同意浪子兄所言,中央對港政策已改變,但推演出來的結果,卻與浪兄不同。
香港特首從來都是委任制,不要天真以為以前的有什麼「選舉」成分。
歷屆特首以今屆最弱勢,沒人脈、沒關係,早已淪為北京丫鬟、振英公仔,名乎其實的傀儡。什麼好打得,笑死人!一切由北京/ 西環主導。
第一個問題,北京/ 西環希望推倒香港嘅樓價?
1. 回歸20年來,黨員在港的利益植根已深,會有人同自己荷包作對?
2. 習大大反貪以來,地下北水已成了「浪」,不斷湧入香港。近期跡象,由暗轉明,一浪大過一浪。
3. 國策「一路一帶」是什麼玩意?說穿了就是鼓勵企業「走出去」。如果你是國企老板,你會先去邊?
4. 本地問題,「共產」的變種怪胎 - 福利主義成了單程路,不可能回頭,少了地產相關稅收,條數政府搵邊個填?
期望黨會為冇樓嘅你著想?痴人說夢!你唔掂?黨已預留咗大灣區俾你,阿引刀兄大把貓屋狗屋等緊你。
「老董想樓價跌樓價就跌」- 因為97前黨/黨員在港的資產,與老外相比只是小眾,唔跌,唔嚇走d外資,自己點入貨?
「曾蔭權想樓市升樓價就升」- 老外發現自己中計,開始重新出手同中資搶,結果咪升囉。
七月變天?係,變得更中資。中資全面控制香港嘅佈署,將會一步一步完成。
第二個問題,咁走勢將會升定跌?
唉,問吓d黨員咪知囉。「無產階級是光榮的」,只有你信。
最後想講一兩句「官商勾結」,目前政府嘅政策,將市場上所有購買力,推向一手新盤,明益地產商,有意無意將二手市場扼殺,究竟是什麼玩意?振英哥哥唔係同地產商十怨九仇嘅咩?
哈哈,有d嘢,真係只有你信,例如娥姐,哈哈!