新增需求,升學、就業的競爭越來越大,醫療系統、公共運輸不勝負荷,交通擠塞、違例迫車等情況亦越來越嚴重,這些問題對主要依賴公共服務的中下階層沖擊最大,為生活鋌而走險,參與高風險投資、賭博,借到盡高價買樓,期望走出困局的人只會越來越多,政府能有效管理人口政策前,這些社會悲劇只會越來越多。

16. To 15 2019-02-27 09:49:52
醉哥, 唔單止「對主要依賴公共服務的中下階層」, 佢地搞唔掂自己, 連帶服務佢地的前線中產都唔好過。
17. 自我陶醉 2019-02-27 10:13:12
16樓

同意,這是連鎖反應,正如醫院啲醫生都叫哂救命。日日都鬧港鐵壞車,有冇人會諗下佢使用率有幾高!
18. 向泛民说不 2019-02-27 11:19:13
真真,不要咩都姓赖啦。就因为你地饭民毒媒日日报道负能量,结果d人越来越极端。其实欠钱最多吾就系老破咯,只是有些人一时想吾开。如果做人积极d。有咩问题。

不过真系多谢特朗普咯,将股票市场炒起炒落。买牛熊证真系杀完好友就杀淡友。


19. 向泛民说不 2019-02-27 11:24:56
自醉,供求问题原本就是很容易解决的问题。但是你们饭民狗日日拉后腿。将问题复杂化。香港土地一直不足,也不是今天才开始,以前港英政府不断的搞大白象工程,提供了足够的空间比香港人,但是今天你们饭民狗为什么又拖后腿。

两年前,你们饭民拉倒医改的时候,我就已经知道一定会有问题。

饭民狗现在仲要抹黑150。现在的问题事实上因为老人化问题,一个老人家60岁退休,现在可以活到80几岁。去到70岁之后,就要越来越需要人照顾,如果没有150的年轻人补充,边个去照顾老人家。饭民正人渣,破坏王。

毒媒最喜欢颠倒是非黑白。
20. 引刀一快 2019-02-27 11:26:02
所以就係話要飛地囉,再唔飛地,香港真係大把問題浮面。
21. 饭民毒媒日日积极报道负能量 2019-02-27 11:41:55
新時代下的社會, 沒有教育理性務實為人生作打算, 饭民毒媒罪在教人自欺欺人。 
22. 真真薯片 2019-02-27 12:02:28
有冇人敢寫包單將來一定唔會有人因為經濟犯罪之類罪行被引導?

不過唔緊要,反正事在必行
23. 因為經濟犯罪之類罪行被引導 2019-02-27 12:05:01
如果會, 可能會減少經濟罪行從源頭發生。
24. 引刀一快 2019-02-27 17:53:57
真真薯片兄

有冇人因為經濟罪行引渡並非重點,以後大部分香港人言論都有顧忌,呢個係關鍵。
開始信我嘅大灣變港樓論喇卦?
25. 向泛民说不 2019-02-28 09:30:31
引刀,只要你们泛民狗不破坏一国两制,中央在一国两制之下一定会包容不同声音。中央还是要估计泛民间谍主子的声音。
26. 引刀一快 2019-02-28 11:06:15
向飯,你小心啊,蘇聯間諜會俾人暗中處理嘅喎。