地產博客 > 資深會員專欄 返回
瀏覽人次:27069    回應:14
資深會員專欄

脫歐

 

Alan Pepper

2016年6月27日

脫歐被傳媒鬧到有咁大得咁大,好似英國在地圖上消失一樣,筆者認為有啲過分。當然,在既得利益者,例如在英國有物業及持有英鎊者,是一個短期的損失。但長遠來說,國家始終要生存落去,英國不會就此滅亡的。


要留意一點,脫歐在英國加入亞投行後發生的,而英國也是第一個國家率先報名加入亞投行。中國在脫歐話睇下,亦幾乎沒有出過半句聲音。這是否英國早已想放棄歐洲,投入中國懷抱的第一步?這想法是否天馬行空?或是雙方默許?


在決定脫歐的幾小時後,亞投行立刻通過 5 億美元的建設項目。這又是否巧合?英國在此建設項目上又是擔任什麼角色的?


在下覺得英國在表決脫歐之前,已經兩手準備,將兩個結果埋伏了後路。對英國人處事手法,我相信大家都好清楚。他們沒有美國人的興風作浪,大起大跌。但始終會計係佢哋發明出來的,處事一向計算得很清楚,定留有後著。


短期內說,筆者及既得利益者都一定有多少損失,但相信未至於重大影響。不防放長雙眼,看看事態發展?當然,對投資來說一定要採取保守態度,唔怕一萬最怕萬一。下一輪的不穩定就是蘇格蘭及北愛爾蘭,雖然60%以上蘇格蘭及北愛爾蘭人投票留歐,但這是英國未分開前。但脫歐後,各種利益、條件及因數也改變了。就好像離婚了的媽媽帶着子女,藏着很多變數。


對於歐洲其他小國,筆者認為已經不值一提,因為他們根本沒有條件脫歐。這世界很現實的,有條件,就有選擇。沒有條件,那就被迫接受了。英國趁現在還有跟全球各國談判的條件時後脫歐,始終好過到最後沒有選擇地留低吧。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 歷史長河 2016-06-27 13:29:28
沙發。剛回在隔壁的一段話,放在這裡也合適。


帝國一脫, 股市、貨幣應聲下跌10%,歐盟仲有二十幾個國家,一個個脫落去,係否一切歸零還不夠,要去到負數?

脫與不脫,他們還在那裡,唔好忘記尼個基本面。

認同牧羊人把權力交回羊群是極其危險的做法,因為羊群的行蹤一向是可愛而飄忽的。

無限江山,別時容易見時難」,對帝國如是,對超人如是,對賣自住樓的人士亦如是。請不要隨便放棄,共勉之。
2. 打工仔 Andy 2016-06-27 14:00:13
手慢了! 

超級大国, 超級笑話, 可與小朋友玩泥沙有得比, 投輸左又話投過, 真係笑爆咀!
3. 引刀一快 2016-06-27 14:24:19
仲係睇多兩三個禮拜先喇,各方取態明確咗再慢慢研究都未遲,依傢不過係一片亂象,大家都偷偷睇其他人眼色嘅時候。
4. 望東樓 2016-06-27 22:43:08
一句到尾,閣下為特朗普上場作好準備未?
5. CD ROM 2016-06-28 18:59:08
同意东楼兄, 这可是真真实实的本土主義抬头啊...............
6. 1% 2016-06-29 20:11:38

Pepper 兄,

點睇時昌迷你倉,匯豐銀行會否call loan?屯門百勝低層兩單位,億兆工廈等共3單位,差不多兩仟多万快上身了,其餘地區的倉的按揭會否被銀行也追loan.

敬希教導!等學野!

7. 引刀一快 2016-06-30 16:35:36
東樓兄

正係因爲英國脫歐有板你睇,美國鬼可能因此相對謹慎、保守。
8. Alan Pepper 2016-06-30 19:57:08
我聽知情人士講,政府會加快收緊迷你倉的防火設施要求。迷你倉需求唔會因為一場悲劇而消失。只要做好防火措施,確保安全,應該冇問題。

如果業主唔做好防火措施,將來不可經營,我諗啲業主冇咁蠢掛

各位如果想捐小小錢,可以上消防處網站了解:

9. Jerry 2016-07-01 14:17:49
Alan兄,我也相信英國脫歐不會是世界末日,它只會令投資市場增添不明朗因素。英國人民對脫歐既分歧和他們反反覆覆既行為,還有歐盟會如何對付這個有能力離開歐盟既成員?脫歐既拖拖拉拉到底是會令歐盟加速瓦解,還是令他們更團結?

東樓兄,你認為狂人上任後會如何?
10. 望東樓 2016-07-01 16:45:31
狂人之所以係狂人就係唔俾估到。雖然好可能係講多過做,不過大家都係覽好安全帶。
11. CD ROM 2016-07-02 19:38:00
東樓兄,你呢個妙答真係唔講得笑,哈!
12. 打工仔 Andy 2016-07-02 20:50:02
CD 兄

全世界人求變, 狂人真係機會高!
13. 望東樓 2016-07-03 08:12:04
我嘅答案好似廢話,不過可能發生嘅機會似乎大咗好多。大家可以做嘅係幫自己嘅portfolio認認真真咁做下stress testing. 希望唔會好似德銀咁肥咗佬。
14. CD ROM 2016-07-05 16:13:47
打工兄, 東樓兄,

我係真心覺得DT機會大的, 連Brexit都能成功, 更何況美國................