地產博客 > 文亮語 返回
瀏覽人次:45594    回應:31
文亮語

不反駁就等如承認

 

湯文亮博士

紀惠集團行政總裁
2015年6月17日

  有很多人對於一些謠言,採取放任政策,認為謠言會不攻自破,我自小就不相信這種說法,因為家母在我非常小的時候,講過阮玲玉故事,阮玲玉為謠言而自殺,死後還比人取笑,話佢唔識得反駁,如果唔係,一定要反駁,唔反駁即是承認,屈在個心裡面就最蠢,死就更加蠢,而張曼玉亦演過阮玲玉這個角色,而阮玲玉有一句名言,就是「做女人難,做名女人更難」,我想大家或者會記得。

  我寫「細價樓爆煲論」,主要是見到細價樓不合理上升,而且升幅驚人,而細價樓業主借貸比率又是最高,如果市況逆轉,他們便很危險,不過,我亦知道會得罪很多網友,但我作為一個物業投資者及樓評人,一定要本著良心做事。結果,有很多網友離去,而我則採取棄我去者不可留做法,但當中有一位網友日日夜夜在回應箱內說細價樓不會下跌,豪宅才會,他經常說有六個物業,以專家自居,非常討厭,於是我回應,只得六個物業,跟我挽鞋都未夠資格,自此,他在回應箱內單單打打,當時,我亦採取放任政策,他見我唔出聲,用「不賢妻,頂指鞋」來形容我有苦說不得,我非常火滾,我記得那位網友過往說他死了老婆,我以蘇東坡記念亡妻的「江城子」送給他,但他竟然以不賢妻來回敬,對咁樣嘅人毋需客氣,而且,如果我唔反駁,他便會說我默認,我反駁,佢又變得很可憐,又話唔係咁樣意思,搖尾乞憐,敢做唔敢認,現在,以其他筆名在其他網站講「不賢妻,頂指鞋」,繼續單單打打,老實說,再唔收斂,我一定告誹謗。

  大家唔好話我小氣,因為我唔反駁,就即是承認。566停牌,傳聞公司被香港證監處調查,而證監處是不會主動公開說某上市公司被調查,566主席應該知道,所以,他在接受電視訪問時,公開否認公司正在被證監處調查,香港證監處知道,如果不作出566已經被調查聲明,股民會認為沒有此事,於是立刻發出聲明,566至今仍未復牌,持有566股票的股民當然擔心,不少股民怨恨主席,點解咁捉蟲,要公開否認566被調查,現在更加沒有彎轉。

  長毛仲捉蟲,話有人俾一億佢,叫佢轉軚,支持通過政改,他的說法,無論是友是敵,都一齊反駁,現在廉署介入,長毛都幾頭痕。現在,時勢已經唔同,你唔反駁,其他人就當你承認,或者會認為這是事實,所以,在順口開河前,必先考慮可能承擔後果。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 神算 2015-06-17 09:10:30
有六個物業,二、三千萬資產值,當然鬆毛鬆翼了。一笑!
2. 小小業主 2015-06-17 09:12:07
網絡世界就是如此。博土的文章是小弟每天的精神食糧。支持!
3. Wanda 2015-06-17 10:02:18

博士,非常支持。現在香港的這股歪風不可長,我們好需要博士的提點,博士的言論能以正視聽,讚!!

4. Carson 2015-06-17 10:09:02
而家興網路文革式批鬥, 有膽識講真話之士已不多.
5. 正所謂 2015-06-17 10:11:41
博士你好!
 小弟昨天買了你嘅新作"細價樓爆煲論",我喜歡博士嘅作風"敢說敢言",呢個亦係我支持博士嘅個人理由!
6. 蜕变中嘅懒人 2015-06-17 10:14:26
博士早上好,懒人衷心道歉過之後,並無做過博士所指責任何一件事,但担心嘅事始終發生,懒人既無奈且自責,關於其他網站或留名者公開提及此事令博士不快者,懒人知道但卻除了不理會外,真的是無可奈何。

心中感激以為己得到博士原諒,原來誤會重重不斷,懒人在此再向博士澄清,望真相有日可大白。
9. 舍神 2015-06-17 11:39:44

好想睇睇長毛可以點無賴法!

又看看ICAC 高調介入後, 有冇法子找出 "真"凶!

10. 肥婆四 2015-06-17 12:12:33
博士午安,基本上我日日都有睇您文章,仲買齊你所出的書,(4本),我是來學習的,睇到你的文章及師兄回應,有時免不了都寫一斷回應下,都是心裡話。文字有時理解角度唔一樣,睇法有異平常事,大家包函下,唔妥都可以在此澄清不是解決了嗎?誠意希望博士繼續一以既往日旦天下,我等網友幸甚。
11. 按居 2015-06-17 13:21:39
我跟blog都有好幾年,我信懶人兄。

博士不要正中下懷!

曾經聽過Pfizer Asia Director 的 talk, 説得很好:「"Anger" is just a "D" away from "danger"」。
12. 黃加× 2015-06-17 13:25:59
成敗論英雄。現在事實上湯先生講一句就令市場振動。 去到這個位置, 沒必要動氣, 因為level唔同。 如一個CEO同一個低級職員動氣, 沒必要。

8月的賭局,如湯先生勝。 結果勝過千言萬語。
如結果有誤差, 可能同預計的結果差不多時間, 雖敗猶榮。 試問有多少人能夠膽做第10人, 並預計到一個大約轉向時間?
13. 蜕变中嘅懒人 2015-06-17 14:24:16
懒人早3日去咗內地旅行,到底發生咗乜野事?
15. 小小業主 2015-06-17 14:42:49
博士,很多時候真是有理說不清,尤其是綱上言論可以forward 再forward, 認真便輸了。我相信博士的爆煲論出發點是好的,各師兄師姐的小部分留言或有稍微過火之處,不過公道自在人心,各位網友眼睛是雪亮的。

其實我是局外人,只不過做了數年cd rom 希望這論壇能回復以往精彩留言,百家爭鳴之局面, 好讓我等小市民能學多D嘢。

小小個人感想,不喜勿插。
16. 占士 2015-06-17 14:55:02

懶人兄,真的假不了,假的真不了!我們相信您!

17. 向饭民说不 2015-06-17 15:01:25
14楼,有人以「不賢妻,頂指鞋」单打博士,博士气怒也是正常。

小弟查下这句话的意思,真系非常之侮辱。楼市有升有跌,有好友,有淡友。但是点都不要侮辱人地家人。香港人真系太高尚,不过讲真根本都系港璨,得6间楼就也文也武。

不賢妻:指不賢良淑德的妻子。不孝子:不孝順的子女。頂趾鞋:即係你只腳仲大過你自己着緊果對鞋就叫頂趾鞋咯。

古時認爲不賢良淑德的妻子,不孝順的子女,係無任何辦法可以管治到。

頂趾鞋——唔岩size 既鞋唔同你剪穿距咩?明未阿?
18. 收租王Tony 2015-06-17 15:35:11

意思係"有口難言,自己知自己事"呀?讀過書未呀?

 

淨係一講不賢妻就對號入座!讀過書未呀你?

唔通話"長兄為父",你阿哥真係變左你老豆咩?

話你神仙放屁,真係話你係神仙咩?

 

照字解字,點夠你講先得架?!

19. 新丁 2015-06-17 15:43:44
To 13 懶前輩,新丁日日看博士和你哋意見的,近日有個好人有限的人,喺個唔出名網上話好撑你,又明插湯Sir。我哋一睇就知佢哋冇野噏,借博士題目發揮,兩位前輩一定要合力駁佢!其實,讓你發脾氣都関心你……才是朋友👬
20. 收租王Tony 2015-06-17 15:51:35

得返如此層次既網友係度討論,真係冇乜裨益,

未上車既請聽博士講等多2年先好上車,繼續留守等候指示,

湯博士學識淵博,請繼續指引他們上車的道路,阿門~

21. 蜕变中嘅懒人 2015-06-17 16:30:29
多謝19樓 新丁兄、各位信任懶人嘅師兄師姐。

懶人昨晚剛在內地遊3天回港,今日見博士怒氣指控懒人化名冲撞,不知發生何事,另一網站好人兄,懒人未嘗與之交談半句,更未有在其網上留言,不知如何扯上關係,也許說撑懒人是想激博士害懒人,但願博士明察,懒人衷心道歉過之後,並無化名作任何對博士不恭之事,千真萬確。

22. 看不過眼 2015-06-17 17:33:29
Niceman=好人?相信那個hk discuss的做謠者不是懶人兄,博士可能誤會了。
23. 旺爆 2015-06-17 18:23:50
To 懶人兄

博士已講到明採取棄我去者不可留做法,繼上次話你挽鞋冇資格後,再話你搖尾乞憐,你仲未死心? 
24. LaLa 2015-06-17 19:16:31
支持博士,網友回應應該注意一下言詞,這是必須的,各舒己見不可逾越。
25. 蜕变中嘅懒人 2015-06-17 19:22:24
多謝 22樓 看不過眼 兄/姐。

懶人唔知边個係Niceman,喺香討我無登入戸口,亦從未留過言。

懶人除咗呢個網站外,亦無在其他網站留過言。

博士明鑒,懒人真係唔知發生乜野事。
26. to 18樓 2015-06-17 19:43:40
我用粗叫問候你家人,都唔係真,但你接唔接受先?
27. to 18樓 2015-06-17 19:44:14
我用粗叫問候你家人,都唔係真,但你接唔接受先?
28. 新丁 2015-06-17 19:50:17
懶前輩,一定唔係你扮,睇你文筆多年啦,必有懶Gag,
博士多粉絲分唔倒,我前辈得幾丁,好易睇。
Dr Tong, 恕新丁直說,這篇文章唔似你!記得仲有兩篇都唔似,就是一提到家人,你就有氣,好强。D讀者可能慣呢?!
29. to 20Tony 2015-06-17 19:57:05
老實講,我真心覺得你的層次唔係咁高,唔係叫自己做收租王就自我感覺良好到認為自己係專家?真係有實力及有內涵的人唔會成日自吹自擂。
30. 引頸一切 2015-06-17 21:23:53
懶人呀懶人, 要做到光明磊落真係好難, 登唔登入回應都係一樣:)

31. 小小業主 2015-06-17 21:50:59
懶人師兄,留意您的留言已很久。我相信您不知情。上網找找'六間收租樓',可能您會有所'驚'喜。都係嗰句,不喜勿插!
32. 蜕变中嘅懒人 2015-06-17 23:07:39
TO 23樓 旺爆兄

懒人性格係自知有錯必認、必道歉;
如有誤會必盡力澄清、有做過嘅事無論對錯必承認;
無論駡懒人者何人,只要有理即可。

博士文章,懒人4年來除了外遊每天都看,從不間断己成習慣,為何要死心?
33. 蜕变中嘅懒人 2015-06-17 23:16:52
當日博士寫憾事,懶人看罷感動落淚。
今日看罷,傷心落淚。
懒人感性,一生如此,笑駡由人,得失自知。
34. 引刀一快 2015-06-18 02:08:18
成件事睇到一頭霧水,時序錯配,果邊嘅文章同回應我都睇過,睇開地産網博客論壇嘅人,一定可以好清晰知道被影射嘅所有角色,佢地文字當中的確歪曲咗唔少嘢,呢個係佢地嘅慣用伎倆。今次懶人兄被牽連,引刀瞭解情况嘅時候,好奇怪又有人亟力阻撓,睇見嚇到六神無主嘅懶人兄,引刀亦不勝唏噓。

唯一有件事令引刀雀躍萬分,原來撈波弟都過咗去果度!