地產博客 > 文亮語 返回
瀏覽人次:19871    回應:8
文亮語
老C一年內會不會復出
 
湯文亮博士
紀惠集團行政總裁
2019年3月29日

  前日全城報導老C退休,有老友問我少了主要對手,有沒有失落感覺,我有多少奇怪,老友怎樣知道我的感受,不過他說得冇錯,我的確有失落感覺,因為在過去幾年,我專登與老C作對,他說樓市升,我就會話跌,反之亦然,搞到老C非常冇癮,我希望這不是老C退休的原因,而事實上我這樣做是有目的,就是希望打算買樓或者賣樓的人可以從不同角度來看清楚樓市,按自己能力來決定買樓抑或賣樓,不過,老C作為一間大型物業代理老闆,不能不為伙記著想,唱好多過唱淡,我為了做對頭人,自然是唱淡多過唱好,久而久之,我就變成了大淡友,市場上甚至認定我是輸家,其實,大家只見到我買樓,幾時見我賣樓,不了解我的人才會話我是大淡友。

  老C退休,我的確是少了主要對手,曾教授太好人,什麼事也點到即止,不會得罪別人,雙番冬陶冬陸冬,講股市已經夠忙,講樓市咁濕碎,不如留給我講,蔡志忠雄霸北角,老汪盤倨天水圍,講的是地區性地產,如果沒有新晉出色評論員出現,唔需要一年,老C就會復出,費事俾我也文也武,老友問我如果退休,會不會在一年內復出,一定會,原因只有一個,台灣人叫寂寞難耐,廣東人叫姣婆守唔到寡,老友同我打賭,老C一年內不會復出,我近來輸到驚,真的是不敢打賭,其實,老C復出的事,只是我一廂情願的想法,老C應該是不會復出。

  雖然現在大多數評論員都轉了軚,認為樓市會繼續上升,而事實上在新樓空置稅影響之下,地產商一定會加速賣樓,樓價一定會有壓力,但地產商不會理會,他們要新樓賣得多,亦要賣得價錢好,物業代理受人錢財,一定要努力唱好樓市,老C不需要為五斗米而折腰,不如早日歸田園居,世俗之事,留給世俗人處理。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 支持 2019-03-29 10:29:46
其實,大家只見到我買樓,幾時見我賣樓,不了解我的人才會話我是大淡友。


👏👏👏👏👏
2. 跌完未復出囉 2019-03-29 10:42:13
老C咁本就知個樓市唔掂,又唔想講假話,累人輸身家,佢想積吓陰德,又唔想同班伙記打對枱 ,依家只不過改講基金,邊到有退休吖。

遲啲個市跌得咁上下,可能年尾或明年初老C就會復出,因為可以開始唱好樓市,大家拭目以待啦。
3. 引刀一快 2019-03-29 11:29:59
弊,我都冇賣樓,貓仔狗仔累我做咗好友㖭。
其實老施退休與否,都一定會繼續表達意見,一個敢冒天下之大不韙嘅人,點會咁易沉默。
4. 私樓空置量上升 2019-03-29 13:28:21

【Now新聞台】本港私樓空置量上升至五年高位。

差估署公布截至去年底,私人住宅空置量逾5.1萬個,空置率百分之4.3,較2017年底升0.6個百分點。中小型單位空置率升至近百分之4,大單位空置率迫近一成。

另外,今明兩年私樓預測落成量分別為20420個及20180個,略低於去年的落成量,重災區是新界,今明兩年均有逾六成落成量來自新界區。

另外,二月私樓售價指數按月升百分之1.3,報365.2,連升兩個月,而租金指數則四連跌,報192.1,跌幅持續收窄。

5. 長期讀者 2019-03-29 14:09:51
無論係黑貓定係白貓,捉到老鼠嘅就係好貓。
同樣道理,能夠準確預測樓市的評論員,就係一個好嘅評論員。
我們不妨看一看過去幾年,那一個評論員最準確?
6. 十一哥 2019-03-29 16:23:04
冇買點會有得賣  ? 除非狗籠貓竇擺街邊賣啦!

8. AU 2019-03-29 18:53:43

無敵是最寂寞,博士心有戚戚焉。

9. 引刀一快 2019-03-31 07:11:44
好奇怪,向飯呢?琳琳依家急需要你支援,over over,向飯,琳琳求救呀!