地產博客 > 文亮言 返回
瀏覽人次:16632    回應:4
文亮言

怎樣才算是筍盤

 

湯文亮博士

紀惠集團行政總裁
2019年11月9日

  由於社運持續,樓市亦趁勢向下調整。中原指數連續下跌10個星期,不過幅度並不很大,只是大約5%,但物業代理話市場上有多筍盤。有老友不大明白,市場上如果有咁多筍盤,中原指數一定唔止跌得咁少。究竟是物業代理吹牛,抑或是中原指數做假?我認為無須才著重物業代理說什麼。他們為求促銷,說話一定會浮誇一些,這是物業代理的本性。至於中原指數會否做假,老C是何許人也?地產界硬噹噹的人物,當然不會做假。而事實上在林鄭推出新按保之前,樓宇買賣成交量非常少。根據角動量守衡定律,成交量偏低令中原指數不能反映樓市實况,並非做假。話說回頭,究竟怎樣才可以被稱為荀盤。

  不時有物業代理話我有福,又可以執到荀盤,有業主願意減價20%。不過,當我睇到售價,竟然還比市價高,點解會被稱為荀盤?物業代理的解釋話現在的售價比原來業主的叫價下調了20%,而且業主早已聲明不到叫價不賣,現在業主願意降價,所以他認為是荀盤。我覺得物業代理解釋是牽強了一些,或者應該是倒轉講,買家才是業主筍盤。

  又有物業代理話,業主因為移民而要賣樓,所以應該是筍盤。我看又未必,因為現在移民的人,大多數唔會賣樓,只不過是替他們搞移民的代理行自以為是,順便將他們的單位賣走。業主甚至唔知道物業代理替他賣樓,所以,就算俾高過市價都未必可以買到。因移民而出現的筍盤是似真實假,無謂浪費時間。

  真正的筍盤,不在於價錢,而是品質。如果有一些高樓層,方向甚佳,地點又好的樓宇,即使比市價略貴,都是筍盤。因為擁有那些優質物業的人一般都有幾個單位,除非迫不得已,否則都唔會賣走手上最優質的單位。所以,千祈唔好以樓價作為筍盤的定義。任何時候,不容易買到的優質樓宇才是筍盤。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 鳥5 2019-11-09 13:31:44
我嘅角度睇,筍盤係指行先嘅筍盤... 同樣時段可以係因為質素或者價格行先... 但樓宇價格絕大部分受制於 時機..timming 嚟緊呢幾年我個人睇只係向下... 今年新低,明年新高
2. 鳥5 2019-11-09 13:33:01
我咁講,唔知會唔會講得太白...
3. 引刀一快 2019-11-09 14:26:30
湯博士大把錢,價格因素梗係冇咁重視喇,對普羅大眾、小市民、老百姓嚟講,慳咗裝修都係筍,兩房價買三房又係筍,本來上唔到車變上到,都係筍。
5. O 2019-11-10 05:28:24
Location, Location, Location, 最樓既三個最重要既因素, 價錢真係其次。知道自己負擔到就可以了。