地產博客 > 文亮語 返回
瀏覽人次:57936    回應:83
文亮語
現在買樓的人是抱著投降心態
 
湯文亮博士
紀惠集團行政總裁
2015年4月13日

  在新樓盤售樓現場,很多準買家都表示可以Full Paid,但很可惜抽唔中,但抽中的人則表示,如果金管局不是推出新一輪的逆週期措施,他們是夠錢上會,現在則失了預算,都唔知要唔要好,講來講去,都是怪金管局出招,不過,我始終不明白,點解要等到現在才買樓,那些永遠都不夠錢付首期的人則無話可說,只怪運氣不佳,到儲夠錢的時候,金管局又改例,但那些可以全數繳付的準買家,我真的想不到他們點解以前唔買樓,到現在又貴又要搶才買樓,唯一可以解釋的就是他們根本睇唔好樓市,但見到咁多人搶,抱著執輸行頭,慘過敗家心態搶埋一份,不過,他們的信心依然不足,抽唔到就呼天搶地,抽到就或者搵一個理由放棄,說到底,他們對物業市場是缺乏信心,如果有,現在是應該賣樓,不是買樓。

  有很多人不同意我的「細價樓爆煲論」,甚至認為細價樓會爆邊,但如果叫他們現在買樓,十之八九會答千祈唔好當他們是傻瓜,樓價咁高仲買,一早已經買夠,現在等樓價上升到爆煲前一刻賣走,由此可見,對樓市有信心的人,包括小弟,一早買到夠,有部份資深投資者已經進行逢三退一,將手上非優質物業賣走,換句話說,現在買樓,只能買別人放棄的物業,他日就算有錢賺都非常辛苦。老實說,做物業投資,以大本搏大利,現在買樓,本大利少,絕非一個資深物業投資者所為,那些經常說go go go的人,只不過是希望別人go go go,叫佢go,睬你都傻。

  不過,一樣米養百樣人,那些以往對樓市沒有信心,甚至連自住樓都買走的人,現在反而充滿信心,如果唔係,點會出現咁多創新高買賣,大家又唔好以為他們真的是充滿信心,他們只不過害怕樓價繼續上升,抱著投降的心態買樓,情況就好似玩廿一點,那些閒家揸副細牌,見莊家牌面是10點,不由分說就投降,輸一半,他們投降後仲希望莊家副牌係大牌,就好似贏咗咁開心,其實,他們這樣做,是助長莊家氣勢,想唔輸都難,很多時候,他們投降,莊家又會爆煲,一來一回,就相差很多錢,現在,玩廿一點的人都唔會投降,驚就唔好賭錢。其實,現在買樓的人信心是非常薄弱,樓市稍有風吹草動,好似地產商低價賣樓,就分分鐘會撻訂,所以,對於信心咁薄弱的人,千祈唔好再叫他們go go go,而自己又唔go,會害死他們。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真心問博士 2015-04-13 09:48:17
我味買樓,如果細樓真爆,你預測可跌幾多?
2. 唉 2015-04-13 09:49:44
博士做乜要跌爆佢地,人地已經震騰騰.
3. 蜕变中嘅懒人 2015-04-13 10:05:01
现在大部分業主對银纸失信心,对磚頭信心及持貨力超強,如今股市被大鱷興波作浪,樓價坐直升机而股價坐火箭更駭人,買樓儍、賣樓買股更儍。

二手業主堅守不出收租渡日成"萬友",二手樓價將服從"萬友定律"冰封不跌,新樓在獨佔大需求下無擘價誘因,美國吹加息無人信,樓價將平穩而向上。

唔怕買錯樓、最怕信錯股,樓有番身日,股無??時。
4. 歷史長河 2015-04-13 10:32:30
博士宅心仁厚,但勸人不買樓是很危險的。其實一個一般收入的人一生只有不多的window period 可以上車,錯過了可能就真的再也上不了車了。原因很多,主要有貸款年限逐年遞減,相對競爭對手的收入,利率,未來樓價,政府限制政策等。
所以每當有朋友問什麼時候是買樓的最佳時機,小弟的回答總是'當你買得起時'。

5. 語重心長 2015-04-13 10:52:41
係咪講緊三傻?
6. 人人 2015-04-13 10:58:45

只不過是希望別人go go go,叫佢go,睬你都傻==== EXACTLY ,

THEY ARE SO selfish ,.

 

 

 

7. 自私自利 2015-04-13 11:00:54
唔知為左乜原因不斷唱淡樓市
但自己女兒卻入貨
其實你知唔知加租及成日搬屋之苦?
其實到今日買或不買既風險都一樣
你叫那些等了N年的人再等樓市跌
你究竟知唔知佢既痛苦?
上年喜歡就唱好
今年突然360度唱淡
你同我講當中無利益突或政冶任務?????
8. pp 2015-04-13 11:01:40

Agree to 3/F, 现在大部分業主對银纸失信心,对磚頭信心及持貨力超強,如今股市被大鱷興波作浪,樓價坐直升机而股價坐火箭更駭人,買樓儍、賣樓買股更儍。

I sold one of my properties and put the money on stock market early last year. Only 6 months later, I lost half of the money. Then, I put back the money (half) on property market immediately. The lost part of half money was back in a few months.

 

9. 亮劍 2015-04-13 11:04:05
今日 AM 730 頭條,話政府將喺中環同金鐘起/改建 9 幢甲級商廈,以舒緩香港核心商業區甲廈短缺及租金高企的情況。
毫不例外地,泛民嗰班垃圾議員,例如陳家洛同許智峯又出來反對!
理由不離市民休憩用地大減;
人流車流大爆炸;
午飯時間搵唔倒餐廳醫肚……
我真的要少佢呢班仆X 喇叭!!!

唔夠甲廈引發租金高,長遠削弱香港的競爭力,全部係你班粉腸講嘅,呢家人哋做嘢又鬼殺咁嘈!

空置率低引致租金上升,根本係經濟 ABC。
唔通 lFC 等甲廈,有幾拾個大客排隊進驻,大業主會每呎收你 30 蚊租咁好死??
根本你中環海濱公園落成,大把休憩空間;
你班粉腸唔好阻頭阻勢,咁港島北就可起多條地下鐵分流上班人士;
而郵政局總部舊址重建,可規定其商業楼面有一定比例撥作餐飲用途……

理論上、實際上呢D都係小問題。

呢單嘢同香港私人楼楼價及租金升到上天花板一樣,一方面政府巧婦難為無米之炊,無地去起楼以滿足普羅大眾實際居住需求。
但另一方面呢班「含包散議員」,就阻撓新界東北發展;
反對重新規劃郊野公園土地用途;
亦反對填海;
又抗議提高新建楼宇地積比;
仲反埋綠化地帶去起楼!!

你估矛波識变魔術嗎?
無地就唔夠新楼供應!
新楼供應不足就引致空置率下降!
楼宇供應僧多粥少,租金點會唔升?
租金回報上升,按揭利率又喺低位徘徊,楼價點解會跌?

追源究始,香港楼價及租金高企,係那些「含得引議員」關照;係環保佬申請!!

冤有頭債有主,請上唔倒車嘅奮青,揾呢班友算賬!!!
10. 不同意 2015-04-13 11:14:17

To : 9/F

可能個班議員揸左重貨呢 ......!

11. 亮劍 2015-04-13 11:24:10
呢班友係打手先真,他們先後拉倒中環街市、大館、荷李活道警察宿舍、舊政總西翼及永利街等重建項目,講真他們係業主們的朋友,租住等的敵人!
12. 香江笑話 2015-04-13 11:25:16
不計今日還有25日,樓價就爆煲,你地班淡九應該賣哂底褲,自住樓,等五月八号執跳樓 "樓".
記得多謝博士呀.
13. 跟屁蟲 2015-04-13 11:29:29
博士又放屁,眞芬芳,快跟,快跟.引刀插細佬,惜條七,淫淫,你地係邊?
14. 路人 2015-04-13 11:39:04
呢幾年啲高官成日出口術叫人小心加息唔好買樓,結果大家都有眼睇啦,無樓想買樓嘅比佢地善咗一鍋勁嘅,結果依家果班官員成日俾人叫狗官。

好啦,到而家湯生接力上,勸人唔好買樓,我睇到都真係替湯生你流冷汗呀,以後都唔知啲人點稱呼你至好囉。
15. 命運在冷笑 2015-04-13 12:15:06
家強叫人買股 , 亦坐滑梯長滑長有 , 頂唔順沽清蟹貨大有人在 , 咁水皮既官真系獻世 。
16. to Peter Paker 2015-04-13 12:22:12
唔該資料搜集員Peter Paker自重, 呢度人地主場, 博士已經開到口叫你唔好再不斷轉post新聞上黎, 人要面, 樹要皮. 要人抓破面黎叫你停手又何苦呢?
17. 人人 2015-04-13 12:51:02
轉post新聞 === I  Like it . Pls don't block ppl expressing their thoughts
18. 中女社社長 2015-04-13 12:56:17
博士, 我真係投降了! 國內取消一簽多行, 我有個朋友有個小朋友係單非, 小朋友準備在香港上學, 原本打算國內居住, 早上送小朋友返學, 待下課後接回深圳居住, 現在取消一簽多行. 他們只好考慮在北區租住...
19. Peter Paker 2015-04-13 12:57:30

To 16/F


若講的是事實,又點會怕人講,最緊講的東西是否「事實」。老實說,在我過去的文章中,我一直從冇叫人買、賣、租,我只將事實寫出來,即使事實是一個絕望真相。況且貴是否一定要跌嗎?領匯多年前係20幾蚊果時,沈大師都話貴,要跌幾成,結果........成地眼鏡碎,最重要有否看清導致價格變動的基本因素,例如供應會否增加、幾時加息、有冇「借大左」、依家D人係用幾多人工去供樓、逾期拖欠比率......


若然我講的是事實,16/F,我點會怕你 challenge 我,你有本事拿出真憑實據出來反駁我吧......

20. 八十後 2015-04-13 13:01:43
To 16/F

何必呢?

博士會出面嗎?
21. To 16 2015-04-13 13:04:33

又係你這個挑撥離間?人地博士邊有你咁心胸窄,佢自己都叫三英出番嚟討論!

好一個枉作小人!你先要自重呀!


22. to 7/F 2015-04-13 13:10:35
其實買唔買樓最終都係自己決定及負責,何需生氣 ? 莫非你剛剛買左樓 ??
23. 亮劍 2015-04-13 13:25:09
在 YouTube 上觀看「施凌2015年3月9日Premium試看—香港樓市2017年前再再漲!匯控拖累恆指」 - 施凌2015年3月9日Premium試看—香港樓市2017年前再再漲!匯控拖累恆指:http://youtu.be/yJB0SnoSw3s
24. 小浪 2015-04-13 13:52:51
博士老了,嗚呼哀哉!以前舊友聚頭大家開場白第一句,喂執唔少哪!又金又股。依家d人一開声就話……喂!有几個單位收租呀。自樓本位巳根深蒂固於現時青年深處,要短時門口改变亦容易,反之而越買唔起越要買,論三按四按,調整市肯定有,平少少都大把人搶,睇睇新盤反應即知。要大跌可能性極低,一經濟爆破,二等呢一代人心態轉变但又十年了。
25. 亮粉 2015-04-13 14:22:40

博士於11-4-2015文亮言:

網友不停以經濟日報的數據以及評論員文章放在回應箱內,我覺得很奇怪,不少人為了那些評論文章痛失家園,唔通前事早已忘記,難以成為後事之師。

網友不斷將金管局阮國恒關於財務公司在金融體系中的按揭佔有比率放上網,認為我擔憂的問題是微不足道,其實,這只不過是穩定軍心,如果真的是微不足道,金管局就不用督促銀行監管財務公司借貸...

 

盲吹樓市升及迷信數據的人醒醒吧, 博士預測樓市幾時有錯過先, 睇圖就會發達既只有一個, 就係識天佈局既陳x聰.

26. 馬高 2015-04-13 14:34:04
博士,香港樓市已經不再是700萬港人的市場,而是國內富豪的市場,香港已不能自己排除在中國之外,只有一榮俱榮,一枯俱枯,君不見國內政策又再扶持房地產,試問香港房地產如何下跌,在下近月多次往返深圳香港,深感深圳樓價已經非當日吳下亞蒙,而是有力挑戰香港樓價,羅湖舊區64平方米,30年樓齡,叫價250萬人民幣!兌港幣已經過300萬!可見國內錢太多,追逐磚頭,香港亦一樣,我哋更是嫌錢腥!市民唯有自救,火中取栗,在所不惜!
27. 亮粉 2015-04-13 14:34:47

一看回覆時間便知19, 20, 21/f 是同一人, 不要扮人多, 十面埋伏了.

博士自從發表細價樓爆煲論, 人氣急升, 瀏覽人次不減反加, 書又賣個滿堂紅, 點會比盲目好友們挾到.

你地有時間係到驚跌, 蠱惑人心, 不如學博士多積陰德, 造福人群是正經.

28. 馬高 2015-04-13 14:35:36
係我哋特首嫌錢腥

29. 真心問博士 2015-04-13 15:03:23
又或者跌幾多成可以買
30. to 19, 20, 21/f 2015-04-13 15:22:05

你地係度指桑罵槐, 暗罵博士有何居心!?

博士馳騁商場多年, 每日唔知見幾多擦鞋及挑撥離間之輩.

博士會唔知挑撥離間之事?? 你一是太小看博士, 或你在指罵博士親小人, 不安好心.

要知道明君身邊豈容奸臣, 史書凡指罵奸臣當道者, 皆盡暗諷君主昏庸.

你在此大肆評撃博士, 是何居心???

 

31. 失序的資本 2015-04-13 15:55:45

失序的資本

近日港股瘋升,原因為何?都是因資本失序。這是自2008年以來,中、美、日、歐及環球諸央行狂QE的後遺症,這個瘋升,要待到環球央行將QE的後遺症全搞定才可,在此之前,環球金融市場還會瘋。

  港股是否瘋了?仍未算,因為恒指、滬綜指數仍未回上2008年金融海嘯時的高位,如有認為港股、A股已瘋,則要先問問,為何2008年金融海嘯的源起地美國,其股已早越2008年的高位?是美國經濟好?肯定不是,若真好,美儲局早已加息了,就是美儲局認為美經濟底子不好,故不敢加息,而低息造就了美股的闖新高,不過這個闖新高,(留意筆者不是用「創」,而是「闖」,是因為「闖」是莽行)可以會因美儲局一加息而收工,因為美股能「闖」高,是因為美儲局持久低息,使資本失序,金融資產便亂升。

資本失序市場瘋炒

  管制資本循規蹈矩的,不是政令監管,而是「息」,息一高,資本不平,就人人守規矩,回報不足的不會買,資本平,平到錢不是錢時,就會有人不守規矩、亂買,會帶來瘋市,Carry Trade之所以盛,是因為日圓、美元息低,於是一些以前不會受投資者青睞的「雞犬」,也可升仙。如果說,在風口上,豬也會飛,則在利息平,資本便會失序,垃圾也可炒到飛起,但當風一止,天上的豬便會摔下來,隨時摔死,同樣當利息升,資本一守秩序,不夠回報的資產會沒人要時,股災就現。

  上周,筆者講過美儲局今時關注三項事︰就業、工薪和房屋銷售。在上周已談過就業和工薪兩項,今天講房屋銷售。汽車業,帶動逾38個行業,但房產業就可帶動逾58個行業,所以凡一地的房產業興旺,其地的經濟必旺。今時美國的房產業似有回穩復甦之像,但可惜,這都是因今時息低,資本失序,連物非所值的美房舍,也有人要。

從央行官員眼中看問題

  圖一是美國房屋的按揭率、樓價,與可供率,這三個是相關的,由於利率低,故按揭率便低,樓價又因經濟不景而下跌,反映出來的是可供率便升,但有研究指出(Spencer Jakab)如30年按揭息上升1%,樓價上升5%則月供款就會上升18%,可供率就會被拉低很多。

  圖二是將這個情況預算並引伸出來。

  到2016年第三季時,可供率會低至140,與2008年即金融海嘯時齊平,美儲局會不會不理這個而亂加息?

  美儲局及環球央行今時都要面對這個QE所帶來的資本失序的後遺症,不理,資本會續失序,一些金融市場會瘋,瘋至泡沫,便一齊死。要理,又會將尚是復甦雛形的經濟一棍打殘,怎辦?

  投資者多只會看一些經濟數據,而來論投資市場的好壞,但就忽略了一眾央行官員會怎看這些經濟數據,在他們心理、糖衣可以包着毒藥、苦口或是良藥,如投資者不從央行官員眼中去看問題,九成會做錯判斷、入錯市、站錯邊。

《經濟日報》出版社跟梁鳳儀出了本《失序的資本》談及QE後遺症,重建亞洲金融新秩序,梁鳳儀是香港特區前財金官員,在整個金融海嘯期間,出席過不少環球央行會議,所以一直知悉環球央行官員的心頭患是甚麼,就是要重建金融新秩序,這個重建要一、二十年,以至三、五十年,因為各國都有自己的利益要計算,但算還算,還是有些環球央行議決後的事務必要跟做的,這都會影響到環球金融市場,投資者沒有這個央行視野,只有證券分析視野時,恐怕將會舉步維艱,隨時中了央行的「加息計」,推薦梁鳳儀這本書的人很多、很多,包括︰諾貝爾經濟學獎得主Michael Spence、倫敦政治經濟學院名譽教授Lord Meghnad Desai、前國家開發銀行副行長高堅、中國銀行業管理監督委員會首席顧問沈聯濤、利豐集團榮譽主席馮國經,筆者叨陪末席,怎不推介。

32. 引刀一快 2015-04-13 15:56:56
湯生今日呢篇真係言簡意賅,完全道明近日呢個論壇“亂入”(日本漢字)者心態。
33. 引刀一快 2015-04-13 16:49:24
To 26樓 馬高兄

香港之所以香港,主要係因爲人,唔係真係咩“水深港闊,交通發達”。

如果香港人慢慢不再香港人,那麽,大陸人也就唔會再睇你。

34. 流浪漢 2015-04-13 16:50:45
好悶,唔係升就跌,上左車,乜都唔驚。
35. 引刀一快 2015-04-13 17:20:08
To 19樓 PeterPaker兄

你梗係唔怕challenge喇,人地駁到你你就唔回應,畫錯圖又唔認,不倒翁都不足以形容你,你係宇宙不敗。

成日口口聲聲話自己講嘅係事實,冇判斷力嘅人最易俾你催眠。
36. 小浪 2015-04-13 17:46:06
番查香港前途指引,先數相神賴布衣,當日他算香港有一百五十年地運可行。依重点計數,,,香港租借英國一百年,鄧爺爺的五十年变即2047年,是一年一年計,是計重点。由現在到2047年重有32年,好講唔好聽人都香雞左哪,有乜好怕爆煲爆煲成?
37. 出口大跌,股市大升,資金從何來? 2015-04-13 17:53:36
一定有人套樓買股,出口大跌,樓價必跟隨,最多係三幾個月時差。
香港人根本冇競爭力,港樓根本唔值呢口價,只係有被騙既傻人好似日本仔咁以兩代人之力死供一間港樓。

「生意淡薄,不如賭博」或許是中國經濟當下的最佳寫照,儘管AH股繼續熱炒,但數據反映中國經濟走勢疲弱。大陸海關總署今早公布,中國3月份的出口數值(以人民幣幣值計算),出乎預期按年大跌14.6%,比預期增長8%,相距甚遠,官方把大跌歸咎於農曆年假期的季節性因素,但撇除有關因素,3月份出口總值仍按年下降4.4%。
38. 唔好再入來啦! 2015-04-13 17:55:13
引刀一快, 係度獨力支撐, 守門口, 好辛苦!

你再入來嗱,,,,,,,,,,,,,我大叫架,,,,,,,,,,,,,,,,

"汪汪汪.......汪汪.........汪汪"

升又好, 跌又好, 爆煲又好, 拗都無謂,

唔好再入來啦, 個場等佢地自己玩!

39. 運輸工人 2015-04-13 17:57:28
楊衛隆的fans近呢个月都變晒博士fans,可喜可賀.
40. 熊 2015-04-13 17:59:54
31樓抄左石鏡泉今日篇文黎, 成篇連圖抄, 侵權WOR!
41. 引刀一快 2015-04-13 18:01:15
什麼時候是買樓的最佳時機,小弟的回答是'當好多人都買得起時'。

等到好多人都買唔起嘅時候,就係考慮出貨之時。
42. To 37 2015-04-13 18:11:32
Hk的確不太好,請教哪裡好,並適合窮人和歡迎香港人去住,真心指導!
43. re 42 2015-04-13 18:29:57
當然係中國大陸,說實話,中港兩地既地產都會大跌,但大陸有強勁既實業,有實際出口去賺取外滙,香港只有快將式微的旅遊業去為低技術勞工提供就業,若中國經濟出問題,香港必然出現大量失業,要復甦亦要等中國出口回升,樓市同內需反彈可以回穩,但同上個週期大頂至少要差三成。
其實,單看內地生成績比香港學生高多少,就知道日後收入應該相差多小!
44. 運輸工人 2015-04-13 18:31:18
以後呢度清一色係細價樓爆煲迷,無須爭抝,無須討論,只要靜待香港仆街,細價樓業主仆街,博士fans就如願以償。
45. 引刀一快 2015-04-13 18:33:11
To 38樓

請問,你呢個狗翻譯,日薪幾多架?以前係咪幫皇軍做事嘅呢?



46. 亮劍 2015-04-13 18:36:23
喺呢幾年我在湯博士呢個場所作的回應,全都本着良心;根據事實;有碗話碗;有碟話碟呢個宗旨辦事。
如果用「王先生」或「亮劍」喺呢度作搜尋,大家會發覺小弟呢幾年所作的分析同預測,绝大部分變成事實!
真理越辯越明,我叫得做「亮劍」,當然係上打庸官、下打望居議員啦,唔通同你班友有親?
47. 引刀一快 2015-04-13 18:37:13
運輸工人兄

唔好以小人之心,度衆人之腹,個個唔同諗法,你自己睇慣果D日日唱好嘅文章,唔慣睇其他論調啫。

你自己都唔睇好,點解要求人地唱好先?
48. 引刀一快 2015-04-13 18:40:16
To 43樓 

其實,單看內地生成績比香港學生高多少,就知道日後收入應該相差多小!”

大陸學霸、學渣都有,學霸係少數,不能以此定港陸高低。
49. 珍惜香港 2015-04-13 19:28:25
珍惜香港

上次幫亮劍兄 POST 咗施凌嘅樓市剖析,依家俾大家重溫一下:

施凌:樓市剖析(一)


今日亮劍兄又有 UPDATE,咁我當然一樣喺義不容辭啦!

施凌:樓市剖析(三)


咦?點解會喺(三)?原來中間仲有個嘅;如果想一次過睇哂,可以 CLICK 呢度。不過,唔好話我大細超,我唔喺淨喺幫三傻 / 三英架!我炒埋一碟嘅細價樓爆煲論風雲系列播放清單,啱啱又加咗三段片,大家可以過去睇下。

關於爆煲論,我當然有自己嘅睇法,不過,話過唔再評論,就唔再評論。都喺果句啦,呢個世界咁大,何必執著一個爆煲四按論?輸贏,真喺咁重要?

其實一個論壇,喺應該包容唔同意見,對事不對人,先至精彩嘅。呢排爆煲論正反方互片,真喺睇到好煩,皆因內容已經唔再針對件事。早前,博士論三英,都話咗唔同意見,就當喺三英戰呂布囉!人地已經釋出咗誠意,而最近二英响博士主場發言,都喺以理論事啫!果啲唔知乜粉絲,唔好再响度搞破壞啦,講乜奸臣?奸臣,從來只喺識得捧,邊會識得諫

果次博士話,八月十四日嘅指數高過 136.64,離開咗嘅網友,就會再番嚟耀武揚威,低過嘅,就永遠唔再出現喎。坦白講,我真喺好希望法子兄,可以盡早出嚟寫下嘢,喺咁易廢 UP 一下都好,先破咗呢個講法,大家就好下台。

畢竟喺相識一場,難得嘅緣份嘛,法子兄!
50. 歡迎珍港兄回歸 2015-04-13 19:43:17


期待法子兄


51. 惜緣 2015-04-13 20:07:16
同意珍港兄所講,相識都是緣份,期待法子兄!
52. CH 2015-04-13 20:17:14
期待法子兄!
53. 儍P 2015-04-13 20:56:05
to 35. 引刀一快
英雄所見略同,我對其他好友無意見。
但就只有呢個PP,比人指出錯誤就縮埋唔答,隔兩日出黎又話唔怕challenge,人地駁到你你就唔回應,畫錯圖又唔認,你真係宇宙最強(面皮)。
54. abc 2015-04-13 21:20:41
根據施淩所講,樓市仲有排升。
就算開始加息都會繼續升。
GO GO GO!
55. 牛3 2015-04-13 21:25:00
博士其實而家好似股票牛3叫人唔好買股票,最急噴井衣段叫人唔買,因為牛3以後就係熊,但最大問題係唔知牛3噴到咩位
56. 一蟹不如一蟹 2015-04-13 21:41:24
施凌都有人當神咁拜,,no eye see!
57. abc 2015-04-13 21:45:07
施淩好似話樓市將升到加最後一次息或開始減息為止。
現在還未加息,加息週期好可能好長,加小小,停一段長時間,再加小小......
咁即是有排升,大家今鋪發達啦!

58. 魚蛋仔 2015-04-13 21:45:08

法子師兄

我清楚記得你講過在尼个網站大家像一家人互相關心的。難道你忘記了?

難得的緣份,期待你回歸大家庭!

59. 十郎 2015-04-13 22:07:53
    

             小丑 : 呢度係唔係你嘅樂園?


60. 普通人 2015-04-13 22:28:49
回想.早幾天抽緻藍天,可能是好彩抽不到,自己於08年賣了自住樓,因當時生意極差及要還欠債,只好賣樓,近幾年,生意好了,有些錢才打算買樓。
因打算是FP,一直沒有認真計按偈,直到早2天,老婆問到才認真計算,以一個750萬單位計算,6成按偈(雖可以FP,但要留錢炒股及應急)即首期連釐印裝修等,要350-400萬,假設15年分期,毎月2萬9千多,就算20年也要2萬2-3千,但是,現在租住的3房是1萬8千多包管理費,條數好唔妥!
更重要的是,自已揸了不少股票:港交所,中銀,2828,等了很久,現在才起動,要俾首期便要沽出部份,左計右計,都係唔抽第三輪了,繼續今次股市泡泡先!
61. Peter Paker 2015-04-13 22:45:43
引刀

你唔夠人講就亂講是非,就話我畫錯圖,有時候同你係冇咩好講

Btw,你有咩證據話我畫錯圖?如有請提出證據
62. 真正淡友? 2015-04-13 23:00:15
如果係真正淡友,而佢又係一個正常理性的人,而佢依家真正深信樓市短期必爆煲、崩潰,咁佢應該會點做呢? 仍然持貨不賣? 一或減持呢?

哦!佢只說細價樓爆唧!佢大把錢,無細價樓,全部豪宅同一級寫字樓,但細價樓爆煲時,其他物業不會跌?咁同迷信物業長升不跌有甚麼分別?這個世界除要聽其言,亦要觀其行!

63. 我是15樓 2015-04-13 23:09:34
引刀只識話人錯,自己永遠對的。
他又不會寫文章,只是話的的不是,自己永遠没有建樹。
64. 笑看人生 2015-04-13 23:36:45
呢度有好多聰明人,但係有少部分聰明反被聰明誤,可惜不惜。
65. 笑看人生 2015-04-13 23:38:51
更正:
可惜可惜。
66. 第一號報告總司令 2015-04-13 23:42:44

引刀玩的遊戲

第一號報告總司令

遊戲最終目的是將上級悶下台﹐而他就不斷向上爬﹐直致成為總司令﹐那時餘人都是他‘馬仔’﹐好不威風 ﹗

解决办法

唔好理佢囉 !


67. 不用拗也不要忘記五月八日 2015-04-13 23:59:46
不用出火藥動真氣,時間是最佳證人,五月八日距今二十多天,到時定見真章,到時細價樓有沒有萬二宗二按,中原指數又會不會下跌三成,一清二楚,抝什麼呢?跌唔到三成或以上就不是爆煲,只是調整。到時定有一方出醜於人前!
68. Pp 2015-04-14 00:34:27
大家可以暢所欲言,但是要有研究再發言才有意義。博士係好勁,大家不需要盲目𣛟,P&P亦好利害,不用質疑。今期博士的淡,係比以往的看法大變而有點不沉常。施零的大方向也有很好好基本因素支,我個人看大方向而走,既然環球低息、物價貶值為大方向,資產為本的樓價實在好難跌。所以博士今次的方向我不同意,所以開賭局CCL>150.  結果係冇得輸。
69. 大家好 2015-04-14 00:56:38
我是去年9月才開始收看這版.

最欣賞各位, 尤其 亮劍, Peter P, 引刀...

希望各位和氣生財.

不過偶爾吵一下, 可能可以增加版氣 XD
70. 小李 2015-04-14 01:04:13
感謝湯生提點和賜教。
71. 引刀一快 2015-04-14 01:15:14
To Peter Paker

我唔知邊様唔夠人講呢?我出議論係直接面向你,呢個可以叫“批評”,唔可以叫“是非”
你張錯圖我反覆問咗三次,你冇回應。
我嘥時間揾出嚟,你又再唔回應,咁我咪傻仔?你有心討論你自己揾得到嘅。
72. 我是15樓 2015-04-14 01:41:59
就快到2015-06-30

「2015年6月最後一個CCL」會否高於「2014年最後一個CCL」?

以下是引刀一快回應

16. 引刀一快  2014-08-26 12:45
不會

22. 引刀一快 2014-09-28 20:49
低于118,低于118,

24. 引刀一快 2014-11-08 09:45
低于118,低于118,

36. 引刀一快 2014-12-26 21:28
買跌!

以下是我的回應

21. 我是15樓 2014-09-28 19:55

37. 我是15樓 2014-12-31 16:57
我買埋2015年尾收ccl 150或以上

73. 運輸工人 2015-04-14 02:53:17
由118到142,誰勝誰負清楚不過.投資路上係睇輸贏,唔係斗氣斗口才,所以边D人D料要聽,边D人D廢話可以不理,大家心中有數.
74. P&P 2015-04-14 06:59:37
目前有幾類情況
1:層樓自住概--理得阿水豬up樓市狂升定爆煲,不買不賣
2:想換層樓upgrade下---理得阿水豬up樓市狂升定爆煲,高賣高買
3:有閒錢想買多間長收租--理得阿水豬up樓市狂升定爆煲,長揸冇有怕,有買貴、冇買錯。
75. 七十後 2015-04-14 17:59:18
博士d文章不論睇好還是睇淡..都永遠只會是冷嘲熱諷某種人
76. 經濟101 2015-04-14 18:42:19
PP sir
其實要淡友明白果幾幅圖,可能要由經濟101教起,冇時間就無謂答,有福的人自然會明白。
近呢半年來發覺好多預測準確既高手都少左留言,反而預測錯哂既就味死loop幾年前就係既加息同經濟唔好,希望唔好走下一個走下一個.... 
77. 引刀一快 2015-04-14 20:51:06
撈波弟,咁睇好有冇入貨呀?冇鼎喇你。

一味唱好死驚冧市,淨係睇住自己鍾意嘅“事實”,睇到你地嘅操守同宣揚方式,我就好清楚一定有唔敢公開嘅底蘊。
CCL142又點啫,覺得好就入貨喇,創個健力士引刀睇下,引刀寫個服字。我猜,你地CCL100之後冇入貨。
78. 我是15樓 2015-04-14 21:38:54
葵芳守運樓剛成交$370萬。 400 過多兩個星期就注册。
79. 我是15樓 2015-04-14 21:49:26
葵芳守運樓剛成交$370萬。 400尺,過多兩個星期就注册。到是查查啦。
2014-4月尾CCL 118,我買了光輝圍一個單位收租,租金$12千幾。
80. 引刀一快 2015-04-14 22:08:43
我夠買咗曉廬6個單位喇。查查喇。
81. 路人 2015-04-14 23:14:15
唔係話睇好大陸股市嗎?做乜重買細支樓?
82. 引刀切自已碌嘢的死樣 2015-04-14 23:15:28
話中原指數可低於118點,睇你的死樣,骨灰位都買不起啦.
83. 引刀一快 2015-04-14 23:20:05
樓上,傻嘅,點解我要幫你搵骨灰位喞?