地產博客 > 文亮言 返回
瀏覽人次:60811    回應:211
文亮言
租客,其實類似Accumulator
 
湯文亮博士
紀惠集團行政總裁
2014年5月22日

  我相信有很多人玩過Accumulator,而我恐怕我解釋有誤,我亦不敢解釋,各位網友如果認為Accumulator是什麼便是什麼,不過,大家應該有一個共通點,就是玩Accumulator的人初期不知道幾開心,明明隻匯豐是82元,那些發行機構唔知點解肯以70元賣俾那人,日日以70元買入,82元賣出,一門穩賺的投資,不過數量很少,而且越賺越少,真的唔知點解,匯豐日日跌,最終跌破70元,到那時候,買Accumulator的人發覺,他不但要日日接貨,而是數量是以前的雙倍,他所承受的痛苦又是雙倍,而且,痛苦的時間比開心的時間長得多,當時,有人給Accumulator起了一個名字叫I kill you later,我認為這是曠世傑作,應該注入牛津字典,不過,英譯英是曠世傑作,但英譯中竟然欠奉,唔通沒有有識之士可以給予Accumulator的名稱,如果問我,我就會用回老本行的用語作答,Accumulator其實類似租客。
 
  若果現在有一班青年人談及置業的時候,一定會有很多不同聲音,最主要的是要置業的年青人,如果不是有父母幫助或者在工作收入超群外,他必定要每一項消費都要計算清楚,或者,他的行為給與同輩一個錯覺他理財不善,而那些租樓年青人,最低限度不用負擔龐大首期,而每月的供款,相比要繳付的租金,仍然有一個差額,如果兩個青年人住相若的物業,那個租樓的年青人負擔就會小很多,如果,雙方都是付出相同的金額,租樓住的人居住環境一定比買樓的人好得多,大家覺唔覺得這與買Accumulator初期的情況相似,每個月租樓的人比買樓的人付出少而享受多很多,不過,這是租樓住的年青人的蜜月期,但每一次續租約,甜度便會相應減低,短則五載,長則十年,兩個青年人無論交租,抑或供按揭分期,所付出的亦差不多,買Accumlator都知道,當股價下跌至沒有差額利潤收取的時候,已經是大江東去,跟著便要每月付差額,直至合約完成。

  租樓住,先甜後苦,買樓住,先苦後甜,我相信大家都知道,但租樓的若果是年青人當然是沒有問題,但試想想,若果不是趁年輕的時候買樓,甚至將已買的樓宇為了有一些利潤而出售,當他們年紀漸長的時候,仍然要租樓住,每隔幾年便要搬屋一次,那種淒涼,外人是很難領會,我主張買樓自住亦基於這個原因,否則,為了享受而放棄置業,這與買Accumlator差不多,最初的時候的確非常開心,尤其是見到買了樓的同輩那種辛苦處,更加會自覺英明神武,但其後,尤其是有家庭之後,那種心態及辛苦之處又不足為外人道,所以,他們向小業主發洩亦是可以理解。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 小師妹 2014-05-22 08:54:40
租樓住,先甜後苦,買樓住,先苦後甜。--- So true!

可惜時下大部分的年青人都是避苦貪甜!
2. 三餐一宿 2014-05-22 09:04:36
非常同意博士的講法。

人生在世, 三餐一宿是必然的消費。 若不是老豆剩落大把, 樣樣都是要靠自己。

住屋是必然的消費, 長遠計, 買樓自住必比租屋慳錢! 
3. 睇得通 2014-05-22 09:10:06

租樓住,先甜後苦,買樓住,先苦後甜,我相信大家都知道,但租樓的若果是年青人當然是沒有問題,但試想想,若果不是趁年輕的時候買樓,甚至將已買的樓宇為了有一些利潤而出售,當他們年紀漸長的時候,仍然要租樓住,每隔幾年便要搬屋一次,那種淒涼,外人是很難領會,........

在香港存在著此類型大量的急功近利者,沒有長遠明智的眼光!!!

4. 亮劍 2014-05-22 09:12:32

我同唔少朋友講到香港樓市點解會升,但發覺極多人唔知乜嘢係貨幣供應,現在我同一眾友好上一課:

货币供应量 - Money Supply

我们大家都喜欢加薪,也都喜欢商场大减价,因为这样我们手中的钱就可以买更多的商品。

其实决定我们手里的钱到底能买回多少商品的一个重要经济指标就是货币供应量

货币供应量是指一个国家在某一时期内承担流通手段和支付手段的货币总额,它主要包括企业和个人所拥有的现金和金融机构的存款。一般情况下,一个国家的货币供应量应该与其国内生产总值(GDP)基本同步。如果货币供应量增长速度超过GDP的增长速度,就会造成通货膨胀举个简单的例子,假设一个国家的GDP100美元,该国流通的货币总量也是100美元,那么1美元就能买到价值1美元的商品,但如果GDP不变,而货币总量增加到200美元,那么原来价值1美元的商品就要卖到2美元。

诺贝尔经济学奖得主、现代货币主义理论的创始人米尔顿?弗里德曼认为,通货膨胀只有一个原因,那就是政府发行货币过多。他认为,解决通货膨胀的唯一办法就是控制货币增长。他提出“单一规则”货币政策,即中央银行应该将货币供应增长率长期固定在与经济增长率和劳动力增长率大体一致的水平上。

弗里德曼的货币主义理论赢得了很多追随者。英国首相撒切尔夫人和美国总统里根都曾采纳他的货币理论来制定政策。现在各国央行通过增加或减少货币供应量来控制通货膨胀已经成为央行调节经济运行的重要手段。

那么央行都用哪些手段来调节货币供应量呢?通常有三大工具:法定存款准备金率、再贴现率与公开市场操作。

法定存款准备金率就是央行规定商业银行必须存在央行、不得放贷的准备金占其存款总额的比例。比如,当央行将存款准备金率从15%提高到20%,假设商业银行有1000元存款,现在就必须把存在央行的准备金从150元增加到200元,它能够用来发放贷款的金额就减少到了800元,也就是说市场上流通的钱也就减少了50元。

当商业银行的准备金太少以至于达不到法定准备金率时,就会向央行贷款。央行向商业银行发放这种贷款的时候,进入流通中的货币量就会增加。商业银行从央行贷款的利率叫再贴现率。如果央行提高再贴现率,也就是我们所说的加息,那么商业银行就不愿意借钱,货币供应量就会减少。

在美国,这个再贴现率又叫联邦基金利率,商业银行的贷款利率是以此为基准的。美国联邦储备委员会,即美国央行,每个月开会决定的利率就是联邦基金利率。在中国,中国人民银行,即中国的央行,不仅决定这个再贴现利率,而且也决定商业银行的存贷款利率。

第三个工具是公开市场操作,是指央行在公开市场上直接买进或卖出债券。比如,如果央行购买价值1亿元的债券,它就要向经济中投放1亿元的货币,反之,如果央行卖出1亿元的债券,就要从经济中回笼1亿元的货币。现在公开市场操作是央行用来调节货币供应量的常用方法,因为它很容易操作,几乎每天都可以进行。

在经济全球化的趋势下,一个国家用来调节本国货币供应量的货币政策也很容易对其他国家产生影响,因为物价变动随着全球贸易也在各国之间传递。

举个例子,假设美元和人民币的汇率固定在1美元兑换7元人民币。现在如果美国发行更多货币,按照上述理论,这将使美国的物价上涨,原来一美元能够购买购买两单位的美国商品,或价值7元人民币的同样两单位的中国商品,现在国内的通货膨胀使一美元只能购买一单位的美国商品,但仍然能够购买价值7元人民币的两个单位的中国商品。所以美国人将愿意进口更多中国商品,同时有更多美元进入中国。中国的出口企业将这些美元出售给银行兑换为人民币,央行就需要增加发行人民币,从而增加本国货币供应量,这就意味着中国的物价也要上升。

由此可见,虽然一个国家可以单独控制其货币供应量的增长,但外国的通货膨胀却可能传输进本国以至于抵消本国治理通胀的努力。

 

5. PN 2014-05-22 09:27:33

Read couple of article about 跨代貧窮 and one of the findings is that if people are living in community (社區) where there is good mix among different peoples (rich/poor; religion; race etc) it's a lot easier for the kids from the “poor” to climb up the income ladder. In the meantime, our “大學生迎生日” are guiding kids to fill “公屋” application form.

6. 以怨報德 2014-05-22 10:11:56

湯博士,話晒租客都係你的米飯班主,你又何必話佢地係accumulator呢?若果佢地係accumulator,你咪就係賣accumulator俾租客,食人唔吐骨的i-banker囉?湯博士對自己的米飯班主、衣食父母以怨報德,何必呢?

7. CH 2014-05-22 10:12:03
而家大學生,等同三十年前中學畢業咁上下,一啲優勢都無係事實,你AL或者DSE唔得都仲有大把途徑攞張畢業證書。仲係用以前對大學生嘅眼光去睇而家嘅大學生,註定會失望。係香港,只要唔犯法又無蝕底嘅野,總會有人做,大學生申請公屋,都係一個“買保險“心態,反正又唔洗俾保費嘅,等到咪等囉,等到又可以唔要嘅,至於話阻到有需要嘅人呢個就係道德問題。所以,歸根究底,政府應該認真檢討公屋申請制度就真。
8. CH 2014-05-22 10:36:08
Admin 您好,原來網站唔可以搜尋少過三個字嘅文章,我無辦法一次過揾番之前自己嘅留言。。。唔通要改名。。。
9. 引刀一快 2014-05-22 10:41:17
依傢呢個價位買樓,先苦後未必甜。
唔講加息、大陸冧之類,簡述其它幾個理由:
1,2047-6-30,好多物業地契到期,後事如何,未知之數。到期之前幾年,除非政府已經處理好,定好一個皆大歡喜嘅計劃,否則難說了。我最近親身經歷,我幫朋友跑大陸房管所,1988年補到2001年,大概4%,但是2047呢個到期會點,真係難講。
2,臺灣加速回歸,香港開始走樣,若果被某城市追平,樓價會保持嗎?
3,2047之後,是否繼續一國兩制?如果一國一制,香港還保留幾多優勢?其實依傢優勢已經日下,供完之日,若樓已非所值,何甜之有?

10. To 7 2014-05-22 10:41:42
成長環境同教育內容太過理所當然, 足以磨滅佢地應有的鬥志.
11. To 9 2014-05-22 10:44:06
台灣應該不用回歸了, 由牠爛着就好.
12. 亮劍 2014-05-22 11:10:12
解貧富懸殊金鑰匙 不是靠加稅

最近,法國經濟學家Thomas Piketty的《21世紀資本論》的英譯本面世,可謂一石激起千層浪,引起主流媒體廣泛的討論和評論。

加稅資源再分配 副作用大

Piketty的結論和政策提議,並非甚麼新鮮的觀點,就是全球貧富懸殊加劇,要透過政府稅收(尤其是針對資產的稅收,而非單針對收入),使資源再分配等;他受到重視的原因,是因為他曾經在主流的經濟學術界闖出名堂,做了不少計量分析,後來才決定專注主流經濟學術界比較少關注的社會貧富懸殊問題,收集了不少社會上真實的數據,而非單單以抽離的量化模型,去解釋某些微觀的經濟現象。

他的數據反映了一個重要的現象,就是歷史上的資本回報率,多數大於經濟增長率,而這正是令財富愈來愈集中在擁有資本的階層的原因。

筆者同意如果資本回報率大於經濟增長率,財富自然會愈來愈集中在擁有資本的階層;不過,筆者認為Piketty沒有了解在現代經濟中,金融和信貸所扮演的重要角色,於是忽視了資本回報率高的原因,致使所提出的解決方案,偏重於一些副作用極大的財富再分配等政策工具。

財富就是錢(或貨幣),現在金融中,甚麼是錢或貨幣?

其實,很多人都不明白,現代金融(尤其是銀行)的重要性,是他們分擔了部分創造貨幣的功能。現時,貨幣由兩個渠道創造,一是政府(透過央行),所造的是基礎貨幣(Monetary Base);另一渠道是銀行,透過所謂的fractional reserve體系,把部分存戶的存款再借貸出去,創造了廣義貨幣。其中,廣義貨幣比基礎貨幣大很多(以香港為例,政府及銀行創造的貨幣比例約1比9),反映了銀行在貨幣供應的重要角色。

銀行過度信貸 製社會貧富懸殊

換句話說,銀行的信貸創造「錢」。能以財富(資產和收入)獲得銀行借貸的,就可以買到更多的資產(asset);透過信貸買資產,其實就增加了資本(capital)本身的槓桿,當經濟向上,資產增值,槓桿化的資本自然會比經濟增長更高。

當經濟向上,資本回報率大於經濟增長率的秘密,就在於現代銀行體系,透過製造信貸,使資本獲得槓桿式的回報!當然,如果經濟向下,資產價格下跌,槓桿化的資本也可以出現災難性的下跌,使財富出現再分配;不過,如果每當經濟向下的時候,政府便帶頭以製造更多的信貸和貨幣,去支撑資產價格,那麼資本回報率又怎能不高呢?

如果這個觀察不錯,那麼現代的銀行體系和相關的信貸,與社會的貧富懸殊便有密不可分的關係,即是:過度的信貸,可能會產生一些社會性的副作用(如貧富懸殊等)。過度信貸的另一個副作用就是類似金融海嘯中,由於金融不穩定而造成其他的經濟成本。

銀行靠央行補貼 要動大手術

那麼,金融為甚麼久不久會不穩?因為這根本就是銀行的business model(盈利模式)。銀行的盈利模式,一是借別人的錢再借出去賺錢,更重要的是,銀行「borrow short」(向存款人借入短期錢),然後「lend long」向貸款人放出長錢,這種長短期資金錯配本身,並非一個穩定可持續的模式。因此,久不久,銀行體系就會出現擠兌(bank run),造成金融動盪或經濟不穩。美國聯儲局當年就是因此而成立,變成一個最後借貸人(lender of last resort)穩定各方信心。

換句話說,央行(政府)是銀行體系盈利模式的大後盾,這等於用市民的錢,去補貼整個銀行體系的盈利模式。

亦即是說,社會有一個隱性的成本去支撑銀行運作,但同時間,銀行所創造的信貸卻又可能為社會帶來一些副作用(如貧富懸殊等),於是,銀行的改革,不單會帶來更安全的金融系統,減少社會成本,更重要的是,可能也可以解決一些經濟學家束手無策的社會問題,而不用搞加稅和財富再分配的一套。

其實,銀行和金融的大改革,早在1930年代就出現。當時,芝加哥經濟學中,比捍衞自由經濟聞名的Milton Friedman更早成名的Irving Fisher曾提出一個所謂「Chicago Plan」的大型經濟計劃,針對當時大蕭條後的金融結構重整。不過,後來並未有實施。

這個計劃,在剛過去的金融海嘯後,似有復活討論之勢,除了IMF(International Monetary Fund,國際貨幣基金)的研究部門重提舊事,著名的芝加哥大學商業學院的教授John Cochrane也寫了一篇論文分析,《金融時報》首席評論員Martin Wolf近日也發表了類似的觀點。當然,這類觀點,實屬金融體系的「大手術」,而非小修小補的工作(比這幾年已經較嚴謹的監管條例更激進),短期可行性非常低,但筆者不會太快否定這些建議的可能性和建設性。

Wolf在其文章《貨幣供應權應收歸國家》,提出一個解決「政府與創造『私幣』(private money)的銀行互相依存從而造成經濟不穩定」的方法,就是將貨幣供應權收歸國家,在貨幣創造與金融中介職能分離之下,銀行不能再用高槓桿(例如以1元資本做10倍、20倍甚至30倍放貸)謀取厚利。

充公銀行造錢權 免過分放貸

停止fractional reserve這個系統,要求把所有存款以現金(或短期國債)作為儲備(或準備金),拿走了銀行創造貨幣的角色。除此之外,Cochrane的論文中,也建議所有的信貸皆需要股本(equity capital)作為支撑,使銀行有幾多錢才可以貸多少錢出去,不能「空手入白刃」,透過借別人的錢再借出去賺錢,避免過分槓桿化。

為化解銀行體系對經濟穩定可能造成的危害,其實不斷有經濟學者提出不同的的方案,部分建議提高銀行的資本金,大力的槓桿化,但哪個水平的槓桿比率為之最恰當仍然沒有共識。Chicago Plan這類徹底的手術,對經濟的影響是甚麼呢?這等同一個巨型的「去槓桿化」行動,短期震動應該無可避免;不過,有趣的是,根據IMF的研究,長遠會對經濟增長反而有正面幫助,使資源分配到更有經濟效益的板塊,減少經濟信貸炒賣周期,長遠提升經濟生產力。

銀行信貸去槓桿 長遠利經濟

如果IMF這個研究是正確,減少信貸(由過分減至適度)長遠對經濟和生產力提升的作用是正面的,使資源分配到實體經濟的具體生產上,而非金融炒賣,那麼可能我們便找到了解決貧富懸殊的金鑰匙,這不是Piketty所建議的加稅等財富再分配的政策工具(因為這些政策工具對經濟增長的打擊更大),而是集中解決資本(capital)增長過高的根源,即金融和經濟系統的過分槓桿化。

這幾年的金融改革(無論是Basel, Dodd Frank, Volcker Rule等),都只是一些小修小補,但Chicago Plan或John Cochrane所建議的,卻是更根本的改革。當然,此舉後果非常嚴重,而且勢必觸動銀行的利益,短期相信可行性十分低,不過,值得繼續留意和探索,尤其當我們了解到,金融改革,不單是銀行的問題,更可能會帶來社會財富集中或是較分散的影響。

(黃元山教授為港大專業進修學院中國商學院客席副教授;前投行董事總經理,為多份財經報章的專欄作家及電台電視財經節目主持)

撰文:黃元山 中大全球政經碩士課程客席講師
13. 奇文 2014-05-22 11:12:11
金玉良言, 年青人應反復詳閱此篇文章。
14. 奇文 2014-05-22 11:12:15
金玉良言, 年青人應反復詳閱此篇文章。
15. 亮劍 2014-05-22 11:18:54
在4及12楼,小弟所提出的問題,就是租客於大部分時間處於弱勢的根源。
16. 亮 劍 2014-05-22 11:34:40
http://www.youtube.com/watch?v=oaoD8F3VMlM
17. 物業初哥 2014-05-22 11:51:10
to 4,12

對,因為租客沒有獲得資產,錢只是購買資產的"使用權",不是"擁有權"
18. 民間反黑官組組長 2014-05-22 11:55:49
凡安身立命的地方不宜賣,除非有超人的眼光知道97時代的降臨,否則寧願將目光投射在外搵銀,都不應該將影響自己生活的狗竇出售,這是根本。
19. 亮劍 2014-05-22 11:59:44

引刀一快兄----你話(買連約盤嘅,多數唔係自住,幾百萬冇得睇樓嘅話,你估抽福袋呀!除非好筍,否則好少真正用家會揀。想賣?吉咗先放唔得咩?)-------

 

小弟在 1991年首置,正正係買入一件連約,那件嘢本來係業主自用,我入咗之後仲做埋一個售後租回,每年可收大約 6万銀租。

呢件嘢 8X万,有成千呎,我同屋企人夾咗 40幾做首期連使費,然後借銀行近 50幾,做 15年分期而利息係 13厘左右。

呢間嘢收埋 D租,其實都唔夠俾息,都唔好計差餉、管理費以及會計師樓核數費等支出,每月倒 2千幾,要是加上首期連使費啲機會成本,認真唔係嘢少!

咁點解我又咁笨去「益人?」

我同細佬嗰陣得 20 多歲,無自住需要。

連約買可免揾租客、又唔使裝修及買「道具」,可立即起租。

比市價有折讓約幾万,如兩年約滿後佢唔繼續租,我可交吉沽出賺差價又得,收回自用亦得。

不過呢條路在有咗 DSD 之後已經行不通了。

20. 自我陶醉 2014-05-22 12:03:57
To 12/F 亮劍兄:

感謝分享這篇有素質的文章, 非常同意IMF以下觀點:

“長遠會對經濟增長反而有正面幫助,使資源分配到更有經濟效益的板塊,減少經濟信貸炒賣周期,長遠提升經濟生產力。”

如果動手, 到時一切將會回歸基本到生產力增長的議題上, 而不再追求無止境的泡沫經濟, 可是這樣的改變, 將觸動所有現行信貸系統之持份者, 這種改變必要經歷一次巨大危機才會引發。

21. 引刀一快 2014-05-22 12:16:00
To 亮劍兄

好簡單一個問題:

你首置間屋,租客有冇俾你入屋睇過樓?
當年風氣同依傢唔一定一樣,我所講連約樓係冇得睇樓計,自住唔會揀冇得睇樓嘅嚟買,除非好筍。
22. 引刀一快 2014-05-22 12:20:45
你買嘅時侯的確唔係真正用家,我冇講錯吖?
23. 亮劍 2014-05-22 12:48:05

 自我陶醉兄-----

請留意:『可是這樣的改變, 將觸動所有現行信貸系統之持份者, 這種改變必要經歷一次巨大危機才會引發』------

現在呢个創造『私幣』(private money)的運作模式,最大的得益者係有權創造『私幣』者,他們會否自掘墳墓去放棄躺著就能賺錢的權力?

金融海嘯夠大煲未?但美國有權話事嘅人,他們選擇係救大到不能倒的企業,而唔係蟻民!

【當你不能改變現實,那只能改變你自己!】

共勉之----

 

24. 亮劍 2014-05-22 13:22:14

你首置間屋,租客有冇俾你入屋睇過樓?

我當然有去睇過樓啦,還帶同女友上去驗收!


當年風氣同依傢唔一定一樣,我所講連約樓係冇得睇樓計,自住唔會揀冇得睇樓嘅嚟買,除非好筍。

喺絕大部分時間,唔交吉樓因為冇樓睇、首期要俾多 D、裝修又要 FP,咁因為客路窄咗,個價肯定平 D,其實作為一個有做功課嘅準買家來講,你預多樓價六七個%,那就算將全間屋裝修拆掉,再重新來過乜都夠,所以你如能做倒有幾個 % 折讓已經夠找數。真心講除非你帶同驗樓師去睇樓啫,否則睇唔睇倒樓有何分別?

你買嘅時侯的確唔係真正用家,我冇講錯吖?
 
真的講句,我如非同細佬夾,我會將呢間樓收回自用喎!
25. 礸石山 2014-05-22 13:25:28
回6樓
你有冇聽過博士叫人去租樓?
博士只係分析租樓不及買樓好。
你以為租客被博士欺騙而租博士的單位呀?
26. 引刀一快 2014-05-22 13:50:07
亮劍兄,講嚟講去,你就係睇過樓喇,完全兩碼事。
27. 回21,22楼引刀一快 2014-05-22 13:58:52
引刀一快兄:唔駛咁認真,亮劍不留都係作大,認史認x,睇完咪算囉。
28. 笑爆咀 2014-05-22 14:02:54
1. 小師妹 2014-05-22 08:54:40
租樓住,先甜後苦,買樓住,先苦後甜。--- So true!

可惜時下大部分的年青人都是避苦貪甜!


LIKE!
29. 窮小子 2014-05-22 14:26:33
湯博士無講錯喎,租樓喺財務上真係似抄匯豐accumulator,咁講唔係侮辱租客。只不過佢無講今日買樓似咩啫。如果真係要比喻,最似咪係用全副身家借爆十陪孖展120蚊買晒匯豐(當然博士係用現金三十蚊買),然後每個月用半份糧還min pay。其實個比喻好好,唯一嘅分別係住屋係必須品,你無得唔玩,除非你住公屋。問題係你喺匯豐創歷史新高嘅時候睇升定睇跌啫,大家都有風險㗎。
30. TO 4/F 2014-05-22 14:31:56
Very enlightening.
31. 自我陶醉 2014-05-22 14:36:31
To 亮劍兄:

【當你不能改變現實,那只能改變你自己!】
完全同意, 這也是我自07年起減持美元、港元的原因。 

我們的分岐也許在於你認為07金融海嘯已完結, 而我卻認為這只是一個前奏。PP兄昨天所提的勞工參與率問題, 我早在4月時已提出過, 不過他的理解是美國不會加息, 而我的理解則是低息根本無助他們現時的失業問題。


32. 亮劍 2014-05-22 15:22:00
我們的分岐也許在於你認為07金融海嘯已完結, 而我卻認為這只是一個前奏…………

我个人認為07金融海嘯係分水嶺, 而非前奏。
佢使联储局更鉄了心去增加 貨幣供應。
使人們知道美國政府会投鼠忌器, 係会拯救大到不能倒的机構。
使好多人唔信印出來嘅嘢而改信磚頭。
33. 引刀一快 2014-05-22 15:39:31
亮劍兄,講嚟講去,你就係睇過樓喇,完全兩碼事。
34. 引刀一快 2014-05-22 15:41:38
To 27樓

亮劍兄係主升派中比較實事求是嘅一位了。
35. 小陽 2014-05-22 15:52:45
勞工參與率問題, 我早在4月時已提出過, 不過他的理解是美國不會加息, 而我的理解則是低息根本無助他們現時的失業問題。from 自醉兄

自醉兄,我今次撐你,我忙緊,遅D explain la 
36. PN 2014-05-22 16:03:13
"問題係你喺匯豐創歷史新高嘅時候睇升定睇跌啫,大家都有風險㗎。"
I will say buying a financial instrument at historical new low doesn't mean you are taking lower risk but rather you are taking on something rather risky.
37. 數字兄 83010278301027 3 年半前神算------勁! 2014-05-22 16:26:55

買樓10大誤解 (好文重溫) E-mail 此主題給朋友

[按此打開]
http://finance.discuss.com.hk/vi ... p;extra=&page=1

1. 我可以係跌市買樓
一再強調,大跌市時雖然樓價平,但買樓第一炮所需的資金唔會按比例大幅減少。大跌市為何會出現?因為有大量業主賤價割愛。為何賤價都要賣俾你?因為冇水。冇水點解唔問人借?因為銀行閂水喉。大家必須記住,大跌市的出現,一定配合銀行閂水喉。如果好似而家咁,打2個電話就借10萬,點解要賤賣層樓俾你?因此,在大跌市時買樓,你必須有心理準備估唔足價,同埋連7成都做唔到。例如200萬跌剩100萬,但銀行只肯估80萬,兼只肯做6成,那麼你就要嘔52萬。如果你係諗住用10萬經MC上呢個100萬盤,可以返屋企訓覺。
還有,要係大跌市時買平樓,你要有好多現金。我強調係現金,唔係股票或其他需要變賣既資產,因為你既股票係大跌市時一樣會下調。
估價8折做6成,係非常樂觀保守的估計數字,事實上,在08金融海潚時,部份銀行在簽按揭契前突然終止申請,1成會都唔俾上既個案真係發生過。另外,除非閣下係公務員,否則在大跌市時好難保証收入不會下跌。
結論:你需要持有目標樓價50%以上的現金。

2. 樓價一定會下跌
樓價在短期內有上落是事實,但另一個更重要既事實係,以30年為觀察期的話,樓價只會上升不會下跌!03沙士價是香港近十年最低價,美孚的03呎價約為1600,但1600這個賤價仍然係美孚入伙價的10多倍!事實上,某時期的低價,通常都會比上一個時期的高價還要高。等樓價爆破的朋友,要有心理準備爆破後的樓價和今日的價其實差不多。
因此,如果你係用家,諗住長住20~30年,只要供款係能力範圍內,就算97年買樓一樣冇問題,因為樓價升跌不會影響你一早已計劃好既供款,20年後樓價一定會超過買入價(請對比1983及2003的樓價)。
結論:以20~30年長線睇,樓價一定升。短期升跌只係為炒家而設。

補充:
有人質疑為何要用過去30年的升幅去推論未來30年,並表示香港的經濟發展已到頂,沒有可能重覆過去30年的升幅。
首先要搞清楚一樣野,就係物價的上升和經濟的發展不一定有直接的關係,事實上香港今天的經濟規模雖然比1980年時大,但沒有大20倍那麼多(我指實際上,不是數字上)。「物價上升=經濟發展」背後,最重要的因素是「金錢的產量是按經濟發展的需要而增加」,例如10個人的勞動力產生了10件衫,社會就按這10件衫的價值(假設每件$10)製造$100的貨幣,分配給付出勞動力的10個人。社會因為有新增的價值(10件新衫)才去製造貨幣,因此「物價上升=經濟發展」。
但現實是殘酷的。自從上世紀70年代美國單方面脫離金本位後,全球的貨幣逐一跟隨,今時今日世界上所有的貨幣背後均沒有實物支持,純依靠政府的信用進行發行。貨幣脫離了黃金的約束後,製造貨幣可以和經濟發展完全脫勾,經濟好時固然可以加印貨幣,經濟差時更加要印。全世界現時在「沒有新增價值」的情況下,卻可以以火箭升空的速度加印貨幣,結果是經濟沒有大幅發展,物價卻大幅上升。製造貨幣的特權階級成為社會的大贏家,製造實物的勞動者卻被社會嚴懲,扭曲了世人的價值觀。衡量一個人的價值,不是看這個人能為社會作多大的貢獻,而是看這個人能夠從社會奪取的資源有多少。
貨幣脫離金本位30多年,因此過去30年的樓價走勢絕對有參考價值。坦白說,今後貨幣的貶值速度能保持30年只跌95%,已經是非常幸運。

3. 遲早會加息
講得呢句說話,即係話而家息平。係人都知遲早會加息,但重點係息口仲平既時候你還左幾多本金?房貸好公道,本金少左,息會按比例減少,係低息環境下你可以好輕易就還幾十萬本金。即使加息,對你的實際影響極微。
結論:趁息平多還本金,點會怕加息!

4. 供30年樓係樓奴
我寫包單,講得出呢句說話既人學歷不會超過小學6年級。世界上所有銀紙現在均以每30年跌95%的速度貶值,簡單來說,30年後港幣的購買力,和現在的日圓差不多,即是說,今日我借港幣100萬,還到第30年就變左100萬yen。當然,中途你係有不斷供款,但你每期供款的購買力都會貶值,變相你可以用貶值後的貨幣購買未貶值的資產。幻想一下你可以用今日既身家,坐時光機回到1980年買當時既樓。因此,30年的供款期內,供款壓力係會越來越低,因為你的債項不斷貶值。頭10年是最艱苦困難的,中間10年可以有閒錢去下旅行,後10年供款比飲茶錢還要低。
結論:供樓係會越來越輕鬆

5. 唔買樓可以租
供樓壓力會隨時間減弱,因為你用未來貶值後的錢,去還今日未貶值的錢。但租金就相反,你一定要用當時的錢去還當時的錢,即是說,當供款金額固定下來,租金卻係會隨時間不斷上升,例如貨幣每30年下跌95%,租金就會同樣以每30年升20倍的速度上升。當然,這是假設沒有加息。但即使有加息,亦不見得租樓會有著數,因為業主會按成本加租,冇死錯人。
租樓的另一個問題係,你和業主的財富差距越拉越大,假設今天你和業主身家都係100萬,租了2年樓洗左20萬,你的身家變成80萬,業主就120萬,差距係40萬,亦即你現有身家的一半。當然,你投資有道,可以用呢80萬本金賺超過40萬,則另作別論。但假如你唔投資,純做租客,你會白白將日後入市上車既資金送俾業主。租金回報5厘知唔知即係點解?即係話你租20年的話,你就送左層樓俾業主。多謝夾承惠。
結論:年輕人應該同阿媽住,省回租金支出。要2人世界可以租時鐘。

6. 生活質素唔可以妥協
好多人唔接受舊樓、單幢樓、大西北,話唔會為上車而降低生活質素。請讓本人告訴你一個殘酷的事實,如果你的能力只能買舊樓、單幢樓、大西北,你冇資格講質素。如果你係打工仔,每日可以係屋企既清醒時間唔會超過6小時,有乜質唔質素?訓到朝早11點,然後先考慮今日返唔返公司打點一下,呢d就叫質素。
結論:先講資格,後談質素

7. 炒家炒高樓價
錯!實際係「買家買高樓價」。冇炒家唔代表用家會平賣俾你,有人肯接炒家貨,代表炒家有眼光,估計到未來樓價有水位,係先有購買力後有炒家。其實有買過樓都會知,買炒家貨好買過用家貨,議價空間比用家盤大,因為炒家係做生意,計好個ROI唔怕平少少賣俾你,但用家就皇帝女唔憂嫁,大不了住多2年先賣。再者,炒家買完一定賣,穩定供應,用家就有入冇出,炒家有時反而會有調低樓價的平衡功能。
結論:自願的價就係市價

8. 市區樓抗跌力強
抗跌力是大跌市時業主繼續供款的能力,因此,以下類別的物業抗跌力一定強:
一、        大部份業主已供斷的屋苑(沒有供樓壓力)
二、        大部份業主的買入價都很低(供樓壓力極低)
三、        業主真係好有錢(沒有收入壓力)
因此,老牌屋苑(第1類)、新界100萬上下的物業、半山豪宅的抗跌力一定高,其中半山豪宅最強。而老牌屋苑如太古城、美孚新村都位於市區,故產生抗跌力強的假象。
以下物業抗跌力最弱:
一、        被發展商食盡溢價的一手樓
二、        業主多數是高收入打工仔(一旦失業很難在短時間內找到同樣人工的工作)
三、        入伙日期接近爆破日期的物業
此三項條件可以同時出現。

9. 以外幣代替房地產作為儲蓄保值工具
QE配合部份準備金制度,令美元的流通量大幅增加,其他貨幣相對美元因此出現顯著升值。身邊有不少朋友考慮將港元兌換成人民幣或澳元搏升值。
首先,我不反對將手頭持有的少量現金換成外幣對沖港幣貶值。但若果手頭持有數十萬至數百萬港幣,樓與外幣2擇其一,則一定是選擇磚頭實物。
QE是聯儲局在帳簿上無中生有數以千萬億計的美元,其好處有四:
1. 刺激美國本土消費市場,改善失業,這個是官方解釋
2. 用貶值後的美元償還美國國債,借10蚊還7蚊,淨賺3蚊
3. 削弱以美元作儲備的國家之國力,尤其是與美國有大額貿易順差的國家,如中國
4. 增強本國出口的競爭力,尤其農產品
顯而易見,美國以外的國家為保出口貿易與及國家的整体經濟,必須參與印銀紙遊戲令本國貨幣貶值。澳元、人民幣和美元一樣正在不斷印銀紙,盡可能維持現有的美元匯率,由於澳元、人民幣不斷增加貨幣流通量,令本土物價上漲,坊間因而指控美國「輸出通脹」。澳元、人民幣及其他貨幣正在不斷印銀紙,不斷貶值是鐵一般的事實,香港人之所以會產生澳元升、人民幣升值的感覺,是因為美元港元的貶值速度更快。任何一個中國、澳洲的老百姓,在這一刻都會感到自己的貨幣在本國內的購買力越來越低,通脹猛於虎!
澳元、人民幣等貨幣雖然在近期相對港幣有顯著大額升幅,但相對實物例如物業甚至日用品,澳元和人民幣同樣是不斷貶值。將身家投放在澳元和人民幣,只不過是由一條賊船跳去另一條,到最後即使外幣有所斬獲,對實物的購買力無可避免一定會下跌,因為貨幣的供應增加速度遠超實物的生產速度。因此,我是極其反對賣樓買外幣的投資方法。但我要強調一點,人在社會生存一定要有一點現金,購買貶值速度較低的外幣作對沖我是贊成的。我所反對的是以外幣作為主要投資/儲蓄工具。
香港使用人民幣作為儲蓄工具還有一個嚴重問題,就是日限提款2萬元的限制。即使你在滙豐、恆生、渣打、中銀、東亞……等10間銀行各開一個人民幣戶口,提款或轉移100萬仍需時5個工作天。顯而易見,對香港人來說,以人民幣作為大額儲蓄貨幣現時仍然是不可行的。

10. 中國富豪的資金會徹離香港
要分析中國富豪為何在香港買樓買股,就一定要明白中國的國情。在中國要發財,一定要有人脈關係,所謂「關係」,說穿了其實是利益輸送,行賄送禮送女人。這些行為雖然是中國商界的基本功,但名義上其實是犯法的。在中國要發財而又出於污泥而不染,基本上是沒有可能,所有人都有犯法,甚至應說所有人都必須犯法。中國的富豪心知肚明中國是人治不是法治,都會怕有朝一日自己會變成第二個黃光裕或周正毅,突然有一天被人上門抄家,家財盡失,瑯璫入獄。財產只要仍在中國國內,都會有被完全充公的可能,為保獲家產,富豪必須將生意運作以外的錢偷運到境外(走資也是非法的),日後即是不幸在中國被抄家,仍然可以有資金行賄購買自由。否則一旦成為一無所有的階下囚,則一定永不超生。
因此,中國的富豪千山萬水把以千萬計的現金偷運到香港買樓買股,你要他把錢送回中國即是要他的命。香港是中國富豪的保險箱,只要香港的法制仍健全,行政司法仍獨立於中國大陸,中國富豪的資金是不會離開香港的。(國內同胞如欲轉載,請自行和諧)

補充:來香港買樓的大陸人,不限於億萬富豪。根據我所認識的國內朋友的親身經驗(100%真實冇吹水,我甚至有陪同睇樓),一些身家數百萬的小康之家,為求孩子能有香港身份證,又或者想追仔避開城管打胎,都會在大西北、北區購買低價物業作「生仔屋」給老婆養胎。這些生仔屋在完成任務後都會留在香港放租,不會變賣徹資,因為國內同胞不分貧富,都相信香港的法治精神能夠保障他們的財產擁有權。很多一日投訴到黑的香港人其實生在福中不知福。


後記:市場會嚴懲睇錯市既人,若果你覺得我的觀點係錯的話,就讓市場去懲罰我,同樣,閣下若果睇錯市,必須要有被市場嚴懲的心理準備。補充一點,沒有自住樓的租客,你們現時正在被市場懲罰,反不反省是你們的自由。
38. 文章重溫:「淡友的9大誤解」 2014-05-22 16:34:41

文章重溫:「淡友的9大誤解」 E-mail 此主題給朋友

[按此打開]
每逢有死人冧樓,都總有一班酸友淡友拍手稱慶。我驚奇地發現,小弟數月前寫的一篇拙文,時至今日一樣通,而且真理越辯越明,因此再post一次和大家分享。

好多酸友淡友唔知樓價大幅下跌的必要3大條件,即:
1. 銀行閂水喉
2. 高失業率
3. 高利率
只要此3項條件不同時出現(強調係同時),即使世界末日香港樓價都唔會大跌。

1. 有利淡消息,業主一定要賤賣
我做過一個有趣實驗,各位可以跟我一齊做。我試下問公司幾個住公屋未買過樓既淡友,而家供樓利息係幾多,可能我既同事都係arm arm赤柱放監出黎,竟然冇人答得出,有一兩個就答3~4厘,最離譜的一個答5厘,但能夠答0.9~1厘既,係一個都冇。
沒有準確的利率訊息,當然會對市況作出錯誤的估計,亦不會知道現時業主的供樓壓力是何其低。我一再強調,市場出現大量劈價盤的原因是大量業主供唔起樓,只要有能力供,業主會選擇一動不如一靜,因為賣了樓轉租同樣係支出,而且租金遠超實際利息支出,毫不化算。以我住的貧民區屯門市中心為例,月供6000,利息佔1500,但租金就要1萬,即租金支出=利息支出的6倍左右。劈價賣樓後每月的財政壓力會大4000蚊。因此,自住樓的業主都會選擇繼續月供6000,其中1500當係交租俾銀行,4500當係儲錢。
窮鬼業主係呢一刻反而冇能力劈價賤賣,唔係唔想劈俾你。

2. 炒家止賺就叫劈價
呢一兩日我有去地產舖問下有冇筍盤,結果係得個桔。唔係話冇業主減價,而係減完都仲比9月份個價貴,點入呀?
報紙仲搞笑,炒家入貨310萬,叫價410萬,新招後減到385萬就叫「劈」,足足叫高75萬,即原價的25%都叫「劈」!情況就好似一個次次考第一既高材生,測完驗你問佢識唔識,佢話考得好差,你以為今次仲輪唔到你唔合格,點知一派試卷,先知高材生拿99分,99分係佢黎講叫考得好差。
而所謂撻訂其實係新入貨炒家眼見6個月內冇可能升15%以上,在沒有盈利希望的情況下離場止蝕。實際上真正用家在新招後都繼續買樓。

3. 所有業主都可以隨時劈4~5成賣樓
信不信由你,係呢一刻只得有錢佬才有能力劈價3成以上賣樓俾你。原因好簡單,劈價4成我就要抬1成樓價先可以貼錢賣層樓俾你,你欣賞我層樓我貼俾你冇乜所謂,但問題係好似我呢d咁既窮鬼真係冇幾十萬抬俾你。
抬錢賣樓既動機就係,借私人貸款的利息,比供樓利率低,抬完錢反而可以節省利息。但現在暫時供樓利率仲係低,抬錢賣樓冇乜著數,大家可能要等一等。

4. 全港業主PK,我可以獨善其身
很多淡友希望樓價跌,但目的唔係想趁低入貨,而係想睇業主PK,見到有人負資產燒炭食二手飯佢地就會亢奮,說穿了,其實就係心地唔好,損人不利己。
但話時話,如果有一日全港業主都PK,失業冇收入供唔起樓,淡友就可以全身而退做一個食花生既旁觀者?如果係咁天水圍公屋就唔會悲情。訓天橋底既陳伯就係天下最幸福的男人。
事實上,要全港業主一齊PK,香港經濟一定出現嚴重問題,全香港冇人可以冇事甩身。淡友想業主死,但淡友本身自己都要死,仲可能係死先過人。當然,淡友既目的唔係想改善自己生活,由頭到尾都只係想人地同佢一齊PK,所以只要有業主陪佢一齊燒炭佢就覺得賺左。

5. 我冇能力買樓,所以樓價太高
坦白講,我都唔明點解有人會用1萬蚊一呎買樓,但唔明還唔明,有人真係有本事買,首期俾4百萬,月供5萬都供得起,証明人地有本事搵錢多過我,我買唔到1萬蚊樓係我廢,而唔係樓貴。
一再強調,自願的價就係市價,就係合理價,買唔起係人既問題,唔係個價既問題。你唔係身處那個圈子/階層,你不會明白那個圈子階層的人一個月搵幾多,如果你用自己的能力去衡量別人的負擔,一定出錯。

6. 炒家撻訂,我有著數
好多淡友睇報紙見到炒家撻訂,覺得炒家抵死,心都涼晒。但可能佢地未買過樓唔知乜野叫撻訂,撻訂D錢去左邊個度又唔知,總之有人唔見錢就最開心。事實上樓市係zero sum,有人賺錢就有人接貴貨,有人蝕錢就有人執筍野,d錢唔會唔見左,只係會由傻仔度轉移去叻仔度。炒家撻訂,一方面係炒家蝕錢,另一方面睇,係業主無啦啦賺左,d錢唔會落入淡友或買家度,係全數落入業主及agent,我唔明白業主多左錢駛淡友點解會開心。現在情況係,一方面冇實力炒家撻訂,另一方面��%A
39. 小師妹 2014-05-22 16:40:01
除非你有公屋, 否則要自住你點都要想辦法買樓, 原因係租樓真係好難租足一世, 因為當你年老時係好難搵到人肯租比你住....."租樓住,先甜後苦,買樓住,先苦後甜"又一例証 !
40. 大寶二寶 2014-05-22 17:01:02
回39 小師妹

事實有D人只睇未來幾年生活吾會諗廿幾三十年後嘅生活。 我曾經問一位賣左樓嘅朋友老時点打算, 佢話有咁長命先算喇,儲儲埋埋冇机會洗又有咩用! 我相信有吾少人都有呢個思想。 换句話玩說, 呢批人又會支持租務市場。

共勉之, 哈哈!
41. 亮劍 2014-05-22 17:14:35

講嚟講去,你就係睇過樓喇,完全兩碼事------

我呢世人大大話話睇過百多弍佰間 2 手,這是真心話,如果有兩個盤俾我揀,一個係 3 M 有樓睇,但低拒兩叁層嗰間同坐向、同呎數只要2.7 M 但無樓睇,我會揀後者囉。

其實講真大家去睇過 2 手樓都知,咪走馬看花嗰隻,十幾分鐘最盡啦,你能揾倒人哋間樓有無換過入牆電線嗎?鋁窗窗較、水喉、來去水更新咗嗎?房間佈置、牆紙、地板、廚櫃合你同屋企人心水嗎?

咁橫又拆、掂又拆,點解唔借無樓睇而殺人價,幫補裝修支出?

請記住一件好重要的事,交吉盤因為客路廣多人睇,業主一定企硬!

反之當业主連等多一年半載,就會變成交吉盤而可賣貴啲都唔等多陣,咁拒心理上已處於劣勢,正宗「田雞」都俾你撞倒,咁你仲唔出動打樁機樁拒三四口價來補貼裝修費,真係對唔住你個經紀一遍苦心!

42. 法子 2014-05-22 17:32:27



給這幾年賣了樓的人:

從2000年1月1日起的10年,恒生指數上升了4910.40點。

但如果你錯失了升幅最大的1個交易日,恒生指數就只升2577.86點。

但如果你錯失了升幅最大的兩個交易日,恒生指數就只升882.59點。

但如果你錯失了升幅最大的3個交易日,恒生指數就反而下跌了-745.19點。

上述說明了什麼?有一個錯我們是不能犯的。就是很多人會有心魔:「已經升了很多,差不多到頂,我賣一賣佢,等低位再買返。」

這樣一來,就錯失了最大升幅的「最後井噴」。

總結:It's time in, not timing the market, that counts.
43. 法子 2014-05-22 17:36:51
承上文:

那我們該怎辦?

方法:「要做得聰明過別人就要別嘗試做得聰明過別人」
44. 法子 2014-05-22 17:37:54
承上文:

有無更簡單的?

有,就是「無為」。
45. 廿一世紀資本論 2014-05-22 18:00:55

    《廿一世紀資本論》(Capital in Twenty-first Century)

   

 

最近在經濟學,發生了一件大事。這件大事不單只影響經濟理論,而且也影響著政治與政策。這件大事是有一名法國學者去年出版了一本名為《廿一世紀資本論》(Capital in Twenty-first Century),並於今年被翻譯為英文,由哈佛出版社出版。哈佛出版社是一家歷史悠久,以出版專業學術著作為主的出版社。簡單來說,哈佛出版社的著作多是「催睡」的著作。可以想像這些書的銷路可以好得那裡去。


但這本《廿一世紀資本論》很特別。它在一瞬間成為了亞馬遜網上書店的榜首暢銷書,而且到現時為止我也只能買到它的Kindle電子版書,實體書一直缺貨。據說,此書的銷量超過了哈佛出版社多年來總銷量!但那還不是最猛的。這本書甫一出版,便被學術界及傳媒著了魔地不斷評論。從評論本身來看這本書無疑是一本爭議性非常大的巨著。有的,如紐約時報專欄作家及經濟學諾貝爾經濟學獎得主克魯明(Paul Krugman),多次高調讚揚此書(對克魯明來說這是非常罕見的),認為它可能是未來十年最重要的經濟學巨著,不少著名的學者同意此說。也有的認為此書的書名是用「資本論」來命名,所以它有一種與馬克思在百多年前的巨著《資本論》(Capital)的借屍還魂之作,不少傳媒與學者指它為重提馬克思、暗示社會主義道路的著作,展開大肆抨擊。
但無論如何,你將不能忽視這本書。《金融市報》的專欄作者Robert Shrimsley打趣說,政界與學術界中人現在與人碰面時,都有一種無形的壓力要討論《廿一世紀資本論》,在這種氛圍下難怪此書會成為榜首暢銷書!但這本「巨著」其實是在說甚麼呢?
現年四十三歲的法國年輕學者Thomas Piketty提出一種論調,他從過去三百多年的歷史數據中,查證出當一個地方的資本(或財富)回報率高於勞動新酬的回報率時,便會出現社會資本分配不均的現象,造成日益累積的不對等不公平現象,令貧富懸殊的問題更嚴重,而且也將會嚴重地威脅著民主社會的健康發展。
但提出現今資本主義的問題也不是最近才發生的事。早在十年前,其實已經有一些學者或評論家對「全球一體化」或物質主導的資本主義提出反思。當然這些反思沒有太多人會理會。但在2008年全球金融體系爆發一輪「大到不能倒」的危機後,禍害到很多平民百姓,這個時候真的出現了一浪又一浪的批判。因此彼此開始有一個概念,資本主義真的不能再服務今天的社會發展了。無奈的是,去年是金融風暴五周年,傳媒普遍認為,金融界的斂財行徑不單只絲毫未改,而且有日益嚴重之勢。
但《廿一世紀資本論》這本著作所帶來的衝擊,是它挾著一堆有力的實證資料,嚴謹地提出社會不公平的問題,背後的罪魁禍首就是無度的資本主義。而且這將可能改變政治政策的基調。因為一直以來,政治都非常關注社會分配不公這個問題。但自由主義的經濟學派一直認為最少限度干預經濟活動,讓其無形之手自由地發展,那麼經濟發展起來,人人有工開、有飯食,社會將會一片榮景。在自由主義眼中,資本主義是一個解。但在Piketty眼中,資本主義是問題的一部分,而且是重要的一部分。
這樣說來,就等於說自由資本主義跳票了!在過去一個世紀裡,自由資本主意主張不作任何干預,透過更多投資,可以創造更多職位、工作,整個社會便自然地分配財富,貧富懸殊便會慢慢減少。但Piketty發現實際上並非這樣。他留意到,在一段漫長的時間後,財富會愈來愈累積到富人手裡,而貧窮的一方則愈來愈失去階級移動的機會,永遠在資源稀缺的地方打滾。
Piketty 有意思的地方是,他從大歷史中找尋線索,而非現今一般的經濟學者喜歡與數學模型打交道。他與一批學者從法國(那裡擁有非常齊備的歷史數據),以及廿多個地區的三百年資料來作出分析,發現一個地方的資本增長,在一個相對緩慢的經濟增長裡,會超越一個地方因打工而獲得的回報。這正正是大部分已發展國家要面對的問題。
Piketty認為一般的經濟學家沒有放足夠的心力研究這種資本累積的現象上,他發現這些增長上的數字差異可能很少(例如只有0.3%),但經過很長時間後,所帶來的複息增長效應,便會產生一種龐大的差異。而在這個過程中,財富慢慢累積在一群富人手裡,而且最富有的一群人會將這些財富留給下一代,為他們的下一代創造更有利的累積財富的條件。而現時發現,最富有的10%的人,便擁有超過50%的所有人總加起來的財富,而最富有的1%,竟然可以佔去18%的財富!那實在太誇張了。
Piketty其中一個很有意思的研究,是針對大企業的「超級 CEO」的袍金作為一個代表性現象,發現他們的收入帶有大量的股票、認股權、利息收入,而這些收入的增長,又會遠較一個打工仔的人工收入的增長要高得多。結果這些人便是那最富有的1%了。(就以蘋果的 CEO Tim Cook為例,在2011年,他的年薪入息是蘋果員工平均年薪的六千二百倍!)
有七百多頁的《廿一世紀資本論》雖然不易讀,但卻是一本很出色的經濟著作。行文與邏輯非常通順,加上作者並非用抽象的數學模型,而是用歷史數據來說話,只要稍加專注,這本書並不是想像中那麼深奧。《廿一世紀資本論》與馬克思於十九世紀寫的《資本論》可謂同出一轍,都是批判資本家,Piketty甚至認為這種貧富懸殊的現象,已經危害到一個民主社會的公平、平等與正義。若政府不及時做一些事,這個問題將會繼續惡化。
Piketty年輕有為,野心也大,因此,他並不滿足於分析現況,他也提出改善這個問題的方案。這也是這本《廿一世紀資本論》最令人爭議的一部分。作者提出政府要向富有的人收取一種「全球性的財富累進稅 (progressive tax)」,甚至向最富有的一群收取高達 80%的財富稅!我實在無能力評論這種建議是否可行。但我肯定這會引起龐大的阻力。
這樣說來,現在香港人手拿著這本《廿一世紀資本論》,便有籌碼與政府探討地產霸權在香港造成財富嚴重不均的現象了。而且回過頭來看,當年鄧小平指出要發展中國就是要「先讓一部分人富起來」的這個說法,在Piketty的理論裡,當經濟仍在全速發展時,其經濟增長以及人口增長所創造的收入增長,是高於資本財富的增長;這樣的環境下,社會的財富是可以往更多人分配,是可取之道。但現在當經濟增長已經慢下來,而且勞動人口的增長也慢下來時,這一句「讓一部分人富起來」肯定不再合時宜了。
《廿一世紀資本論》的實體書太好賣了,所以真的不知道甚麼時候才能在香港上市。同時我深信台灣與國內的出版社已經全速地將這本書翻出來。毫無疑問,這是一本值得我們注意的大作,那怕你懂不懂經濟學。作為一個知識分子,這本書肯定走不了。

46. Cheung king 2014-05-22 18:07:20

又大平賣啦

47. hongkong people 2014-05-22 18:17:01
其實冇睇過樓就買有乜出奇,我都有兩次買樓冇樓睇嘅經驗,一間自住一間投資。如果你對個屋苑熟悉,打開floor plan 就大致上知道個層樓值乜嘢價,只要有水位,猶其係升市時仲唔快狠準出價,你估你買倒樓?
48. 小陽 2014-05-22 18:38:47
其實如果租樓人係一個懂得錢揾錢,而$揾$速度快過樓價升福和大過租金,那就不是accumulator.。因為他的principal 冇用down payment . 而去做其他錢搵錢事情。

其實Facebook 老板都係發左達先買樓。我覺得年青人好塑性很大,不要為一層樓瑣住自己發展。租樓同時要儲蓄,儲蓄之後要錢搵錢,但是不是亂花費。
49. To 法子兄 2014-05-22 18:59:52

很開心見到你的留言,每天少了你的留言,很像缺少了点甚麼似的,很掛念你啊!希望你能和湯博士一樣分享多点智慧!謝謝你們!

50. 法子 2014-05-22 19:53:23
真多謝你,寫文的人最開心是有人欣賞。

其實,我從沒有離開過,每日也有留言,只是日漸多人識了。怕別人留下欣賞的字句,只因為認識「法子」,而客氣地欣賞。所以從上星期起,想起一個原本臭名遠播的名字,心想:「如果用此名留言,也有人欣賞,那一定是喜歡我的觀點。」

所以,從上星期用了一個臭名遠播的名字留言。

51. 法子 2014-05-22 19:58:10
我在42樓 post 的,是否表達得不好。

剛才亮劍兄看後,馬上打電話給我,說「都唔知你寫咩?」
52. 法子 2014-05-22 20:02:11
對於用另一個名留言,在此向各位謝罪,尤其係網主 Ronald。

網主不知內情,竟然邀要「另一個法子」食飯,這樣一來,我就穿煲了。
53. 法子 2014-05-22 20:04:47
To 懶人兄:

很多謝你的詩。
54. 環宇 2014-05-22 20:06:37

掋唔掋買

55. 大寶二寶 2014-05-22 20:09:41
回50 法子兄

莫非你就係“新笑爆咀”? 你都玩得我們樂透!

共勉之, 哈哈!
56. 法子 2014-05-22 20:15:34
^_^
唔好意思,想考考自己的實力。
57. To新笑爆咀(法子) 2014-05-22 20:20:57
唔怪得你突然勁咗咁多啦!

仲以為邊度又走個高手出來。
58. 惜緣 2014-05-22 20:21:40
法子兄,你真好嘢,亦証明我的直覺正確。
59. 法子 2014-05-22 20:29:12
惜緣兄,

你對!
60. 蜕变中嘅懶人 2014-05-22 20:48:27

TO 法子兄

懒人真係俾你玩死,攪到有啲自卑,覺得自己點解喺笑爆咀兄進歩神速之下变得咁蠢,而家知道笑爆咀兄係法子前輩,信心即刻番晒嚟,其實好想法子兄再出貼文,而家除咗開心之外,唔識形容,先前重喺法子兄飾演嘅笑爆咀兄前作打油詩玩野,不過送俾法子兄同亮劍兄嗰首就係真情流露,請笑纳。

61. 法子 2014-05-22 21:24:43
懶人兄,

在網上竟也交得知己,真的很高興。

有機會真的要和你痛飲。
62. 法子 2014-05-22 21:44:47
懶人兄,

其實你文筆比我好好多。
63. 惜緣 2014-05-22 21:47:25
懶人兄,你同法子兄一樣那麽風趣。
64. 蜕变中嘅懶人 2014-05-22 21:47:29

回法子兄

懒人在此先行多謝,並靜候良機。

65. 小師妹 2014-05-22 21:50:00
好高興再見到法子兄嘅post, 我仲以為你去了旅行 :P
66. Small Potato 2014-05-22 21:52:36
法子兄:
我都勁懷疑架啦,因為兩者實在大不同,咁你而家測試成功拉,anyway, 比個Like 你同亮劍兄,感激大家嘅留言分享,博士你呢個綱可以比我地見識到咁多野,真係要比個超級Like👍你👏👏
67. 蜕变中嘅懶人 2014-05-22 21:54:13

回法子兄,惜緣兄

懒人其實遠不如两兄台,令懒人面紅耳赤了。

68. 法子兄 LIKE !! 2014-05-22 22:28:09


真真假假, 佩服佩服 ^ ^



69. To 62 2014-05-22 22:32:02
法子哥, just to say hi.
70. yctt826 2014-05-22 22:46:32
法子兄,你攪到我要追返早幾日D留言了。。。。哈哈
71. 按居 2014-05-22 23:05:56
博士,本人除了能力之外,做人理念都應該與各位大師都應該差不多 - 默默耕耘、不怨人、凡事睇長遠。

你(我)們的故事對於現在某些年青人是什麼呢?

我想他們不是想唱反調,但他們真的想:你(我)們的故事,又如何?

點解要計這麼多東西?俾啲心機識個有錢人好過!那些好碼頭可以幫我的起跑綫推前十萬八千里,現在住好啲、著好啲、食好啲,等自己好啲條件識人。買新界樓住,點及租灣仔住好?

72. 法子 2014-05-22 23:21:21
69樓:

hi!

你有網名嗎?

懶人兄,

你也註冊一個藍色用戶吧。
73. 法子 2014-05-22 23:22:32
小師妹,

我每日都有睇你留言㗎。
74. 法子 2014-05-22 23:25:24
yctt826:

個網係咪有得 search ?

唔駛咁麻煩,最重要係上星期叫大家買領匯嗰個要睇。

領匯個衡平比是0.59(兩星期前計)
75. 蜕变中嘅懶人 2014-05-22 23:36:26

TO法子兄

懶人明日試吓註册,各位網友晚安。

76. 珍惜香港 2014-05-23 00:06:32
珍惜香港TO:9/F 引刀一快兄

今朝見到博士嘅文章,本來想好懶咁將下面呢篇嘢就咁抄過嚟就算:

40. 珍惜香港 2014-05-22 02:44:39
珍惜香港TO:33/F 物業初哥

記得第一次收租果陣,我收嘅租金,只喺月供嘅一半;咁你話,收租,算喺乜生意?

好多人都唔明,我地呢啲長線收租佬喺咩心態;收租,只不過喺為退休儲錢。一開始,租金連利息都 COVER 唔到,根本就喺一門蝕本生意。跟著,租金隨住通貨膨脹而緩緩上升,供樓嘅利息比例又隨住本金減少而緩緩下跌。數年之後,當租金高過利息支出,賬面上就開始賺錢;而到租金上升到超越整個供款果陣,就出現正現金流。供滿之後,租金就可以全數作為退休嘅收入

樓價嘅起跌,利率嘅高低,都唔會影響以上呢個先苦後甜嘅流程;所以我地對於呢啲市場變化,喺好冷感。慨然租金只喺月供一半果陣都喺咁過,加息,又算得啲乜?

正正就喺呢個先苦後甜嘅退休心態,令到我地唔會因為樓價飆升,貿貿然就咁殺咗隻雞,更加唔會計到咁盡,見到加息冇利潤就放棄呢個長線投資

所以,守、堅持、忍耐呢啲詞語,都唔能夠用嚟形容我地嘅心態。處之泰然,皆因我地唔 CARE 囉!

不過睇埋閣下嘅留言,又勾起咗我嘅 MOOD,就索性今晚先一次過回覆。

其實我好鬼怕覆你,每次都要拗到去個牛角尖度;我停,你又唔高興,真喺幾難做。不過閣下又好抵死,成日勾起我嘅 MOOD,好似你講移民,我本來就想寫篇叫「移民,即喺忘本」嘅長嘢,結果都喺忍手冇寫到。

你話 2047 點點,又話台灣回歸點點,你對香港嘅前途,真喺咁冇信心?你講嘅,根本就喺香港嘅前途問題,你咁冇信心,點解唔移民?九七前一個移民潮,正正就喺一個信心問題;九七後又一個回流潮,回流者,虛渡咗嘅人生,就喺忘本之果。一個人,自出世到可以自食其力呢段時光裡面,受盡呢個社會咁多恩惠,點解唔去回饋番個社會,反而仲要放棄呢個地方,遠走高飛,去貢獻另一個社會?做人,真喺唔可以咁忘本!

我唔移民,唔喺因為冇得揀,而喺因為我對自己嘅地方,好有信心。其實,一個人最大嘅投資,就喺自己嘅人生。當你將自己整個人生,託付於一個地方度果陣,就等於响呢個地方,作咗你人生最大嘅投資。所以,每一個植根香港嘅人,都喺一個香港嘅長線投資者。試問一個投資者,對一個地方嘅投資環境冇信心嘅話,點會响果個地方作長線投資?就好似越南呢鑊咁,你仲敢唔敢去果度,投資設廠?

買樓自住,長線收租,都喺身體力行,對香港經濟發展有信心嘅長遠投資行為。每一個地方,都有佢嘅問題,有佢嘅隱憂,就好似政策人質向心力競爭力之類嘅問題,我都講唔少。提出呢啲問題,唔喺因為我對香港冇信心,反之,我認為,人,總喺要面對現實,錯嘅嘢,唔會捱得耐

每次同樓市好友討論,我都會感受到一股正能量;而每次同淡友討論,我都會感受到一股負能量,一股怨氣。香港,喺需要好多正能量;而祈求自力更生者損手爛腳,去餵飼發聲之素求一族呢種消極心態,喺俾唔到正能量呢個社會,更加唔會解決到呢個社會嘅深層次問題。我响兩個星期前,鼓勵閣下响香港置業,喺出自真心;多一個人對香港有信心,香港,就多一個希望

所以你話 2047 點點,話台灣回歸點點,又話加息、大陸冧點點,呢啲「如果」,喺冇意義。咁多年嚟,經歷香港嘅起跌,我都喺企响正能量果一邊;今時今日,我都喺企响正能量果一邊;他朝,莫論成敗得失,我都會企响正能量果一邊,同呢一班人,共同進退
77. 小師妹 2014-05-23 00:15:42

To 73 法子兄

多謝你既鼓勵, 深感榮幸 ! :D

78. 引刀一快 2014-05-23 00:20:28
To 41樓 亮劍兄

我睇二手一樣過百,有冇錢買都睇,有冇心買,都睇,自住屋,一定要自己睇過,投資就可以只睇戶型,如果你肯住一間未入過去未睇過嘅屋,點解你睇咁多二手?
二手睇得多,我就更肯定呢點,戶型坐向一樣,入屋感覺可以截然不同,就算九折,如果冒險我一定唔制,投資睇數字,自住講感覺,而且特別係女人嘅感覺,一定要照顧。
79. 小師妹 2014-05-23 00:24:04

回 40 大寶二寶

我都識得好多呢類今朝有酒今朝醉既人, 佢地通常喜歡 fine dining 和享受, drink drink play play 過一世, 有幾個仲話活到五十幾歲就夠添...

共勉之too, 嘻嘻! :P

80. 珍惜香港 2014-05-23 00:31:35
珍惜香港TO:法子兄

果然唔喺之前成日叫人做三傻果個笑爆咀。

揭盅之後,好高興,但同時又覺得好可惜

高興嘅,喺法子兄,改咗名之後,一樣咁堅;可惜嘅,喺以為多咗一個正能量。
81. 引刀一快 2014-05-23 00:37:18
To 法子

大家咁吹捧你,估計你梗係飄飄然,其實你嘅做法非常唔厚道,非君子所為,利用人家嘅名,令人家自己鬧自己,如果反過來你冇上幾日,人家攞你法子嘅名號去玩,你又如何?呢個論場冇人指出你嘅不是,係因爲呢度嘅派系氣氛,佢地唔係明辨是非嘅人,好自爲之吧。
82. CH 2014-05-23 00:49:10
引刀兄之前說過借屍還魂玩野,我回覆了所見略同。但真想不到是法子閣下。
83. 笑爆咀 2014-05-23 00:58:32

This time I am very agree with 引刀一快.

I don't see any fun of doing something like that .

just shown us you are really naive and simpleminded .

84. 引刀一快 2014-05-23 01:03:51
之前我仲猜錯係順民,我要喺呢度同順民講聲對唔住,估錯咗你。
85. 引刀一快 2014-05-23 02:34:15
To 76樓 珍惜香港兄

本來我想寫一篇獨立文回應你,但係你篇文咁長,爲咗清晰同埋容易睇,我都係利用穿插回應會好D。
86. 引刀一快 2014-05-23 07:43:08


不過睇埋閣下嘅留言,又勾起咗我嘅 MOOD,就索性今晚先一次過回覆。

其實我好鬼怕覆你,每次都要拗到去個牛角尖度;我停,你又唔高興,真喺幾難做。不過閣下又好抵死,成日勾起我嘅 MOOD,好似你講移民,我本來就想寫篇叫「移民,即喺忘本」嘅長嘢,結果都喺忍手冇寫到。(邊度講移民?我講過移民唔難,但係冇講過有興趣移民。)

你話 2047 點點,又話台灣回歸點點,你對香港嘅前途,真喺咁冇信心?你講嘅,根本就喺香港嘅前途問題,你咁冇信心,點解唔移民?九七前一個移民潮,正正就喺一個信心問題;九七後又一個回流潮,回流者,虛渡咗嘅人生,就喺忘本之果。一個人,自出世到可以自食其力呢段時光裡面,受盡呢個社會咁多恩惠,點解唔去回饋番個社會,反而仲要放棄呢個地方,遠走高飛,去貢獻另一個社會?做人,真喺唔可以咁忘本!
呢度我就有嘢講,對香港嘅信心,我肯定係超過并超前于大部分人,我考咗TOEFL冇去美國,反而返咗大陸,提前擁抱貢橙檔, 係97之前幾年嘅事,點解會同周遭嘅人反差咁大?因爲我對大陸情况嘅理解比其它同爲香港土生人事,要深得多,所以我對香港有信心。

我唔移民,唔喺因為冇得揀,而喺因為我對自己嘅地方,好有信心。其實,一個人最大嘅投資,就喺自己嘅人生。當你將自己整個人生,託付於一個地方度果陣,就等於响呢個地方,作咗你人生最大嘅投資。所以,每一個植根香港嘅人,都喺一個香港嘅長線投資者。試問一個投資者,對一個地方嘅投資環境冇信心嘅話,點會响果個地方作長線投資?就好似越南呢鑊咁,你仲敢唔敢去果度,投資設廠?
但係信心歸信心,任何事情都有變化,留意掌握變化,信心方能持續,50年不變,其實正解應爲50年後那天不會突變,中間一路部署、調整,一直變。信心應該有理據支持,否則就係出于情感。三十年河東三十年河西,人生拼搏五十年左右,適當部署可以加大成績。講到越南,我早就領教過,若當年唔係腹智心靈,已經屍骨無存。不過,我夠膽預測,去越南投資嘅人,冇幾耐就會放低呢件事,并且學識新方法應對,大陸人工太貴喇。


買樓自住,長線收租,都喺身體力行,對香港經濟發展有信心嘅長遠投資行為。每一個地方,都有佢嘅問題,有佢嘅隱憂,就好似政策人質向心力競爭力之類嘅問題,我都講唔少。提出呢啲問題,唔喺因為我對香港冇信心,反之,我認為,人,總喺要面對現實,錯嘅嘢,唔會捱得耐
長綫收租邊個唔知好吖,都要睇睇成本,信心唔係行動,而係有策略嘅行動
每次同樓市好友討論,我都會感受到一股正能量;而每次同淡友討論,我都會感受到一股負能量,一股怨氣。香港,喺需要好多正能量;而祈求自力更生者損手爛腳,去餵飼發聲之素求一族呢種消極心態,喺俾唔到正能量呢個社會,更加唔會解決到呢個社會嘅深層次問題。我响兩個星期前,鼓勵閣下响香港置業,喺出自真心;多一個人對香港有信心,香港,就多一個希望

呢度我就唔同意喇,你將淡友同“ 而祈求自力更生者損手爛腳,去餵飼發聲之素求一族呢種消極心態 ”划等號,呢個講法完全係硬套。

所以你話 2047 點點,話台灣回歸點點,又話加息、大陸冧點點,呢啲
「如果」,喺冇意義。咁多年嚟,經歷香港嘅起跌,我都喺企响正能量果一邊;今時今日,我都喺企响正能量果一邊;他朝,莫論成敗得失,我都會企响正能量果一邊,同呢一班人,共同進退
2047、臺灣回歸,呢D係“肯定”,唔係“如果”,“
咁多年嚟,經歷香港嘅起跌”就係喺起起跌跌裏面高沽低吸,樓價高到李先生都勸人咪炒,那個時候入貨,所謂的“正能量”未必可以正收入。
87. 法子 2014-05-23 07:53:05
81. 引刀一快 2014-05-23 00:37:18
To 法子

大家咁吹捧你,估計你梗係飄飄然,其實你嘅做法非常唔厚道,非君子所為,利用人家嘅名,令人家自己鬧自己,如果反過來你冇上幾日,人家攞你法子嘅名號去玩,你又如何?呢個論場冇人指出你嘅不是,係因爲呢度嘅派系氣氛,佢地唔係明辨是非嘅人,好自爲之吧。


--------

引刀兄,

非常同意你講嘅嘢,如果這事情發生在這網站未實行雙軌制之前。

唔知你明唔明上面這句說話。想清楚吧。

第二:83樓的也是「有人扮」的,而這個人是誰?是能夠找到的。要唔要我幫你找一找,然後公開在這裡?
88. 自我陶醉 2014-05-23 07:57:19
笑爆咀兄, 其實如果你睇到, 你點解唔踢爆佢嘅?

引刀兄, 你忙冇睇睇所有留言所以先估錯啫, 咪當法子兄玩緊化妝舞會囉, 其實佢之前畀小陽嘅口花花留言, 同埋佢下面呢句招牌說法已經出賣咗佢。

122. 笑爆咀 2014-05-19 20:31:02
回119:

非常同意你上述邏輯,真係泡泡的高位時是"無人會說有泡泡"的。所以現在8成人都說有泡沫,即係話現在不是泡沫。

89. 法子 2014-05-23 08:34:27



引刀兄,

怕引刀兄花時間去找,你只要知道當初為何要行雙軌制。你就會知道。


原本得一個車廂,吸煙的、不吸煙的,也得困在一起。於是不吸煙的人就提出,我們不吸煙,也介意吸2手煙,不如開多一個車廂,這車廂讓不吸煙也介意吸2手煙的人坐。之前的車廂就讓要吸煙也不介意吸2手煙的人坐。


而且,每個人也會覺得「自己是明辯是非」的一個,自己腦袋裡的邏輯是對的,而這種認同是「打從心底的覺得自己是對的」。很多時兩個人打交,不會是「一個覺得自己啱」,而另一個「覺得自己錯」。通常都係兩個都「打從心底地覺得自己啱。」這場交才打得成。兩個人腦袋都覺得「我對你錯」。這是你上面所說的「派系氣氛」,或者稱為「立場」。你提出這點很好,但有沒有想過,自己也受「立場」影響,而令自己覺得「自己是明辯是非」。

如果還想不通自己腦袋為何會有「我對你錯」這現象,你和別人的爭執會無休止。



90. 法子 2014-05-23 08:39:35
醉兄很細心,8/2法則是我常掛口邊。對小陽的讚美是真的啊。


留下的破綻還有數個。


time in/timing, 談領匯時,也留下不小破綻。我想有留意的人會提出。
91. 自我陶醉 2014-05-23 08:45:44
法子兄, 你對投資股市嘅造勢, 的確比我想像的要高。
92. 引刀一快 2014-05-23 08:51:16
To 法子

唔好講咩雙軌制,你玩呢D嘢係不君子行爲,只不過你揀嘅人未注册賬號啫,做人厚道D、磊落D,你喺借屍還魂嘅過程不斷明示暗示你就係舊日嘅笑爆咀,我唔知你講雙軌制就可以扮人係咩理據,我只知道就算搵到法律隙嚟整人,都係不道德。我夠知道83樓唔係真正笑爆咀,如果佢利用呢個名嚟玩弄笑爆咀,一樣係唔啱。
93. to88 2014-05-23 08:51:19
你咪踢爆83啦,咁即係話83同ch係引刀扮....
94. 引刀一快 2014-05-23 08:57:18
To 法子

你可以查找記錄,我從未對笑爆咀有幫口、搭嘴、支持,因爲佢閙人唔帶理據,一味話人三傻,冇內容,俾人狂插我亦欲救無從。我同自我陶醉係少數派,但係幾時都冇打茅波。
95. 小陽 2014-05-23 09:03:46
引快兄,
網上可愛之處係著重論點,不是誰說的,所以支持誰,抱住真理愈辨愈明觀念,在這台必有得著。不要追求誰是誰
96. 引刀一快 2014-05-23 09:07:51
To 自我陶醉兄

我真係跌眼鏡,平日佢咁多嘢寫,我冇諗過佢會執個咁嘅空子嚟玩嘢,猜錯係因爲笑爆新咀出現嘅時侯,順生冇咩發聲,所以估係佢,冤枉咗佢我已經道歉。

我好慶幸我同你都係類似嘅風格,雖然成爲少數派,千層浪裏能翻身,冇出茅招。
共勉之!哈哈哈哈
97. 引刀一快 2014-05-23 09:10:31
To 小陽

如果妳冇上一排,有人用你名發帖自爆係黃夏蕙,妳就知道係咩回事。
98. to92引刀一快 2014-05-23 09:14:21
你都係立場問題啫,你响呢度寫咁耐嘢從來無人認同同過你。你見人地寫嘢有人認同,眼咪紅囉。每間公司裡面都有你呢種人,靠踩人講人去想人地話你勁,但一般都唔成功。你見人唔露面都有咁多人讚,唔反醒自己,去眼紅人。上面醉兄都踢爆你啦,扮83笑爆咀去話人扮笑爆咀幼稚。仲有,法子兄說出了重點,你個人只當你自己腦裡的是正確,其他人一律要受你教育。你根本不是討論,你這點不改,只會每日同人拗。
99. CH 2014-05-23 09:15:09
我唔係引刀一塊,我只係都覺得係有人借屍還魂玩野,我無評論過道德問題,我覺得無咁嘅需要去,呢度又無規定話一定要認證身份,我講過,香港地,只要唔犯法又無蝕底嘅野就總會有人做,道德?用把咩尺去度?
100. to96引刀一快 2014-05-23 09:17:01
唔好拉埋醉生落水,係醉生踢爆你的。
101. 自我陶醉 2014-05-23 09:19:11
法子兄, 唔好意思, 係“造藝”先真。證明我都係你粉絲. 有留心聽書喎。

102. 自我陶醉 2014-05-23 09:31:02
引刀兄,無謂拗喇, 小事啫, 我哋繼續做反對派便是。
103. to97 2014-05-23 09:32:29
你仲唔明人地個例子,小陽唔想吸2手煙,所以咪去咗非吸煙區囉。

而你就成日話人地响吸煙區吸煙,噴2手煙係唔道徳。你係咪思維有問題?

你有無想過,笑爆咀自己點解唔註冊?甚至笑爆咀即使响3傻時期也唔只一個人?很多人只中一時睇唔過眼想留幾句,很多是都用,過路、路人甲、阿丙等寫在我的稱呼一欄。那班人如果介意別人用這名,應該走去註冊。難道有人用過"路人"這名,以後就不許其他人用?

你有這觀點是你被你的立場影響了,你眼紅人受歡迎。你現在心裡不認為是這樣,因為你的立場不同。用法子的話就是你打從心底覺得自己啱,但雙方也是呀。
104. 小陽 2014-05-23 09:32:58
引快兄,
那麼我用第二個名囉!夏惠E後生都靚,是旦啦!我都知大家原則不同,對我來說,這是ok的,因為佢真係冇註冊,copyright 呢D野你係大陸都明啦
105. 引刀一快 2014-05-23 09:36:27
To 98、100 兩個“忍者”

你地講呢D嘢係冇用嘅,渴望要支持的話,唔駛喺呢度 一個打十個,你無名無姓大喇叭,分分鐘就係分身。
106. 自我陶醉 2014-05-23 09:48:07
To 98/F

唔係呀, 引刀兄好多見解都有point.  你又係邊位呀, 名都唔敢出!
107. 小陽 2014-05-23 09:51:19
自醉兄,
昨天我跟你一樣,也是認為low interest rate cannot help to improve labor participation rate . U know I know , but why yellen does not know ? 

 I think she knows everything . She set this mission impossible as a main  target , so that  she can hv an excuse to enjoy low rate environment in condition that inflation rate is Lower than 2% . 
108. 引刀一快 2014-05-23 09:54:34
To 自我陶醉兄

呢個人好熟,考慮事物永遠係“眼紅人地、心黑”,而佢又冇“主體”,呼之欲出.............
109. 自我陶醉 2014-05-23 09:55:40
小陽, 我依家要離港, 回來再討論。
110. to引刀一快 2014-05-23 09:58:05
這的而且確是雙軌制的原意。

就好似我現在用了To引刀一快,我唔會介意別人也用,這是為 quick reply 而設。至於打算"長遠用同一個各"的用戶,就會用第二軌註冊用戶。所以小陽用了註冊用戶,不會出現你說的情況。

你唔夠人講,就話"你講呢啲無用"。你都幾丁蟹。

唔怪得你自稱可以一個打十個啦。

你嚟這個網站,係因為你咁丁蟹,去到高登嗰啲討論區,班人唔斯文,下下丙獲勁嘅你。呢度啲人斯文啲,你可以玩丁蟹。珍惜香港、小陽佢地又同你講道理,令你以為自己好好打。

你唔好拉埋自我陶醉一齊,你睇下人地好有建設性,發覺啱 point 嘅就去同法子討論股票。這令你更眼紅,對不對?
111. 亮劍 2014-05-23 10:01:19

我睇二手一樣過百,有冇錢買都睇,有冇心買,都睇-----

我之前咪講過,弍拾幾年前我有一个老友係地代老闆?好多時佢閒着冇事,就帶我睇下D 2 手樓盤,同埋講下拒嗰行係點運用「技巧促成交易」,例如揾我做媒扮買家,同三心二意嘅準買家搶貨。

自住屋,一定要自己睇過,投資就可以只睇戶型-------

如果你去買樓花的話,咪又係隨手督件?咁都係憑感覺買貨啫!

如果你肯住一間未入過去未睇過嘅屋,點解你睇咁多二手---------

我不斷強調,你如果無乜買樓經驗,唔係太熟悉嗰個區,咁一定要揾盲公竹,你都知我係八卦公一名啦,那親朋好友叫到,我好多時都自動請纓去幫下手,一來同地代混熟,二來可得知真正行情,真心講句你求其走入一間代理行,又求其揾個三唔識七的地代幫手揾樓,佢點解會同你真係「盡做」?

二手睇得多,我就更肯定呢點,戶型坐向一樣,入屋感覺可以截然不同,就算九折,如果冒險我一定唔制,投資睇數字,自住講感覺,而且特別係女人嘅感覺,一定要照顧-----------

呢個當然是阿媽係女人的真理啦,其實呢一排你都睇唔少樓啦,咁請問睇得上眼又價錢合理嘅交吉盤有幾多個先?

 

112. 引刀一快 2014-05-23 10:22:12
To  110樓

我知道你係邊個,駛咩咁鬼祟,你對人嘅分析正好反映你嘅內心世界,你唔係一個講邏輯嘅人,我一路當你係正方嘅笑爆咀。
113. 小師妹 2014-05-23 10:27:51

呢個世界有d人習慣用"爭執"同其他人溝通,態度無禮就話自己只不過係"真"同"誠實",遇到反對佢論點o既人就玩針對,見他人受支持愛戴就估人地飄飄然...酸溜溜的...

114. 蜕变中嘅懶人 2014-05-23 10:28:55

懒人今早睇番先知場面非常墟冚,各位網友以不同角度,熱烈討論法子兄变身笑爆咀兄問题,講真,我真係好落力玩笑爆咀,又俾笑爆咀玩到幾乎思覺失調,到而家揭盅後我覺得非常開心,也許懶人真係法子兄忠實FANS,冒俾人再話馬屁精都要利申。

其實懶人覺得笑爆咀嗰稱呼,可以想像係開心化裝舞會中一塊乞人憎嘅面具,有個乞人憎嘅人戴住嚟玩咗一餐,無乜人理然後行開咗,之後番嚟再玩一餐,啲人發覺呢次乞人憎嘅動作風趣同得意咗好多,在眾人大惑不解之際,乞人憎面具揭開,原來唔係原先乞人憎嗰個,而係你平日最FRIEND嘅FRIEND,用呢種心情去反應呢件事係咪會大家都開心呢?

115. to引刀一快 2014-05-23 10:31:49
to 小師妹,

Like!尤其嗰句酸溜溜。

(唔好以為我打錯名稱,既然引刀一快咁尊重 copy right,我用了 to引刀一快這個名,但又唔註冊,你地都唔好再用。)
116. to引刀一快 2014-05-23 10:36:06
懶人,

你這樣諗,係因為你本身思想正面,無眼紅症。事情根本就好似你所講咁。是引刀兄自己眼紅症發作和本身個人負能量。

刀兄唔好再問我叫咩名,我叫"to引刀一快"
117. to引刀一快 2014-05-23 10:43:05
這就是為了讓人可以 quick reply的途徑。

要長期留言的,應該要開個註冊用戶。其他討論區,要留言也是要登陸的。是很正常的,這樣用戶名字就係你。

引刀兄是因自己眼紅心魔所驅使,硬把道德高地這攻擊武器推出來。
118. 引刀一快 2014-05-23 10:46:07
To 懶人、小師妹、紅眼忍者

有時有D人做咗唔好嘅嘢,一大班西南二伯父仲簇擁追捧,又真係幾令人髮指嘅,呵呵呵
119. 大寶二寶 2014-05-23 10:50:08
真亦假時假亦真
假假真真最難分
真真假假好冇引
徦後變真確難忍

共勉之, 哈哈!

引刀兄何必咁執著呢!
120. 子婷 2014-05-23 10:56:35
哈哈~

小妹建議這個網頁加做一個「最底」制。
121. 子婷 2014-05-23 10:58:14
經常都Scroll得好辛苦哦!
122. to引刀一快 2014-05-23 11:08:42
有時,丁蟹理虧的時候,仲會話全世界針對佢,其實全世界係錯,自己係啱。都幾睇少佢。

真係丁蟹到無朋友!
123. 引刀一快 2014-05-23 11:10:44
紅眼忍者,我駛咩問你係邊個吖,不露“主體”,冇主體。你嘅思維方式、謾駡方式咁明顯!呢度有咩可以值得我眼紅?你咩都係以眼紅心黑去猜度人,你已經好充分表露你自己內心世界。
我同自我陶醉一走,就冇人陪你地玩咯,其實我都開始厭,如果冇亮劍同自我陶醉,我早就唔玩,好似你咁冇邏輯嘅人,同你講嘢唯一得益就係練打字,小師妹指控人從來都係冇理據,又係笑爆咀之流,小陽呢?偶有獨立思想,但係平時係派系尖兵,小女孩。珍惜香港兄嘅技巧會高D,可以文鬥一下。
我嘅提問冇回答,係因爲正方回避,回避係一種回答形式,呢點我清楚得很,我指出法子嘅不是,即刻成村人岀嚟回應,呢個又係一個答案嘅形式,呢村人回應嘅內容態度,亦係一個答案。
124. 引刀一快 2014-05-23 11:13:58
To 119樓 大寶二寶兄

如果我唔執著,呢度邊有咁多嘢玩吖。

共勉之!嘻嘻
125. 小陽 2014-05-23 11:15:08

派系尖兵,小女孩---- what is 派系尖兵?

needle inside cotton pad ?

126. 大寶二寶 2014-05-23 11:17:16
子婷師妹

你可以用版面內“所有回應” 呢個funtion, 開左後想睇边段回應, 一 click 落去就直接去到果段, 吾使scroll 架。

共勉之, 哈哈!
127. 引刀一快 2014-05-23 11:19:41
To 小陽

唔係話妳綿裏針,係當有對壘嘅時侯,妳好熱血第一個跳出嚟捍衛正方。
128. to引刀一快 2014-05-23 11:22:29
to刀兄,

你雙重標準喎,你成日話要尊重人個名。我已經用咗我個名,你又輕視我個名。但你套落法子兄的道德標準又相當高。

你話我唔用真名,難道你又用緊真名?你姓引刀,名一快乎?

旁人個個都看得出你是眼紅症。
129. 物業初哥 2014-05-23 11:24:33
to 41亮劍兄

又學到野!完全認同睇樓係走馬看花,我睇樓時都係先睇廳望到D咩去決定盤既質素!

130. Alan Pepper 2014-05-23 11:28:42
Very simple logic here. Person who buys a property at 30 has a mortgage of 20-30 years. Person who rents at 30 have rental payment of 40 to 70 years. The longer you live the longer you pay. Unless you wish to end your life at 50 or 60. 
131. 物業初哥 2014-05-23 11:32:02
真所謂真金不怕紅爐火,法子兄歡迎回歸!
132. 小師妹 2014-05-23 11:34:10

To 123 引刀一快

"小師妹指控人從來都係冇理據,又係笑爆咀之流"

你睇番你自己寫o既嘢就搵到你所謂o既理據, 話我係"笑爆咀之流"乜我有無端端話人傻, 講親嘢都鬧人?

係鬧人o既同時唔該你都諗諗自己係咪啱晒啦 !

133. 引刀一快 2014-05-23 11:52:22
To 小師妹

妳即係叫我自己搵理據鬧自己?妳連搵理據都懶,咁我話妳閙人冇理據,係咪好有根據呢?
134. 子婷 2014-05-23 11:53:45
謝大寶兄。
子婷經常只是refresh同一個page呢。
這樣的長度的確是從「所有文章回應」那邊再跳過來比較方便呢。
135. 蜕变中嘅懶人 2014-05-23 12:07:26

TO 引刀一快兄

懶人其實好欣賞引兄嘅風格,兄台提到唔想再留言,我就忍唔住想挽留引兄,堅毅不屈地提出理據去支持同說明自己嘅論點,唔係容易嘅堅持,古有天文學家咖利略係典範,懒人靜觀引兄同醉兄與各網友前輩嘅高階辯論中,自問獲益不淺,有助擴濶懶人嘅低階思维领域走向高階,係良師益友,缺少有分量嘅智者以反方向提出意見,將令呢個網站失去光采,係極度可惜,盼望可長期見到引兄留言。

136. 引刀一快 2014-05-23 12:11:42
To 130樓 Alan Pepper

Very simple logic here. Person who buys a property at 30 has a mortgage of 20-30 years. Person who rents at 30 have rental payment of 40 to 70 years. The longer you live the longer you pay. Unless you wish to end your life at 50 or 60. 

有幾個好重要嘅因素你忽略咗
1,依傢樓價高,合理價位入市當然好過租。
2,首期,對好多人嚟講唔係小數目。
3,攞住份首期亦可以做投資。
4,要考慮冇錢供樓嘅情况,比冇錢交租慘得多。
5,好多人份租唔駛自己出。
6,2047-6-30係好多樓盤嘅地契到期,你今日點知30年後會點處理?全部交50蚊續期50年?
需知到時政府有權回收不予續期。
137. 順民 2014-05-23 12:13:34
各位高人﹐在下在此博客參與討論以來﹐從來是行不改名坐不改姓﹐但昨晚卻違背了一貫原則﹐但僅此一次下不為例。無錯﹐83F就是在下﹐其實當時已很快被引刀一快兄戳穿了。在下一向是和引刀兄意見不同﹐但今次也不得不讚賞其直率敢言﹐沒有盲從附眾隨波逐流﹐以上是真心直言。在下愚見認為一個言論自由的討論區應維持百花齊放﹐參與者皆擁有獨立思想地各舒己見﹐這才符合言論自由精神。不搞幫派﹐不樹立偶像﹐同時態度戒驕用忍﹐不卑不亢﹐因驕兵必敗也。在下拜訪此博客的目的只為抱著學習精神﹐同時也欣賞湯博士的無私教誨﹐因他確實沒必要無條件放錢入別人個袋﹐很多時教精你還要比你鬧。如有一日當在下發現此處不再屬於是一個能學習得益的地方時﹐自當無聲離去。人生到處知何似﹐應似飛鴻踏雪泥。過一兩日便完全無人記得你了。
138. 小陽 2014-05-23 12:14:31
引快兄
唔係喎,我上網睇係童子軍,我都話左我係師奶囉!童軍衫我著會肥得制爆樓。

我唔係屬於任何派系,呢度師兄個個幾疊樓,我得衫樓,請問有冇驚青師奶派系?我都唔係全面睇好樓市,其實香港係有危,例如香港會計師核數資格,好多好多嘢.等自醉兄返來再講。

法子兄,
Welcome back!!! 你的精神不會因他名而消失,我一早估到啦! haha , 
139. nobody 2014-05-23 13:11:29
補地價/地稅呢家野,以只要政府唔係太蠢,多數都會學外國政府暗中整高佢(重要累進式)然後年年收,政府再用土地收入照顧窮人。當然,如果D官諗住中飽然後著草,咁就會搞一次過。

140. nobody 2014-05-23 13:17:41
其實<21世紀資本論>都印證點解英澳紐樓市咁高,因為D人根本唔只用人力資本買樓,仲有好大部份係過去累積既資本(而呢D資本回報往往好過人力),即係由以前賺落既錢再夾落去買,係外國華人呢D叫做"姻親房"。
當然,其實香港D新樓咁貴都有人買,好可能都係上一代夾錢買比仔女結婚既"姻親房"。
141. 引刀一快 2014-05-23 13:20:11
To 順民兄

大家曾經非理性文鬥,我亦知道好大程度係我曾經喺大陸熟悉程度呢個問題,驕縱過度露狂態,引至日後大家嘅論戰都帶有相當嘅個人情緒,變成論壇冤家,呢點我承認我要負上大部份責任。
我對大陸熟悉嘅自負,唔係因爲我喺大陸有幾多得著,反而係因爲吃過太多苦頭,經歷過太多凶險,呢D點滴在心嘅積累,一有機會發表展示嘅時侯好容易缺堤失控。
今後你有理據,千祁唔好同我客氣,我有理據亦唔會對你留手,希望可以去除情緒成份,以理相搏,所謂真理越辯越明,先要除去眼前心障。
142. 引刀一快 2014-05-23 13:34:53
To 小陽

“喻工作上走在前面的人”呢個係尖兵喺百度上嘅解釋,亦係我見到最常用嘅解釋。

話妳係派系尖兵,因爲好多時俾妳激到彈起,覺得妳嘅行動快過妳嘅思維。
不過,有時妳又真係會喺中立角度諗嘢。
143. 引刀一快 2014-05-23 13:45:59
To 139樓   nobody

 呢D係靠估,33年後點處理今日無從估量,知唔知大陸嘅補地價就係財富分配手段之一?而且會係今後嘅大方向。


144. 小陽 2014-05-23 13:50:57
話妳係派系尖兵,因爲好多時俾妳激到彈起,覺得妳嘅行動快過妳嘅思維。from引快兄

如果我真的行動快過思維,我一早買左幾疊樓,唔使打工。不過我地呢D師奶係嘈D,正如我老公講死剩把囗。
145. 深深體會 2014-05-23 14:02:07
深深體會到何謂「一石擊起千層浪」。
從各人的觀點及回應,明白人之可稱為人,是因為會在同一事件中,
經過不同人的推敲、消化、反思及沉澱後,塑造出我思、我見及我行。

146. nobody 2014-05-23 14:15:09
大陸通常係集中資本去小部份人手上發展經濟,過去係,未來多數都係,除非返去老毛時代,但唔好諗住對窮人有好處。
其實QE就係令錢集中係credit worthy既人手上等佢地再投資去令經濟增長。
比錢李嘉誠,唔會有通脹,比錢窮人,佢地好快會用左,通脹即來.


147. 蜕变中嘅懶人 2014-05-23 14:23:57

TO 引刀一快兄

兄台以一敵百雄姿,猶勝當年諸葛亮舌戰儒,懒人性偏柔弱,萬萬無此魄力,讚嘆之餘謹以兄之大名送打油詩一首表敬意,請笑纳。

引電呼雷逆撲風

刀風劍雨避無從

一往無前皆衛理

快人快語真英雄

148. 順民 2014-05-23 14:45:24
引刀兄﹐翻看之前留言才知道你原來因為那幾日少見在下發言才懷疑係我。其實那幾天看見Alan, 亮劍﹐自醉﹐小陽等幾位圍埋講緊一些高深經濟理論。好似發鈔﹑通脹成因及如何提升香港未來勁爭力等等﹐這方面在下是一個完全門外漢﹐除了企埋一邊學嘢之外﹐點敢搭嘴 ﹖以在下這一介小民﹐顧掂自己盤經濟已經萬幸了。在下無打算同你客氣﹐應讚得讚﹐應彈就彈﹐你都係。
149. 亮劍 2014-05-23 15:27:26
珍惜香港TO:亮劍

要 SHARE 得 USER FRIENDLY 啲嘛!閣下最近 SHARE 果兩段片都幾好睇:

施凌:樓市剖析


Mike:貨幣系統


BY THE WAY,順民兄,我亮劍誠意推介你細看呢兩條影片
150. Peter Paker 2014-05-23 15:39:26
C類住宅空置率急跌
2011  7.7%
2012   6.1%
2013   4.5%
C類空置係1993年後的新低

B類住宅空置率今年3.6%,係88後的新低
B類空置歷史新低係88年,2.7%

如果我係租客的話(唔係公屋租客),今日應該會好驚

btw,B類私人住宅佔總存量的49%,截至13年12月31日
151. 法子 2014-05-23 15:53:25


懶兄:

同一幅圖畫,有人看到少女,有人看到女巫,因人而異。你凡事也向好的角度看,是你的福氣。

同一件事物,有不同的看法,經常出見。所謂,一念天堂,一念地獄。

自我陶醉兄:
哈!造詣唔敢當,我覺得我自己從未炒過股。我記憶中,我從未試過持有一支股票少過兩年。我唔敢炒因為我唔識炒。我只識,覺得一支股票「低買」的時候,就買入並且持有。

145樓:
你講了我想講的說話,唔該哂。

引刀一快兄:
其實,也不用把某人定型做「正方」或「反方」。也不用把你和自我陶醉兄說成「少數派」。我看重一個人說話的「內容」多於「誰說這話」。如果一個壞人說的point係好,我會同意。相反,自己朋友說的無point,我會提出反對。你覺得對不對?

例如,個個以為我和亮劍和PP是「同一伙」。我們有個 whatsapp group,每日過千字討論唔同 topic。我和PP試過就關於證監對上市公司的角色上的意見不同,拗到「出哂血」。

也試過跟亮劍討論香港學制而「你死我活」。

但我們反而越來越尊重大家,感情越來越好。好感激他們!

說話「內容」比起「誰說」更重要。



最後一點,其實你的才華也不少,這裡較少網友認同你的原因,我相信唔單止係「意見不同」這麼簡單。

人只要不要「心存想人唔開心的念頭」,對方是會感覺到的。
152. 法子 2014-05-23 15:58:54
再回145:

塑造出我思、我見及我行。

危些走漏眼,你到了這境界。

exactly,人,從來知明白過這個世界。明確的只是我思、我見,故我行。

這就是「我對你錯」的根源。
153. 法子 2014-05-23 16:13:58
回引刀一快兄,

其實在這寫文,大家都唔係為錢的,咁為咩?

交一個朋友,好嗎?不交也已交...

154. 法子 2014-05-23 16:15:58
回 「To引刀一快」兄,

我估你係姓「杜」的,名「引刀一快」。講笑,不要見怪。
155. 亮劍 2014-05-23 16:21:23

引刀同法子兄---我有一次同 PP 爭議『香港應否實行補地價分期支付』呢個議題,足足激烈辯論幾粒钟!

有質素的好對手唔係咁易揾呀!

156. CH 2014-05-23 16:23:59
“心存想唔開心嘅念頭“,一般都係透過“人身攻擊“反映出來,手法不外乎謾罵同埋挖苦。如果真心想以事論事,唔係針對人,最好盡量避免呢兩樣野。咁樣,一個高質素嘅討論空間先得以繼續落去。我自己都提醒自己言語上要盡量剋制,仲學習緊。
157. 法子 2014-05-23 16:31:02
阿王,

咁即係我同你粗口都出埋,都唔夠激。哈!哈!
158. 法子 2014-05-23 16:33:33
CH,

甚是!大家也在學習中。

而且,練「投資」,就是練「心境」。

人心地不好,心境也不會好,投資也不會好。


159. To 158 2014-05-23 16:40:55
法子哥, 我不是上面那位杜先生, 尋晚 say 完 hi 之後現在才上網. 我對真和非真名沒有意見, 可能俾人呃得多吧, 都沒所謂了. 只是, 早幾日笑先生有一回應曰其家人也是放在荃灣, 本人對勾起其不快回憶想講聲抱歉.
160. 惜緣 2014-05-23 16:43:41
一齊分享以下的金石良言:
「發上等願、結中等緣、享下等福;擇高處立、尋平處坐、向寬處行。」
161. 亮劍 2014-05-23 16:45:18

法子兄----

好多還未上車慨人成日想小業主福佳含包散,最好香港個個月發生沙同乜流感;中國發生內戰或同周邊國家大打出手;美國利息加到拾幾厘;總之小业主日日有人燒炭、跳樓及割脈拒哋就心涼-----

如此這般一個充滿負能的人,好運怎會降臨到他們的頭上?

162. 法子 2014-05-23 16:55:57
回159:

你是hi?真幸會。不用太客氣,不用太介意。

以後多啲傾計。



159. To 158 2014-05-23 16:40:55
法子哥, 我不是上面那位杜先生, 尋晚 say 完 hi 之後現在才上網. 我對真和非真名沒有意見, 可能俾人呃得多吧, 都沒所謂了. 只是, 早幾日笑先生有一回應曰其家人也是放在荃灣, 本人對勾起其不快回憶想講聲抱歉.
163. 引刀一快 2014-05-23 16:56:40
To 法子兄

心存想人唔開心的念頭” 對方是會感覺到的。
呢樣正正就係你提出嘅哺乳腦嘅真緒,呢樣嘢相當屈人,以前有個心理學者叫顧修銓(音),就係成日話:“其實你唔係咁諗架,你以爲你自己係咁諗之嘛!”
屈得我最多呢,係nobody,總之我唔係眼紅,就係心黑,大家日日睇見呢D講法,我就用最簡單嘅心理名詞表達“積非成是、潜移默化”
我諗,喺呢個論場,既然你地都話唔好計較咩名字,咁我亦建議,唔好靠直覺判斷人地心態,一切以文字作準,一切理據憑文字推敲。如果你地覺得話樓市睇跌就一定係出心想人倒霉嘅話,咁係好易解釋,呢D係派系心態。
164. 法子 2014-05-23 17:01:44
回161 亮劍,

正如上面所講,大家處境不同,看同一件事有不同看法,是正常的。

但想對方「死」,從而得到開心,這開心其實不是真開心,很短暫,而且有副作用,因為有業力。

這是我經常說的,「心唔好想別人唔開心」,別人會感覺到的,別人感覺唔到,自己也感覺到,自己感覺唔到,業力也會發揮作用。
165. 法子 2014-05-23 17:06:17
引刀一快兄,

講正經事要緊。

「前有個心理學者叫顧修銓(音),就係成日話:“其實你唔係咁諗架,你以爲你自己係咁諗之嘛!」



這是我多年研究的「其中一點」(其中一點咋,仲有好多正嘢。)你响邊度睇到?可否send link,謝!
166. 法子 2014-05-23 17:13:48
這是我在152提到的是異曲同工。

例如,我地以為自己是「看見物件」,其實我們看見的是「哺乳腦寫畀我地的 report」。

我地「以為自己睇淡後市」,其實也是睇緊哺乳腦寫畀我地的 report。

哺乳腦不少引導我們,這點很多研究已經指出。

但我未見此過有報告,哺乳腦引導我們的法則。

於是我就歸納了52種認知偏見,得出「直線慾望」(自創的,外面沒有)。解釋了投資時,我們常見的錯誤行為。

有機會和大家分享。
167. 法子 2014-05-23 17:20:53
引刀一快兄,

你誤會了顧修全的意思。他的意思不是指外部的人誤會一個人。不是別人強把帽子扣在另一個人的意思。這太表面了。

他的意思是,自己誤會自己。即係五蘊。現代科學證實了古代經典提到的五藴。不是指亂扣人帽子的意思。


168. 法子 2014-05-23 17:23:39
引刀兄,

google找不到,你在那裡看見的?
169. 引刀一快 2014-05-23 17:28:14
其實好多嘢都好簡單

1,睇跌,但係大把貨又唔出--長綫投資者,或者係對自己睇法有保留。或者係進取心、魄力唔夠。唔出貨又唔入貨
2,睇跌,--即係對樓市唔睇好,唔敢入市或者唔會入市
3,望跌--即係想樓價跌,想入市
4,唔夠錢買樓又望跌--,想入市
5,冇錢俾首期兼供唔起,又望跌--妄想入市
6,永久性買樓無望,又望跌--絕大部份出于負面心態,少部分係想普渡衆生
7,望升,--入咗市,入夠市
8,睇升,又唔入市--唔夠錢,或者對自己睇法唔夠信心
9,冇錢買兼供唔起第二間屋,又望升--絕大部份係自然心態,極少部份出于負面心態。

以上我所羅列嘅情况,請問有冇需要補充?
170. 蜕变中嘅懶人 2014-05-23 17:30:18

TO法子兄,引刀一快兄

懶人係樂天派,我老婆好多時見我無端端咪咪笑,話我係儍佬,實情係懒人時時諗啲開心嘅事令自己開心,唔覺意笑咗,我好少唔開心,但今次各位網友為咗一塊面具玩意而會爭拗咁耐,有少少心鬱,希望可以互相寬容對方,係懶人嘅祈望。

仲有想請教各位,教懶人點樣註冊,多謝。

171. 法子 2014-05-23 17:33:12
引刀兄,

相信我,「“其實你唔係咁諗架,你以爲你自己係咁諗之嘛!”」

唔係用嚟屈人或者扣別人帽子的。

這句話的意思,就有啲似「他們做的,他們不知道。」但只是有啲似,意義上是不同的。
172. To 168 2014-05-23 17:33:22
我都同啲 junior staff 講, 佢地去考試答題唔一定要識個答案, 而係要令改卷果個相信佢識個答案.
173. 引刀一快 2014-05-23 17:33:39
顧修全呢句名言,如果冇記錯,係黃霑講嘅,我唔係睇網頁查,而係記憶。
174. 法子 2014-05-23 17:38:58
170. 蜕变中嘅懶人 2014-05-23 17:30:18

TO法子兄,引刀一快兄

懶人係樂天派,我老婆好多時見我無端端咪咪笑,話我係儍佬,實情係懒人時時諗啲開心嘅事令自己開心,唔覺意笑咗,我好少唔開心,但今次各位網友為咗一塊面具玩意而會爭拗咁耐,有少少心鬱,希望可以互相寬容對方,係懶人嘅祈望。

仲有想請教各位,教懶人點樣註冊,多謝。

--------


你天生就往好處想,這真的是你的福氣。這樣一來,任何事情你都只有一個結果,就是開心。相反的話,別人明明唔係害你,你也從壞處去理解,就永遠都唔開心。其實都無咩爭拗,何來?

你 send 個 email 去 admin@property.hk 就可。
175. 法子 2014-05-23 17:40:35
引刀兄,

謝謝!

那時黃沾如何解讀這句話的意思?他能正確解讀嗎?
176. 法子 2014-05-23 17:43:16
引刀兄可否講多啲關於這句話的來歷?謝謝!

我知道打擾了,但這句話很重要。顧生果然係心理學專家!
177. 引刀一快 2014-05-23 17:43:17
To 懶人

info@property.hk  我係搵呢位幫手嘅。


178. 蜕变中嘅懶人 2014-05-23 17:45:42

TO法子兄

唔該晒。

179. 引刀一快 2014-05-23 17:46:29
To 法子兄

其實當時黃霑就係譏笑呢D係模棱兩可嘅心理辯解,係好多年前,電臺聽到定係電視睇到,我都唔敢確定。
180. 蜕变中嘅懶人 2014-05-23 17:47:55

TO引刀一快兄

唔該晒。

181. 小陽 2014-05-23 17:47:57
To 引兄,
睇跌並巳沽貨
睇跌並己沽自住樓
182. 法子 2014-05-23 17:48:11
懶人兄,

welcome。引刀兄那個應該也可以的。
183. 引刀一快 2014-05-23 17:52:06
“其實你唔係咁諗架,你以爲你自己係咁諗之嘛!”

當時語氣,係話佢呢種講法,辯證無從,信唔信自己揀,年代久遠,我嘅記憶已經最大程度挖掘出來,再多的話,你就要考慮我記憶扭曲、變形嘅可能性。
184. 法子 2014-05-23 17:53:07


可惜、可憐!


可惜的是沾淑可能一時誤解了顧先生,照字面解就梗係矛盾、都唔知想講咩。
他是想帶出類似五藴的概念。

可憐的是顧先生,越是天才,越無人明白。




179. 引刀一快 2014-05-23 17:46:29
To 法子兄

其實當時黃霑就係譏笑呢D係模棱兩可嘅心理辯解,係好多年前,電臺聽到定係電視睇到,我都唔敢確定。
185. 法子 2014-05-23 17:57:26
回183引刀兄,

好感謝你讓我知道這事。

相信我,真係唔係扣人帽子的。顧先生是想帶出一個概念。

我知道我說的有點怪誕。對不起。
186. 法子 2014-05-23 17:59:51
“其實你唔係咁諗架,你以爲你自己係咁諗之嘛!”

這句說話,說明了重點。
187. 引刀一快 2014-05-23 18:01:42
其實好多嘢都好簡單

1,睇跌,但係大把貨又唔出--長綫投資者,或者係對自己睇法有保留。或者係進取心、魄力唔夠。唔出貨又唔入貨
2,睇跌,--即係對樓市唔睇好,唔敢入市或者唔會入市
3,望跌--即係想樓價跌,想入市
4,唔夠錢買樓又望跌--,想入市
5,冇錢俾首期兼供唔起,又望跌--妄想入市
6,永久性買樓無望,又望跌--絕大部份出于負面心態,少部分係想普渡衆生
7,望升,--入咗市,入夠市
8,睇升,又唔入市--唔夠錢,或者對自己睇法唔夠信心
9,冇錢買兼供唔起第二間屋,又望升--絕大部份係自然心態,極少部份出于負面心態。
10, 睇跌並巳沽貨 --望跌
11,  睇跌並己沽自住樓 --亟待大跌

以上我所羅列嘅情况,請問仲有冇需要補充? 



188. 引刀一快 2014-05-23 18:06:59
To 法子兄

我又諗番起,當時顧修全有賣報紙分類小廣告,搞潜能開發果類班嘅,係同一時期。
189. 惜緣 2014-05-23 18:09:20
法子兄、懶人兄,
我亦是樂天派人士, 很容易開心及滿足, 永遠會因已擁有的半杯水而開心, 不會因未擁有那另半杯水而不開心, 有時聽到一首好聽的歌都已經很感恩了.
190. 引刀一快 2014-05-23 18:17:44
To 法子兄

其實顧修全呢句話,我唔敢話我叫聽得明,但係我相信我同黃霑其實都有自己嘅諗法,霑叔佢老人家嘅我唔敢代言,我嘅諗法係,我都唔知我嘅真正諗法,而你知,會唔會係:其實你唔係估我咁諗架,你以爲你咁估我之嘛。
191. 法子 2014-05-23 18:26:52
引刀兄,

明白你的解法。但還是涉及兩個人。互相之間的「對對方的理解」。


而我的就只有一個人,是自己給自己的(哺乳腦)呃了。亦因為這誤導,有認知偏見。在股票市場上出現「輸多贏少」這結果。
192. 法子 2014-05-23 18:29:25
惜緣,

你就梗係知啦。平時同你 whatsapp 都知。你信不信佛?
193. 惜緣 2014-05-23 18:34:47

法子兄,

信, 我家裡拜觀音的.

194. 法子 2014-05-23 18:35:56
引刀一快兄,

對不起,我知我的說法有點怪誕。
195. 法子 2014-05-23 18:36:50
引刀一快兄,

對不起,我知我的說法有點怪誕。
196. 引刀一快 2014-05-23 18:41:59
To 法子兄

非也,也是個人的問題,顧先生口講出對他人想法嘅估量,佢又點知係咪佢自己真正諗法?如果佢對自己嘅思想意識加入修正,其實佢嘅思想系統已經出現可見与不可見,感知与無感知嘅變化,佢又如何肯定“他口自他心”?
197. 法子 2014-05-23 18:48:50
你總結得真快!
198. CH 2014-05-23 19:15:21
拜觀音可不代表信佛呢。信佛最終目的係離苦得樂,要理解佛教的宇宙觀,修習自己的心性,我自己認為,係一個“感受“,“思考“,“抽離“,“整合“,循環不息,提升自身的一個過程。純粹個人體會。
199. 引刀一快 2014-05-23 19:21:05
不盡然,其實可能當年霑叔講嘅嘢,已經係一個啓蒙,喺我內心已經萌芽到依傢,好耐架喇
200. 引刀一快 2014-05-23 19:25:32
其實好多嘢都好簡單

1,睇跌,但係大把貨又唔出--長綫投資者,或者係對自己睇法有保留。或者係進取心、魄力唔夠。唔出貨又唔入貨
2,睇跌,--即係對樓市唔睇好,唔敢入市或者唔會入市
3,望跌--即係想樓價跌,想入市
4,唔夠錢買樓又望跌--,想入市
5,冇錢俾首期兼供唔起,又望跌--妄想入市
6,永久性買樓無望,又望跌--絕大部份出于負面心態,少部分係想普渡衆生
7,望升,--入咗市,入夠市
8,睇升,又唔入市--唔夠錢,或者對自己睇法唔夠信心
9,冇錢買兼供唔起第二間屋,又望升--絕大部份係自然心態,極少部份出于負面心態。
10, 睇跌並巳沽貨 --望跌
11,  睇跌並己沽自住樓 --亟待大跌

以上我所羅列嘅情况,請問仲有冇需要補充?
201. 惜緣 2014-05-23 19:58:23

To 198/F CH兄,

因我媽媽、弟弟、弟婦、妹妹已經吃齋學佛很多年了, 受他們的影響, 我也慢慢開始信佛,但我老婆是拜觀音的, 所以我也每朝跟我老婆一起拜觀音, CH兄你講得啱, 拜觀音可不代表信佛, 但我認為應沒有沖突的, 所以我覺得無所謂, 一切隨缘.

 

202. to 193 惜緣兄 2014-05-23 20:31:49

拜觀音不等於信佛。佛教講求正心和正念。世事萬物的發生,都是"緣起",是很多的外在因素互相配合的情況下才發生,但並不是恒久不变的。因此,我們要不喜不悲的看對每一樣事情。因為世間萬物不斷在变。同時,我們要修正自己的心,以達致利己利人。佛教博大精深,我剛在學習中。僅以点点共勉之。

203. CH 2014-05-23 20:37:31
惜緣兄,多謝分享,只是法子講到佛,我才口多說一下,不要見怪。
204. 惜緣 2014-05-23 21:10:57
To 202/F.203/F CH兄,
多謝你们的提點,大家都是有緣人,所以現實中我们要盡量做到不執著,互相包容不同意見,互勉共嬴。
共勉之,謝謝!
205. 蜕变中嘅懒人 2014-05-23 22:20:07
TO 各位網友,大哥,大姐,前輩
懒人睇晒你吔嘅留言,直頭唔明你吔講乜,但係氣氛就非常好,咁就完全感覺到。
懒人無野講因我唔明,懒人有睇又想知故我在。
唔夠班就唔明,唔明唔緊要,最緊要有自知之明。
206. 大寶二寶 2014-05-23 23:04:11
小弟年資淺,嘩!二佰幾個留言, 是否史無前例?有排先吸收哂各師兄師姐嘅高見。

共勉之, 哈哈!
207. 順民 2014-05-23 23:28:32

多謝 149 亮劍兄推介的兩段 link footage ﹐現在才剛剛有時間坐定定。

開始細心觀看。

208. 珍惜香港 2014-05-23 23:28:59
珍惜香港TO:法子、引刀一快

我响上面,喺咁寫:

80. 珍惜香港 2014-05-23 00:31:35
珍惜香港TO:法子兄

果然唔喺之前成日叫人做三傻果個笑爆咀。

揭盅之後,好高興,但同時又覺得好可惜

高興嘅,喺法子兄,改咗名之後,一樣咁堅;可惜嘅,喺以為多咗一個正能量。

如果冇咗最後果一行,試問有幾多人,會明白我嘅真正意思?

每一個人嘅理解,喺會唔同;皆因每一個人,除咗有自己嘅立場之外,對我呢個人嘅睇法,亦各有不同。

所以,單憑「其實你唔係咁諗架,你以爲你自己係咁諗之嘛」呢一句嘢,好難知道顧修全嘅真正意思,要睇哂成個前言後語先至可以分析。所以,重點,唔喺响呢度。

慨然喺引刀兄引用呢句嘢去表達自己嘅意思,咁我地要睇嘅,就應該喺引刀兄嘅意思,而唔喺呢句嘢嘅原意。法子兄話,人只要唔好「心存想人唔開心的念頭」,對方喺會感覺到。引刀兄唔認同自己有「心存想人唔開心的念頭」,再加上早排法子兄提過哺乳腦呢樣嘢,覺得法子兄企响理性嘅高地屈自己,於是就引用果句嘢,表達不滿。

不論有心定喺無意,視線被轉移咗,其實喺好事嚟嘅。

不過我要帶出嘅,喺睇人地嘅文章或留言果陣,應該以文意為先,段意為次,句意為後,詞意為尾。如果掉轉咗個重點次序嘅話,就好容易犯上斷章取義嘅錯誤,曲解人意,以至爭拗不休。所以我唔喺好讚成引刀兄用穿插回應呢個手法,特別喺對於我呢種慨念為主邏輯為副嘅文章,閣下好容易犯上呢個錯誤。
209. 引刀一快 2014-05-24 01:09:39
To 珍惜香港

如果冇咗最後果一行,試問有幾多人,會明白我嘅真正意思?

每一個人嘅理解,喺會唔同;皆因每一個人,除咗有自己嘅立場之外,對我呢個人嘅睇法,亦各有不同。

所以,單憑「其實你唔係咁諗架,你以爲你自己係咁諗之嘛」呢一句嘢,好難知道顧修全嘅真正意思,要睇哂成個前言後語先至可以分析。所以,重點,唔喺响呢度。
穿插回應嘅好處,就係回應之餘,對方文體完全,冇抽出删减之虞。
慨然喺引刀兄引用呢句嘢去表達自己嘅意思,咁我地要睇嘅,就應該喺引刀兄嘅意思,而唔喺呢句嘢嘅原意。法子兄話,人只要唔好「心存想人唔開心的念頭」,對方喺會感覺到。引刀兄唔認同自己有「心存想人唔開心的念頭」,再加上早排法子兄提過哺乳腦呢樣嘢,覺得法子兄企响理性嘅高地屈自己,於是就引用果句嘢,表達不滿。
我當然唔認同喇,首先呢句本身係一個負面嘅假定,而且係硬套,如果人地話你心存想人唔開心嘅念頭,你會點?仲要話你真係咁様架,你自己唔知啫,其他人,比如你,又特登猛用呢様嘢嚟做文章,咁結果就係積非成是潜移默化。
不論有心定喺無意,視線被轉移咗,其實喺好事嚟嘅。
講到視綫轉移,你先係呢度嘅第一高手,法子亮劍并列第二。

不過我要帶出嘅,喺睇人地嘅文章或留言果陣,應該以文意為先,段意為次,句意為後,詞意為尾。如果掉轉咗個重點次序嘅話,就好容易犯上斷章取義嘅錯誤,曲解人意,以至爭拗不休。所以我唔喺好讚成引刀兄用穿插回應呢個手法,特別喺對於我呢種慨念為主邏輯為副嘅文章,閣下好容易犯上呢個錯誤。
其他人嘅文可以唔用穿插回應,你嘅就好難,因爲你寫D嘢長,唔係寥寥幾句,最主要好多時成篇嘢寫嘅唔係一樣嘢,一係就簡單回應,認真回應以分段為佳,就算睇果個都會覺得易睇。而且,喺你嘅文章裏面,你D催眠式嘅絃外之音唔少,全文回應會漏好多嘢。不過,如果唔穿插回應,分段回應亦可以。
210. 珍惜香港 2014-05-24 04:40:07
珍惜香港TO:209/F 引刀一快兄

我咪講過,文意為先,段意為次,句意為後,詞意為尾

對於閣下 86/F 嘅回應,我簡短咁覆,唔作詳釋。

關於我話想寫篇叫「移民,即喺忘本」嘅長嘢,喺講不久之前,閣下同自我陶醉兄以及其他留言者辯論移民呢個話題果 陣,我曾經想撐一撐閣下嘅一部份立場,結果唔想煩冇寫。所以我當然知道你冇興趣移民,76/F 裡面嘅「點解唔移民」只喺一個反問。

我對香港嘅信心,喺基於一系列宏觀因素,我之前好多留言都提過,唔再重複。 宏觀因素,都喺理據,你唔可以因為唔滿意我睇得咁宏觀,而話我冇理據;信心,亦唔等於冇部署,而基於信心嘅部署,先至喺正面嘅部 署。

關於收租,都喺果句,之前講咗好多。同上面嘅概念一棣,信心,亦唔等於冇策略,而基於信心嘅策略,先至喺正 面嘅策略。

淡友討論,會感受到一股負能量,一股怨氣,唔單止喺我嘅個人感覺,亮劍兄上面都喺咁話;而「祈求自力更生者損手爛腳,去餵飼發聲之素求一族呢種消極心態」,只喺一個普遍嘅淡友心態例子,指出負能量解決唔到呢個社會嘅深層次問題;但唔喺話所有淡友都喺咁,所以,唔喺划等號嘅硬套。至於閣下,坦白講,你對人地嘅留言意圖,咁先入為主負面判之;話你喺正能量呢個大話,我就真喺講唔出。

2047、臺灣回歸,你可以話喺一個時間問題嘅肯定;但我所指嘅「如果」,喺果啲「點點」,即喺話引申嘅後果,究竟喺負面定喺正面呢個「如果」。好明顯,你睇呢個「如果」,都喺偏向負面

至於李生都勸人咪炒,我都講過 N 次;乜高沽低吸?物業長線投資者,唔喺炒樓

每一篇文章,都有一個主題,睇人寫嘢,喺唔可以逐句逐句咁睇,一定要了解人地想表達嘅主題,然後從外到內了解細節。唔可以因為唔了解人地嘅表達,就主觀咁批判人地嘅意圖;你話法子兄用一個負面嘅假定嚟硬套你,咁請問,閣下又硬套咗我幾多嘢?我諗你真喺要睇睇我果篇一面鏡,好好咁反思一下。

閣下話我積非成是、潛移默化,話我乜乜催眠式絃外之音,又話我視綫轉移,喺呢度嘅第一高手。可能我真喺要檢討一下,點解呢度會有一個留言者,講到我成隻萬惡不赦嘅魔鬼咁。如果我好似你咁火,一定會大發雷霆,逐點反擊;可惜,我同你好唔同;坦白講,我好少响個 MON 面前,嘆一個咁長嘅氣,心裡面即時浮現咗兩個字。

呢兩個字,好 HURT 人,我唔想講,我亦冇嘢再補充。如果你認為,我唔正面覆你,或者覆埋啲其他嘢,就代表咗啲唔知乜乜,你要咁諗嘅話,隨便你,反正你都唔止一次咁話。

記得我曾經為咗避免有人成眾矢之的,煞停一個討論。如非必要嘅話,我諗我唔會再覆你。最後,我好坦白咁同你講,閣下雖然都喺有心人,但亦喺一個切切實實嘅負能量,有時間同 MOOD 嘅話,就深入啲睇多幾次我之前對你嘅所有回覆,好自為之
211. 引刀一快 2014-05-24 07:52:24
To 珍惜香港大師

今次我簡單回答唔載你原文,我唔係負能量,你嘅長文裏面本身就插入咗好多强加人身上嘅指控,就算穿插回應都分分鐘有遺漏。
你成日話叫人有“信心”,唔好如果,你講講樓市繼續升嘅“如果”喇。