地產博客 > 敢說亮話 返回
瀏覽人次:28749    回應:20
敢說亮話
沒有一個團隊可以在一個月內變強
 
湯文亮博士
紀惠集團行政總裁
2015年4月15日

  曼聯剛打完波,便收到領隊雲高爾電話,話佢睇過我篇「細價樓爆煲論」,認為香港樓市穩固,就算升幅驚人,一定不會在三個月內爆煲,我問雲高爾有何理據,佢反問我是否唔記得他最初入曼聯做領隊時講過什麼,我睬佢都傻,當時,雲高爾連輸幾場波,梗係亂講一通,求其搵個理由做藉口,於是,我同佢講,當時你話炒費蘭尼,揚挌,卡域克,但好似你剛剛贏曼城4比2場波,三條友全部在陣中,我咁樣講,雲高爾當然俾我吹脹,不過,贏咗波點都心情靚,他只不過講:老湯,千祈唔好窒我,否則,就以後唔再打電話給你。

  雲高爾咁樣講,我當然唔可以再窒佢,唯有說佢講過咁多金句,點記得咁多。雲老話,當時曼聯果班老鬼,希望曼聯由佢帶領之下,立刻有費格遜時代水準,要求甚高,所以佢拋出一句,沒有一個團隊可以在一個月內變強,希望班老鬼比時間佢執靚曼聯隊波,現在曼聯隊波靚晒,連續擊敗阿仙奴,利物浦,曼城,不過,我始終唔明白與我的「細價樓爆煲論」有何干,於是我再問雲老,他的回答很奇怪,團隊雖然不會在一個月內不會變強,但一個月個內亦不會變弱,而他認為香港樓市穩固,就算經濟形勢轉壞,自由行人數減少,香港樓價都不會在三個月內爆煲,所以,我的「細價樓爆煲論」受到各方評擊,他認為是合理的。

  我同雲高爾講,香港樓市就好似一隊強隊,十一個位置中,只有一個左後衛比較弱,而做領隊一定要了解情況,如果沒有人可以替補,就應該以戰術補救,否則,就可能為此而輸波。現在,香港樓市的確沒有問題,但有不少人竟然為了買樓而向財務公司借錢,當然要付很高昂利息,這便是一個漏洞,他日樓市爆煲,很大機會由這個漏洞引致,我承認說細價樓三個月內爆煲是誇張,但這才會引起政府關注,即是雲老睇到尹佩斯質素下降,入球能力減弱,就必須以誇張說法來說服管理層應該要買其他攻擊球員,就算係天使都要買,如果唔及時更換,當整隊曼聯他日變成弱隊的時候,莫講一個月,就算一年都不會變強,我咁樣講,雲高爾竟然同意。香港樓市現在是有人向財務公司借錢買樓這個漏洞,如果不及時改善,當樓巿為此下跌時,就要付出很大代價才可以扭轉下跌形勢,現在政府關注,結局就不會一樣,爆煲的機會減少了很多。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 朗晴 2015-04-15 09:03:10
提出問題讓正苦找答案,我支持湯博士.
鄧公說道,不理白貓與黑貓,能捉老鼠的就是好貓.
古語有云,文人多大話,唔作大此少實在難以吸引眼球,總之出於善意的我會認同.
2. 加人工,加息慢,買樓抗通漲 2015-04-15 09:08:46
財務機構承按人,或該承按人委任接管人,透過不同方式把已承按的住宅出售,可豁免繳交SSD。
3. 亮劍 2015-04-15 09:24:47
大家來看看湯博士點運用「補鍋法」先批評啦…………

李宗吾的人生智慧 
第51章 補鍋法:
先「放火」再「救火」 

    監止子一面趕緊從漢子手中搶回玉石,一面說:「我因為圖省事和喜歡這塊玉石的顏色,才肯出這樣的高價。你這個人怎麼這樣不識好歹?這樣吧,我再給你加半兩,這回總算可以了吧?」

    那個漢子一面說:「不賣!不賣!」一面從監止子手中拿回玉石。監止子口中雖宣稱:「不賣就算了,花這樣大的價錢,可以買到更好的玉石。」卻又立即從漢子手中搶回玉石,牢牢地捧在自己的手中。

    原先那個只肯出二十兩黃金購買玉石的人是個闊佬,他見監止子竟想從自己手中奪去這樁買賣,很生氣,就氣憤地對賣玉石的漢子說:「二十五兩黃金,這塊玉石我買定了!」說著,就想從監止子手中拿過玉石。監止子一面捧住玉石不放,一面說:「二十六兩,我出二十六兩!」原來欲買玉石的闊佬更生氣了,大聲吼道:「四十兩!」又要去監止子手中拿過玉石。「四十一兩!」監止子仍緊抱玉石不放。

    圍觀者之中,不乏乖巧伶俐的人。他們知道監止子平日吝嗇、刻薄,明明值十個大錢的貨物,他非壓低到七、八個大錢,甚至四、五個大錢才肯收購;今天他居然肯出四十一兩黃金去購買一塊玉石!因此,他們就斷定這塊玉石的價值一定會遠遠地超過這個數目。再一看,四十一兩的高價,賣玉石的人仍然不肯出手,更堅定了這個看法,所以決心加入爭購者的行列。一個瘦小的老年人說:「五十兩賣給我!」一個矮胖的中年人說:「五十五兩!我買了!」另一個高而瘦的男子趕快說:「七十兩!玉石歸我!」他們一面說,一面想從監止子手中接過玉石。監止子見又加入了幾個競爭者,更抱緊了玉石,說:「七十一兩!我出七十一兩!」其他的人也不肯示弱,瘦長個大聲說:「七十五兩!」闊佬說:「八十兩!」小老頭說:「八十五兩!」闊佬緊接著說:「九十兩!」矮胖子斬釘截鐵地說:「一百兩就一百兩,這玉石是我的了!」其他人也紛紛把購價提高到一百兩,並競相想從監止子手中接過玉石。

    監止子看到這種情況,把玉石抱得更緊了。他一面用下巴指點著捧在懷中的玉石,一面對賣玉石的人說:「這玉石我已經買下了:呶,它不是一直在我的手中嗎?」眾人聽監止子這樣說,就一齊去監止子手中搶奪玉石。闊佬說:「是我最先要購買這塊玉石的,它應該屬於我!」矮胖子立刻反駁:「你雖然第一個想買,可人家並沒有答應賣給你,是我第一個按賣主的要價買下玉石的,它的主人應該是我!」「應該屬於我!」「屬於我!」幾隻手一齊伸向監止子手中的玉石。

    監止子沒有想到情況會這樣。他一面抱緊玉石,一面苦想著對策。突然,他假作失手,把玉石掉落在地上,然後又故作驚慌地抱怨大家說:「都是因為你們亂搶,玉石才掉在地上。如果摔壞了,你們負責賠償,我可是不負責任。」說著,從地上拾起了玉石,指著一塊碰傷的小瑕疵說:「怎麼辦?這裡碰出了一個缺口。」又指著另一個地方說:「這部分的角摔斷了。」他見人們都傻了眼,就故意說:「玉石是因為你們搶奪才摔壞的,你們要負責任;我是不想再買了,你們誰要誰拿走!」他說著,做出了想把玉石轉交給別人的姿態。其他人見狀不但不肯去接玉石,反而尋找借口悄悄地溜掉了。

    監止子見時機已經成熟,又假作欲把玉石退還給賣主。那漢子當然不依,他一面緊緊地扯住監止子的衣服,一面帶著央求的語氣說:「不管怎麼說,玉石是在你的手中摔落的,你不能撒手不管。」

    監止子裝出無可奈何的樣子說:「看你的境遇一定不寬裕,讓你遭到如此大的損失我心中也不忍。這樣吧,我仍按你的要價給你一百兩黃金,權當我做件好事吧!」

    那漢子感恩不盡而去,圍觀的人見監止子如此慷慨仗義,也都深為自己曾譴責他貪婪、好利而感到內疚。

    監止子的小把戲成功了。他不但贏得了圍觀的人的尊重,而且還發了一筆橫財。玉石到手後,他馬上請能工巧匠進行雕琢。因為他摔壞的地方,都是需要剝落之處,並沒有損傷玉的本身,所以一經雕琢,玉石立即變成一件精妙絕倫的玉器。不久,監止子就以兩萬兩黃金的高價賣掉了這件玉器。

    監止子的成功首先在於他識貨。但是他由於識貨表現出來的急於得到的心情引起了別人的懷疑,因此給自己帶來了小麻煩,多虧他急中生智,把寶石及時「掉」在了地上,這就等於放了一把「火」,嚇跑了眾多的競爭者。這時,他以「救火者」的身份出現,很輕易地就達到了自己的目的。這正是對「補鍋法」的靈活運用。

    適時巧妙地給顧客提建議

    在實際運用「補鍋法」的時候,不一定要先做手腳,給對方造成傷害,在不損害對方基本利益的前提下,多為自己爭取一些利益,才是高超的厚黑技巧。許多營銷人員都深諳此道。
4. 好人兄 2015-04-15 09:35:49
博士下次雲高爾打電話比你時記得問下佢對財仔4按睇法及長實賣樓策略喎。

博士幻覺愈來愈嚴重,應及早睇醫生。

4月9日就係細價樓三個月爆煲論期限到期,我見博士貴人善忙已冇提4月9日既死缐,希望博士唔好搬龍門啦。
5. 好人兄 2015-04-15 09:38:42
Sorry 死缐是5月9日
6. 路人丁 2015-04-15 10:00:33
4樓好人兄, 認真你就輸鳥。

如果呢個世上有人可以明確指點你幾時買樓賣樓, 你何止要拜佢為師,  直情要當佢再生父母啦。
7. 伊健 2015-04-15 10:15:44
又黎頭搖又尾擺,飄移境界。。。。
博士話見到尾燈當你贏
8. 看不明 2015-04-15 12:03:08

就算係天使都要買?

還是

 

就算係天價都要買?

9. 亮劍 2015-04-15 12:25:01
天使係指……迪馬利亞
10. 謝前輩 2015-04-15 14:14:29
小弟不才獻醜,多謝亮劍前輩指點!
11. 小人物 2015-04-15 17:18:46
寫得很風趣. 但係大部份入市人士既購買力有如車路士的水喉. 

12. 笑看人生 2015-04-15 17:33:40
回4樓“好人”兄

有句話叫唔怕生壞命,最怕改壞名,套係“好人”兄身上,真係一D都無錯,睇來“好人”兄真係幾“好人”喔。上天一定睇到的,放心放心。
13. 珍惜香港 2015-04-15 23:52:51
珍惜香港

今日,博士出咗兩篇文章,果邊,有成百幾個回應,呢邊呢,就得十鬆啲。

我呢份人,一向好低調,又唔鍾意湊熱鬧,所以都喺揀呢邊嚟寫。再者,我亦唔介意冇乜人睇到,我寫嘢,唔喺為咗要紅,你睇到嘅話,就喺你有緣

點解呢度咁少回應?睇睇 8/F 點講就知。原來博士呢篇嘢,冇乜人睇得明,不過,如果大家睇明咗,話唔定啲回應仲多過果邊添。點解?因為果邊,博士只喺轟咗一傻,呢邊呢,你估下佢轟咗幾多個人?

近期個「三」字,成日响呢個網度俾人擺上枱,就好似「三傻」三英之類。見到上面博士篇嘢再有「三」字,難怪又令我聯想起一啲嘢;或者,我可以從另一個角度去剖析呢篇文章。

博士嘅回應箱,就好似球隊咁,而球隊裡面,有好友,亦有淡友。以前博士睇好樓市,球隊就由好友主導,當中,費蘭尼,揚挌,卡域克,人稱「三傻」,更喺好友中嘅好友,亦喺隊中最紅。不過,最近又好似話要炒佢地喎!咦?果陣博士睇好,贏咗幾年,三條友全部都响陣中噃!我咁樣講,唔知博士會唔會俾我吹脹?贏咗幾年,當然心情靚,不過,博士千祈唔好覺得我窒佢,否則,好似响果邊轟 PP 咁,專程開篇嘢嚟轟我就慘啦!

呢幾年,博士做主場嘅球隊,以大好友姿態,執靚晒個地產網,連續擊敗芳間所有淡友。但喺,問題嚟啦!就算香港樓市幾咁穩固,都難保唔會十一次裡面,開一次淡呱?而且十一個隊員裡面,又只得一個淡友,仲喺超弱果隻。有呢個漏洞,他日樓市轉勢,個球隊就會輸得好慘。作為領隊,博士梗喺要了解一下情況,如果冇人可以替補,就惟有戰術補救囉!所以,就一定要以誇張嘅說法嚟招攬多啲具攻擊性嘅淡友,就算喺「天使」都要收買(唔知邊個喺天使?)。唔及時更換,到整個球隊他日變成弱隊果陣,莫講一個月,就算一年都變唔番強。

個故事咁就講完啦,要強調一下,純屬虛構,如有類同,實屬巧合!

講到巧合,呢個世界,原來真喺咁多巧合。繼「三」字嘅巧合之後,又俾我發現另外一個數字嘅巧合。今日,港股收市升 57 點,而咁啱呢,阿爺亦宣佈咗亞投行創始成員嘅名單,又喺 57 個喎!咦?乜咁多巧合嘅?不過啲傳媒嘅焦點,就放哂响冇台灣份呢樣嘢度,但喺冇乜人去關心,香港原來都喺冇份嘅

香港唔可以好似參加其他國際金融組織咁,以一個獨立金融、貨幣同經濟體嘅身份,成為亞投行創始成員。坦白講,我真喺好失望。唉!又喺嘅,香港,極其量喺一個隊員,又或者,只喺回應箱嘅一個字母人啫!

回應箱,原來只喺主場嘅一個陪襯,而我地作為字母人,就真喺要自量啲。早前成日話乜乜難得嘅緣份,叫大家珍惜之類,話唔定,根本就只喺我自彈自唱,一廂情願。上次叫法子兄出番嚟,真喺有少少後悔。

今晚,又再諗起臨江仙,不過呢次唔再抄啦,費事俾人話我重複 PO 嘢。

珍惜香港,响呢度,可以話喺一個繁體字人,但絕對唔喺乜嘢隊員。我喺一個自由人,寫嘢,唔會有錢收。講中咗,冇人會識我乜水;講錯咗,亦唔會負責。我鍾意嚟就嚟,去就去,唔喺俾人話換就換;我唔要人請,亦唔使人留。

作為字母人又好,繁體字人又好,簡體字人也好,陪襯啫!睇開啲啦,何必咁認真?
14. musicfreer 2015-04-16 01:34:41
珍惜香港兄果然是識惜之人, 你們是因博士而聚, 勿因小事而散
15. 八十後 2015-04-16 08:28:06
一早起來, 竟有緣看到珍惜香港兄的留言, 心中莫名感動。

因緣而聚, 謝謝您的留言。
16. 有咁難明? 2015-04-19 01:04:30
回13樓 " 珍惜香港 "

呢邊少回應,係因為呢邊唔係日日更新,而另外"文亮語", "文亮言"差唔多係日日更新,一般長時期下一定睇個兩邊先,所以留言多d,有咁難明嗎?
17. 蜕变中嘅懒人 2015-04-19 11:44:36
TO 珍惜香港兄

天使懒人諗係陽先生,因為此公只應天上有。

日久見人心,博士心中網友都係字母人,網界虚幻無須當真,亦忠亦邪戲劇人生,博士如是、懒人如是,喜則留之、褒之、貶之,手寫我心、手寫我詐、任我為之,走亦不留痕,無惜處、無悔處、如灰飛、如煙滅。
18. 引刀一快 2015-04-19 20:59:34
懶人兄

我當你係朋友,不虛幻,哪怕大家對樓市睇法有出入,走必留痕,煙灰不飛不滅。
19. 珍惜香港 2015-04-21 11:11:21
珍惜香港TO:17/F 蜕变中嘅懒人

懒人兄,我當然知道天使喺邊個啦,唔喺你講果個喎。

不過,玩篤爆,都要留有餘地嘛!

20. 小師妹 2015-04-21 14:36:10
至珍惜香港兄:

很喜歡看你的留言,尤其喜愛細閱你的長篇文章,實在獲益不淺!對我嚟講, 你不是什麼字母人,繁體字人,簡體字人而是一位實實在在敢言的智者前輩 !感謝你的分享 !