地產博客 > 文亮言 返回
瀏覽人次:22357    回應:25
文亮言

山不即我我即山

 

湯文亮博士

紀惠集團行政總裁
2019年10月23日

  在我初出道的時候,有一個穆斯林長輩,當時仍然叫回教徙,同我講做生意之道。佢話,如果對方不能滿足自己的條件,就必需逆地而處,從對方的角度再考慮,甚至答應對方要求,做成生意的機會會大一些。這亦是伊斯蘭教義裡的「山不即我我即山」。老實說,當時我唯唯諾諾,根本不明白對方說什麼,但我將「山不即我我即山」這句話放在心裡。

  多年後,我們與新加坡政府有一項交易,但講來講去始終有一些細節傾唔掂。中介又不能安排與新加坡政府官員面對面傾談,生意成膠著狀態,於是我去新加坡與政府官員直接洽談。對方是穆斯林,問我點解要到星架坡,其實一切可以經中介傾妥。我話生意其實差不多傾掂,但中間尚有一些細節,我知道新加坡政府唔會答應,不如我代表公司到新加坡答應星政府要求條件。山不即我我即山,於是水到渠成。

  社運在香港搞了四個多月,似乎還未有遏止跡象。上星期日警方在處理示威活動時,水炮車誤射尖沙咀一座具代性清真寺,將清真寺染成藍色。老實說,這件事非同小可,隨時可以引致國際性宗教衝突。林鄭亦唔理咁多,知道宗教這座大山是郁不得,於是立刻與警隊一哥登門道歉,叫做及時化解今次危機。香港實在經不起宗教沖突。

  社運人士提出的「五大訴求,缺一不可」,相信連他們自己也知道政府是沒有可能做得到。現在正式撤回「逃犯條例」,已經算是達到目的。社運人士何不在林鄭角度去考慮整件事,明知林鄭沒有能力回應其餘四大訴求,不如退而求其次,社運應該到此為止。否則的話,示威活動愈玩愈熾熱,到中央政府認為香港政府沒有能力處理香港局勢而動用基本法18條,派解放軍入城。香港有機會變成一國一制,做成一個中國政府,香港以及示威人士三輸的局面,一般香港人其實很無奈,但我們又有什麼辦法。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 好過依家 2019-10-23 09:30:53
其實越来越多港人支持一國一制。最少社會可以回覆秩序。
2. 基本法14條 2019-10-23 09:34:24
可以先動用14條,出動駐軍平暴,咁本港警察可以全力追捕及維持治安。出14條,香港仍然可以繼續一國兩制。
3. Stephen Wong 2019-10-23 10:17:10
這都是教育的禍害,切勿誤會,請聽.
考第2被父母責罵唔俾心機,應該可以考第1.
攞99分要查卷,達唔到滿分,條氣唔順,會唔會改錯卷?
讀書不問學習過程,只求成績分數.
自細腦海只係充斥勝利的慾望,失敗就唔抬起頭來的社會風氣下.
我們年輕的一代,是要 ALL WIN ,妥協不是他(她)們的一杯茶.

4. 忍者 2019-10-23 10:18:59
現時的目的是攬抄,派解放軍入城係示威人士最樂意見到的結局
5. 十一哥 2019-10-23 10:39:49
呢鑊嘢唔係做生意、冇得你唔唧我~就我唧你、握手共利…由開始就冇在對手選項中…亦冇白痴到以為可以獨立~或者揸到庒、目的衹有一個…就係焗阿爺發惡派兵…唱衰就有條硬道理、咁美帝咪容易D團番~散散地~嘅嘍囉團伙囉!

阿爺早睇通…勝在早識强身健體…而家大把在手玩得起、所以使乜急、香港如是/呆灣如是…就由得擺喺度嘔…睇唔到邊個有本事拎去使、反之對手就要長期腦痛出力諗嘞。
6. 十郎 2019-10-23 10:59:59


      阿爺除左唔中計 , 唔派兵入城之外 , 亦要將動亂焗限於香港 , 將病人隔離。又給大陸同胞睇到 , 外國人、宗教界、教育界等的表演。阿爺正好利用這些反面教材。

7. 十郎 2019-10-23 11:04:54

      其實阿爺係贏家

8. 經濟繁榮 2019-10-23 11:06:19

由一開始“五犬(太)訴求”就係一個幌子,敵寇真正嘅目的係用“港毒”在香港搞“革命”,在國際就通過各種手段打壓我國。當然,敵寇最終目的都係為一樣嘢,就係“錢”。

9. 十郎 2019-10-23 11:11:07


      我唔知有冇聽錯 , 前幾天港鐵話損失左3000萬。咁大棚野都係3000萬 ? 真係抵。

10. ND 2019-10-23 11:25:12
好簡單, 香港人其實是要一個合約式的承諾, 保證在未來都可以自由、公平發展, 改變有錢就大晒嘅原則, 但有些所謂上流人士就是不肯答應。

12. 鳥5 2019-10-23 12:37:25
十哥,3千萬只係 硬件。車費呢。 一日二百幾萬人次。 嗰度好咁
13. 十一哥 2019-10-23 12:57:22
雀仔/十哥  9官而家四圍幾10億幾十億咁審錢、呢D零頭行政費都未夠、9官話齋~大把~有排未洗得哂…唔使咁認真嘅!

14. 十郎 2019-10-23 13:13:02


      3000萬 ! 我睇怕少左d噃。可能係每個車站3000萬 ,或者執垃圾用左3000萬。

15. 自稱路人 2019-10-23 13:35:40
住在珠江西岸班表兄弟個個義憤填膺 , 打電話來問長問短 , 一副皇帝唔急太監急模樣 , 都說特區政府太軟弱 , 比著佢地早就乜乜物物 , 殺他一個片甲不留 ! 香港這場暴亂  , 令大陸人民全都站到共產黨那一邊 , 非美國佬始料所及 !
16. 嘥氣 2019-10-23 14:10:12
投資者繼續以物業圖利,弱勢受害示威者繼續抗爭,大家做返自己野啦。
17. 車費呢 2019-10-23 14:48:42
鳥哥, 唔搭地龍都要搭巴士, 最多早啲走人, 晚十至收車冇二百萬人搭車掛。
18. 路過 2019-10-23 15:21:22
To 3樓 絕對認同你,根本係香港教育出問題,一眾校長只顧學校聲譽,學生係佢地眼中只係提升學校聲譽既棋子,係依種氣氛下,人既品格一定有問題,依個亦係香港教育最不知所謂既地方
19. 路過 2019-10-23 15:26:41
To 3樓 絕對認同你,根本係香港教育出問題,一眾校長只顧學校聲譽,學生係佢地眼中只係提升學校聲譽既棋子,係依種氣氛下,人既品格一定有問題,依個亦係香港教育最不知所謂既地方
20. 引刀一快 2019-10-23 16:06:52
晚十收車,即係好多人計過數唔出街,亦即係六點後已經少咗人坐地鐵。
21. 少咗人坐地鐵 2019-10-23 16:19:35
正確啲應該係經濟活動流轉減慢。
22. 鳥5 2019-10-23 17:19:44
二百人開工, 返學睇醫生又一琏。 200萬人次 我諗差唔多啩
23. 差唔多 2019-10-23 18:10:46
當地龍未早停嘅時候, 唔同日子晚上問過幾個紅跑司機, 都話冇人出街, 有一個謂星期六晚 9-10pm 只係做左廿九蚊, 其實地龍早停都係節約能源, 留啲活命生意俾其他人做。
24. 鳥5 2019-10-23 20:01:34
如果經濟活動轉慢 就係實體收 槓桿。。 相反地區開槓桿 實體就會擴張。。 部分係通縮同通脹因素 兩者都係兄弟
25. 鳥5 2019-10-23 20:04:28
不過有啲麻煩破產處 九月份嘅報告 多35個percent 其實你應 早半年前嘅數字. 實體 出事.... 銀行自己內部 檢測壞帳部門 可能喺3月已經睇到有問題。。。 一般銀行私人貸款 嘅數據應該領先破產處最少1至2季。。。 即係今年嘅第一季已經出事
26. 有啲麻煩 2019-10-23 22:18:47
本來旅遊錢是很易賺,因為在旅途上好多時買埋啲無謂野,又唔太介意做水魚,但做遊人生意好講氣氛,沙士果陣仲可以整個集體射激光,家吓為民眾安全集體活動全部唔搞,冇新血舉一反三咁暫時真係玩完嘞。