地產博客 > 資深會員專欄 返回
瀏覽人次:76350    回應:56
資深會員專欄

信仰時代:升市長存?

 

無奈

2017年12月25日

同一天空下(12)信仰的時代:升市長存?


執筆之時,耳邊響起的是多腦河之波,旋律很有節奏感。然而,心中滿是疑惑,中原指數突破165,離170不遠了。印象中,雲在青天水在瓶先生最早在論壇上發表其推算結果。對,就是170!當其時中指在110左右徘徊,170這數字對我來說,連概念都說不上。


是什麼力量將指數推升至此?是信仰!


啡廳大電視正巧播放幾個買家的訪問:信政府不如信自己

信錯政府做錯決定的樓市故事大家已經聽了許多,不用多說。

說到這,心中倒抽了一口寒氣,現在的信仰是不是不信政府?

論壇上有師兄對林鄭寄以重大希望,希望林鄭新政令樓價下跌,不過林鄭的樓市施政落墨稀少,令人失望,有些人甚至認為無料到。


我認為林鄭很聰明,無為中顯現大智慧。


試將眼光一路向西,遙遠的加國兩大華人聚居的城市,大溫哥華與多倫多區域,土地遼闊,根本不存在土地不足問題,邊陲地區或其衛星城市樓價都炒上了天,政府甚麼招都出齊了,包括空置稅,目下樓價正重拾升軌。樓市已經變成一頭狂牛,很難駕馭,可能只有讓牠自由奔馳,直至其氣絕⋯⋯


林鄭當政有兩樣東西少做為佳,一是政改,其次是樓市,講多錯多,做多災難更多。


有誰說得準未來供應有多少?政府的數據是期望,曹操的望梅止渴故事對於等上車的人們已經無法重演。如果政府將地產商所擁有的未補地價土地也算是未來的供應量而告之港人,信任危機會進一步加深。


大家耳熟能詳的適度有為、政府干預市場運作走了5年,結果顯示不能如負反饋般調控市場,相反,正反饋的樓價反彈一次又一次地上演,一次比一次劇烈。好了,現在樓價升勢持續,終點在哪?沒人說得準。


忽發奇想,如果現時撤走辣招,樓價不就很快到了終點?


耳邊音樂沒有停,還是多脑河之波,節奏明顯,只是高低潮比樓市均勻些。



 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 牛市三期 2017-12-25 21:18:03
本港樓市似進入牛市三期。2018至2020年間成交宗數將不斷減少,因政府不肯撤辣。但天價成交不絕,因為不天價不成交。未來三年中原指數將出現如1996年一樣的拋物線上升浪。政府再出辣招的結果,只能磨平上升幅度,而把上升時間向後無限期拖延,大家等跌等到生無可戀。
2. Bos fan 2017-12-25 21:22:12
直接讓他井噴。
3. CD ROM 2017-12-25 22:06:51
無奈兄,沙發小弟就先拿下了~
4. 引刀一快 2017-12-25 22:46:48
無奈兄,小弟只好拿下板凳了
5. 無奈 2017-12-25 22:51:11
CD兄、刀兄:沙發、板凳都是支持,哈哈。謝過了。
6. 無奈!樓價升到班淡友無奈! 2017-12-26 00:51:05
印鈔印到顚。樓價租金同大家樂早餐一樣,加價加完又加。班淡友又唔肯瞓街。無奈!
7. 點醒你 2017-12-26 01:17:25
無奈兄,不是有冇信仰的問題。那怕你打死不信也改變不了一個事實,就是香港樓市正處於一個長期的结構性的Secular Bull Market.大升浪中。

一班學者及專家偏要話香港樓市的升浪是Cyclical,似乎從那裏上升就要跌番起點。一班不學無術的專家,連這次牛市升浪的性質(Secular vs Cyclical)都分不清,所以多年來對香港樓市走向,升幅,及上升的時間的判斷都是錯誤的,而且錯得好離譜。
8. 引刀一快 2017-12-26 07:08:45
嘥氣,工資嚟個大聲浪再講喇,大陸有呀,不過都追唔到樓市升幅,香港?
9. 回引刀一快 2017-12-26 09:25:49

全港收入最高一成家庭 年收入過百萬元。若以家庭為單位,統計處在2017年初最新數字顯示,要成為全港最高收入的一成家庭,月入需要高達8萬元或以上,即相當於年收入過百萬元,而現時全港有16萬個年收入過百萬的家庭。

香港最高收入的這16萬個家庭,足以支撐起樓價。每個家庭買一層樓收租已消化曬未來8年新樓供應。

香港近十年月入超過8萬的家庭激增,主要是金融業太好景。 月收入中位數的那班人,不會是發展商的目標客戶。

所以香港人收入近十年有大升浪,不過集中在金融界。

10. 打工仔 Andy 2017-12-26 11:00:41
無奈兄

好友现在繼續收租, 平平安安過日子 ! 哈哈! 
11. 無奈 2017-12-26 12:57:09
工仔兄,穩坐釣魚臺,看秋月春風,寫意啊。
12. 無奈 2017-12-26 13:00:06
2 樓BOS兄

井噴需要大成交,現在好難見到呢種可能,你點睇?
13. 無奈 2017-12-26 13:05:31
1樓
睇過勢似係咁,只是難估頂。
14. 無奈 2017-12-26 13:10:19
8 樓刀兄,樓價早就與工資脫勾了,全球吸引人聚居的城市均如是,樓價仍續升,看來現正是資金市。
15. 凝風 2017-12-26 13:52:08
支持!好、淡也好~
其實人人有信仰,最難就係想要改變人地想法。
常言道:態度決定高度~
其實有需要改變人地咩!?

時代洪流,適者生存,做好"進可攻、退可守",平平安安過日子~
其實不知幾快樂~

大家聖誕節快樂~
16. CCL 2017-12-26 14:31:36
Admin 不斷有錯別字 可否刪除之前的留言?
17. CCL 2017-12-26 14:32:55
自從大量高質好友離開這網站後 對樓市有真知灼見的人就只剩少許!謝謝無奈兄 凝風兄仍在這裡分享樓市實況~
18. 另一網民 2017-12-26 15:31:06
果條咁嘅波叔 :"高樓價令我寢食難安",聽到真係想講嘔!

真係見識到甚麼係厚顏,語無論次,照吓個鏡自己係甚麼出身?

19. 偉雄 2017-12-26 16:37:27
老實講長期睇淡已經令他們再無能力參與樓市。唯一奢望樓市大幅向下調整,而發展商亦好清楚目標客户群係邊D。
20. 無奈 2017-12-26 19:16:24
凝風兄,好一句態度決定高度。

信仰一旦建立,很難看到其他東西。

所以小弟至今未有信仰,會思考各方面的觀點。

共勉之。
21. 凝風 2017-12-27 16:19:00
我地好鬼老土架~
講黎講去,都地產商果句囉~
入標書時一定講:"我地只係計好自己條數!"

尼句幾時都咁岩用~ 博士都係咁叫大家自住"有能力"就買~
我地買左收租果D就一定唔會賣!賣左買唔返~
唔好話我好定淡,我有果句講果句。
每人都有佢確信既野。

"時間值"<==大家細心思考下尼三個字(收緊租既人一定明白)
共勉之~
22. 無奈 2017-12-27 18:23:50
風兄,收緊租既人一定明白-呢句要工仔兄出來分享一下至得啦。

如果將97樓市至2017(其實未到終點)作為一個週期,足足20年。這個週期超長,經濟學家已經很著急,也感迷茫,因為他們的理論不是這樣的。

人生有幾多個20年?我是這樣理解這個時間值的。
23. 無奈 2017-12-27 18:38:35
17樓ccl兄:
我諗果D好友應該去曬還遊世界了。
剩番我這個好淡難分傻仔在這裡亂講24。

詩人歷史長河兄應該在地球某處在作詩,我地拭目以待。

話又說回來,眼前所見,樓市已經不用多說,上面師兄留言,不天價,不成交:賣家市場!
24. 凝風 2017-12-27 20:16:06
咁又唔好俾個炸彈打工兄~
小弟講多幾句廢話啦~
純粹分享,唔喜歡唔好插就得。

點解我話態度決定高度,我認為有好幾個層次去睇:
1.無資產者
變成有資產者主要難在第一桶金,人工反而唔應該係問題。
如果用同一個職位只計通脹加薪,唔好意思,咁即係你個人一世無進步過,你態度>知識>行動有變既,你既價值唔應該只係通脹,只要你升職,唔好話通脹,人工跑贏2017年恆指都仲得,有限首期應該踏實一步一腳印,加上合乎現實,升級成有資產者唔係無可能。唔好成日諗發達~

2.有資產者
剛剛升做有資產者主要難在改善資產負債比,資產價值已經唔係問題係首要考慮既野,一有咩風吹草動,你要守得住。心態係好緊要,唔好成日諗發達,一有資產就心雄。

3.資深資產者
有資產者已經一段日子,有個錢防守下,主要難在增加現金流等時機。監管只會愈來愈緊,仲諗住以前融資咁容易,唔好意思思,已經無尼支歌仔唱。唔好成日諗發達,包你做係錯timing做錯決定,停留尼個Level。

4.資深投資者
已經有一定數量資產,主要難在睇大勢&資產配置及風險管理。佢地唔係神仙,唔會預知未來,但有一樣野佢地控制到,就係計自己條數。就算明天大跌市50%,震倉震佢地唔走,仲有閒錢買平野。
因為係佢地眼中,做錯一次決定唔會無得玩個遊戲,只係要幾多時間先可以復元,即係輸時間,尼班人時間值先係重點


好多人唔買資產或沽空自住樓,就算無參與樓市,時代洪流一樣會發生。等升或等跌,都係一個時間值
尼個唔係買唔買樓既問題,只係問你自己,5年後既你會係點。5年尼個時間值,值幾多錢!?
你既5年可能值50萬,有D人值50億。
問題你既心態,已經決定左你係咩人,時間值幾多錢!
25. 無奈 2017-12-27 23:27:08
風兄:

透切,透切。服!

係啦,師兄論述清晰,層次分明。

何不出專欄以慰讀者。
26. to 無奈 2017-12-28 01:32:15
24樓風兄有珍港兄的風采😘😘🤔🤔🤗🤗
27. 凝風 2017-12-28 14:19:40
獻醜了~
小弟既奈米組合,連蚊型都講唔上。
平時都有睇開大家討論,只是大多沒發言。
我只講自己睇法,沒諗過會改變到任何野。某d文章氣氛好,我就出現講幾句。

其實大家多留意幾大國國策,佢地先係時代洪流搞手。我地只是早一點睇到洪流,順勢有為。未來都係政策市場,非自由市場。

最後一點,無論起起跌跌,組合唔會下下清倉。只會改變組合應對。
正如唔會下下都all in或all quit。
有d野賣左就買唔返。
講到尾都係心態。

博士都有分享過,優質既野,多多錢都唔賣。
28. MMC 2017-12-28 16:45:06
好正嘅分析,有心靈雞湯之效!
就讓一切隨"風"!
29. 打工仔 Andy 2017-12-28 18:06:01
凝風兄分析得好好, 勁 ! 
30. CD ROM 2017-12-29 16:18:28
"升到你迷信" -- 我成日都留意呢得狀況出現未, 但係真係好難define, 主觀而言我覺得還未... 最少香港還未...

要是還未的話, 無奈兄提出既信仰, 可能還未形成, 170也可能是一個整固點而已...

現在勢頭, 撤招恐怕先爆上200, 再來大瀉30%, 也只是低今天20餘點...

作為業餘既小投資者, 實際點, 還是先針對不同市況模擬出Plan A B C D E, 再順勢而行方為實際.
31. littlemun 2017-12-29 17:07:10
多謝無奈兄與凝風兄無私分享!
32. 無奈 2017-12-29 21:15:44

當中原指數在127時,其實樓市已經處於高位,一般打工仔如果沒有幾百萬首期已經上唔到車,然而樓市仍從127來到165余,續在高位攀升,近月更是破頂之聲頻仍,信樓價不跌之心非常強烈,可以肯定,破頂入市的買家已經不相信樓價在其可見未來會回調,盡管每天關於樓市負面消息不絕於耳,但是買家硬是睇唔到。
33. 無奈 2017-12-29 21:37:19
怕就怕撤招後樓市去到200也不會回調。

如果上升後回調30%,亦即是140點,對香港傷害不大,政府有數可計,何樂而不為,千秋功業也!

政府與社會(買賣雙方)處於囚徒困境狀態,不合作雙輸,撤招或加辣都難預估樓市走勢。

林鄭高明在於,不與樓市太多糾緾,頂多只係虛晃一槍。

好聽的,叫靜觀其變。等奇蹟降臨唄。

反正現正已經沒有多少人信政府可以做什麼了。
34. Signaling Effect 2017-12-30 01:25:34
辣招實實在在己出得太多了,已經變成向市場發出政府看好後市的訊號,告訴大家政府認同樓價有力再升。 

2018年林鄭好大機會在CCL升破170大關後再度加辣。市民的解讀是政府也確認加息不足以阻擋樓價向上,結果當然是刺激市民用更天價的天價入市,把CCL加速推上200大關。

希望林鄭不要咁冇腦,製造恐慌入市。
35. 引刀一快 2017-12-30 02:20:30
To 24樓 凝風兄

依傢嘅勢頭,無産變有産,就睇佢心態,買咩嘢係關鍵。
36. 凝風 2017-12-30 12:56:53
引刀兄:
"買咩嘢係關鍵" <==尼個都係心態

試諗下買比特幣係咩心態?
試諗下買細價股係咩心態?
.
.
.

所以,問題你既心態,已經決定左你係咩人,就會買左咩野(時間值會證明值幾多錢)!
例子:
我段估2017年頭買5號仔安安份份收息既人數,可以年頭渣到年尾人多?定買700既人年頭渣到年尾人多?(我指人數,不是升幅)
我認為係5號仔既人多,由佢地買咩野,態度已經決定左出發點。

唔好以為我地產網講股,其實我想表達心態影響緊後面好多野
37. 引刀一快 2017-12-30 17:26:27
凝风兄

前提係:冇産變有産。
38. 凝風 2017-12-30 17:47:17
"冇産變有産"是結果
資產不一定是樓,只要有Value,有增長就可以。

而我想講的心態是"根",目前資產多少唔重要,千萬唔好用資產去代表一個人咁膚淺。(莫欺少年窮)
如果你心態係第3層次,即使你現在你無資產,有資產係遲早既事
如果你心態係第1層次,即使你現在你有資產,資產無左係遲早既事

有個理論係,假如明天共產,全世界人人好公平都得返100蚊,一定既時間值後,富人始終係富人,窮人始終係窮人

"變成有資產者主要難在第一桶金"
在第一個層次,好多人問題出在儲不到錢,D錢唔知用左去邊,又者唔知買乜輸左唔知去邊......
"尼一種人最大既問題,就是唔知自己有問題!"
39. 無奈 2017-12-30 18:03:09
風兄
有個理論係,假如明天共產,全世界人人好公平都得返100蚊,一定既時間值後,富人始終係富人,窮人始終係窮人

很同意這觀點。

好奇,這由DNA決定?

40. 凝風 2017-12-30 18:12:47
性格決定命運一點都沒錯!

性格可以先天,也可以後天。
跟個人成長、教育、人生經歷、際遇......有關係。
有些人唔需要好勤力,一理通百理明。有些人好勤力,都名落孫山。
出生在那裡,大家起步點本來就不一樣,但勤力可以改變後天部份性格、命運。

最慘係輸左,交左學費,死左都唔知死乜。最大既問題,就是唔知有問題!
41. 無奈 2017-12-30 18:17:18
真實個案:
朋友獲得遺產,2015年樓市低走時賣了太古城,慶幸走得快。
半年前發現了還有騰訊股票,略感安慰。
42. 凝風 2017-12-30 18:35:02
見到無奈兄講信仰,小弟先諗起講心態。

人生有D野需要經歷,經歷無得教人,唔係講左個故事,人地就唔會中招。
人人讀過龜兔賽跑故事,世界好多地方仲日日重複緊。

小弟講左咁多都無諗住有野會改變,或者講一番說話改變人地。
所以尼度我有D野唔會講,唔講升跌、唔講買唔買樓...
我講左心態既野,要明就明,唔明就唔明。

小弟既座右銘送俾大家:
《周易》乾坤二卦辭:「天行健,君子以自強不息;地勢坤,君子以厚德載物」
43. 魚蛋仔 2017-12-30 18:58:58

凝風兄,

你講得太好了!共勉之!

44. 性格的確決定命運 2017-12-30 19:33:14
樂觀的人,尢其是長期對香港及中國前途樂觀的人,在過去數十年中,的確活得比悲觀的那一批自在的多。80年代不少港人沽淸一切離港移民,因為信心危機。現在回港看到曾經擁有物業(尢其是舖位及商廈)的價值,涙在心中流。80年代從北京上海移民出國的,現在連回國的勇氣都沒有。這批是最有本事的人,出國是為了機會,結果最後發現最好的機會就是他們不惜一切要離開的家鄉。

悲觀是會自我實現的。
45. 引刀一快 2017-12-31 02:09:05
睇好就叫正能量,睇淡就叫負能量,老生常谈矣。

兄台,當樓市進入漫長下坡之後,如果仲可以經常見到你,咁就係真正嘅正能量。
46. 凝風 2017-12-31 14:04:10
這2年我都不常出現這裡,不用將我出現掛勾。你這樣說反話,這種氣氛,升跌我隨時都不出現。謝謝提點。
47. Index 2017-12-31 15:01:00
吾洗理會引刀啦!佢真係吾識香港樓市嫁,當吾理一個半個淡友處理吧!
48. 引刀大哥勁 2017-12-31 16:09:09
咁多好友竟然冇一個係對手,一個個敗北離去。引刀大哥勁
49. 無奈 2017-12-31 18:50:39
風兄請息怒。

難以看出風兄是好是淡,所講都是人生哲理,小弟與衆綱友都受益不淺,有留意風兄過去發言的人都會留意到風兄向來持平的態度,不管市況高低潮。

要繼續發聲啊。
50. 無奈 2017-12-31 19:01:37
45樓刀兄:

我從不認為睇淡就是負能量,過敏了。

我暫時睇好並不代表我充滿正能量,我一直有準備市況逆轉。

睇好亦只代表對未來發展較樂觀,基於某些原因。

能夠主宰樓市不是任何人,是上帝!

像瞎子一樣,我們可能只是摸大象唔知邊一忽,就以為是真的果一忽,哈哈。

51. 凝風 2017-12-31 19:49:27
無奈兄,

我無嬲~
其實扣帽子,任何一方停止,就可以防止製造對立,使討區和諧D,吸引更多有識之士發表。
這兩年小弟都係睇文章既多,發言極少,我相信有好多人都係咁。
好多文章過萬次瀏覽,發言得幾十個。

我諗,對整個討區都好,其實高手在民間,好多睇緊無發言既人,分分鐘都係絕世高手。
存好心,做好事。
我想睇到很多人的精彩分享~
小弟都有學到野~
52. 無奈 2017-12-31 19:57:25
好多睇緊無發言既人,分分鐘都係絕世高手。

極同意。
53. 引刀揾笨 2017-12-31 20:40:45
以前聽引刀兄買中2010股票中伏
54. 引刀一快 2018-01-01 01:58:38
我講緊44樓啫,大家駛乜咁敏感?

至於發言量同高唔高手之間嘅關係,咁我一定係最低手喇,哈哈哈

如果高手揾唔到錢,又代表咩呢?係咪代表言論有啟發性,但係啟發唔到自己?

咁又係咪,高手個個都係隱形富豪?

我以上所言,絕無針對任何一個人,因為我對人回應的話,從來都指明,To 幾多樓 某君,今次寫漏咗44樓啫。

至於凝風兄所言“好多睇緊無發言既人,分分鐘都係絕世高手。
存好心,做好事。”,咁就真係要請教,喺論壇唔出聲,點做好事?係咪呢D人出聲就做壞事呢?好禪喎,唔明。

好多嘢,理解源於心態,呢個好友場,睇到淡友就唔舒服喇,事情好簡單。
55. 引刀一快 2018-01-01 02:05:18
無奈兄

呢鋪全部人都捉錯用神,我係原本係講44樓咋。引申咁多嘢出嚟,係源於誤解。


56. 升到大家都好無奈 2018-01-23 07:16:11
無奈兄個名眞的好應景。香港樓價真的是長升長有,且越升越有,升到好多人(包括博士)都好無奈。