地產博客 > 資深會員專欄 返回
瀏覽人次:35841    回應:39
資深會員專欄
專業機構投資者(八)出陣
 
珍惜香港
法團專業投資者
SMIEEE.MSc(ICDE)
http://facebook.com/hongkongtruevalue/
2017年1月21日

叮!阿爺敲鐘財爺曾正式宣佈參選特首,四位候選人,終於全部出陣啦!

既然,已經塵埃落定,咁兩個多月前,話唔講得果樣嘢,今日就可以開估。

某人嘅揭盅

舊年十一月初,政府對樓市出招加辣,兩日後,我寫咗篇《加辣.磚家》,文中出現咗兩次「某人」,但我就冇話「某人」喺邊個。關於呢個 SKIP 咗嘅,最關鍵重點,只要大家將呢兩個「某人」,代入「財爺曾」,就會水落石出。

簡單而言,今次加辣,完全喺財爺曾嘅意思,同 CY 無關。提出加辣、設計加辣嘅內容、執行嘅細節,都喺財爺曾一手包辦,甚至連宣佈同執行嘅時間,都要排响佢自己出 TRIP 之前,以防形勢有變。唔好問我點樣睇得出,大家可以重溫一下,當日記者會嘅新聞片,比較兩位嘅發言內容,究竟邊個喺莊,其實唔難分辨出嚟。當時唔講,喺因為加辣呢單嘢,引起業界好大迴響,亦影響咗好多人嘅利益。幾乎所有人,都認定喺 CY 為咗邀功而出招。我唔想自己嘅公開言論,引發難以估計嘅蝴蝶效應,以致左右到一啲關鍵人士嘅決定。

希望呢單嘢,唔會破壞財爺曾嘅形象啦。反正响特朗普當選,美國加息呢兩大負面陰影之下,樓市仍然堅固,似乎的確如佢所講,已經仔細考慮咗一藍子嘅宏觀因素。

選戰風雲

好多人唔為意,其實大戰,早就開始咗。CY 高調打港獨,財爺低調出加辣;大戰之初,前者就已經失咗勝算,結果董系棄 CY換上林鄭。兩日後,財爺閃電請辭董系即時高調確認林鄭,跟手,葉劉就出戰。胡官葉劉,率先發表政綱,不過好明顯,兩位都冇將對方放在眼內。就睇葉劉,一跳上擂台,二話不說就向某人揮拳,點知撲個空喎!吓?人呢?原來財爺好 HEA 咁,坐緊响觀眾席度,仲陰陰笑住咁問佢:連對手都未知喺邊個,妳究竟打緊乜嘢?

之後,全部人靜哂,但謠言就滿天飛,一時紅燈,一時又綠燈。都喺果件離咗場嘅 CY,放低哂包袱,心水夠清,一句話啫,已經準過哂啲唔知乜消息人士,轉個頭,阿爺就敲咗鐘

寫到呢度,又喺時候作番啲,免責聲明啦。以上純熟猜測,如有類同嘅話,一定喺巧合!

大師嘅還俗

如果你今日問我,撐邊個做特首,我會好直接咁答你:財爺曾囉!有睇地產網嘅朋友,都應該好清楚我嘅立場。記得我曾經封佢為,真正嘅大師,仲話過,如果佢真喺參選特首嘅話,我一定撐佢

至於,我會唔會轉軚?轉軚呢家嘢,從來都喺一個機率問題。盛智文都轉咗軚,由支持葉劉,改成未表態。佢話要等埋林鄭、財爺曾出嚟先至決定喎,仲話會樂意考慮撐林鄭添。講番自己,我九成唔會轉軚,而剩低果一成,就要睇財爺曾往後嘅表現,而本文最後一段,就喺關鍵

以前我話,財爺曾退休之後,應該會好有潛質,成為一個真正嘅大師;但當大師嘅第一個條件「唔關佢事」,唔再成立之後,佢能否成功化身為一位,真正嘅領導者?

答案言之尚早,不過我認為,截至今日,做特首嘅六項條件裡面,財爺曾已經合格咗頭四項,至於最後果兩項,就有待時間去考驗。

特首條件一:中央嘅支持

芳間言論普遍認為,中央唔支持財爺曾,因為左派幾乎一面倒撐林鄭,不過我又唔喺咁睇。中央唔支持嘅話,佢喺唔會出嚟參選,亦冇可能出得嚟參選。支持林鄭嘅,所謂董系,極其量為一個派別,唔代表中央,只不過今日嘅香港,喺由呢個派別執政。就好似美國大選咁,執政嘅奧巴馬同民主黨撐希拉里,聲勢自然就一面倒。當年唐梁之爭,未到最後,都未知鹿死誰手啦!

但話雖如此,董系嘅洪荒之力,的確對財爺曾非常不利。所以呢方面,佢都只喺猛車邊合格。

特首條件二:口才

口才,喺非常重要,就睇奧巴馬,冇嘢叻,把口最叻。財爺曾嘅出陣演辭,贏哂其他三位候選人,唔止喺有準備咁簡單,就連急才都咁了得。作為領導人,烽頭火勢之際,好多時都喺靠把口去擺平。財爺曾嘅口才有幾掂,單喺 YOUTUBE 度就搵到一大把,佢嘅民望,唔喺靠盲碰運氣就呃得番嚟嘅。

唔止喺咁,佢果種深不可測,更喺難得嘅奇才。加辣呢單嘢,就唔在講,最近唔答某議員嘅問題,有人以為佢俾人跣,仲話佢冇料到、政治智慧欠奉、之類之類。我諗大家要搞清楚,政治智慧,同辦公室政治,完全喺兩碼事。家陣人地揸住咗個「莊」,你就斟酌埋啲技術性嘅「」?知唔知人地玩緊啲乜嘢?FOLLOWER?扮出嚟咋!你估真喺 ALWAYS AGREE WITH YOUR BOSS 咩!究竟背後,喺咪真喺有人叫佢唔好答,都成疑啦!財爺拋個「莊」出嚟,成班高官,邊個敢話冇?CY?踩多一腳?硬食似啲!所謂硬淨、所謂強人,唔在於你幾大聲,而喺睇你手上揸住啲乜嘢。

口才、政治智慧、硬淨呢幾味,都喺相輔相成。不如睇下葉劉,CY 言中有骨,又聽唔出,仲要傻下傻下講哂俾啲傳媒聽;咁都算啦,人地讚下林鄭啫,搞乜拉埋自己落水?點解要咁著眼 CY 嘅睇法?董系唔撐妳,有乜咁出奇?有幾失望?又唔見財爺曾喊哂口咁?出師不利,都仲要輸埋個勢。咁嘅格,點領導香港?

特首條件三:外交能力

除口才之外,仲要夠料、夠體面,唔喺點同啲元首級嘅強人溝通?財爺曾呢方面嘅能力,明顯比其他三位候選人強。出席、主持國際性會議,就好似生菜咁食;面見耶倫,完全冇難度,使乜擔心佢唔夠班。

講開又講,財爺辭職之後,本來好好地 PASS 哂啲嘢俾陳家強,點知個 CY 臨尾竟然舉亞茂出嚟接棒,唔通以為財政司只喺佢秘書,年年跟足佢份施政報告去寫預算就得?真喺唔敢想像,俾亞茂去見耶倫嘅話,會傾啲乜嘢話題,CY 果然名不虛傳,用人唯親是也!

特首條件四:施政理念

呢家嘢,又喺財爺曾勝出,佢思維清晰,透徹了解香港嘅角色,對宏觀發展,亦有明確嘅目標。胡官、葉劉連政綱都出埋,都見唔到真喺可以令到香港整體發展嘅大方向。似乎除咗財爺曾之外,其他三位候選人都認為,國際金融中心呢個地位,已經喺香港嘅囊中之物,大家冇必要居安思危啦!

至於林鄭,最大嘅問題,就正正喺响個施政理念度。所謂「巨大變化,不得不重新考慮」參選,就喺因為董系後繼無人?妳嘅施政理念,只喺要延續現屆嘅政策?咁算乜嘢施政理念?妳決定參選,喺效忠邊個?同邊個交代?同 CY 交代?同董系交代?乜唔喺同香港、同國家交代咩?唔通同神交代?OMG!我尊重妳嘅信仰,但唔好攞香港嚟較非。估勿論現屆嘅施政喺好定喺醜,就算妳咁巧合,同 CY、董系一模一樣,咁使唔使講埋出口?妳當喺自己嘅得唔得?所謂,八大願境,喺妳自發嘅,定只喺成就緊人地嘅願境?

好多人,都認同林鄭夠硬淨,具工作能力。不過,領導能力,又喺另一回事。跟從上司既定嘅實質目標,領導一個 PROJECT,成功執行,同把持一個無形嘅施政理念,對住無止境嘅目標,帶領香港呢個國際商業城市,向前發展,呢兩樣嘢,完全喺天淵之別。到今日為止,我見到嘅林鄭,作為司長,稱職有餘,但做特首呢,就未敢恭維啦!

特首條件五:團隊

都喺果句,工作能力,唔等於領導能力。特首唔喺萬能,更加唔可以自以為萬能,家陣喺要啲人才,甘心情願為自己賣命,而唔喺搵埋哂啲聽話但唔掂嘅庸人,搞到要自己做埋下面果份。前者當上特首,HEA 做都可以好出色;至於後者呢?就真喺要夠硬淨、夠工作能力至得囉!

關於團隊方面,呢個時刻,的確喺言之過早。不過,特首要到選咗出嚟,先至會任命主要官員噃!其實,所謂物以類聚,只要留意表態支持、助選嘅各界人士,就已經可以推斷出,將來團隊嘅質素。就好似當年我評 CY 咁,惡者奉之、賢者拒之,就已經可以判定佢唔合格。



特首條件六:政綱

政綱,其實即喺第五項。都喺果句,特首唔喺萬能,要從各大小範疇,實現施政理念,一定喺團隊嘅 OUTCOME,所以政綱嘅質素,亦即喺團隊嘅質素。施政理念之下嘅具體政綱,喺要通過收集各界人士嘅意見,與一眾人才共同擬定出嚟,即喺唔可以太早公佈。胡官、葉劉一開波就發表政綱,唔喺個人作品,就喺對可執行性、成效等未有充分評估嘅粗略之作,所以都喺唔合格。

最後嘅關鍵

無疑,今屆特首選舉,將會喺林鄭同財爺曾之間嘅角力。遲下當各界人士,陸續表態之際,個形勢就會越嚟越清晰。我地睇公眾人物,都只喺見到表面,但一個人嘅氣場,匯聚邊一類支持者,喺呃唔到人嘅!

依家嘅選戰,只喺雛形,各位拭目以待啦!

火影忍者:出陣

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. Sugar 2017-01-21 11:06:27

Sofa^^


2. 有見地 2017-01-21 11:50:00
評估形勢獨到,分析中肯
3. 打工仔 Andy 2017-01-21 12:52:13
沙發 × 2 
4. 向飯民說不 2017-01-21 13:19:21
講真中央最擔心的是港毒,自決,本土等概念。這是中央的低線。

中美關係未來幾年有好大的不確定性,中央是不可能讓一個同情黃C的人做特首。
5. 打工仔 Andy 2017-01-21 16:14:13
講真, 立法會成日開會開到開片, 拖時間, 浪費香港前途, 仲講乜鬼發展機遇! 食飯已完只會拖死香港! 
邊個係下屆凸手都係咁樣, 不過, 出招出到咁都真係絕! 昨日cy話供應到位就會收招, 我估唔會! 


6. GHJK 2017-01-21 21:15:53

唔知係唔係命運或者性格,中國俾自己人累死多過俾人打死。香港人之間或者同內地以至中央政府前所未有的矛盾竟由一班口口聲聲愛國愛港的人造成!

估計林鄭上場,情況應該不會太大改善,相信林太亦非真正在競選特首。

曾生應該係真命天子。佢hea做,沒有對所謂反對派大轟炸,都不是問題。以前大英帝國遠在千里而同文同種的中國近在咫尺,一個有能力的港督還有用場,即使如此,也只有前幾任同最後一任港督較有能力,其他多平凡之輩。而今中國日盛而香港積弱,兩地只一河之隔,根本無需一強人睇場,強比弱更不堪,你我都明,曾生豈會不知?至於所謂港獨,只係笑話,最多只係某些人的政治技倆,在此大做文章,無異拳打稻草人。

7. 向飯民說不 2017-01-22 13:21:50
饭民为了推hea住做的人上位,等他们又可以慢慢渗透香港的政坛,向废青洗脑,准备下次的颜色革命。真系无所不用其极。

不过今日中美之间的斗争,甚至有人已经开始担心不会只是贸易战,而是热战。中央又点会让香港成为反中的老鼠屎。

中国人是爱好和平,但是黄C主子虽然穿了爱好和平,慈善等等的华丽外衣,但是却是嗜血,喜好杀戮,视人命如草芥,随时发动战争。中国人虽然爱好和平,但是要赢禽兽斗,就要不怕流血。随时应战。

非常之搞笑,黄C新主人最近闹他们的毒媒,最喜欢造谣,最无耻的liar,
8. 向飯民說不 2017-01-22 15:40:36
6樓d黃C打手真系有病,在此高度競爭的時代,竟然會去支持一個什麼休養生息。如果香港人不知努力,肯定會積弱(同意你的觀念)跟住被踢出局。

香港人要避免被踢出局,就是接受現實,香港已經回歸,香港人已經是中國,和大陸一齊共榮。成為中國的new york。而不是一個沒落地都市,

黃C好喜歡將目前香港的矛盾嫁禍給建制派,但是如果大家知道黃C金主,所謂NGO,支持了幾多個政治團體,然後這些政治團體,日日爭吵,為反對而反對,什麼不遷不拆,拉布,環保,公平,沒完沒了的質詢,這就是矛盾的所在。

匈牙利政府話soros在匈牙利支持了50幾個政治團體。同時soros又建立了大學,可以預見的是這些團體日日和政府對着幹,政府什麼事情都做不了。這就是真正矛盾。所以現在連民主的匈牙利也要打擊黃C。
9. 我是大淡友 2017-01-22 20:42:41
回2樓
成陣擦鞋油除都聞唔到,你真喺要去檢查一下.
我本來唔想再在這開口,點知硬係成日有人叫住你名唔知想點.
我只講兩點:
1.死𦧲對老共係無用嘅.
2.好人唔代表做到大事,但凡耳仔軟個D就......
3.最重要一樣你們沒有睇到,不用問我,自己諗,係咁先......
10. 浪子心聲 2017-01-23 11:16:06
董系想用「假傳聖旨」話林鄭係中央欽點嘅下任特首,現今已被中央打破,所以近日已無人再用這招要求選委支持林鄭,誰不知林鄭還會對記者講「當選人未必得到中央委任」,她真的傻得可愛。

試想想,如果中央真係睇中林鄭,又點會這麼高調大大聲講欽點佢吖,她民望又不高,到時她贏咗都會如梁特一樣難以施政,中央更無面支持一個無民望的人做特首。

董系現在已改變策略,叫梁特出來話要有更理想的選舉,就應有泛民候選人參與,其目的只不過想分薄薯片的票,希望泛民不上當啦!!
11. 真傳聖旨 2017-01-23 14:51:15
原來浪子先生才是習近平身體紅人,失敬 失敬
12. 讓人心寒 2017-01-23 15:02:01
就算讚到天花龍鳳也好,這麼多年能在上司身邊陽奉陰違。
13. 順民 2017-01-24 11:56:04

以 CY 過去接近五年的治港成效所見﹐讓他去擔當一名土共工聯會的小頭目還勉強可以﹐讓他保養及維護好香港這塊國家大寶石實在不行﹐因管治好香港不單祇是管治好香港的內政咁簡單(況且他連內政也管不好)。倘若一國兩制失敗不單是香港人的不幸﹐對國家來說也是面目無光﹐連帶以後的一帶一路 ﹐ 繼續與美國在經濟和外交上的角力等都可以休了吧  !




14. 向飯民說不 2017-01-24 14:16:10
13楼,你就是被饭民洗脑的井底之外,当你在井下,你会以为是那样的。但是当你走出井,面向全世界,你就会发现NGO,NED等无处不在,他们支持不同的政治团体,打着同性恋,女性,民主,环保等等的旗号。任何一个国家政权不听话,就会被这些团体打击,最终黯然下台,几年前,日本,韩国和中国签署自贸协定,好快就出现钓鱼岛问题,跟着安倍就上台,跟住韩国总统去参加中国的阅兵典礼,跟着又被破下台。还有最近特朗普刚刚上台,就有百万女人上街。

今日只要是支持大陆的特首,都会被NGO支持的团体反对。不要以为中央看不到这个事实。

连你新主人,特朗普也说了,NGO支持的传媒都是liar。


15. CD ROM 2017-01-25 20:30:04
硬是覺得還未完整,仲有人未出來。。。
16. 梁錦松和曾俊華會面後見記者 2017-01-26 13:07:16
17. Kitty Hello 2017-01-26 18:39:54
要一個有心臟病嘅人出嚟選特首,選唔選到都係一件不幸嘅事,何必呢!
18. 浪子心聲 2017-01-26 23:16:26
To Kitty Hello,

大家要認識到什麼人才有做特首的本質,要我選一個「好打得」嘅人做特首,而她出名只會做有爭議性的事情,試看看林鄭處理過的政改、退保、僭建等等,只有爭議和每次都大大消耗社會的和諧,最後都沒好結果。她可能認為自己為香港人犧牲而經常處理這些事情,但事實證明她未能成功處理好一件據爭議的大事,林鄭過去的表現就足夠證明她不適合做特首,她選到我認為香港會有更多爭議性的事情發生,這是香港人的不幸,何必呢!

相反薯片就不同,他在特區政府做任何一個崗位都能大事化小,小事化無,有人話他hea,但他過在政府做過的職位都平平安安,就算遇上金融風暴都一一平穩而過,有人可能話他夠運,但事實就如他所言,他應早有準備當大事來臨就容易一一化解,我就非常欣賞這種處事哲學,所以我認為薯片能成為特首香港就有運行,除了他有優秀特首的本質,最重要的是他有福氣和貴氣!!
19. Kitty Hello 2017-01-27 10:29:07
To:18/F

唐生選特首時,我對他的評價係『留在家裡飲紅酒比較適合他』,現在鬍鬚曾要選特首,我對他的建議會係『退休享受人生才是最好選擇』。

始終黎講,舊主子已遠去,新主子才是話事人,鬍鬚曾作為舊勢力推舉出嚟嘅代言人,一個不小心,後曾就會走返前曾條路,牢獄之災難免。


20. 浪子心聲 2017-01-27 10:53:56
To:19/F

我覺你對薯片不瞭解,他與曾蔭權在性格上都有明顯分別,他更穩重、平實、容易與人相處,是未來為香港製造大和解的最佳特首候選人。

相反林鄭的性格和CY就有點相似,充滿「鬥氣」,一個連Facebook都不敢開,不敢與大眾市民直接溝通,一個經常充滿「鬥氣」的人成為特首,香港必會有更多爭議性的事情發生,這是香港人的不幸!

21. 向飯民說不 2017-01-27 11:40:16
浪子,和饭民对着干,当然就是斗气。难道香港特首忠于饭民。
22. 向飯民說不 2017-01-27 11:42:35
689和饭民斗气,是的,同时很多证据证明饭民背后金主是老美ngo。所以689的行为符合香港人的利益。
23. 香港土著 2017-01-27 18:46:00
向飯,

梁特單同泛民鬥氣,還是同香港人鬥氣呢?其實大家有目共睹。
24. 向飯民說不 2017-01-27 19:54:52
新年就吾斗气啦。新年快乐啦。
25. 大和解又是騙人 2017-01-27 21:21:30
 佢地嘅大和解就是成功奪權,成功控制政府。這個不是和解,而是內戰
26. 講清講楚:專訪曾俊華(一) 2017-01-28 19:54:58
27. 講清講楚:專訪曾俊華(二) 2017-01-28 19:57:03
28. 講清講楚:專訪林鄭月娥(一) 2017-01-30 00:26:27
29. 講清講楚:專訪林鄭月娥(二) 2017-01-30 00:27:40
30. 向飯民說不 2017-01-30 18:47:49
在民主体制之中,其实谁最喜欢搞是非,搞抹黑,造谣,谁就会胜出。

我地中国人文化就是要做君子,不耻那些搞是非,搞抹黑,造谣的小人。所以在民主选举中一定会输比那些虚伪的基督徒小人。基督徒是没有君子这个概念。所以在西方民主媒体是非常喜欢搞是非,搞抹黑,造谣,这是他们的文化。

香港土著,今日就是你们饭民最喜欢斗气。林郑因为接受大陆支持,现在已经被毒梅利用是非,造谣,抹黑的手段来人格谋杀。
31. 向飯民說不 2017-01-30 22:42:35
传统中国文化是不滥杀无辜,但是笃信基督的美国佬经常杀害无辜之后,仲要扮瞢。

黄C废青,中国人的DNA是爱好和平。现在就是中共越越来越人性化。反而笃信基督的美国人还是死性不改。无计,这是他们嗜血的DNA。
32. 向飯民說不 2017-01-31 13:06:23
剛剛和一個信教的朋友拜年,他又想傳教,然後突然講話,那些無辜被殺的人都是神在安排。所以不用大驚小怪。甚至蔣介石,宋美齡都是基督徒,一樣可以殺人,因為也是神的意志。再一次證明真正嗜血的就是基督徒。

同這些基督朋友談話,他們那種排他性真的可怕,一聊天,馬上否定大部分中國文化。回歸之後的亂,就是因為基督文化那種玩是非,玩鬥氣帶出來的。
33. iMONEY:專訪曾俊華 2017-02-01 04:00:27
34. 曾俊華:歡樂年年 2017-02-02 16:35:35
35. 曾俊華倡丁居屋混合發展 2017-02-02 16:39:35
36. 曾俊華總結本周工作及啟動眾籌 2017-02-04 04:02:16
37. now:曾俊華專訪 2017-02-06 00:26:07
38. DMHK:曾俊華公布競選政綱 2017-02-06 23:49:16
39. 向飯民說不 2017-02-07 10:58:29
选举工程是圆谎,造谣,抹黑工程,政纲只是陪衬。