地產博客 > 文亮言 返回
瀏覽人次:12781    回應:29
文亮言
贏左都唔敢慶祝的民權法
 
湯文亮博士
紀惠集團行政總裁
2019年11月22日

  早一日美國參眾兩院差不多全數一致通過「香港民主及人權法案」,我以為香港有很多人因為通過這條法案而大肆慶祝,原來我又估錯,根本冇人慶祝,就算有份去美國推動通過這條法案的人都沒有慶祝,報紙話贏家希望低調處理,從今次參眾兩院400多票,只欠一票便全數通過這條法案來看,美國早已有心通過這條法案,老實說,香港的老牌反對派亦知道美國人心意,大家都唔敢作身先士卒,咁啱有幾個勇武後輩請纓,於是由他們揹了這隻鑊,最奇怪的是幾位後輩亦沒有大肆慶祝,他們最終亦知道中了美國圈套,薑始終是老的辣,如果是有著數,又點會輪到幾位後輩做推手。

  不少評論員話這是一個中美香港三方面的攬炒法案,我絕對同意,而且最傷的將會是香港,甚至是過去積極推動這個法案的反對派人士,因為民權法除了可以沒收違反這個法案香港人在美國資產,包括美國基金及股票,美國還可以取消香港在金融的特殊待遇,最終可能變成中國境內的一個二線城市,換句話說,即是一國一制,反對派反而會是最大受害者,尤其是當中的法律界人士,他們絕對知道這個道理,應該是擔心而非慶祝,更加不會大肆慶祝。

  不少人問我如何面對這條法案,我話鬼叫你窮,頂硬上,本來,如果沒有香港人去美國推動這條法案,美國亦不好意思自己表態,所以,當幾位社運後輩去美國要求推動這條法案時,佩洛西如獲至寶,如今來看,我們是自己捉蟲,不能夠怪別人,至於一般香港人是否接納這條法案,大家不妨睇下今次區議會選舉,有沒有候選人話成功爭取到美國推出「香港民權及民主法案」,我可以寫包單,一定沒有,就算問他們都不敢承認,總之,這條影響中美及香港的攬炒法案,絕對不是香港可以解決,最終都是由中美兩位大佬話事,香港只不過是好似春秋時代的衛國而已,還有一件事,假如,只是假如,特朗普用口袋擱置方法否決這條法案,香港人包括向美國要求通過這條法案的人必定會大肆慶祝,大家會不會覺得很奇怪。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 後輩亦沒有大肆慶祝 2019-11-22 11:03:08
可能美帝應承給後輩的仍放在美國
2. 亞Q 2019-11-22 11:03:21
最好佢地迫特朗普立即取消香港特別關稅區地位 , 睇吓在香港靠特別關稅區地位搵食個八九萬個美國佬點樣被攬炒 !
3. 乜春 2019-11-22 11:10:30
『假如特朗普用口袋擱置方法否決這條法案』

沒有假如。如果 Dinno Trump 唔簽,這條法案10日後就會自動生效。
4. 經濟繁榮 2019-11-22 11:16:18
社運人仕、反對派人仕,哩啲正一係食濕米,叫外國人制裁自己。同佢哋嘅口號:違法就係為咗守法,都係一群白癡
5. 10日後就會自動生效 2019-11-22 11:48:50
10日後也開始彈劾同逃稅調查否?
6. 無耐 2019-11-22 12:10:52
既然那班飯民咁喜歡美國的民主制,中國應該馬上實行一國一制,到時那班泛民就會雞飛狗走,到時香港才可回復平和。
7. 賭架勢 2019-11-22 12:12:46
唔知中央會不會先要求大幅减少美國在港的領事職員,再擱置美國佬的澳門賭牌回禮?將香港變成中美較勁的支點,倒想看看美國佬還有什麼花招?人生幾十年,去到嗰頭多啲經歷閻羅王也會另眼相看。
8. 港漂 2019-11-22 13:03:40
这篇文章所言极是。香港现在的情况,变成了被全世界别有用心的利益集团肆意瓜分的肥肉。可惜了一群天真而愚蠢的学生,被煽动而毁掉自己的前途,亦毁掉父母甚至是爷辈辛苦打下的国际声誉。我们港漂大不了还可以回内地,香港本地的年轻人呢,揽炒的后果可是要自己承担的。
9. 罷買美國貨 2019-11-22 14:49:39
 一齊罷買美國貨啦 !

 不買/用 APPLE手機, 買/用華為
 不幫襯 麥當勞, 家鄉雞等, 幫襯大家樂, 大快活
 不飲 可樂和美國品牌啤酒, 飲維他奶和青島啤酒
 不看 荷李活電影, 看國產和港產電影
 還有
11. 鳥5 2019-11-22 16:09:53
中方反制 係23條 幾時 同 內容 反而驅逐 領事 其實香港英國領事超多應該搞佢先... 第一個瓜柴 攪是4四人幫。。。
12. 鳥5 2019-11-22 16:11:29
cia... 亞洲 總部就要切去台灣,呢啲就坐低嘢啦
13. 鳥5 2019-11-22 16:13:04
不過唔通我有幻覺, 好似周圍 樓市 劈緊假喎
14. 鳥5 2019-11-22 16:14:29
搞事四人幫 無論香港搞定大陸...內容一定有佢份
15. 向泛民说不 2019-11-22 16:38:26
饭民的无耻可以见到。这里话大陆化,那边就玩民权化,民权法根本就是加速香港大陆化。饭民。
16. ~~ 2019-11-22 16:50:27
周街見到市民鞋口鞋面,雙目無神,就知時代革命已開始革市民的命了.
17. 劈緊假喎 2019-11-22 17:20:29
唔係肯劈就有人黎買架喎
18. 鳥5 2019-11-22 17:43:31
以實力平衡講... 返魂係少數黨.. 要平衡必須打不對稱戰術..以小打大 ,通常都係咁㗎啦係要 矛 啲... 所以我話 囚犯困局 今次阿玩到 爺冇得讓.. 打到尾
19. 鳥5 2019-11-22 17:50:34
其實宏觀百年 棋局 中美博弈, 泛民其實好清楚。。 自己位置 除咗 走路玩到尾..根本冇得贏 。。。中美真係要玩到尾開底牌,走狗係要犧牲。。。 最弱雞最冇實力 你諗到個結果㗎喇
20. 鳥5 2019-11-22 17:55:12
最慘係而家啲大學生 呢幾屆畢業嗰啲 其實商業機構唔會請...邊有人會請一班反社會行為 嘅大學生... 佢哋就覺得係社會運動 商業機構 只會係覺得反社會行為嘅人... 呢鑊畀人跣到仆* 易地而處 你係主管會唔會請一班 反社會行為嘅人。。。 可免則免 人之常情
21. 十郎 2019-11-22 18:04:46


      了哥 , 貿易戰打贏左 , 仲駛唔駛出拳頭法呀 ?

      魚腩何話最緊要 , 蝦餃、燒賣、牛腩河、雲吞麵、豬肉減價 , 缺一不可。


22. 你係主管 2019-11-22 18:24:41
主管唔請係因為生意淡薄呀鳥哥,其次係,事實上亦去唔到大學搞招聘會,以大企業嚟講。
23. 鳥5 2019-11-22 18:28:04
十 哥..今日習生發表講話貿易戰...我睇到嘅係大陸唔會讓步..再玩就你一拳我一拳... 大陸已經布住好還拖... 外圍而家唔比香港啲大學生做插班.... 何苦畀人利用
24. 鳥5 2019-11-22 18:30:11
官媒 響內地發放消息試水溫 2020 11月 先講協議... 嚟緊 十個月 有機會抽 一鑊 勁
25. 鳥5 2019-11-22 18:34:35
而家班大學生,仲未知道 ,要付出啲乜嘢... 今次佢哋畀人先得好甘.... 仲慘 過,個人信貸違約 破產...
26. 鳥5 2019-11-22 18:39:21
22F... 世界係好現實。。 過幾年 ,你會睇到 而家我可以肯定同你講 中資機構 ,政府部門。 而家已經行先。。。 跟住就係銀行。 佢哋又唔會咗 紙 申請, 等消息 咁話啦
27. 等消息 2019-11-22 20:16:37
所以政府咪好似內地咁鼓勵小微企、初創業,等佢哋自己做返自己生意囉
28. 正氣 2019-11-22 22:59:00
大陸年輕人創業係天生基因,因為除了靠自己,冇人幫,愛拼才會嬴。而香港年輕人驕生,自小被縱容,少了拼搏心,如覺得全世界欠了他們,不順心就鬧情緒
29. 鳥5 2019-11-22 23:31:22
傻侵係唔會簽 香港人權法... 出咗事有損失喺美國...佢又可以勒索.. 美國人自己連任 籌碼.. 損失 坐香港中國, 佢又可以佢又可以勒數中國。。。 點計呢十日佢都唔會簽。。。 香港係 未過民主黨地盤。 而家佢唔使搵人解決問題 ,自然有人搵佢解決問題。。。 佢又點會畀人擺上枱
30. 鳥5 2019-11-22 23:33:54
基辛格急急訪華... 大陸會 通水 畀佢聽點樣反制美國.. 大一大