地產博客 > 文亮言 返回
瀏覽人次:1967    回應:0
文亮言

物業投資者的壓力是很大

 

湯文亮博士

紀惠集團行政總裁
2024年3月28日

  有老友話有一億元現金,見現在樓價下跌,打算買兩億元物業,問銀行借一億元,問我這個計劃是否可行,我話這並不是是否可行的問題,而是現在做物業投資者的壓力很大,如果頂唔順分分鐘連命乜冇,投資只是情趣,唔係玩命,如果真係要買樓投資,最好不要問銀行借錢,一億元現金買一億元物業都唔得,最好留返兩千萬現金做後備,這才可以安枕無憂。

  老友唔係幾明白,買樓投資,一定要問銀行借錢,這是物業投資的物質不變定律,點解唔問銀行借錢,其實是有理由,現在問銀行借錢的利息似乎唔係咁高,但相對收租回報,幾乎高了一倍,買二億物業問銀行借一億,最好結果就是打和,贏錢是靠物業升值,與買比特幣差不多,似乎唔係咁化算,所以,現在問銀行借錢買樓收租並不是一個聰明的選擇。

  如果有一億元現金,次好的投資方法就是做定存,衰極都有4%年息,每年收息400萬,每日多過一萬,根本使唔哂,不過當樓價上升,就千祈唔好眼紅那些借錢買樓收租的業主,他們被銀行call loan時的壓力,非局外人可以明白,不如諗下點樣每日可以使一萬元仲好。,

  較好的方法就是買八千萬元物業,二千萬做定存,收租有3%回報,定存有4%,每年有240萬租金收入,定存80萬,每年有320萬收入,就算租唔出,每年仍然有80萬做生活費,慳慳地都夠使,倘若樓價上升一倍,八千萬變億六,雖然冇問銀行借錢買樓咁好,但仍然可以享受物業升值樂趣,至於最好的投資方法,老實說,我唔識,或者沒有最好,只有較好或者次好。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼