地產博客 > 資深會員專欄 返回
瀏覽人次:31827    回應:29
資深會員專欄

“趁你病,攞你命”的時候到了(1)

 

麗娜

2015年12月9日

“趁你病,攞你命”的時候到了(1)


美聯儲快加息,中國經濟急速放緩,香港旅遊零售業寒冬剛至,政府又未肯撤招,傳媒日日不停唱淡,令香港二手物業市場水靜河飛,踏入冰河時期。


租務市場在10月份開始急轉直下,現在每天都可以在傳媒看到有新低租貸成交。業主未能在股災前成功放售其物業的,又不想劈價賤賣,只能轉售為租,增加了租務供應,此其一。另外香港經濟氣氛急速轉冷,也可能令一些本來需要被業主加租逼遷的,現在業主都突然大發慈悲,租客不退租已經是萬幸了,這也減少了簽新租約的需求,此其二。最近有些新租務成交竟然可以大跌百分之十,可以感受到業主是在恐慌中簽下這份新租約。


不知不覺,業主和租客的形勢已經大大逆轉。


有些醒目的租客,偏偏會趁現在出動,尋找一些荀盤,趁機搬好一點。


問題是,現在可能是真正租霸開始進攻的時候!


什麼是真正的租霸?真正的租霸不是那些在將來的日子突然失業,經濟困難,未能準時交租那批客;而是那些有錢,卻故意交了按金及一兩個月租,但是之後就不交租了!業主收了幾個月租金,但是到執達令批出,都需要一段長時間,這實在是惡意霸佔他人財產!這些租霸,為甚麼現在開始出動?因為他們知道現在是業主恐慌的時候,業主都希望儘快將物業租出,還要很平儘快租出,這些惡霸就是利用業主的恐慌心理,沒有認真核實其身份,務求快快租出便可,這便正正掉進了這些惡霸的陷阱了!


所以,各位收租前輩,尤其現在正在放租當中的,雖然剛好踏入租務淡季,又氣氛差勁,但是,仍然要保持清醒,千萬不要過分恐慌,仍然要冷靜理智,小心選擇租客,地產中介是不會替你承擔為你找到租霸的損失的!反正他們已經收了佣金,袋袋平安,如不慎讓租霸霸佔了閣下的物業,如何能夠趕他們出去呢?這才是令業主們非常煩惱的後果!那在選擇租客方面,一定要小心分辨租客的身份及其業務性質,如不願意交出任何業務或收入資料的,這些人百分百是租霸。千萬要小心為上!


所以說,收租佬都不易做的!


 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 打工仔 Andy 2015-12-09 16:20:06
所以, 選擇優質的租客, 是收租佬在每次轉换租客時的重要工作! 經濟轉差租霸在工商物業出現的机會可能更高!
2. Alan Pepper 2015-12-09 16:30:02
試過有客願意給半年的租金,要求俾九折佢,但冇資料,我仲驚。最後八五折租俾一個大公司高層,長租約。

穩陣啲好
3. 魚蛋仔 2015-12-09 16:43:40

恭喜麗娜師姐出文!

多謝麗娜師姐提醒。租霸尼D衰人,真是怕怕,希望大家永遠都遇不到。

4. 2011年開始 2015-12-09 16:45:22
租金可以平少少,租客必須提供稅單,否則不租,收租佬不易做呀!
5. yyfan 2015-12-09 16:51:16
個人教訓千萬唔好租比地代,佢地知道點樣輸打嬴要,08年中有層樓租比一間小型地產公司的亊頭婆,金融海嘯期間尚在死約期就要求減租,否則住多兩個月用按金抵租後搬走,結果權衡利弊卒之屈服,但兩年後收樓發現佢竟然有養狗,一屋七人(當初講5人),問屋殘到不堪入目
6. 新抱仔 2015-12-09 17:30:38
我都試過租俾有限公司,成日要催交租才交,好煩
7. 引刀一快 2015-12-09 17:46:03
麗娜女士

講到租霸,真係令人髮指,我以前聽過一個阿婆,係街坊,租咗間屋俾人,點知條友唔交租,報警佢唔開門,後來有人幫阿婆搵爛仔嚇佢,佢就報警!搞咗大半年,最後攞唔到租不特止,仲要貼錢送佢走,阿婆收番間屋先發現,隻瘟神將全屋下水道灌晒水泥!
香港最好學下大陸,唔交租可以停水停電。
8. Jerry 2015-12-09 17:51:22
多謝麗娜姐分享和提醒🤗

同意引刀兄講,租霸應該嚴懲。


9. 引刀一快 2015-12-09 18:03:10
Jerry兄

如果俾多D權力業主,咁租霸就會收斂,遇著可憐人冇得好講,專業租霸必須打擊。
10. 麗娜 2015-12-09 18:08:23
多謝各位師兄姐。

其實我是在提醒自己呢,哈哈唉。

引刀兄,我非常同意你的講法,香港保障業主的法例實在不足夠,更加令這些租霸橫行無忌。你說的那個做法,我10年前已經在深圳做緊。香港這樣真是不行。
11. 麗娜 2015-12-09 18:12:12
To 3 魚蛋仔

主觀是希望不要遇到,但是偏偏現在就是他們開始出動的時候。
所以,遇到的機會很大!應該是冷靜審慎去辨識租客,不是可以逃避的時候
12. 鄧學士 2015-12-09 18:44:42
一味唱好咪又一樣咁衰,業主十個廿個三十個咁加,毫不客氣,直至負擔能力完全乾枯,一背子承受樓價,你賺的又過意得去麽。另租樓要稅單咁私隱都要公開閒值荒謬,你會否好似領展睇住人地收入去收人幾多租?
13. Oscar Lam 2015-12-09 22:05:38
租霸我也遇過,足足搞了八個月才收回物業,慘痛的經歷。
14. Joe 2015-12-09 22:37:05

To 12/F

在自由市場下,業主和租客所訂下的租金受供求關係所影響,沒有所謂唱好唱衰;買賣房屋服務,你情我願,也沒有所謂過唔過意得去。

另外,閣下的稅單曾被公開過? 怎樣公開? 還是你意思是租樓不能向業主提供收入證明? 那你應住豪D,試試指著自己鼻哥叫AA同你揾山頂租盤,睇下得唔得?

15. Small Potato 2015-12-09 22:39:18
Oscar 兄,巧驚驚!個租霸有咩特徴㗎?家庭客定係單身?幾時發生架?
16. 鄧學士 2015-12-09 23:03:35
To 15/F,
市場學有樣嘢叫製造需求,同樣一大班人去團貨亦可收緊供應,呢個世界唔係想像中咁自由架咋,你估政府真係儍ga。
另外要我比入息證明先可租樓恕難從命,我亦冇咁好福份住山頂,我只是居於獅子山下而已。
再者,追求回報既時代已過去,因貧富太懸殊了,未來社會將會關愛多些弱勢社群,若想追求回報,還是向外望吧!以前成日叫人追逐回報既老曹生完cancer都開始叫人唔好太計較回報了
17. Oscar Lam 2015-12-09 23:19:42
Small Potato,

說來難以至信。租霸租了我元朗的一間舖,做美容生意。我原以為打開門做生意,發生租霸機會少,一時大意、輕敵,犯了許多不該犯的錯誤。該租霸甚至偽造文件,我報警卻証據不足。後來經法院告她,八個月後才收回物業,但租金則無法收回。
18. Joe 2015-12-10 00:09:26

鄧兄,一大班人一齊去租樓以製造需求? 或一大班人相約一齊退租? 真有趣....

能製造供需的,只有政府。政府有絕對能力管制租務市場,扭曲供求,例如行租管,但這樣當然會產生不少的壞影響。所以至目前為止租金升跌仍主要看市場供求關係,業主/租客都不能一起將租金舞高弄低。

至於閣下話多點關愛社會,保護弱勢,小弟百分之二百支持你的,但首要自身條件是,先要自己和親人都有盈餘,不再為兩餐奔馳,那就𣎴能不先講回報,而後談回餽社會了。

19. Sugar 2015-12-10 00:34:32

麗娜:

你真是精明的收租婆!!! 多謝提醒~~

我比較幸運,十多年來很少遇到太"狼死"的租客,都是些瑣碎的小問題.

說來奇怪,我的租客九成是男士.....多數好準時交租,電器水喉壞了多數佢自己攪掂無問我攞返$.反而SZ其中一間屋租俾一位斯文的女士:她住了幾個月便"人間蒸發",還拆走了我的冷氣機!!!

可能都是看運氣吧^^


20. 引刀一快 2015-12-10 01:43:01
鄧學士兄!

好耐冇見!其實關愛弱勢社群好重要,而從根本出發的話,係减少內耗,強勢社群外拓,由強勢庇護弱勢,弱勢支援強勢,如此,大同有望。
我亦覺得要睇入息證明有侵犯私隱之嫌,蓋因有入息亦可以唔交租,入息來源亦不能保證是永久的。保障業主應該係法律、規條,而唔係租客嘅私隱。
21. 物業初哥 2015-12-10 11:20:47
謝謝娜姐提醒!
22. 新抱仔 2015-12-10 12:13:05
鄧兄,

我做生意,也有組織80幾人的義工隊,定期捐款及買物資去食物銀行,送物資及探訪獨居老人。我們也是社會一份子,默默為社會作出不同貢獻和努力。
23. 引刀一快 2015-12-11 02:45:59
唷,原來新抱仔係善心人,相由心生。

如果可以順便幫下D唔識講說話嘅動物,就好喇!
24. 鄧學士 2015-12-11 07:21:47
刀兄,
好耐冇見,原本忙緊,見唱好唱淡有感而發。

刀兄,新抱兄,Joe,
我代弱勢社群多謝你們的支持,如果社會再多些你們這類人便是社會的幸甚了。
25. 望東樓 2015-12-11 09:00:40
刀兄,唔識講嘢嘅寵物係香港已經生活得好過好多人。起碼以我今年所見就有關於
  • 教你如何幫狗做人工呼吸
  • 寵物整容
  • 寵物精工畫像
  • 車死條狗,總部被圍
  • 同條狗火車漫遊歐洲
相信香港有三分一人係生活喺寵物狗都不如嘅日子。
26. 引刀一快 2015-12-11 09:29:16
PN兄

幫狗做人工呼吸係有學以至用嘅機會,因爲有時狗會跳海救主人,或者陪主人死,所以并唔過份,至于寵物整容同畫像,可唔可以視爲創造就業機會?車死條狗果單嘢,將香港人思想僵化嘅現象表露無遺,而且,當眼前一隻活生生嘅狗遇險嘅情况之下,D人可以繼續僵化,呢樣嘢我亦好憤概,因爲表現岀嚟嘅唔係辦事規範,而係應變能力弱,處事非人性化,同埋自私心蓋過同理心。
至于同條狗歐遊亦唔見得有問題,第一,就算個主人唔帶隻狗,唔見得佢會將省下嘅錢攞去做善事幫窮人,第二,如果有人帶充氣娃娃歐遊,咁係咪人嘅生活比唔上充氣娃娃呢?唔係吖嘛。狗,祇係呢個歐遊嘅人嘅附屬品啫,可以係貓,可以係熊猫,亦可以係金絲貓。
27. 望東樓 2015-12-11 09:51:11
咁你未必知所有動物過境係需要經過好多檢驗程序同花費係呢諗到諗唔到,而充氣娃娃係唔駛同免費嘅。呢個係最大分別。
btw,我早前行龍脊個陣真遇到個青友帶埋個咸蛋超人去拍照留念。
28. 引刀一快 2015-12-11 22:51:36
PN兄

我知道呀,带寵物過境唔止使費大,過境仲要檢疫,大陸攞狗落香港,正規手續係要喺狗房隔離25日(大概),可以帶狗跨國歐遊嘅人,要麼不簡單,要麼係富豪,要麼,就係歐洲果邊爲經濟開綠燈。我年初喺湖南帶隻貓坐飛機返廣州,又要搵獸醫出檢疫紙,又要辦一堆手續,下午飛機,我等到半夜先至攞到隻喵喵。
不過放、都係果句,歐遊對狗嚟講,衹係辛苦,因為無論去邊,狗嘅眼中只有主人,去歐洲同去長洲冇乜分別,仲要俾人打針打到汪汪叫,係個主人過癮架咋。
29. 占士 2015-12-18 16:02:03

麗娜姐,謝謝分享!期待下一篇大作!