地產博客 > 敢說亮話 返回
瀏覽人次:41365    回應:14
敢說亮話

無限江山,別時容易見時難

 

湯文亮博士

紀惠集團行政總裁
2015年10月6日

  臨天光被風聲,雨聲嘈醒,雖然三號風球已經除下,但風勢比上次八號風球還勁,既然已經醒咗,於是起身寫文章,上星期五,施永青到我的明報會客室時講起,原來大家都是在早上寫文章,我習慣是先寫一篇,然後游水,回家食早餐後再寫第二篇,因為要趕返工,很多時第二篇未必可以寫得完,到中午飯時間才完成,與老施不同,佢幾時寫都可以,不過,大家有一個相同之處,就是寫文章唔難,搵題目難。

  風聲,雨聲使我想起李後主,他在亡國之後所寫的詞比在位時有意思得多,不過,文人大多數是這樣,失意時的作品往往比得意的時候好得多,而李後主最後一首詞叫浪淘沙,寫完之後,後主近身向朝廷報告,太宗睇完之後,認為後主仍然懷念在南唐做國君時代,於是賜後主牽機藥。我覺得好唔抵,後主懷念南唐時代是人之常情,香港一樣有好多人懷念以前賣走自住單位,知道現在很難買得返,正如後主在浪淘沙中所說,無限江山,別時容易見時難。

  財爺在接受訪問時話,樓宇成交量減少三成,樓價出現調整亦不足為怪,我同意樓價將會調整,但唔同意成交量在樓價調整後會回復從前,稍微增加就有可能,因為,大多數香港人都明白,無限江山,別時容易見時難,物業賣走,在辣招及逆週期措施下很難買得返,如果沒有迫切需要,都唔會賣走物業,尤其是自住單位,所以,我認為二手樓低成交量將會成為新常態,新樓買賣所佔的比重愈來愈多,這又不是什麼壞事,因為,新樓能夠流入巿場才真正可以解決供應不足的問題,如果二手樓成交量大,但新樓賣唔郁,對解決問題於事無補,政府辣招及逆週期措施令市民認識到,必須珍惜他們的物業,賣的時候如流水落花,買的時候就感覺到別時容易見時難。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 歷史長河 2015-10-06 09:11:40
秋意漸濃,讀博士此文,一片感傷。今日轉做淡友,頓感 '流水落花春去也,天上人間'。
2. 丸子 2015-10-06 10:16:29
對呢!賣左,我都怕買唔返。所以自住及自用的寫字樓,我也不會賣
3. 珍惜香港 2015-10-06 12:10:18
珍惜香港

無限江山,別時容易見時難!

起句嘢,令我諗起「老曾」。從今日起,我要尊稱前曾特首為「老曾」。

話說,搞咗成三年半,終於挖出咗老曾兩件所謂罪行啦!

吓?咁都叫罪行?我諗,ICAC 要忙囉!如果將所有公職人員,尤其喺啲立法局議員呢,尤其喺啲泛民議員呢,啲 FILES 攞哂出嚟驗屍咁驗,唔知又會挖出,幾多件漏申報嘅,「關連人仕」事件呢?

咦?唔知挖庸梁個 FILE 出嚟,又有冇發現?放心!現任特首有免死金牌嘅!

不過呢,既然已經進入咗司法程序,我都不便置評啦!

要怪嘅,就怪香港人自己,開口貪曾,埋口貪曾。老曾之功,樓市改革十成存保,我都唔數多,費事俾人以為我喺佢 FANS。人地有功之時,亦總有過失,克林頓也風流,佢只喺錯在打工仔心態,貪下啲小便宜,作為老細嘅香港人,俾你囉!心胸咁窄,點做老細?

反觀庸梁,又有乜功?佢自己開到口講埋出嚟嘅,唔喺得辣乜、限乜呢兩味!吓?咁都叫功?

香港人,食碗面,反碗底,如今庸政之下,可謂因果之循環,報應不爽矣!

真喺好懷念老曾,呢位,香港人嘅老朋友

後主云:無限江山,別時容易見時難!
老曾曰:昔日香江,別時容易見時難!

4. 新淡友 2015-10-06 13:09:53
如果呢單都告,咁CY下台都會被告,而且判刑一定更重,除非佢已經同上面講好數可以連任,單係呢一點就可以肯定香港冇運行,深圳全面超越香港可以係佢任內完成。
5. 打工仔 Andy 2015-10-06 13:21:35
DT 對香江無功都有勞! 如此下場真無奈! 

cy 可能更.......
6. 同意 2015-10-06 13:37:56
認同4/F,我相信大部分香港人都認同!!
7. 二少 2015-10-06 13:40:56
鬼叫佢成日自稱(香港仔)咩!習總領導下,唔聽話嘅下場。
8. 無奈 2015-10-06 13:43:44
贊同3樓珍兄見解。
9. 同意 2015-10-06 13:44:57
認同4/F, 我相信大部分香港人都認同你的講法!
10. 千山独行 2015-10-06 16:05:33
要突显司法独立就要一视同仁凡有漏报隐瞒的所有现任前任公职人员都同等对待 否则只能是打击異己还堂而皇之曰:司法独立!
11. 時間到 2015-10-06 17:08:36
老董腳痛落台慨黒手是邊個大家都心照啦,共產党成曰講“不是不報,時晨末到”,大家依家明啦。
12. 十郎 2015-10-06 17:41:48


      十分認同幾位見解,  一開始已經判定冇得告訴,  四十年工冒生涯,  練成刀槍不入,  乘C人機都會付款,  你話點辦.

      比人追得急,  求其理由啦,  跟原意,  兩回事.

      利申 :  絕對唔係 fans ,  觀察啫.




13. 樓市好友 2015-10-06 20:30:31
博士,我對呢篇文章真係身同感受!
14. middle middle class 2015-10-06 22:50:47
十分認同珍兄意見。  大家留意果兩份方向報,及部分香港人開口埋口貪曾,我唔係佢粉絲,但 (執政後期)力拒23條丶(上任初期)救香港經濟丶(在任期間)跟各方溝通等等。就係冇老董及CY 有的後台,所以俾某啲報紙佬狂插 (有如近期的國泰航空)。
佢貪咗乜?  我們中有誰沒犯過錯呢?
梁特首丶毛議員丶戴教授丶等等幾十人,全部都好似冇申報。  咁?