地產博客 > 文亮言 返回
瀏覽人次:49079    回應:19
文亮言

長在後悔中

 

湯文亮博士

紀惠集團行政總裁
2015年4月10日

  復活節過後,股市連續大升兩日,耀才葉茂林打電話俾我話我買果隻港交所賺大錢。哈,我對Peter講,我相當後悔,當日,我用138元買港交所,你見我買得少,話借五億俾我,我話我又唔係探長,做乜要五億,冇咁大個頭就唔好戴咁大頂帽,量力而為,今日我相當後悔,早知問你借五億買港交所。今日起碼賺三億。Peter知我講笑,佢話,買股票的人大多數有這個毛病,股票升,又會嫌買得少,股票跌又會嫌賣得少,總之,無論買賣,永遠都長在後悔中。
 
  Peter雖然講大多數人,其實我亦是其中一份子,我在賭場長大,自問定力非常之好,但在股票市場,就完全失去自我,所以,我唔夠膽炒賣股票,但我夠膽投資,就好似港交所,在去年一次聚會,陸東話港交所三年內會升至500元,陸兄的說話正合我心意,我二話不說,第二日一嘢就對億幾,一直持有至今,若果唔係Peter打電話俾我,我仲唔識得後悔,賺咗錢仲後悔,所以,我都係不適宜投資股票,做返老本行,投資房地產算了。
 
  我唔識得圖表,又唔懂波浪,如果同人講股票,一定俾人笑到甩肺。不過,我買港交所又並不是因陸東一句話,只不過陸兄的說話加強我的信心。現在買股票,最危險就是公司有隱藏債務,或者賠償金額,所以我現在唔敢買外資大銀行股,都唔知道那些大銀行有幾多隱藏債務,又唔敢買保險公司股票,容乜易一宗賠償申請,成間公司都唔夠賠。另外,有一些公司有錢賺都唔鍾意派息,都唔氹下D股民,做乜要買,還有一些,唔派息之外,還時不時要供股,頂住條氣,更加唔會買。數數吓,可以買的股票,根本不多,所以,我唔講股票。
 
  買港交所就最好,無負債,不過都無資產,但佢將盈利九成派息,如此慷慨的公司,已經絕種。單是這兩樣還不夠。如果沒有動力,港交一樣唔會升。動力就是成交量,當日,我對參加聚會的朋友說,當時滬港通仍未通,如果滬港通通,成交千億以上,港交所就即是開著咗個Turbo引擎,股票就會飆上,前日,成交量竟然超過二千億,港交所大升亦是合理。我唔想再講,越講越後悔。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. What goes up must go down(didnt u learn it in97?) 2015-04-10 08:41:55
油塘新盤平二手逾兩成
Peninsula East呎價萬元有找 兩房506萬入場

"發展商直言樓盤發展成本低,有條件「平買平賣」,開價較同區二手有一定折讓,下周有機會盡推全數256伙單位。 "
2. doraedog 2015-04-10 09:59:34
呵呵,博士如果今日唔追港交所,之後又可能再後悔多一次。
3. 樓蟹 2015-04-10 11:24:06

昨日聽亮劍兄建議Law Student唔好買西區, 應考慮東九。建議合理。

不過除咗上升潛力屬主要考慮外, 抗跌力不可不留意。小弟08年睇西區買唔到, 因其他區跌咗三成, 但港島只跌兩成以下, 因此再等, 但蘇州過後無艇搭。自此只主力投資港島樓。抗跌能力同租值都比較好。好租客相對較多。

 

4. 小人物 2015-04-10 12:41:25
博士海嘯時被某銀行call margin而要求銀行職員買入該銀行股票做抵押,其後該股自低位好快飆升;也曾試過低位買匯豐瞬間賺幾球,世界杯又估中德國奪冠,如此往績,眼光已比一般人好,所以錯失港交所爆升也沒所謂啦。無可能贏到盡的。
5. Trader 2015-04-10 13:00:56
博士。如果誠哥早知港樓今日會升到現時的價位幾年前就 唔會加速分散投資去歐美啦。2015 年 TO  2020 年全球首富都系誠哥啦 !!!
6. DAVID 2015-04-10 14:14:27
早知.......早知我就唔信你個細價樓爆煲論啦,我放鬼左層樓,頂!!!!!!!!!!!!!!
7. 迷途小羊 2015-04-10 14:33:33
嘉誠哥最勁,北水南下之前已分拆上市,現在繼續有新水泵大市值。
8. 老友 2015-04-10 21:01:05
博士,你一提買港交所賺得多 過買樓,三傻會發癲架。
9. 亮劍 2015-04-10 21:23:23
3. 亮劍 2015-03-23 09:27:51

私楼除了能自用外,是一種投資工具。

而在投資市場中,貪婪與恐懼係投資者經常面對的問題。

在96~97年,無可否認市場由貪婪主導。

在97年尾到沙士時,投資者就以恐懼為主。 

有不少「投資專家」話,别人恐懼我貪婪;别人貪婪我恐懼,但今次由2014年中開始的升市,小弟愚見係由恐懼作主導,而且以细碼楼作主題。 

未上車的年輕人;迫於幾百单位仲要同细佬妹同住的剩女;交緊租的小夫妻;幾年前喺「高位」沽自住的租住等……他們究竟驚乜? 


歸納来講,佢哋恐慌的原因係:

1 香港政府高官得把口,預期常常出錯或灌水,包括土地儲備、落成量等。

2 美國財金官員不停說加息,已講足幾年。 

3 他們親身經歷:每當租约期滿業主就加租;每次想睇楼都無幾多個鎖匙盤;每次有合心水嘅盤都畀業主反價;每次抽新盤都買唔倒合佢哋預算的细碼楼…… 

4 不少年輕人亦睇倒,與他們同年齡層嘅同輩,因為得長輩幫手而上倒車,繼而娶妻生子,佢哋因而干著急。


之前經濟教科書話:「通常一種投資工具急升,是投資者有財富效應及過度貪婪;反之若要急跌,好多時都涉及恐慌性沽售同斬倉」;


但今次香港细碼私楼的升勢,好可能唔關貪婪事……呢镬真係要將好多經濟学理論推翻先做倒推測。
10. 亮劍 2015-04-10 21:38:30
1)無可否認今日仲入市者,係有恐慌性吸納情況,但同政府用公家錢資助市民買樓不同,小弟眼見上一輩呢家借/畀下一代買楼的首期,其實只係面果浸,係真正呢幾十年家族的累積,因為你不要忘記,現在上車呢班,大部分首期係嘔倒 3~5成出黎,而不是借足九成盲上車果隻!


2)今天你認為加息無料到不要緊,因為銀行已經同你做定壓力測試,防止你做儍事!


3)呢幾年政府係咁推限呎地,我同意終於會成為計時炸彈爆大鑊,但事發時間並不是今明兩年,而是 2017 下半季。


4)今天仲買楼的人不是太麻木,而是他們被市場懲罰得死去活來咋,佢哋現在面對係兩條死路:「一條係繼續交貴租」;「另一條係焗上貴價車」,根本就無得畀你慢慢揀!



11. Jerry 2015-04-10 23:55:39
TO:10/F 亮劍兄
為何你認為2017下半年樓市先爆大鑊呢?
12. 港交所無負責? 2015-04-11 00:45:30
13. 引刀一快 2015-04-11 03:57:24
To 10樓 亮劍兄

你點知“3-5成”唔係借番嚟?

如果如你所言,2017年爆煲,咁今日買樓值唔值?





14. 全民入市 「先炒股後買樓/經濟日報 2015-04-11 07:04:04

全民入市 「先炒股後買樓」

「現在股市行情好,白白把錢沉澱在樓市不化算。」

《廣州日報》引述股民稱,他們覺得房子已經不適宜投資,趁着行情回暖把多餘的房子賣了,資金可以投資股市或購買理財產品。

房子不宜投資 賣樓炒股

方圓地產首席分析師鄧浩志建議:可以「先炒股,後買房」。他認為,「房地產造富時代」已經過去,取而代之的是「金融造富時代」,在大牛市,股票漲幅、漲速都勝樓市,能炒股賺一筆回來買房更化算。

事實上,已有股民把炒股賺來的幾十萬元(人民幣,下同)投入樓市,改善居住環境,也防止萬一股市回調,到頭來只落得個紙上富貴。

在此輪牛市,內地再次進入全民皆股時代,各路大軍殺入股市,萬人空巷鏖戰股市情形再現,大媽、90後跑步入市。

所謂「盲拳打死老師傅」,手持重金、數量龐大的大媽成了街頭股神,戰績「完勝」不少專業人士。

投資不求知 90後任性

而殺入股市的90後,盡管是股壇初哥,被形容為「小鮮肉」,他們對資本市場缺乏認識,但他們表現驃悍不畏懼,他們沒有任何投資策略,任性炒股,盲目入市,有的清倉獲利後,再任性撈底,有的剛進去就被套牢了但仍接連換股。

不少90後是在親朋好友賺錢效應下進入股市,有的90後稱是被媽媽迫着進入股市的。

股市瘋狂,連上市公司也紛紛加入炒股大軍。據內地《證券日報》的統計,截至去年底,共有337間上市公司持有1,336隻股票,其中,263間上市公司投資金額高達1,841億元。

15. 經濟日報 2015-04-11 07:32:43

二手樓價極速反彈 指數再新高

買家套股換樓 425萬購青怡花園上車

樓市加辣後,二手樓價指數回落一周後,極速反彈,按周升1.9%,是兩年多以來最大升幅,再創歷史新高。近日港股勁升,買家套股換樓以425萬元購青衣青怡花園上車。

反映二手樓價走勢的中原城市領先指數(Centa-City Leading Index,簡稱CCL),在上周輕微回落後,本周極速反彈,最新報142.36點,按周急升1.9%,創政府2013年推出雙倍印花稅後最大升幅,今年至今累積升幅已經達7.5%。

至於7個分類指數之中,6個按周上升,並且創歷史新高,當中以港島區升幅最大,按周急升3.8%,屬於兩年半以來最大升幅,而九龍區亦顯著上升2.5%,累積兩周升3.3%。至於政府出招前走勢凌厲的新界西,按周再跌0.41%,累積兩周跌0.8%,但今年仍然累積升7.5%。

值得一提的是,最受金管局收緊按揭影響的中小型住宅,按周仍升1.9%,亦是近兩年最大升幅。上述指數主要反映3月16日至22日的二手成交情況,即金管局2月28日收緊樓按後第3周。

中原黃良昇:非辣招無效

對於多項指數紛紛升穿出招前水平,中原地產研究部高級聯席董事黃良昇不認為反映「辣招」無效,只是期內聯儲局調低利率水平預測,加息壓力降溫,刺激市場氣氛,抵銷措施效力。

同時,他又指出,近期港股持續急升,帶動財富效應,相信會有更多人在股市獲利後,將資金轉移至樓市,推動樓市上升;經濟學者關焯照則不認同,認為股市暢旺反會吸引投資者專注股票炒賣,短期內買樓氣氛反而受影響。

股市連日勁升,帶挈一名上車客在股票市場大有斬獲,手頭上突然多了20餘萬元,即套股換樓,成功上車,以425萬元購入青衣青怡花園5座高層E室,實用面積343平方呎(建築面積432平方呎),實用面積呎價12,391元,售價較對上一個高價於3個月前以420萬元易手,進一步推高5萬元,再創新高。

據了解,該上車客為80後青年,來自外區,打算買樓築愛巢,在青衣搵樓1個月,樓價預算為400萬元以下,兼造9成按揭,惟青衣區兩大熱門上車盤翠怡花園和青怡花園兩房戶入場門檻逾400餘萬元,合乎該80後上車客預算僅區內居屋和美景花園;至近日股市急升,一個機會下,賺了一筆意外之財,令手頭銀根多了20餘萬元,因而可提高置業預算至420餘萬元。

預約睇樓回升 按周升5.3%

利嘉閣灝景灣分行高級市務經理彭錦添指出,青怡花園盤源緊絀,兩房戶合市價盤僅4至5個,開價430萬元至450萬元。

長假期後,預約睇樓量回升,利嘉閣地產研究部數據估算,全港50個指標屋苑約1,390組客於本周末預約睇樓,較上周末的1,320組增加5.3%,當中以港島區升勢最急,按周急升7.1%。

撰文:余敏欽、盧金施

 
16. Pp 2015-04-11 08:15:57
博士冇做錯,睹仔才會借凸去投資,這半年期間萬一環球出事,港交所可以跌到50元,財務機構只會不斷遊說你借大D,幾時考慮你的風險?

爆煲論中,支持pp, 今次數據、理論上pp較博士勝,不過我同時是博士支持者,只是勝敗乃兵家常試,今次博士之所以輸在於低估了市場力量,及一般投資者、小巿民在經歷97、SARS後已經好小心,風險管理做得好好,加上博士教的三間樓投資法,樓價大跌?以目前中國、香港大時代一片向好,No way!
17. 請問劍亮兄 2015-04-11 08:20:50

請問油塘新樓500多萬可以買得過嗎?用來投資
18. 亮劍 2015-04-11 08:56:07
油塘每呎一皮野,唔使 6 M可上車,自住唔入票第二時咪鬼揸。
但買來收租,未見官先打 80 大板,又要鎖 3 年,又好似做壞事咁………唔推薦。

2017~2019 年會爆,係小弟相信 +x 哥,因為呢幾年他的投資部署,通通指出 2017 年後磚頭有大調整。
小弟同我幾個老友,講到口臭,對上幾年香港楼價/股價都係處於「合理的水平」!
你唔出井噴,就不會大跌!!!
19. 謝謝劍亮兄 2015-04-11 09:20:47
感謝氣意見