地產博客 > 文亮言 返回
瀏覽人次:55940    回應:89
文亮言
連高收入族群也頂不住,樓市才會跌
 
湯文亮博士
紀惠集團行政總裁
2015年4月25日

  有評論員說,連高收入的族群也頂不住樓價,樓市就會跌。我覺得以此作為評論樓市是否過高,是非常危險,高收入族群究竟佔香港人口的百分比是多少,我以該位評論員的每年收入350萬為例,我估計佔總人口不足1%,如果連他也覺得樓價太貴,那些低收入的人豈不是早已在水深火熱之中,我相信他以事不關己,己不勞心的心態評論樓市,但倘若連他覺得樓價太貴,就真的是太貴,政府應該做一些工作來壓抑樓價,不過,我認為政府到那時候才意識到樓價太貴,這個政府早已失去運作功能,比跛腳鴨還要跛的政府。

  全世界每一個政府都會做同一件事,就是制定未來政策,防範於未然,如果等到事態嚴重才考慮解決,唯有借用上一任鄭汝樺的一句話,遠水不能救近火。當日,曾蔭權行勾地表政策,見冇人勾地就對外界說沒有需求,如果有需求就自然會有人勾地,其實,曾特首當時唔知道,冇人勾地,是因為大家都不願為他人作嫁衣裳,勾到地九成以上都拍唔到,點解仲要勾地。沒有人勾地,不但令土地供應不足,樓價飆升,甚至令政府連開拓土地的準備工作也沒有做,要增加土地供應,不但不知道從何處做起,而且需要很長時間,所以,鄭汝樺才說遠水不能救近火,不過,局長亦只是說了一次,如果不是給特首炳到暈,就是知道自己失言,就是局長這句話,我知道在往後數年,就算特區政府醒覺,供應依然會嚴重不足,所以,在這幾年間,大部份評論員以不同理由說樓價會下跌,有些甚至說樓價下跌五成,我依然說樓價上升,講足幾年,主要就是局長那句話,不過,時移世易,現任特區政府在開拓土地上做了很多工作,而且漸見成效,供應將陸續增加,地產商感覺到春江水暖,所以賣樓絕不手軟,如果我現在還說細價樓抵買,不是有所企圖,就是無知,就算受盡冷嘲熱諷,完美的數據分析,我依然會說,細價樓樓價將會下跌,如果連我也頂不住的時候才說樓價太貴,香港已經唔知道變成點樣。

  在一個講座,有聽眾問我買388理由,除了隱藏債務,未知賠償金額保險,不派息,要供股的四大原則下,還有沒有第五原則。有,就是貨源不能夠歸邊,388夠大,參與買賣的人夠多,貨源很難歸邊。老實說,我唔識股票,更加唔識波浪,唯有發掘一些小節來分析,大家千祈唔好當真,我見字數唔夠,寫多兩句,沒有特別意思。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 亮劍 2015-04-25 08:48:48
亮劍 2015-02-24 

上年初小弟不停喺湯生呢度問長江三宝……鲩鱼、蓝衫同至南天幾時開波,終於政府忍耐唔住開了一條DSD換楼有D鬆动作回應,李+x好識做投桃報李,係咁2開咗兩個大盤出來應市,以解萬人求楼若渴之苦。

現在輪到新地,下幾年的重頭戲有南昌站、沙埔村峻巒及YOHO Town3期,呢度夾埋成萬伙。


要是新地睇淡中细價楼楼市,他們可能在 15~16 財政年度,盡推呢「三寳」,咁我亮劍敢寫包單,個一手市唔冧有鬼。


呢家香港楼市食粥食飯 Or 食屎,還要睇江仔面色……哈哈

…………在今日(4月25日)小弟加少少嘢,如果江仔認為细碼楼價格過高,仲拿拿聲大規模用低於「市價」,推出新地旗下楼盤,咁可能就係樓市轉角的重要啟示!
2. 山高雲低 2015-04-25 09:05:25
 博士:
好似現屆政府所賣的地,都是上屆留下的遺產。現届政府有为而治,房事被列為重中之重,並以本來曾悛華副手的大將茅波为土地發展局長。 
不過,到現在好似仍未开拓什麼土地出來啊。 

3. Peter Paker 2015-04-25 09:15:41
山兄,2017年換界之時,香港土地供應必乾,共等食餬之,哈哈哈....
4. Peter Paker 2015-04-25 09:22:55
山兄,北角健威2房低層租金已成到18,000蚊,一年前只是14,000蚊左右,叫住餬,又有租收,同時又有博士好文作陪襯,賞心樂事!
5. 亮劍 2015-04-25 09:37:00
運房局成日話 「3~4年有幾多幾多伙潛在供應」……
咁我想問一問政府,以下楼盤,你運房局在边一年、边一季放於「3~4 年潛在供應嗰度」!!
1 嵐山
2 環宇海灣
3 緻藍天
4 長江油街項目
5 南昌站上蓋
6 yoho 3
7 新地沙浦村峻巒
6. 八十後 2015-04-25 09:58:07
TO Peter Parker 兄, 

2017政府換屆, 遇著土地不足, 現在未上車的如何自處? 
7. 經濟報導 2015-04-25 10:46:43

私樓3至4年供應 7.8萬伙新高

67%屬中小型戶 紓緩上車需求

私樓供應持續增加,未來3至4年潛在私樓供應達7.8萬伙,按季增5%,創歷史新高,當中67%屬於中小型單位,同創新高。分析預計,供應續來,下半年樓價升勢受壓。

運輸及房屋局最新統計數據顯示,未來3至4年私人住宅潛在供應共7.8萬伙,較去年第四季的7.4萬伙,大增4,000伙,按季升幅達5.4%,亦是2011年第二季以來最大增幅,平均每年1.95萬至2.6萬伙,較政府供應目標的1.88萬伙,高出4%至38%,反映供求趨向平衡。

政府加快批地 熟地大增4成

私樓供應大增,最主要受政府批地加快影響,期內隨時可動工的熟地達2.1萬伙,按季大增4成,創有紀錄以來新高。

而發展商賣樓亦有所加快,建築中而未售出的新樓亦有5.1萬伙,按季減少2,000伙,但仍然連續8個季度企穩在5萬伙以上水平,現樓餘貨則維持6,000伙。

細價樓市場熾熱,新供應之中,實用面積少於753平方呎的中小型單位,涉及5.2萬伙,按季略增3,000伙,佔整體供應量約67%,比例屬於有紀錄新高,顯示發展商積極興建中小型單位,未來供應增多,預計可以紓緩市民上車需求。

運房局:未來數月18地轉熟地

綜合業界人士分析,過去幾年私樓供應僅1萬多伙,面對未來幾年私樓供應倍增,短期內市場氣氛較佳,仍然能吸納單位,但供應持續推出,勢必影響樓價走勢,估計今年下半年至明年,樓價將現壓力。

值得一提的是,運房局發言人透露,除上述7.8萬伙潛在供應外,未來數月再有18幅住宅用地轉為熟地,合共額外提供約1.2萬伙,較對上一季的1.5萬伙減少兩成。分析認為,政府短期內批地減慢,如果發展商持續加快賣樓,短期內私樓潛在供應或有所回落。

落成量滯後 首季僅錄900伙

另一方面,私樓落成量明顯滯後,第一季度僅錄得900伙,按季大跌74%,屬於近3年季度新低,只及政府預測落成量1.3萬伙的7%;而施工量亦只有2,000伙,按季下跌41%,按年則跌75%。

政府解釋,動工量減少因新動工項目大部分為中、小型樓盤,而落成量則受落成樓盤規模、天氣、物料供應、建築工人供應量、發展商的商業考慮等因素影響,季與季之間的落成量經常會有所上落,預計未來的施工量及落成量均會有所增加。

撰文:余敏欽

 運輸及房屋局最新統計數據顯示,未來3至4年私人住宅潛在供應共7.8萬伙,較去年第四季大增4000伙,按季升幅達5.4%。(張永康攝)

運輸及房屋局最新統計數據顯示,未來3至4年私人住宅潛在供應共7.8萬伙,較去年第四季大增4000伙,按季升幅達5.4%。(張永康攝)


8. Oscar Lam 2015-04-25 11:11:07
現在是否買樓自住的好時機?

樓價的升跌受眾多因素影響,除了供求因素外,還有經濟和市民承受能力的考慮。有一點大家經常忽略的因素是大家對於未來樓價的期望,這一點對於樓價的升跌十分重要。如果大多數人認為未來樓價會升而加快入市,樓價自然會升。相反,如果大多數人悲觀,寧願暫時租樓不入市,樓價自然會跌。

總之樓價的升跌是無法估計的,再理性的分析也是徒然,升跌也是可以沒有理由的。以目前的情況來看,樓價確實高,許多人無法承受,但又看不到樓價大跌的因素。因此,現在想入市買樓自住的反而要考慮樓價升跌以外的其他因素,並擁有以下入市的條件:

1.財政充裕,不借二按。
2.渴望有自己的物業,安居樂業。
3.強的心理質素,就算樓價下跌20%,自己依舊可以安然面對。

還有一點,就算大家現在不想入市買樓自住,也千萬不要心思思將首期投入股票市場。一定要記住,買樓是長期投資,現在買股是投機、是賭博!


9. 引刀一快 2015-04-25 11:15:00
"就算受盡冷嘲熱諷,完美的數據分析,我依然會說,細價樓樓價將會下跌,"



因爲接住冷嘲熱諷不得逞之後,一定是支持的聲音,揭開完美數據呢張面具背後,一定係痘皮擝雞,實在太令引刀感動喇!
10. Peter Paker 2015-04-25 11:16:38
To 亮劍及經濟報報導

政府成日話未來3-4年有70,000幾伙潛在供應,等我同佢計計數,對比一下未來3-4年潛在供應目標之後3 - 4年的實際落成量,結果發現.......

3年後之實際落成量只及未來3-4年潛在供應之50%左右,而4年之實際落成量只及未來3-4年潛在供應之66%左右

而這個潛在供應應改為未來6一7年的潛在供應,這樣就差不多

因此,要學懂看清事實之真相......
11. 引刀一快 2015-04-25 11:22:12
北角健威2房低層租金已成到18,000蚊”

太抵租喇!20000蚊我都俾!22000我都俾!

業主一年蝕40萬嚟租間屋俾我,分分鐘齣年仲唔止!咁大無畏咁無私嘅奉獻,值得喝彩!

無論邊個接火棒都好,業主我感激你。
12. 打工仔 Andy 2015-04-25 11:32:49
需然小弟都有平價既388,不過,股票市場與物業跟本上都不同, 有人賣樓買股我不出奇, 不過,祝佢好運! 
13. 引刀一快 2015-04-25 11:37:34



兩房低層,唔計佢叫高呢20萬,600萬,7個點就42萬,兩年夾埋15個點一次過計就係90萬。15個點?分分鐘有喇。


14. 打工仔 Andy 2015-04-25 11:45:19
Oscar兄

有道理! 
15. Peter Paker 2015-04-25 11:57:43
To 引刀

預祝閣下看跌成功,祝福你一路愉快
16. Teresa 2015-04-25 12:02:10
看你的文章太遲、(捧)👍👍
17. 亮劍 2015-04-25 12:04:33
PP兄……
在 7 楼經濟日報那篇報導,好似有嚴重錯誤。
在 2013年,按照經濟張圖,落成量全年計係 14,100 伙,但我上運房局翻查資料,該年實際落成係 8,254 伙先真。
可能佢哋將施工同落成量調轉咗,呢次經濟日報爆。
18. 引刀一快 2015-04-25 12:08:06
Peter Paker兄

多謝先,引刀祝唔祝都咁愉快。同樣地,樓市跌唔係我“睇”返嚟嘅。
19. 運輸工人 2015-04-25 12:17:16
越跌得多,人與人之間的距離便會越縮越窄,到時聰明人和蠢人都是窮人,社會便越來越和諧.
永遠支持湯文亮博士
20. 汪敦敬先生的新文章 2015-04-25 12:21:16
汪敦敬先生的新文章

後聯繫匯率年代:亞投行改變香港人命運 2015-04-24 


  我一向也認為:影響樓價最重要的因素,其實是貨幣!那麼,亞投行的成立成為了改變大局的轉捩點,其實也改變著香港人的命運了。
 
  以香港人的角度去看,談世界大變之前,不能不由聯繫匯率的故事說起,1983年中英就香港的前途問題而談判失敗,當英國前首相戴卓爾夫人在北京人民大會堂門前摔下出名的一跤後,香港的股市、樓市,尤其是匯市也失控地崩盤,香港政府便推出了聯繫匯率,與美元掛勾聯繫7.8港元兌1美元。
 
  很多香港人自己也不知道,在97後聯繫匯率為祖國提出了巨大的貢獻,中國在經濟躍進的過程中必須要發展人民幣普及化,但如果在美歐操控的傳統金融平台兌換,必被不斷欺侮,波折重重。但利用香港作兌換平台就安全得多,香港是中國自己的地方,香港自己更有足夠的財力守穩聯繫匯率,中國只要調節好人民幣與港元的匯價,其實也等於間接控制了人民幣與美元的兌換價了,而且安全順利,不怕美歐以金融大鱷作惡性狙擊。因此縱使聯繫匯率給香港市民帶來多大困擾也好,此政策也必須繼續,因為這樣令中國經濟發展得到難得的穩定,因此香港貢獻祖國不少,國家對香港的照顧也不是「白點」的燈。
 
  中共建國後不久已被美國為首的列國封鎖孤立,香港一直是中國的「生口位」,透過香港祖國可得物資、情報資訊及貨幣等等的兌換,到了今天,香港和美國經濟環境根本已不是同步對等了,本是應採用一藍子作匯率掛勾才對,尤其是在金融海嘯後,港元追隨了瘋狂量化的美國一起貶值,令樓價物價飆升,更加劇了貧富懸殊,形成了深層次矛盾,香港人付出的其實不少。
 
  美元在71年取消金本位後,其實已量化了數十倍之多,香港要追隨其貶值,樓價又怎會不節節上升?當然,97年金融風暴令美元在長期「長期印銀紙」下,因為「人禍」而需求增加升值,港元追隨美元上升而令樓市進入了多年的結構性價格下跌!香港人支持聯繫匯率,一葉滄桑!
 
  美國在國際上即將大勢已去,我很早已在此專欄上撰文細說,一個入不敷支的國家,只以貨幣吸血度日,當吸血功能衰退時會怎樣?世人也迷信美國太久了,忽略了今天美國是入不敷出的事實,也忽視了人民幣普及後,自然少了人用美元的事實。
 
  我也比喻過,一個國家的貨幣,就如一間上市公司的股票一樣,只要製造了需求,印多了的鈔票不單不會貶值,更可能會升值,美國之所以被稱為「貨幣霸權」即是別人明知用你的貨幣會吃虧都被迫要用,也明知動亂由你支持,引起動盪令美元需求更大,都要聽話,各國其實也長期敢怒卻不敢言。
 
  但現在美國有如一間走下坡的上市公司仍不斷發行股票後,已出現了需要減少因而有價格下跌的壓力,因此「庄家」便做高個價,較早前的同一時間,盧布幾近崩潰,油價及金價也大跌!這些美國大力做就的結果,就是令美元在敗勢下反而上升!所以美元上升的初期是「假升」,後期則是各國食住個勢紛紛量化貨幣,令美元升得更高,是「被升」,如此一來,各國也化解了美國加息之險了,美元已立於被動之地了!
 
  香港樓市之所謂「加息危機」,我一向也嗤之以鼻,因為加息風險其實已被「壓力測試」及「入息比率」所保護,再額外擔憂會忽略對其他的風險準備,何況,多年來加息風險怎會高於加租風險!?
 
  亞投行的順利成立其實也是美國欺人太甚的果。是各國集體稀釋美元實力!美國已淪為末代天子,被各「諸侯」所離棄,美元將由盛轉衰,而聯繫匯率亦進入了後過渡期。香港是雷鋒,陪伴美國到墳墓前才脫鈎聯繫!不過,到時香港還有用嗎?
 
  繼亞投行後,中國再擴大以香港為核心的股票市市場,搶回香港股市「庄家」寶座,為了不令泡沫太大及不給予國際大鱷佔有太多,香港股必在跌蕩不定反覆向上,人民幣需求更加大升!
 
  這的確是大時代!我們還需要盲從崇拜美國模式嗎?不論在經濟及政治,也不值得我們學習。
 
  看美國政治,何嘗不是兩大政黨,幾個大家族、數個大財團「玩哂」!? 香港的政客竟崇拜一個壟斷的政治實體。也難怪,香港的民主政黨,何嘗不是「一夫當關」數十載, 何嘗不是極少數人的遊戲!?
 
  美式政治,是領導及引導盲目的群眾在最後一戰的選舉中分裂,大家不覺得有問題嗎?但香港政改的内容中,如果將來提名委員會可以有足夠的代表性的話,這中途就醞釀出主導的方式,的確是可減少撕裂下取得更多共識的方式,相信是未來政治的新趨勢啊!
 
  香港樓市無論短期有多少阻撓也好,長遠樓價一樣是「升到你唔信」!因為當美國霸主引退,中國便更強勢崛起!只是,中國同樣會以「印鈔」加強國力,貨幣既量化,樓價會如何!?
21. 引刀一快 2015-04-25 12:36:23
越升得多,人與人之間的距離便會越拉越遠,到時根本就唔係以聰明人和蠢人去釐定社會地位,社會便越來越冇競爭力.

永遠支持運輸工人
22. 支持運輸工人 2015-04-25 12:40:17
支持共產,支持民主派,支持貧富共享,咁就和諧
23. 支持運輸工人 2015-04-25 12:40:18
支持共產,支持民主派,支持貧富共享,咁就和諧
24. 好人兄 2015-04-25 12:55:00
信引刀一成,雙目失明,哈哈。

博士d文章愈來愈有夏蟲不可語冰之感覺。
25. 引刀一快 2015-04-25 13:00:32
多謝多謝,好人兄兄你要信多一成,咁就醫好埋你嘅青光眼。再信多一成,仲可以免費得到雙眼皮𠻹喎!
26. Oscar Lam 2015-04-25 13:11:43
回刀兄,

答得好,支持!
27. 引刀一快 2015-04-25 13:16:28
Oscar Lam兄

多謝多謝,有你實力咁強橫嘅人認同,係今日引刀嘅鷄血針。
28. 引刀劏淫亮一快 2015-04-25 13:16:58
冧得89成,引刀呢d冇產階級就比博屎呢d負家產優越.
29. 引刀一快 2015-04-25 13:17:55
To 28樓

點解你阿媽改個咁嘅名俾妳嘅?
30. 好人兄 2015-04-25 13:18:07
信引刀兩成,失明變畸形。哈哈
31. 引刀一快 2015-04-25 13:19:38
To 28樓

妳跟我姓就好合理,但係妳阿媽改到個名咁長,我驚妳惡寫喎。
32. 珍惜香港 2015-04-25 13:53:51
珍惜香港

博士提到高收入族群,令我諗起早前果六篇系列裡面,提到依家啲有樓人仕,主要嚟自金字塔中上層,又或者喺呢個中上層支持下嘅新一代。好彩我唔喺乜嘢評論員,而只喺一個小小嘅實戰投資者啫,俾人以為博士繼連開三傻之後,輪到開我就唔喺咁好啦!

任何分析,都有變數,而我亦唔例外。我嘅分析,其中一個關鍵變數,就喺房屋新供應嘅增加。不過唔好話我知,每年一萬幾千個供應,仲唔知喺兌唔兌到現果隻,就可以將樓市,响個金字塔嘅涵蓋範圍推低。唔好淨喺睇住點樣滿足每年嘅新需求,就扮唔記得以往 N 咁多年積聚咗果啲,仲未被滿足嘅需求泡沫至得架!

睇好定喺睇淡,唔喺最重要,重要嘅喺,你可唔可以道出個關鍵。好多人話,大陸個市冧緊,淨喺响呢個網站度,就已經聽咗成年幾,唔知仲要聽多幾多年?問題喺,要呢個具十三億人口,擁有龐大實體企業群嘅超級大國,冧成點,先至會搞到呢粒彈丸之地,好唔掂?冇一條具體嘅界線,呢啲評論喺冇意義,亦唔算喺乜嘢預測,點解?原來條界線太低,未冧到條界,就已經轉勢翻咗身嘅,咁對香港,又點會有影響?正如又有人話,香港嘅零售大跌,吉舖多咗,個市要冧啦!其實,咪又喺同一個問題,經濟要衰成點,先會影響到個市?條界線响邊度?又冇人講得出。

所以,果個評論員話,連高收入嘅族群都頂唔住樓價,個樓市就會跌。博士只喺話,呢個評論非常危險,但冇話佢錯喎!我喺非常認同博士呢個講法,因為果個評論員,將條界線 SET 得太低。真正負責任嘅評論員,喺應該訂一條市場發出警號嘅界線,而唔應該訂一條無可挽救嘅界線。因為,市場只喺發出警號,都仲有得救嘅;但到無可挽救果陣,就真喺做乜都冇鬼用啦!

要真喺搞倒個樓市,就得先過基層果關。第一個訊號,將會喺最低工資制度嘅崩潰,即喺話,當社會出現壓力,要求降低甚至取消最低工資果陣,大家就要提高警覺。呢條,就喺我訂嘅界線。

關於博士嘅財仔同爆煲論,我話過,唔再評論。但有一點,我要重申,就喺,行直線,講真話,幾時都唔會有問題;玩曲線,同玩火喺冇分別。如果有人自以為是,以為一味唱跌,個市就會跌,又或者一味唱升,個市就會升嘅呢,就請你先落去樓下,搵一條石屎柱,出盡你鋪牛力喺咁推,睇你推唔推得郁。

今時今日,好多嘢,已經唔可以一味靠呃。香港喺一個金字塔型經濟社會,貧富喺會有差距,而個差距亦會好大,呢個喺現實,真喺要變,就先要大幅加稅。羊群需要嘅,喺明白,認清,同接受呢個現實,而唔喺一個脫離現實嘅夢。要自知自己响呢個金字塔裡面嘅角色,先至能夠,以真相為起點,力爭上游。

所以,博士將責任推俾前特首,喺大錯特錯。庸梁嘅誠信問題,引申成佢治港之道,先至喺關鍵。用一個大話,去掩蓋另一個大話,可以捱得幾耐?當羊群驚醒,期望原來喺冇可能兌現嘅,心魔,就會被觸發。羊群成魔,真喺唔嘢少,難道黃虫之患嘅教訓,仲唔算大?

八風吹不動,一論催成魔

希望博士,唔好犯同一個錯誤。
33. 引刀一快 2015-04-25 14:01:08
好人兄兄

你信開邊個搞到你畸形呀?以後轉信引刀喇。
34. 歷史長河 2015-04-25 14:20:53
珍惜香港兄是真正的智者。
35. 路人 2015-04-25 14:24:11
多年來,引刀兄的評論最有道理,預測最準確。
36. 山高雲低 2015-04-25 14:28:35
睇淡内地,將不能在中國進入世界舞台過程中分一杯羮。
37. 肥婆四 2015-04-25 14:28:49
政府公佈的數字,得PP兄這種對數字有認識的人解釋就最清楚 。不過,佢咁一解釋,我就唔諗咁多,一於著住的爛棉衲,事因照政府講的數字,我都認為唔夠供應!咁得返幾成喎,難怪四叔叫人投資股票喇,的樓唔憂賣呀。否則,的樓賣唔出,有乜理由四叔密密入12/16呢?
38. 路人 2015-04-25 15:01:40
388從上市開始就見有一位叫關百豪嘅仁兄,久不久大手大手咁吸,相信佢手上彈藥很多。
39. 刀仔切酸葡萄 2015-04-25 15:22:44
北角健威2房低層租金已成到18,000蚊”

太抵租喇!20000蚊我都俾!22000我都俾!

6百萬嘅樓收租收18,000元,即係有3.6%回報一年,還想怎樣?
40. 引刀一快 2015-04-25 15:44:49
內地俾咗我嘅嘢,點止一杯羹?

好就講好,唔好就要講唔好。

唔投資內地,一味做西南二伯父就有杯羹?




41. 引刀一快 2015-04-25 15:54:01
肥婆四兄

對數字認識嘅人好多,撚數字嘅人亦好多。

有個3年10000個負資産個案嘅牙鉸戰,有人想搵D糊塗數撚引刀,不過引刀係街市仔,唔係白痴仔。

肥婆四兄經常北望神州,應該睇到依傢大環境係點,要講數,香港可以唔計大陸條數?
反過嚟講,我又唔信有人計得掂大陸對香港條數喎。
42. 路人 2015-04-25 15:54:50
刀仔哥你唔好走數喎,去年年中你話2014年12月31尾中原城市領先指數收幾多話?我想睇你點樣切jj啫。
43. 引刀一快 2015-04-25 16:02:01
俾幾蚊閹雞佬幫你搞掂晒,你想慳咁你攞岀嚟我幫你切囉。

一家大細想食救濟粥果個原來係你!
44. 路人 2015-04-25 16:08:54
刀仔哥你面皮都幾厚喎,普通人2015年一定自我消失,直至大家都忘記有刀仔呢個物體,你真係非常人!
45. 看畢博士近期文章 及 20樓推薦 汪敦敬新文章後 ─ 讀後感 2015-04-25 16:09:55
雖然出發點同為香港未來發展著想,但感覺水平卻是馬馬虎虎的!
坦承地,跟下面幾位學者比較,真是天壤之別沒法匹比!


港台訪問 林奮強 先生。

http://podcast.rthk.hk/podcast/item_epi.php?pid=175&lang=zh-CN&id=53216

http://podcast.rthk.hk/podcast/item_epi.php?pid=175&lang=zh-CN&id=53217

陳文鴻博士東方日報

坦言集:A股再漲有限 12-Apr http://orientaldaily.on.cc/cnt/news/20150412/00184_001.html

坦言集:中美股市戰 13-Apr

http://orientaldaily.on.cc/cnt/news/20150413/00184_001.html

坦言集:中國金融穩步前進 20-Apr

http://orientaldaily.on.cc/cnt/news/20150420/00184_001.html

坦言集:中美金融角力 21-Apr

http://orientaldaily.on.cc/cnt/news/20150421/00184_001.html

坦言集:需要戰略應對寡頭 22-Apr

http://orientaldaily.on.cc/cnt/news/20150422/00184_001.html

坦言集:中國中車 25-Apr

http://orientaldaily.on.cc/cnt/news/20150425/00184_001.html

  • 郎旋風郎咸平
  • 「一帶一路」逐步實施,中國對外戰略全面升
  • http://lifestyle.etnet.com.hk/column/index.php/wealth/langxianping/31815

46. 引刀一快 2015-04-25 16:16:08
係喎,引刀面皮夠厚呀,點似得你要戴幾十個面具做人吖,撈波弟!

你係咪走咗去三姑間美容院換皮呢?日日要戴唔同嘅面具出現。


47. 文鴻 2015-04-25 16:25:41
如果各位在80年代有幸在港大聽張五常D堂,你对陳文雄並不會陌生。因他在張五常口中就是stupid的化身。今日竟有人認為其文章在博士之上。 
天大笑話。
48. 支持淡友 2015-04-25 16:52:06
只要齊心,大家不買,再聨同引刀同運輸工人,一齊唱淡,一定得
49. 路人 2015-04-25 17:18:28
真係服左呢個撈波弟個契哥引刀成一塊,乜佢見到插親佢嘅人就大叫『撈波弟』咁怪嘅!
51. 肥婆四 2015-04-25 18:10:30
引刀兄,講國內野我知有限,唔似引兄咁係上面長住,投資物業可觀又有社會主義的愛,國內好 ,引兄一定好,可能引兄投資彼大,有小小擔心唔出奇。我上去同親友食下飯,傾下偈,據說生意係落左D,做出口的最差,內銷的生意還可以,私家車也日多,飲食業也旺,生活整體安穩,真的不覺得有大問題,但我接觸面細,有些地方可能唔係咁樣,不如睇睇知華專家,前澳洲總理陸克文點睇呀。
52. 「中國殘局論」 知華專家不認同 2015-04-25 18:10:42

「中國殘局論」 知華專家不認同

撰文:鄧中建
欄名:國情知聞

前不久美國中國問題權威學者沈大偉指中國共產黨統治的最後階段已經開始,皆因沈大偉是有名的「知華派」,這些言論引來熱烈議論。

陸克文指理論站不住腳

但最近多名專家、包括前澳洲總理陸克文均指出,最近美國流行的「中共殘局論」站不住腳。這位中國通在剛剛發布的一份報告,除了談中美關係外,他還認為,在習近平的領導下,中國將會更多的動用日益擴大的實力來確保她在外交和安全方面的影響力。

陸克文是有名的「中國通」,說得一口流利的普通話;另一方面,他並非「親華派」,在陸克文擔任澳洲總理期間,贊同聯合美國壓制中國在地區的影響力。因此,他的分析令人更覺客觀。

陸克文在擔任哈佛大學甘迺迪政府學院資深研究員期間,專注於研究美中之間建立新的戰略關係的可能性及影響,並撰寫了一份報告。陸克文指出,當中國的經濟產量在今後10年的時間裏最終超越美國時,這將是自英王喬治三世統治時期以來,首次出現世界最大經濟體的桂冠屬於一個非西方、不以英語為母語且非自由民主的國家。

陸克文的報告核心論點認為,盡管最近出現了中國即將發生政治和經濟崩盤的時髦評論,這種結論在證據面前是站不住的。第二點,對於美國來說,持這種看法並以此作為制定政策的基礎將是不明智的。

雖然,近期中國宏觀數據一直低迷,也令「中國崩潰論」看來言之有據。但陸克文認為中共十八大以來中國經濟改革和增長模式是可持續的。

陸克文給出了他上述論斷的依據。他不僅參考了有關近期中國經濟增長放緩的官方和非官方數據,也考慮到世界對中國出口需求的減少、較高的國內債務、人口問題導致勞動力減少等因素。他說,一旦中國經濟出現波動,中國有足夠的財政和貨幣政策能力對經濟進行干預,確保增長率保證在6%以上。

這位澳洲前政要也不認為中國從舊有的經濟增長模式(基於大量的國家基礎建設工程和依賴低工資、勞動力密集的出口)轉變為新的模式(基於家庭消費、服務業和富有創新能力的私有企業)注定會失敗。在他看來,中國領導人對這一宏偉的藍圖已醞釀多年,中國能夠通過不同的需求驅動,保證中國的未來經濟運作軌道,「就目前而言,進展和成果都是合情合理的」。

另一位日本經濟學者的論點也和陸克文相類。這位經濟學者叫瀨口清之,他也研究了中國經濟多年,且堅持每年都要到中國考察。

他認為,2003年至2012年的執政時期,中國經濟維持了高增長,但也的確伴隨着高通脹。在上一個執政期,中國發行貨幣太多,經濟出現「畸形肥胖」。當然,這並不是說上個執政期舉措全錯。

因此,當下,中國的增長模式正在逐漸修正,比如過剩的房產開發、石炭產業,中國政府正在通過市場原理使之倒產或收益下降,中國經濟體身上的一些「贅肉」正在被慢慢削掉,經濟在向着更有「肌肉」的健康體態發展。

料2030年增長期將終結

瀨口清之指,對華經濟悲觀論者,只是因為不懂中國經濟罷了。不管中國還是日本,大多數人都對經濟過熱持支持態度,真正冷靜看待經濟增長放緩現象的人是少數。中國經濟增速一放緩,立刻就出現各種負面評論,其實不足為奇。

他認為,中國最要擔心的是2030年左右,屆時中國增長期將終結,若那時出現世界性金融危機,中國必然會受到巨大衝擊。那時的中國,如果出現連續5年至10年失業率居高不下,社會不滿和不安將無法被釋放。若是民主制度健全的國家,會通過選舉、輪替等方式來消解,但中國缺乏這一可能,政治制度的改革、調整對中國而言是迫切且必要的。

 
53. 引刀--快 2015-04-25 18:35:36
我引刀講嘢你哋要信,一個大浪好快打過黎,我講就喺,吹呀!
54. 技持運輸工人 2015-04-25 18:49:31
技持運輸工人
55. 珍惜香港 2015-04-25 19:04:55
珍惜香港TO:自我陶醉

真喺唔好意思,我呢篇咁癢眼,又有啲離題嘅超級長嘢,其實喺對果邊 129/F 自醉兄嘅回覆。

論壇裡面,自醉兄算喺一位好實在同穩陣嘅投資者,所以我決定花啲時間回覆你。但鑑於我嘅時空有限,過咗咁多日至寫好,所以 POST 咗响呢度,同時果邊另作通知。閣下少上嚟,唔知睇唔睇到,唯有隨緣。

我每一篇長嘢,都喺好真實,你覺得似是而非,喺因為你 TUNE 唔啱個 CHANNEL。我响呢度留言,唔喺要教人發達,而喺要同各位展示,响背後推動緊呢個世界嘅宏觀因素,同因果關係。呢啲嘢,比我話你知,邊樣會升,邊樣會跌,更重要。而呢啲宏觀因素,同因果關係,亦喺我作出每一項投資決定嘅關鍵,點會唔重要?

正如我寫果六篇系列嘅第一篇果日,剛剛就喺聯儲局刪除「耐性」一詞之後。响全城唱加息嘅環境之下,我反而提出,美國今年內唔會加息,原因喺,佢已經加咗,仲加突埋添!响呢個地產網度,我喺第一個用呢個理由,去否定美國加息嘅留言者。而我只喺吹下水,冇搬出實質嘅數據資訊,但後嚟就陸續有人响度發表咗更詳細嘅剖析。當然,我嘅預測,始終喺預測,唔一定兌現;但問題喺,點解我唔使計,就可以達至與其他人嘅分析,相同嘅結論?因為我睇嘅,喺好基礎嘅宏觀因素,同因果定律,呢啲嘢,無論你點計,結果都喺一樣。

低入高出,响投資嘅範圍裡面,只喺好低層次,好片面。我字典裡面,呢啲唔算投資,只可以話喺投機,甚至喺賭博。就好似呢排個股市咁,一時大上,一時大落,一邊廂全城唱跌,另一邊廂阿爺出手。你冇內幕消息,喺估佢唔到,就算俾你估到,都要捉到個關鍵時刻架!咁你點贏?港股已經成為咗一個中西戰場,而响股海裡面,我地只喺萬尺巨浪之下嘅舢舨!有人炒股贏咗錢,我會恭喜佢,但唔會讚佢,因為讚佢,即喺害咗佢。

真正嘅投資,喺增持有價值之物,同沽走即將喪失價值之物。至於價錢,只喺反映價值嘅其中一個參數。最重要果部份,唔喺你買入同賣出呢兩個時刻嘅價錢,而喺你持有果一段時間內,有冇充分行使佢嘅價值,為你帶嚟最大利益。而利益,可以喺金錢嘅回報,或者喺其他無形嘅好處。

投資定義裡面,提到獲利嘅成份,要有孳息,即喺我上面所講,行使價值帶嚟嘅利益。閣下講嘅投資,針對目標嘅買賣價位差獲利,只喺算投機,唔喺真正嘅投資。不過,芳間大部份人對投資嘅睇法,的確喺同你一樣嘅。我喺一個生意人,深深體會到真正投資嘅過程,就如你投資一間公司,回報就喺公司嘅盈利。到你結束呢門生意果陣,可能一個仙都攞唔番,甚至要貼錢結業,但只要公司盈利俾到你嘅總收益,遠大於你嘅總投放,咁就已經喺一個成功嘅投資啦!

所以,一個真正嘅投資者,沽走有價值之物,唔喺因為個價位幾高幾低,而喺為咗用嚟交換更有價值之物。啲人成日話首富賣嘢,其實佢賣嘢,就喺為咗要買嘢。被減持嘅資產,唔等於被睇淡,只喺佢嘅價值,唔及佢要買嘅新目標啫。正如佢地兩父子果次話,好嘅物業,當然喺留响度收租,十幾厘收益,邊捨得賣?估價,都喺超級保守,根本就唔會賣,估咁高嚟做乜?

閣下曾經透露過一啲投資目標;有次我話,你手持嘅一隻基金,減咗息。你咁醒目,一定已經沽咗,又或者換咗碼,唔好話我知你仲 HOLD 住,你知我講乜。又有位朋友,手持內房債基;近年成日有人話大陸樓市冧,真喺聽到煩,唔知閣下有冇揸呢啲?年頭一連幾劑內房債出問題,搞到隻基金急跌一成幾,果位朋友問我點算,我話有咁高息收,冇有怕,跟住梗喺搬出我果套似是而非,話阿爺喺絕對有能力去成就一個軟著陸嘅理論啦!可惜,果位朋友,最後都喺忍唔住蝕水離場;依家升番哂,就好後悔當日冇聽我講喎!

不過基金,始終有人為管理呢個透明度問題。今時今日,响我嘅投資規模裡面,基金只喺零錢,點可以俾啲三唔識七嘅基金經理,將我座山當玩具咁亂舞。如果你揸緊隻股票,賺咗 10%,知道見頂想放,噤下個制咪得囉!好簡單喺咪?你手持嘅貨值,幾萬蚊嘅話,OK 吖;幾十萬?都 OK!咁幾球呢?幾千萬呢?幾億?幾十億?你點放?當你每次舞動你嘅投資,都喺要 PLAN,要 FORECAST,唔喺一朝一夕果陣,就要識得睇宏觀,同了解你手頭上啲嘢嘅價值,而唔喺價位。聲明,只喺舉例,我冇幾十億咁多,邊有咁誇!

我講果堆宏觀理論,就喺我一生投資之道嘅入門,而資源論,更喺不可或缺嘅基礎中之基礎。你連基礎都睇唔明,喺因為你冇用個心去睇,你帶住對有色有銅銹嘅眼鏡,點會睇得清楚?今日,你有市值五千萬 FP 物業,你會點做?趁高賣咗佢?咁就叫投資?資源,喺唔可以亂賣。你賣咗佢,唔喺因為佢「價值」嘅消失,佢嘅價值,喺冇變過,只喺你認為,佢嘅「價位」已經到咗頂啫,而你呢個「認為」,又唔一定啱喎!你咁喺叫投機,唔喺投資,因為你冇响應該持有資源嘅時候,繼續持有,更加冇响持有嘅過程中,充分行使佢嘅價值,為你帶嚟最大利益。

今日,你果市值五千萬嘅 FP 物業,保守啲,已經可以令你,年賺四球,進取少少,年賺八球,仲未計租金收入呢啲零錢。咁點解要沽咗佢?攞嚟炒股搏一鋪?贏硬架?咦?五千萬磚頭唔賣,邊可以好穩陣咁,年賺四至八球呀?唔好問我點玩,呢個唔喺入門。你唔識玩,喺因為你冇用心去對待你嘅資源,只當佢喺投機工具,成日諗住幾時沽至喺 RIGHT TIME,邊個價位沽,至喺最高。咁你就唔會睇到佢真正嘅價值,更加唔會去揾辦法,配合現時嘅經濟環境,充分行使佢嘅價值,為你帶嚟最大嘅利益。再者,行使價值嘅同時,有機會要鎖定資源,短期之內唔可以賣出,咁你一定唔會考慮啦,容乜易錯過咗高沽嘅機會架!

咁如果個市轉勢又點?市場轉勢,喺唔會影響呢件資源嘅價值,佢始終如一。所以,宏觀環境改變咗,你就要變陣去配合佢,用新嘅思維模式,嚟運用你嘅資源。吓?一定有辦法架?喺!一定有!雖然環境改變咗,資源嘅價位亦同時改變,但佢嘅價值,喺冇變過,一樣可以為你帶嚟最大嘅利益,只喺方法同形式唔同咗啫。呢啲就叫順勢而行,憑嘅,就喺你話我果堆似是而非嘢囉!

真正嘅投資者,視投資為一門生意,唔喺師奶炒股。呢排股市大上大落,風高浪急,連博士都要講下 388。人家追尋刺激,我就成隻悶蛋咁,投資嘅規模同形式,絲亳不動,靜觀其變。我奉勸各位,唔好賣樓炒股,更加唔好按樓炒股。做唔到真正嘅投資者,唔緊要,反正大部分自稱投資者嘅,都只不過喺投機者嚟啫。

投機,都喺冇問題嘅,但喺,千祈唔好成為賭徒!
56. 回49 2015-04-25 19:06:47
從9樓的回應得知,引刀的契哥是湯生。
57. 支持引刀運輸 2015-04-25 19:08:44
我有朋友1997 頂位沽了自住樓等跌,去到今天,仍是租緊樓,我介紹佢來這裏尋找一些同道中人,永遠支持引刀同運輸工人
58. doraedog 2015-04-25 19:09:13
我都唔知有什麼好拗,樓價走勢不會因在這裡看好或看淡而改變,就是博士言論也不能。
59. 打工仔 Andy 2015-04-25 20:18:51
"越升得多,人與人之間的距離便會越拉越遠,到時根本就唔係以聰明人和蠢人去釐定社會地位,社會便越來越冇競爭力" ! 

引刀兄, 

充滿智慧的回應! 支持! 
60. 引刀切七一快 2015-04-25 22:27:01
叫引刀估樓市,即叫引到去食屎.

因佢一向屎屙飯,反常人所為,
61. 修正60樓 2015-04-25 22:35:34
係食屎屙飯.
62. Oscar Lam 2015-04-26 00:10:18
回珍惜香港兄,

小弟真心想請教珍兄:

小弟是一名穩陣之人,有用心對待自已嘅資源。平時利用逢三退一賣出一個物業後會很快購回另一個小弟認為更加優質的物業,既珍兄所指的資源。這個優質資源我也沒有打算沽咗佢。請問珍兄如何可以做到"你果市值五千萬嘅 FP 物業,保守啲,已經可以令你,年賺四球,進取少少,年賺八球,仲未計租金收入呢啲零錢。"
63. 引刀一快 2015-04-26 04:54:26
Oscar Lam兄

唔好爲難珍港兄喇,只買不賣理論喺呢度係最圓滑嘅理論,基本同所有人論調都冇正面觝觸,你話升,唔賣有著數,你話跌,唔賣冇有怕,樓市橫走,唔賣啱吖!
有李光燿風範,珍港兄我終于開始瞭解你。
64. 引刀一快 2015-04-26 05:08:00
打工仔兄

我今晚行咗深圳,同師弟打冷,深圳市道勝過廣州,我明白點解,依傢IT 同 金融都強,而深圳主打呢兩味,外圍唔好所以資金人材流入,氣氛同廣州迴異,我開始鍾意深圳。
要留意嘅係,週邊皆差深圳獨好。東莞旺區同南山區樓價差十幾倍。
65. Oscar Lam 2015-04-26 08:07:32
回刀兄,早上好!

珍兄只買不賣的投資策略小弟雖不太認同,但本身也沒有問題,相信很多投資者也是這麼做的。

我見到珍兄寫在保守下仍有8%年回報的投資,所以真心想向珍兄請教,並無其他意思。
66. P&P 2015-04-26 08:20:57
同意博士文章但認為只有小幅度及短暫調整,想信到下個月已經調整完而轉回升市,市場平盤亦已經盡放,發展商已經做好人將一些新樓價壓低10-20%做成見底市,奉勸等待市底者應該盡快在這兩個月內入市,否則當市況回升,一下子市場上已見快速回升。
同意20/F及非常欣賞汪生對市局、政治、經濟的超高視野,如果一向有看汪生文章,你總不會錯過近年仼何一個升市及有信心長期持有物業。這一輩近50前後的港人,也是目前樓市最大支持者也是實力最強者,樓市每次回調也意味著將要迎接下一次升浪,97年時中國尚未崛起已經令香港樓升到幾高,現在中國如日方中,樓市升到連政府都要驚。現在才剛剛高已經近20年前的97價小小,大升浪尚未開始,唔信?大家不妨看看三年後樓價再升左幾多。再看回這個網上的文章。
67. Oscar Lam 2015-04-26 08:24:32
回刀兄,

小弟因業務需要每個月均會來往深圳一、二次,對深圳印象不太好,感覺太多外來人口,人口質素、街上整潔程度、安全、整體城市氣派等方面均不如大上海。

小第個人感覺。
68. 八十後 2015-04-26 11:48:32
謝謝珍惜香港兄的教導。小弟似乎明白了投資和投機之分, 投資不在於其價格之高低, 重在其內在價值。小弟會繼續努力增持師兄所提及的資源。將來有能力, 可以幫到自己和別人。 
69. 珍惜香港 2015-04-26 12:18:25
珍惜香港TO:62/F Oscar Lam

Oscar 兄,好彩我心中無糞啫,唔喺嘅話,就一定會話你同引刀兄一唱一和,前呼後應啦!哈哈!

我之所以肯花咁多時間同心機,覆自醉兄,喺因為欣賞佢嘅為人。我對呢度每一個留言者,都有細心去觀察。雖然自醉兄好多睇法,同我唔一樣,但都只喺意見上嘅分歧,唔會諗多;而佢嘅言論,亦好實在。記得有人响度請教過佢關於投資嘅目標,佢真喺可以連買邊幾隻都寫埋出嚟。

關於你嘅問題,答案响環球經濟新常態第一個系列果度,就已經提過,只喺當時冇响數字上舉例說明啫。呢度有啲留言者,亦有類似嘅投資模式,但佢地好少提。其實,我已經寫咗好多,亦唔想寫得太詳細,以免讀者因為一知半解,而誤入歪路。

閣下曾經話過,住宅物業,除咗第一層自住之外,其他均屬投資產品,同股票、基金等無異。既然喺投資產品,除咗租金收入以外,更加應該要追求價格嘅升跌。

但我認為,物業,唔喺投資產品,而喺資源。而對資源嘅投資,更加應該要睇長線,同必須响持有嘅過程中,充分行使佢嘅價值,以取得最大利益。即喺話,除咗租金收入以外,一切因資源價值衍生嘅特性,都要充分被利用。所以點解我果次會提出優質資產嘅定義,同列出高回報,可抵押,同保值呢三個特性。充分利用呢三個特性,先至可以完全發揮物業嘅實用功效,帶嚟最高嘅回報。

最穩陣嘅做法,不外乎只買不賣,收一世租;就算喺沽,都只為換上更優質嘅資產。果次寫咗環球經濟新常態第一個系列之後,記得閣下同自醉兄,都有質疑過我嘅風險。其實,好多人投資物業,都要攞盡埋個價差利潤,咁嘅話,佢地咪一樣要面對市場變數?佢地嘅風險,唔見得比我低,所得嘅回報,亦唔見得比我高。

我喺一個生意人,自然有所盤算;真正嘅投資者,視投資為一門生意嘛

閣下喺聰明嘅投資者,應該知我講乜。
70. 打工仔 Andy 2015-04-26 12:19:09
引刀兄, Oscar兄, 

深圳是移民城市, 人流多及多元化係事實, 但優點是回港快速, 對外交通十分方便! 
這是與上海不同之處, 深圳是窗口城市, 上海是國家金融重點, 各有所長! 
71. 打工仔 Andy 2015-04-26 12:22:41
引刀兄

有時間去南山行一轉,非常好! 
72. Oscar Lam 2015-04-26 13:39:07
回珍兄,

"Oscar 兄,好彩我心中無糞啫,唔喺嘅話,就一定會話你同引刀兄一唱一和,前呼後應啦!哈哈!"

知我者,珍兄也,哈哈!

物業,喺投資產品,或者喺資源都不要緊。最重要的是我們都非常珍惜它,且大家都是睇長線,雖然大家對於長線的定義有點不同。

真正嘅投資者,視投資為一門生意嘛!"

這一點我十分同意。所以我視投資物業為種植果樹。

至於兄台說我是聰明的投資者,小弟實不敢當。小弟只是盡力種植果苗,並每天澆水、施肥,但最終是否能夠生長出果實還要看天氣,靠運氣。
73. 引刀一快 2015-04-26 14:19:48
珍港兄

就算一唱一和都同糞唔糞無關,我講親都係真心話,我認為只買不賣適用範圍唔廣。

另外,如果我咁様答句嘴就叫一唱一和,咁我日日對住咁多幪面超人三重唱、四重唱,仲駛發言嘅?咪咁敏感喇,珍港兄。
74. 引刀一快 2015-04-26 14:32:32
打工仔兄

見微知著,行一小圈已經發現今日深圳大不同,以前我同OL兄一樣唔鍾意深圳,再深一層嘅體會係深圳滿是外地人,但係人情味比廣州還要淡薄好多,但係發展又遠未可以同香港比,意味著呢個地方存在好多不合理、不協調。我歷年經過深圳超過1500次,留底行下就十隻手指數得晒。
尋晚同師弟食飯,發現深圳氣氛變咗,而且睇到唔少長足嘅改變,雖然我仍然覺得樓市好大機會冧,但係深圳明顯穏過廣州。
75. 引刀一快 2015-04-26 14:39:45
Oscar Lam兄

我明白你嘅感覺,主要係同上海嘅對比好大,我少去上海,上一次已經係幾年前嘅世博,但係長期留上海工作嘅朋友有講過上海嘅排外情况,我相信唔會比香港好幾多,所以好處係大部份外來人口喺呢種氣氛下都比較克己,而廣州、深圳就相對遷就外來人,所以比較亂。
76. 引刀一快 2015-04-26 14:49:06
Oscar Lam兄

我老婆剛剛喺北京返嚟,北京樓價仲係好癲,呢個我認爲係敗兆,哀鴻遍野嘅慘像已經唔係太遙遠。
77. Li 2015-04-26 15:16:22
刀兄,小弟是很多年也沒有過羅湖橋的人,對大陸情況非常大熟。!
最近得知一位 45 歲的物流公司中層管理人員朋友失業了,因為分司生意唔好!
佢同我講,其實珠三角D物流業都開始唔掂!
主要是去了是長三角!
可真有這情況!?
另刀兄常提大陸爆鑊,是政治還是經濟上呢?
78. 引刀一快 2015-04-26 15:42:55
Li兄

大陸物流業係進入整集時期,汰弱留强,係咪去晒長三角我有保留,政策傾斜係一直都有。

大陸經濟係有問題,政治好穩健,無論聽到乜小道消息都好,中國政治好難出大事,呢點唔駛驚。
79. Oscar Lam 2015-04-26 15:47:21
刀兄,

我對於大陸一線地區的房地產還是較樂觀的。現在大陸的經濟實體是差了一些,但政府放水、降息,許多錢反而流到股市、樓市那邊去了,對樓市有支持。所謂生意淡薄不如賭博。當然這個情況不知能維持多久。
80. 引刀一快 2015-04-26 15:53:59
Oscar Lam兄

大陸太多人,加上人口老化,呢個情况係我最擔憂嘅,假如美國依傢鎖國,本土資源養得起全國人,如果大陸鎖國,本土資源養十幾億人就好凄慘。
我講緊乜你一定明白。
81. Li 2015-04-26 16:28:05
多謝刀兄指教。
82. 引刀一快 2015-04-26 17:32:22
To 51樓 肥婆四兄

引刀只係小打小鬧小人物,喺大陸咩都唔係,物業邊度比得上呢度嘅師兄吖,飲食業依傢係復蘇,勢頭好勁添,搶舖好進取,因爲A股掂嘛,中高級消費會好咗好多,但係呢個牛市玩幾耐就難講。
政壇人物講嘅嘢,我一般都係帶批判有戒心,可以參考唔會盡信,産能過剩唔係呢兩年嘅事。
83. 肥婆四 2015-04-26 19:19:29
引刀兄,你唔係廣州姑爺咩?使乜咁謙啫。政壇人物講嘢聴得出嘅,虛實有個普,聴多啲,又睇埋其他人分析,八九不離十吧。
84. 引刀一快 2015-04-27 01:05:36
唓!肥婆四兄唔駛咁嚟諷刺引刀卦,引刀did咁多嘢只及糊口,姑爺就冇份喇,咕喱就日日做緊。

依傢大陸係點,最好就係到處走走,成日留係一綫城市睇國家。只會睇到繁榮嘅部份,就如我尋日行深圳,市面喧閙繁華,諗深一層,正係外圍慘淡,加速有條件嘅人向繁華地靠攏、進發嘅徵兆,但係終歸係同一個國家,地方之間總係相連相關嘅。
85. 自我陶醉 2015-04-27 13:03:15
To:  樓 珍惜香港兄

多謝珍惜兄的回覆!  兄台對投資和投機的定義, 確實與衆不同, 令小弟大開眼界。

想請問兄台, 如果你認為買股票就是投機, 那麼像股神買可口可樂股票那樣只買不賣, 又是否投機呢?  在全球的退休基金裏, 很多錢都投進了股市及債市, 那他們又是在投機嗎?  我之前也在這裡說過買股票要用投資入股做生意的心態買入, 長線持有, 我覺得自己與入股私人公司做生意無異, 分別只是那家公司是否上市。在閣下口中怎麼又變成投機了啊!

個人認為投資與投機不在乎錢放到那裡去, 只在於放錢的人的心態, 買樓可以是投資, 也可以是投機, 同樣買股可以是投機, 也可以是投機。至於兄台說的5千萬物業, 除租金收入外還有額外幾球的“唔係入門”業業收益, 我和Oscar兄一樣都很有興趣向兄台討教,請問是否涉及再融資及投入其他投資活動呢?  那些不知算是投資還是投機呢?



86. 運輸工人 2015-04-27 14:21:31
珍惜香港兄:
多口插句,小弟認為投資都是由投机開始的.
87. 引刀一快 2015-04-27 20:16:15

自我陶醉兄

最近係咪好忙?

88. 自我陶醉 2015-04-28 08:20:59
回引刀兄

是的, 這幾個月要打醒精神。 隨著股市狂升, 有些股價已變得不合理了, 是時候調整投資組合。 
89. 自我陶醉 2015-04-28 10:38:01
Oscar兄, 早晨!  知道, 我太懶惰了。
90. 珍惜香港 2015-04-30 00:32:51
珍惜香港TO:85/F 自我陶醉

自醉兄,我邊有話,買股票就喺投機?

我只喺話:

真正嘅投資,喺增持有價值之物,同沽走即將喪失價值之物。而最重要,就喺持有果一段時間內,必須充分行使投資物嘅價值,以帶嚟最大嘅利益。

所以我對投資、投機嘅睇法,喺符合投資定義,請參考藍色字連結導向嘅 wiki 解釋。當中提到孳息,就喺我上面所講,持有投資物過程中,行使價值帶嚟嘅利益。

買股票,一樣可以喺投資,但必須要長期持有,賺取孳息先至算喺。响冇孳息嘅情況之下,單憑預期有價格增長而投入資金,嚴格嚟講,都喺投機。關於呢一點,投資定義裡面喺咁講:「事實上,根據效率市場假說,即使針對股市資料來完整分析者,也不算是理性。依此定義延伸下去,所有自以為理性的股權持有者,也不能視為投資者,而是投機者」。

其實,買股票嘅人,有幾多個喺為咗賺取孳息,又或者因為睇好股票內在價值嘅增長?佢地多數都喺為咗想食住個浪,短炒圖利;就算喺長期持有,都只喺為咗等待下一個經濟週期嘅來臨,希望憑貨幣、政策、同環球經濟呢啲外在因素,推動股票市場,帶動股價上升而間接獲利。呢啲根本就唔喺投資,只算喺投機,甚至喺賭博啫!

至於 55/F 嘅後半部,講關於資源投資,喺一個 SUB-TOPIC。我唔喺話,只有投資資源,先算喺投資嘛!希望閣下真喺用心去睇我嘅回覆,唔同意唔緊要,誤解咗就唔喺咁好啦!

關於五千萬物業嘅例子,租金收入以外,八至十六厘額外回報,當中的確涉及融資同購入嘅活動。呢樣嘢,可以用兩個唔同角度去睇嘅。行使物業嘅融資價值,再投資响另一門好似財仔咁嘅生意度,賺取孳息;又或者,一個較宏觀嘅睇法,就喺將物業資源嘅實質價值,影射到現今嘅經濟環境度,以賺取配合呢個經濟環境最高嘅孳息。

嚴格嚟講,果八至十六厘孳息,完全喺由物業資源本身嘅內在價值衍生出嚟,而涉及嘅融資同購入活動,只喺運用資源生產最可觀利潤嘅一部機器啫!