地產博客 > 敢說亮話 返回
瀏覽人次:42588    回應:21
敢說亮話

三億,其實是泛民的要價

 

湯文亮博士

紀惠集團行政總裁
2015年6月15日

  泛民對於政改是否能夠通過似乎是亂了步伐,竟然有議員話國家出錢收買他們,大隻議員話國家出價三億利誘三位泛民議員轉軚,如果事成,政改就可以通過,老實說,條件的確吸引,尤其是對於某些身無長物,年紀又大議員,下一屆都唔知是否能夠再次成為立法會議員,三億利誘三位,即是每一位議員可以有一億元,於是長毛見獵心喜,話有人出價一億叫他轉軚,唉,長毛唔係生意人即是唔係生意人,就算大隻所講的是真的,三位議員值三億,全部議員都是值三億,一位,兩位議員就分文不值,因為,政改只需三位議員轉軚就可以通過,多過三位是多餘,但少過三位就不能令政改通過,所以,不會單獨利誘一位議員,長毛順囗開河,立刻被人叫去ICAC舉報,長毛當然唔敢,無中生有,一樣是觸犯ICAC條例,現在又要改口話銀碼只不過是一個譬如,總之,聽到大隻咁講,如果真有其事,而大家又認為佢不會轉軚,容乜易見財化水,於是自動報名,話有人以一億利誘佢轉軚,現在,偷雞唔到蝕揸米,唔去報ICAC,就一定要公開道歉,老實說,議員為所講的大話道歉,他們的政治生涯就完畢,這點長毛就知道,所以,他一定會採取拖字訣,希望事件不了了之。

  有人或者會唔明白,點解我會話三億是泛民議員要價,做生意的網友一定會知道箇中原因。在唔知幾多年前,有一位物業代理向我介紹一個物業,我問幾多錢,佢話業主冇開價,叫買家俾價,於是我俾一元,叫那位代理同業主講,我已經俾咗價,如果業主唔接受,叫他還一個價給我,當然是沒有下文,不久之後,該名代理打電話給我,業主話俾佢聽有人出價三億,其實,我知道冇人出價,三億是業主要價,於是我同那位物業代理講,我最多亦只能出三億,既然有人已經到價,誰知道那位代理對我說,業主早已吩咐他,如果我都是出三億,就將物業賣俾我,我的答案是君子不奪人所好,我冇出價,後來,業主以不足二億將物業賣走,所以,我認為三億是業主的要價。

  政改即將表決,泛民議員知道,政改表決之後,他們的投票權就不值錢,但又沒有代理人出價,於是大隻同長毛就急不及待,分別公開要價。其實,政改是否通過是不大重要,最多是原地踏步,一般香港人比財爺更早心中有數,唔通過咪唔通過,又唔使死,不過,一億元對於個人來說,真的是很大數目,未到最後關頭,都唔知道有沒有人轉軚,我估計各泛民議員現在互相猜忌,綑綁式投票,只能綁著他們的身體,並不能夠綁著他們的心。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. LaLa 2015-06-15 08:59:25
道理如是,人生不過為名為利.
2. Carson 2015-06-15 09:13:46
哈哈! 人家不出價, 自己就說「有人」開價!
3. 舍神 2015-06-15 09:24:21

 啊爺恨不得通過唔到啦! 

畀你你唔要慳番! 

4. 引刀一快 2015-06-15 09:26:19
老蕭早幾個禮拜已經公開話佢地戲金一億。
5. 一字咁淺 2015-06-15 09:42:52
如果有一億,長毛同大舊一早LUR飯應。
6. 小讀者 2015-06-15 09:43:35
既然湯生已經掌握真憑實據, 證明長毛係 "無中生有", 請問你去左 ICAC 舉報未 ?


7. hkhope1 2015-06-15 09:53:35

以前在大陸的時候,看到泛民在立法會丟蕉還覺得他們正義凜然。來港後,日日見到他們表演,做事又不切實際,實在是反感至極。拉布,占中,政改從來沒見他們提出什麼可以行得通的方案,就知道用大聲公喊。否決政改心虛到三天兩頭集合到一起進行捆綁式誓師大會。天天指責政府官員沒有良知,自己就是憑著良心否決整改。有人年薪百萬住公屋,還能大大聲指責政府公屋輪候時間太長。有人日日拉布在議會整天無理取鬧,被市民嘲笑是基佬卻要向平機會投訴小市民。有人整天鼓動工人罷工,自己卻有不明不白的錢財來源。有人身為大狀,卻鼓動涉世未深的學生公然違法。這些人真的有良心唉,認真你就輸了…….

8. Nelly 2015-06-15 10:50:27

The present property price is stil very very cheap.

Go Go Go!!!


投資者5200萬 兩周掃一城12伙

九龍區新盤對疊,新界二手交投獨旺,10大屋苑過去兩天錄18宗成交,新界區佔近7成;沙田第一城錄大手買賣,市傳有投資者兩周內連掃約12伙,涉逾5,200萬元。

10大屋苑 周末兩天18成交

據中原地產指,10大屋苑過去周末兩天錄18宗成交,按周升兩宗或12.5%,成交集中新界區,天水圍嘉湖山莊及沙田第一城合共佔11宗。另美聯物業指過去周末兩天錄9宗成交,按周減52.6%;利嘉閣錄得18宗,按周升6%;港置則錄得6宗,按周少60%(註:各代理行統計之屋苑有別)。

市場消息指,沙田第一城錄大手買賣,市傳有投資者於兩周內,分階段斥逾5,200萬元購入屋苑約12個單位,包括兩、三房,即平均每伙價值約430萬元,亦不排除為企業購入作員工宿舍之用,上述買賣料涉雙倍印花稅近300萬元。事實上,沙田第一城本月至今累錄27宗成交,較上月同期約10餘宗,交投明顯加快。

青衣曉峰園 呎價12064破頂

市場換樓鏈啟動,換樓客目標移至二、三綫屋苑,搶高大單位,中原地產區域營業董事程尚傑指,青衣曉峰園6座中層F室,實用面積1,061平方呎,屬屋苑樓王,連1個車位,獲換樓客追價50萬至1,280萬元成交,實用呎價12,064元,造價及呎價均破頂。賣方持貨5年,帳面獲利約592萬元或86%。

另天水圍栢慧豪園造價創歷史紀錄,該1座高層E室,實用面積832平方呎,以768萬元沽出,實用呎價9,231元。據悉買家為換樓客,因股票獲利,睇樓僅兩日即入市。

荃灣二綫屋苑亦破頂,愉景新城衝破800萬元關口,美聯首席高級營業經理梁仲維指,該5座高層A室,實用面積659平方呎,以816萬元沽,實用呎價12,382元,造價、呎價均屬新高。另荃灣翠豐臺2座中層AB室相連戶,合共827平方呎,成交價達1,075萬元,實用呎價12,998元,造價及呎價同創屋苑新高。

9. Carson 2015-06-15 10:55:29
To: 6/F

長毛自己講嘅都有得插湯生?
10. Alan Pepper 2015-06-15 11:20:47
To 6

本來唔想出聲,長毛是指控有人賄賂呵,賄賂是刑事罪行。博士是猜測,冇涉及金錢呵。
11. Alan Pepper 2015-06-15 11:22:26
今早聽新聞都 kit 一聲笑咗出黎啦。
13. 小讀者 2015-06-15 12:04:21
To 9 & 10

湯生文章中用既唔係疑問句, 而係肯定地指出長毛係 "順口開河" 同 "無中生有" (第一段第七行).  你都識話長毛既指控係賄賂, 係刑事, 既然湯生有真憑實據指證長毛係講大話, 理應盡公民義務去警署落口供, 上法庭宣誓比證供, 還共產黨一個公道, 還香港一個廉潔政壇.


14. Alan Pepper 2015-06-15 12:10:07
咁可以告佢誹謗,但要長毛親自告佢。因為湯生冇去 ICAC 舉報長毛。
15. Stephen 2015-06-15 12:21:52
那位小讀者似乎有些不懂是非黑白。小讀者,你是否年紀很小的呀?
16. 以後不叫長毛粉絲了 2015-06-15 13:02:28
長毛其實不過是個不學無術之人,頭腦簡單,口才水皮,但我投他的票,不過是刁賊上層的官僚黑社會而已,但長毛連講大話都講得這樣水皮,下次我又如何投他的票呢!我以後不叫長毛粉絲了!
17. CD ROM 2015-06-15 16:54:05
首先, 長毛自己公開認左1億係老作啦, 邊有得告???

你睇佢訪問果陣都幾無point兼心虛tim~~~

好喇, 家陣我直接指控長毛心虛, 你會唔會去ICAC告我呢???
18. 打工仔 Andy 2015-06-15 20:48:48
飯民,咪又係錢錢錢! 
19. John 2015-06-15 20:58:08
泛民,呢次玩大咗,政改過又輸,唔過又輸;過咗即時輸,唔過,就長期輸,慘!
20. 小讀者 2015-06-16 09:19:04
同樣係針對長毛既文章, 我覺得王文彥就寫得好好多, 真正令人有思考空間.
http://property.hk/article_content.php?author=PHK_WMY&id=38373

21. 占士 2015-06-16 14:05:20

打工仔兄,飯民無錢點開飯?當然要錢錢錢啦! 不過為了佔領道德高地,所以大部分的錢都不能見光,您說對嗎?

22. 打工仔 Andy 2015-06-16 14:55:14

占士

飯民自己知自己事, 哈哈哈!