地產博客 > 文亮言 返回
瀏覽人次:60910    回應:19
文亮言
佔中下,何解樓價仍然創新高
 
湯文亮博士
紀惠集團行政總裁
2014年11月15日

  在過去幾年,不少評論員都預測樓價在他們發表預測後兩三年內下跌5成,而事實上,樓價不但未有下跌,反而倒升,很多專家亦摸不著頭腦,而我認為他們的預測是沒有錯。不過,他們是將令樓價下跌的負面因素列出來,而那些令樓價上升因素就隻字不提,所以,他們的預測未能反映真正市況,以至他們的預測不但不準確,甚至背道而馳,以專家的身份來說,的確有些尷尬,不過大家又不用替他們擔心,香港人是很善忘,幾個月之後已經冇人記得哪些專家預測升,哪些預測跌,一般市民都不以為意,預測亦只不過是靠估,何必咁認真。
 
  接近50日前,副教授宣佈佔中啟動,啟動佔中,物料進場開始,就算唔係專家都預期樓價在成交量銳減之下,一定會大幅下跌,誰不知一地眼鏡,樓價不跌反升,仲開破有史以來最高紀錄,連破兩次,大家都變得啞口無言,有人心中想,香港人是否撞邪,連佔中都唔驚,其實,香港人非常害怕佔中,在過去兩年,三子不分晝夜經常提及佔中,又唔講實行時間,總之在大節前後就話佔中,香港人在買樓的時候早已將這個因素計算在內,即使三子啟動佔中,樓價下跌兩成,他們亦不需要將物業賣走,正是這個情況,就算佔中啟動,為此而要賣樓的人不多,沒有大量供應,即使佔領行動令買樓的人減少,樓價仍然不跌。
 
  佔領行動雖然有三個佔領區,但是與策劃佔領的人當初想法相去甚遠,因為三子等人當初是策劃佔領中環,癱瘓香港金融經濟,做成股樓大跌,所有香港人蒙受損失,繼而迫使香港政府接受他們的提案,不過,學生哥突然發難,佔中變成佔鐘,繼而佔領旺角,銅鑼灣等地,佔地雖多,但達不到他們的目的,擾亂金融經濟不成,反而擾亂民生,現受千夫所指,佔領人士正處於一個進退為谷的階段。市民有見及此,知道佔領行動亦將進入尾聲,有人更大膽置業,這就是我們常說的執輸行頭慘過敗家,結果做成樓價破頂,實非一般市民可以預料。如果三子等人不啟動佔中,很多市民或者仍然採取觀望階段,他們恐怕佔中令樓價下跌,這樣,樓價反而不會破頂,所以,我說佔中令樓市破頂,或者會有人說我白痴,但若果問一問最近買樓的人,他們都會說,佔領行動已經水尾,此時不買,更待何時。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2014-11-15 11:47:02
我諗佢地本來就係聲東擊西,唔係邊有協調呀。
2. 中女社社長 2014-11-15 11:55:30
上個星期發表既CCL, 港島區大跌4點子, 看來有人成功在雨傘運動中劈價.

自古有買必有賣, 恭喜那班買家成功劈得好價 ^ ^
3. 中女社社長 2014-11-15 11:56:37
引刀兄, 博士沒說錯, 那的確是佔中原本的意圖...
4. 本地人 2014-11-15 12:33:09
因為智者知道經此一役,反中亂港之輩將被連根拔起,此後香港可得一片藍天,安居之地樓價怎會跌呢?
5. 引刀一快 2014-11-15 13:04:07
To 社長兄

我一路覺得,呢場大龍鳳,唔係以擾亂香港經濟為唯一目的,甚至,根本唔係真正動機之一。
係想考驗大陸,嚟一個真正嘅聲東擊西,大陸樓市明挺暗冧就快冧出面,佢地想用連鎖反應打沉大陸,但係出乎佢地意料,大陸今次應對好靚。
唯一唔靚嘅地方,就係冇撳住紂螎,俾佢喺度一味賣口乖搞亂檔。
6. U仔 2014-11-15 15:44:40
聯按有限公司執行董事莫耀強指,父母支付首期常見,尤其是三十五歲以下、做九成按揭客人,約六成人部分首期來自家人。

https://hk.news.yahoo.com/新-代買樓-父母奉旨-畀首期-224538945.html
7. 珍惜香港 2014-11-15 19:35:44
珍惜香港

佔中下,何解樓價仍然創新高?呢個問題,令我諗起最近發生嘅一件事。

話說,佔旺區尾近油麻地一處商場,平時小貓幾十隻,近日突然人頭湧湧,原來搞咗個展覽。咁熱鬧,梗喺要去睇睇,順便恭喜一下果班小商戶啦;唉!點知俾人噴到一面屁,話我唔喺攞景,就喺贈慶喎!搞乜?走去望下個展覽先,唔錯吖,仲有 COSPLAY 姐仔 ... 咦?啲展品,唔怕得罪講句,又少又冇料喎!哦,原來掛羊頭賣狗肉啫,實情喺一個賣舖展嚟!嘩!成百幾間舖,出租率近 100%,手快有,手慢冇!

喺邊間商場就唔講啦,長睇呢個網站嘅都喺高人,唔會唔知嘅!

不過,成三球一個舖,幾千蚊租,坦白講,在下真喺自愧不如,冇咁嘅實力買埋啲咁尊貴嘅好嘢,梗喺留番俾啲 CASH KING 強者啦!原來佔領行動,唔單止整唔冧個市,仲令到啲吊緊鹽水嘅小商場租金倍增添,呢次真喺大開眼界!唔知呢排施 SIR 有冇鼻敏感?依家班商戶日日咁鬧佢,只要各位去果度走一轉,一定聽唔少。

其實,佢地應該走出去鬧果班黃虫,叫佢地收手;不過依家生米已經煮成熟飯,鬧佢地有 Q 用?你同佢地講,大如特首庸梁,出埋哂啲消極辣招,都整唔冧個市,反而令到個市升得仲快,班黃虫跟本唔會明你講乜。佢地活响個井底度,瞓一世街都唔會明白;你玩嘢,你父母會遷就你,警察會遷就你,政府會遷就你,甚至國家,SOMEHOW,都會遷就下你,但喺,你同市場玩嘢?市場,喺一隻無情嘅巨獸!

一個老牌嘅長線收租佬,由沙士到依家,縱使租金唔高,都冇話要賣走呢件物業,結果匯聚一群志同道合嘅商戶,演變成呢個商場嘅特色。沙士果陣,見到大家群起抵抗,齊心消滅呢隻病毒,都叫做有個希望吖;但今次呢班黃虫為患,殺又唔得,趕又唔得,唔知幾時會停,就算停咗,到一年一度 928,唔知會唔會又走番哂出嚟。面對減租壓力,倒不如一次過賣走佢,吐現兩億,唔錯吖?接棒嘅喺一個實力投資者,點會同你客氣,要保證利潤,當然要活化一下,仲即時將百幾間商舖拆售啦!

我成日都話,作為投資者,機會一定唔會放過,但做人就唔可以咁黑心。响災難之中揾食,無可厚非,但絕對唔可以為咗一己私利,去製造一個災難圖利。買入商場再拆售,屬前者;班黃虫,屬後者。一班少數人,為咗連自己都未搞清楚喺乜嘅所謂理想,就去摧毀人地經營多年至得到一絲曙光嘅實質理想,真喺天理不容!

香港人之所以能夠對抗沙士,就喺因為齊心,而呢一份齊心,令到每一個舉足輕重嘅人,對前景充滿信心。今時今日,香港人又有冇咁齊心驅黃?呢個商場嘅舊業主,都一樣舉足輕重,信心嘅流失,造就一個決定,呢個就喺市場巨獸擺動嘅威力。所以點解我同引刀兄講,無謂執著周融呢個小角色。一百八十三萬個簽名反黃,重創民陣小貓幾百隻遊行,翌日滬港通宣佈啟動有期,當中,又有幾多舉足輕重嘅決定?警方,又有冇亂嚟?正如果次引刀兄話,唐敗梁勝,喺背後助力有變,我當然認同,但如果當年香港人夠薑,响一大堆黑材料之下,唐唐民望不跌反升,仲高至八成嘅話,大如國家,亦唔會逆天而行嘅!

DAY ONE 開始,我就對於呢班黃虫,全面否定。我地要唾棄呢班人、歧視呢班人、淘汰呢班人。市場巨獸擺動之後,最終會達至平衡,但當中有幾多無辜嘅人會受到傷害,就要睇香港人,對驅黃有幾齊心。越姑息呢班人,就越多無辜者再受到傷害。坦白講,我點會唔知個展覽搞乜?928 之後,果度有少部份商戶都有撐黃,依家當然喺轉哂軑,而我就喺專程過去攞景贈慶,串到佢地無地自容嘅!

至於呢個商場嘅發展,將會由市場決定,接唔接呢個棒,就睇各位個別嘅投資取向,而我亦唔想就一個個案,影響任何人嘅利益。總之,都喺果句,要有積極正面嘅投資態度,就唔會點輸。
8. 回 七楼 2014-11-15 20:09:03


倒不如一次過賣走佢,吐現二百幾億  ??

应只是两亿几...約2.55億元購入的油麻地現時點商場地下至二樓,將分拆122個舖位出售。


9. 珍惜香港 2014-11-15 20:21:04
珍惜香港TO:8/F

SORRY 發緊夢,咁都錯得!啱啱修正番,多謝提醒!

10. Oscar Lam 2014-11-16 11:26:48
7/f 珍惜香港兄,

珍惜香港兄在文中提到劏埸,個人衷心希望,有興趣投資劏埸的小投資者在決定購入劏場前應慎重考慮,劏場的壞處很多,好處卻極小。

商場的價值在於人流。劏舖由於已賣散,沒有大業主集中管理,沒有主題,沒有集中宣傳,很難吸引人流。且小業主多數實力不足,當一段時間內未能租出商舖時會心虛,跟著會劈價,且越劈越狠。

投資劏場的多數是實力不足,經驗不夠的小投資者。本人實在不忍心他們深陷陷阱!
11. 珍惜香港 2014-11-16 16:21:56
珍惜香港TO:10/F Oscar Lam

既然 Oscar 兄咁有雅興,在下又不妨寫多幾句。

呢個商場,喺經過多年發展,至有今日嘅特色。當中舊業主對租金嘅寬容,喺關鍵因素,因為呢一門嘢,唔喺靠流量生存。今日,商場以現存特色,作為賣點拆售,實不敢恭維。具體啲講,佢地喺承受唔起加租嘅壓力;只要一加租,呢個特色就會消失,百幾個舖,亦好難再搵到一個新嘅定位;能否維持租值,就會成一大變數。

Oscar 兄,呢度始終喺公開網站,作為投資者,倒人米真喺唔太啱行規嘅。再者,新業主喺打開門賣舖,公開公正冇隱瞞,賣點亦好清晰。我地可以唔 BUY 佢嘅賣點,但唔可以話佢欺騙,亦唔可以响言語之間,存有呢個暗示。所以講陷阱,都要話明喺市場嘅潛在陷阱

果度有啲相熟商舖,我都覺得好可惜。但都喺果句,生米已經煮成熟飯,一切將由市場決定。香港人有好多閒錢,要搵十個百個買家唔難,佢地喺要對自己嘅投資決定負責。我地旁觀者,依牙鬆鋼,只能點到即止。我地亦唔可以怪責啲實力投資者,因為佢地無論幾大,都只喺市場巨獸嘅一群小齒輪,順勢而轉。要怪嘅,喺果啲自以為是,狂莽自大,以為自己可以駕馭市場嘅無知黃虫,累己累人,呢啲先喺市場同社會嘅敗類

香港嘅行業,有如天上繁星;當中嘅經濟鏈,亦有如千絲萬縷。响班黃虫嘅眼裡面,只喺見到財團、金舖、藥房;見唔到經濟體深處,各階層唇齒相依嘅關係;佢地仰望個井口,細得可憐!
12. al 70 2014-11-16 19:52:37
同意10:
商場將來發展如何,大家5知!
但簡單幾句已反映商場劏舖風險事實!
若是個個隐惡揚善,寫黎仲乜?
若是任由大户做勢,将來更扭曲地產巿埸發展!
13. Oscar Lam 2014-11-16 22:06:52
珍惜香港兄,

小弟寫商場劏舖的壞處並沒有針對任何商場,事實上,你說的商場我也沒有看過。

近幾年出售的劏場不少,有荃灣的、有尖沙咀的,很多在短時間內賣清。最後結果相信大家都很清楚,在大業主的二年租金回報保証期過後,由於人流少,小業主就算以賤價亦未能將商舖租出,最後要大劈價出售物業。

小弟無意倒任何人的米。相信本網站的讀者很多都是資金不足的小業主、小投資者,買錯住宅只要你降價一點都可以賣得出,但如果買錯沒有人流的商場就算大劈價亦未必有人肯接,這是我擔心之處。

小弟只是希望提供一些意見給其他人去考慮,在考慮購入劏場時,不要簡單地考慮大業主給予的二年租金回報保証,更應該多些考慮那些不利的因素,畢竟市場上成功的劏場實在不多!
14. TC 2014-11-16 22:16:42
請问有冇朋友知道現在若以公司名義買商場鋪,是否要比15%税?谢謝!?
15. Oscar Lam 2014-11-16 22:51:24
用公司名義和個人名義一樣,買商場舖要交雙倍印花稅,按金額最多8.5%,除此之外,沒有其他辣招稅。
16. TC 2014-11-16 23:07:31
谢謝Oscar. 這里真好。好多又專業人又好的人。
17. 珍惜香港 2014-11-17 00:48:28
珍惜香港TO:13/F Oscar Lam

Oscar 兄喺商舖投資老手,在下絕不敢班門弄斧。閣下分享寶貴經驗,喺網友之福。劏場唔喺我嘅主題,只喺對一個相熟嘅地方,面臨巨變,深感唏噓;對無知嘅井底蛙,湧出憤慨,不吐不快!

言詞之間,若有冒犯之處,請 Oscar 兄多多包涵!
18. Oscar Lam 2014-11-17 08:14:24
珍惜香港兄,

兄台言重了!兄台熱愛香港,積極正面,充滿正能量。希望兄台多些出文,在這個多事之秋,綱友間能夠互相交流、鼓勵、支持。
19. 物業初哥 2014-11-17 10:40:54
我經常都會到該商場行睇野,據我所知好多租客租幾個鋪賣野,尼間貴去另一間平幾十蚊但係兩間鋪同一老闆,唔知算唔算假象..