地產博客 > 文亮言 返回
瀏覽人次:46775    回應:42
文亮言
十成按揭,簡直是汚辱香港政府
 
湯文亮博士
紀惠集團行政總裁
2015年2月25日

  在過去幾年,不少評論員都說樓價會下跌一半,連四叔都說,怎會有可能,最多是跌一半的一半,最後,不但連一半的一半都沒有跌,什至倒升,搞到香港政府相當頭痕。當時我說,那些說樓價會下跌一半的人簡直是侮辱香港政府,點解樓價下跌官員們都唔做嘢,唔識撤銷那些辣招,唔識放寬按揭,任由樓價下跌一半,他們不是侮辱香港政府又是什麼。

  原來那些說樓價會下跌一半的評論員是宅心仁厚,他們只不過侮辱香港政府,因為竟然會有人汚辱香港政府,真的是,太陽之下日日都有千奇百怪的事。現在,連三歲小孩,八十歲阿婆都知道香港政府將小業主當賊辦,首次置業,銀行就算要批出七成按揭都會問一大堆問題,又要做壓力測試,所以,不少有心置業的人過不了銀行的關卡,轉移幫襯利息高昂的財務公司,這是唯一辦法,我從未聽到有人可以以任何方法取得十成按揭,最近,有人宣稱可以以中小企貸款取得十成按揭,並且取得十八間銀行支持,我覺得他的說法比侮辱更甚,是汚辱香港政府。

  他的說法害死那些用物業抵押用作公司營運的中小企東主,自此之後,銀行的監察制度會更加嚴謹,寧願有殺錯,冇放過,那些中小企東主真的是多得那位自稱可以取得十成按揭的人士唔小,不過,我認為十成按揭的說法只是一個吸客行動,或者是一種營銷策略,了解之下,銀行公會毋需大驚小怪,不過,在梁兆基高度反擊之下,使相信可以做十成按揭的人有戒心,最簡單的求證方法就是問有那十八間銀行支持,打死我都唔信有答案。

  倘若有人相信可以做十成按揭而買樓,於是生借死借向親戚朋友借得首期,但接近成交日子,中介公司就會對他說,他的申請不獲得批核,不過,又對他說不用擔心,有財務公司願意承做他的按揭,但利息稍為高昂,大約年利率24%,即是每個月要付2%利息,那時候,那人真的是進退維谷,如果撻訂,便會損失訂金及要付雙方的物業代理佣金,借了親朋好友的錢當然冇得還,但若果成交,一樣沒有辦法清還親戚朋友欠款,而且要付月息2%,這是一個非常沈重負擔,而他一定會被遊說成交該物業,只要樓價繼續上升,他便可以以貸冚債,在以往,不少人的確會選擇成交,這亦是做成細價樓飆升的原因,試問,如果細價樓不升,那些人不能以貸冚債,他們擁有的物業一定會被財務公司沒收,變成銀主盤,當這類個案愈多,樓市爆煲的機會愈大,這亦是我說樓市會在三至六個月爆煲的原因。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Johnny 2015-02-25 10:08:47
我覺得博士用”爆煲“字眼,太過勁爆,可能用”轉向“比較溫和。
因爲你自己都講,估計今年最衰都系打和無升無跌,邊度算”爆“?就算跌幾個%都唔會死人lum樓啦。
2. 掹車邊80後 2015-02-25 10:47:50
邊個十成
3. 流浪漢 2015-02-25 11:56:01
幾時加辣呀??
4. North Sea 狗袁 2015-02-25 12:28:34
好快爆....
5. 引刀一快 2015-02-25 12:31:09
點解十成按揭要俾首期嘅?咁首期係幾多成呀?唔係俾定俾稅咩?,
6. 大寶二寶 2015-02-25 12:57:13
要財爺出招一D都唔實制,一早預咗唔會喇!加辣加稅種要立法會通過,係現政治環境下,可以通過咩?由建議、諮詢,立法、執行,攪得來都一年半載,離供應到位都差唔多到喇,攪黎做咩?況且通唔通過到立會都係未知數,盞攪!

不如寄望晏D陳得淋會唔會出來講收緊按揭同加壓測仲實際可行。
7. 亮劍 2015-02-25 13:08:26
Johnny 兄……
自從湯博士用上「爆煲」一詞,我用「一石激起千重浪」來形容,你不會反對啩?
呢家誰人不知誰是湯文亮?
佢呢下「爆煲論」,攪到成個政府及地產界反轉,這份功力敢誇空前……勡!

不過小弟都係認為,港楼還未到井噴階段,無奶油會咁快爆煲……哈哈!
8. N無人士 2015-02-25 13:33:03
今日財政預算案都無任何穩定樓市措施. 湯博士, 好失望!!!
9. 回七樓 2015-02-25 13:51:41

這回經過博士一吹後,每日到此網站瀏覽的人應多了很多,各位師兄師姐請繼續發聲,祝各位生日快樂,長揾長有,今年又交少好多差餉囉。

10. 路人 2015-02-25 13:53:05
回5: 我估湯生文章中既首期係大,細訂
11. 引刀一快 2015-02-25 14:02:30
To 10樓

有十成按揭仲要分大細定?唔係細定之後直接埋牙交易咩?

12. 流浪漢 2015-02-25 14:11:25
十成按揭指下個鼻就買得。

到底幾時先加辣……快D加辣啦,唔好比人上車等佢地繼續幫我地供樓嘛…
13. 路人 2015-02-25 14:18:51
博士, 係"甚至" 唔係"什至"
14. 湯文亮話無新辣招 全靠爆煲論阻嚇 2015-02-25 14:20:03
對於政府無推出新辣招壓樓市,紀惠集團副主席及行政總裁湯文亮表示,如果無爆煲論,農曆新年樓價必定再升,那麼預算案或會推出租務管制措施,由於爆煲論已經有阻嚇作用,所以唔會有新辣招推出。
15. 湯文亮寸政府 5年前已提出居屋補價貸款擔保 2015-02-25 14:28:23
新一份財政預算公布,為加強資助房屋在市場上的流轉,按揭證券公司將會研究推出新的補價貸款擔保計劃,協助有關業主向房委會或房協繳付補價。繳付補價後,業主便可更靈活地善用。

紀惠集團副主席及行政總裁湯文亮表示,早在5年前他已於網上撰文寫過此項措施,只是當時政府無「睬」我,又指,此項措施早就應該推出,資助居屋業主在補地價後可以合法出租單位,拓展租屋市場,增加供應。

他 又舉例,假設物業價值300萬元,有居屋業主要補地價100萬,業主肯定「唔順氣」,但可以收租每月1萬元,但現在不會有太多業主願意補地價,若果由按揭 證券公司担保向銀行借100萬,每月最多付3,000元利息,相信不少居屋業主會做,市場上立刻多了不少租盤,覺得此措施非常好,屬德政。
16. Oscar Lam 2015-02-25 14:41:05
一個皆大歡喜的<財政預算案>

財爺,Good Job!
17. 大寶二寶 2015-02-25 15:04:03
回15

似乎過份樂观。除非間居屋現階段係空置嘅,否則住緊嘅都要搵地方住,对供求冇影响。咁空置居屋會有幾多呢?

至於分租方便。有幾多业主肯同租客共處一室?共用厨厠?靚D嘅劏房私隱度都好過佢。

那麼市場上又會多咗幾多供應?


18. 流浪漢 2015-02-25 15:15:57
回17

居屋業主可以有出路換樓,按盡仲夠首期上600萬C類單位,活化細價樓供應。
19. Jonathan 2015-02-25 15:51:34
湯生已經enclose 咗呢個危機,令大家都小心咗。個人覺得不會爆。年尾計數回落10%。個別單棟樓齡大的回15%最多。
20. 大寶二寶 2015-02-25 15:55:00
回18 流浪漢兄

依家因為有辣招將換樓鏈打斷,除非同時間撤招,否則我睇都係冇咩幫助。
21. Jonathan 2015-02-25 15:57:23
Typo... Should be disclose...
22. 流浪漢 2015-02-25 16:09:24
回20 大寶二寶

不只一種操作方法還是可行的
23. 流浪漢 2015-02-25 16:17:03
回20 大寶二寶

我本來一直都心儀居屋盤,貪佢抵食夾大件,但放盤量真係少到無樓你睇,最終都係買左私樓。

就算多返居屋抵食夾大件既盤,基本全世界人都搵緊同樣既野,供求不變下,個人認為依然好搶手。

24. abc 2015-02-25 16:21:20
剛聽到林奮強評論樓市
25. 大寶二寶 2015-02-25 16:38:07
回23 流浪漢兄

好奇請教。居屋補埋地價同私樓咪差唔多價錢,但質素比私樓差,又冇會所,点解咁值錢?如果用同一樣差不多嘅價錢,我都會買私樓。
26. 流浪漢 2015-02-25 16:50:06
回25 大寶二寶

價錢還是有點區別的,尤其是係銀行估價度睇到,仲要睇裝修啦,但當然不排除有D癲佬用貴價買入。


27. CD ROM 2015-02-25 16:59:41
師兄, 以我了解既幾個區域, 已補地價既居屋, 以細單位計, lump sum同附近私樓差唔多gae, 一般實用面積同大100幾10呎, 加上全部四四正正, 管理費平, 車位平, 都幾多實際型人仕喜愛!!!

加上分支家庭效應, 大部分後生買家都係本身老家就係住同一屋苑.
28. 大寶二寶 2015-02-25 17:01:20
回26 流浪漢兄

多謝賜教

共勉之,哈哈!
29. 珍惜香港 2015-02-25 19:04:59
珍惜香港

財爺曾嘅 2015 年預算案終於出爐啦!成個幾鐘頭嘅演說,真喺冇咁好耐性睇哂。不過如果各位有興趣嘅話,可以 CLICK 下面睇番成個足本嘅:



熟識我嘅人都知道,我都幾撐財爺曾嘅,話佢深不可測,又封佢做真正嘅大師。雖然好多人批評佢,話佢年年估錯數,但我就認為,估嘢咁叻,不如去買六合彩,做乜財爺?主宰命運嘅,喺人,唔喺數字嘛!最緊要,唔喺你估得有幾中,而喺你有冇未雨綢繆,同埋,識唔識執生

就好似無端端多咗三百幾億稅收咁,有人問點解今次派糖向上傾斜咗,唔用多啲响基層度喎。其實好簡單啫,既然喺嚟自稅收,回饋番俾交稅嘅階層,好正路吖!所以我幾時都話,財爺呢個人,真喺好得

又有啲人唔滿意個預算案,冇乜新招搞個樓市。原來有好多人仲未明白,果啲乜招物招,從來喺庸梁失驚無神,都唔知幾時就好「果斷」咁殺出嚟;又或者喺金管局,因應借貸市場嘅變化,隨時作出調節。財政預算案,一向都唔搞呢啲嘢啦!都喺果句,關佢乜事

不過咁,佢都話會推出居屋補價貸款計劃嘅;呢樣嘢,我就真喺要抽下水啦!响初一凌晨嘅羊年祝願度,我都話過,要响適當嘅時候放下水,先至可以好有效咁穩定市場嘛!講真,我呢啲小角色寫嘢,財爺曾又點會睇到,應該喺好似 15/F 咁話,佢可能採納咗湯博士响五年前嘅建議。但我認為,博士唔應該怪當時政府無睬佢,因為好多嘢,尤其喺政策,都要睇下時機嘅,所謂:大勢所趨,總要發生;成敗得失,不在朝夕

寫住咁多先,關於財政預算案嘅其他 TOPIC,再寫落去,真喺會斷氣架!總之,呢份財政預算案,我認為喺好 GOOD,尤其個總結,就好似上次個中學生答問會咁,不忘贈下香港嘅青年人。關於呢個最後一分鐘嘅總結,傳媒都只喺節錄,我就一於抄哂出嚟俾大家咀嚼下啦:

對於飢餓嘅人,有食物嘅地方就喺烏托邦,自由、愛、尊重等等唔可以果腹嘅事物呢,對佢地都喺毫無價值嘅。經過百多年嘅發展,香港嘅經濟實力已經喺擠身世界前列。香港人特別喺新嘅一代,响物質生活以外,更加渴望心中富有,呢個喺社會成熟嘅表現。對於呢一種轉變,我地喺須要回應;但喺大家必須要明白,要解決社會上唔同嘅問題,我地喺須要對話,而唔喺須要對立。前人種樹,後人乘涼;今日嘅香港喺過去幾代香港人,努力嘅成果,由我地呢一代人繼承、提升。至於香港嘅未來就喺靠我地今日嘅青年人,由佢地帶領香港走出明日嘅路。我期望佢地可以繼續為香港耕耘,乘涼之餘亦都不忘種樹,俾佢地嘅下一代能夠走更寬闊嘅路。

都喺果句,財爺呢個人,真喺好得!
30. 財政司司長話 2015-02-25 19:59:37
"財政司司長曾俊華出席財政預算案論壇時表示,去年樓價上升13-14%,細價樓升幅更大,政府會密切留意情況,有需要時會毫不猶豫推出新措施穩定樓市,而市民置業時應分析息口情況,量力而為。

他又指,本港近期樓市出現次按情況與美國不同,由於按揭成數不高,相信對整體系統影響不大。"
31. 猛 2015-02-25 20:36:07
居屋環境一般也不錯,近地鐵,交通方便!實用率高,總價也比私樓平,唯一缺點冇會所!外觀確實一般,與新型公屋類似
32. 打工仔 Andy 2015-02-25 20:50:56
低息借錢補地價, 又係屎橋一條! 即係政府話比d未補價既居屋業主聽, 你層樓仲未供完, 
快d供埋佢就放生你! 
老實講, 補價最重要係時機, 樓房估值低就補少好多錢, 現時高價去補咪供死! 
有錢留返買多一間好過啦! 真係........
33. (cc) 2015-02-25 21:25:37
「解決社會上不同問題係要透過對話,而唔係對立。」
財爺,like!



34. carmen 2015-02-25 23:05:07

而加樓價咁高就算幾低息去補地價都係唔化算!


35. 師奶仔 2015-02-25 23:11:11
各位前輩,

恭喜发财!
人日快乐~

细價楼会爆煲?

要揾$便要用拱捍方式去賺取.

所以才去買间屋仔.
希望財息兼收.

倘若一粒老鼠屎,搞喎一煲粥的话,也是无可奈何!
既有SSD,又有时间限制,爆乜都係甘話,
我今天仍然觉得好滿足,不缺钱.

小业主師奶仔的心声是也.....😌😜😜
36. 196宗按揭淨壞帳 2015-02-25 23:24:06

按證8成按揭措施 收到196宗淨壞帳索償申請

【on.cc 東網專訊】對於按證公司於2012年5月31日推出特別優惠措施,把信貸擔保比例提高至獲批貸款額的8成,商務及經濟發展局局長蘇錦樑表示,由2013年4月至2015年1月,按揭證券公司在「特別優惠措施」下收到3,836宗申請,當中已批出3,337宗申請,涉及的信貸保證額約為99億元。

他稱,由2013年4月至2015年1月,按揭證券公司在「特別優惠措施」下收到196宗淨壞帳索償申請,涉及淨壞帳索償金額約為4.2億元。按揭證券公司已完成處理並支付其中11宗壞帳索償(佔淨壞帳索償申請宗數的5.6%),賠償總額約2,000萬元。

其餘申請有390宗由貸款機構撤回、80宗正在處理及29宗不獲批核。

37. 未補價居屋可先租後補 2015-02-25 23:30:56
補地價在樓市低潮時補,做咩咁高價來補?就係呢個原因,依家無人補,幫助補地價貸款按揭證券公司已經推出計劃幾年,都冇乜人有興趣!

除非比未補價居屋"先出租,後補價",租金按業權同政策對分,政府那份暫時存入庫房("地租差餉單"有一個獨立物業編號帳户),credit個數入帳戶,到時如果居屋業主認為補價時機到,勾返credit嚿數出來補,咁補地價可靈活有彈性進行,市場租盤自然增加,皆大歡喜!  否則冇人肯依家補地價來出租!!!
38. carmen 2015-02-25 23:35:52

小弟想問吓, 同財仔借 300 是否一筆過現金到手呢?

如果係咁大陸人真係可以走佬喎 !

39. carmen 2015-02-25 23:39:54
補地價時間係咪由政府訂唔係隨時都補得 ?!
40. 師奶仔 2015-02-25 23:49:27
究竟講紧乜?
財好也好, banks也好,点会平白那么容易走数?!!

经由律师事务所处理,怎么会那么兒戲?
賣家未接收$,又点会俾樓您?
全部都有一个程序!
41. Joey 2015-02-26 16:29:15

我覺得很難爆煲,甚至大調也不會,只有小調。

現在民間其實藏富甚多,他們都準備好當樓價稍為下滑一些,立即上車置業。

要樓市爆煲,一定要有結構性因素,例如經濟衰退,失業率上升等。要不然樓市就最多只有持平,到了某個時候大家忍不住入車,樓價又再上升。

利申:一個等上車,極希望樓市大爆特爆的人。


42. abc 2015-02-26 16:55:29
聽完超人講細價樓,放心晒!