地產博客 > 資深會員專欄 返回
瀏覽人次:50874    回應:51
資深會員專欄

上一代的財富,下一代的債

 

Alan Pepper

2015年10月9日

人類始終比不過自私的天性,亦因為政策上太多參與者,而參與者任期往往只係幾年,令到政策傾向人民短期利益,漠視長遠發展。大派福利金錢來討好觀眾騙 Like,完全沒有為香港競爭力着想。

我想講嘅係最低工資、最高工時、全民退保等等。雖然我並非完全反對,但這些福利政策,係使緊我哋上一代嘅錢,這一代享受,留給下一代的債。

我們嘗試思考香港的儲備是怎樣來的?以下是香港中文大學全球經濟及金融研究所的文章:

“要明白政府的財政,首要了解政府預算的結構。政府的帳目可分為經營帳目 (Operating Account) 和資本帳目 (Capital Account)。經營帳目內的收入即經營收入 (operating revenue),主要來源是利得稅 1,350 億元 (2013-14 年估計) 及薪俸稅 510 億元,聯合其他收入合共 3,495 億元。財政儲備交付金管局作投資的收益,扣除 資本帳歷年盈餘的投資收益,屬於經營收入。必須指出幾項和房產土地有關的收 入亦已列為經營收入,例如與房產土地有關的印花稅估計是 200 億元,佔總印花 稅的一半,差餉 130 億元和物業稅 25 億元。”

問題是上述那一項不是從香港人努力爭取回來的?薪俸稅及利得稅很簡單,你搵幾多錢交幾多稅。而這網站經常說的地價收入,不就是我們辛苦經營,賺錢回來買的嗎?投資收益,如果沒有多年來儲蓄的本金,怎樣投資?

無論我怎樣努力,每星期工作60小時,對我老豆來說,都係唔夠勤力。要明白我們這一代競爭力已經比上一代下降。我們所謂獅子山下精神,係出於努力及腦力,再加少少運氣,天時地利人和營造出來的。香港沒有任何天然資源,唯有的就是人力資源。如果認為我們的龐大儲備可以養過世,其實可以的,但下一代就沒有我們這麼幸福了。

我再強調,我並不完全反對最低工資及最高工時(全民退保就極力反對) ,只係指出其惡性循環的後果。香港這樣的社會,一個基本安全網是可以負擔的。但有些政客只懂用我們上一代賺回來的財政儲備,爭取短暫的觀眾及掌聲,是一種折墮行為,香港亦只會步歐洲後塵。希望我們這一代不要花盡我們上一代的錢,減弱競爭力,而留下債務給我們下一代承受吧。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 向饭民说不 2015-10-09 11:58:13
最近去完加拿大,更加确认福利政策根本就是绝子绝孙的政策。

那边的老人家福利特别好,但是政府对学生的支持力度越来越低,导致年轻人的教育债太高,更加唔肯生孩子,结果是人口老化越来越严重。

所以加拿大对引入移民比港蝗更加积极。
2. 歷史長河 2015-10-09 12:52:08
Alan 兄 有心有力,滿滿正能量。香港多點你這樣的人,應該冇得輸。

支言片語中睇得出世伯更是勤勞之人,致富有道。正所謂成功之人必有過人之處。Alan 兄,您的目標定能達到,信我。
3. 打工仔 Andy 2015-10-09 13:17:27
Alan 兄
謝謝出文!

西方文化是上一代債,下一代再累積, 揾其他人來還!

中國人文化是上一代的債, 下一代的財富! 


4. 亮劍 2015-10-09 13:31:25
我覺得欧洲打後幾十年,經濟會被「福利制度」拖垮!
希臘係「民主制度」發源地,亦是之後欧洲國家將會面對的寫照。
歐美婴兒潮呢一代,通過巧取豪奪,食窮阿公,再不停發債,要下一代一出世就背上沉重債務,咁請問呢家讀緊書呢班食乜?
有人同我講:「中國亦會因老人福利太沉重,而遇上大問題!」
對此小弟绝對同意,但因為华人受儒家思想薰陶仟幾弍仟年,有照顧上一代、撫養下一代傳統,這可減輕阿公唔少壓力。
反之福利國家樣樣以個人利益出發,乜都靠政府,有千金散盡、臨老食阿公的做法。

5. 歷史長河 2015-10-09 13:56:05
中國的問題容易解決,放鬆計划生育即可。
6. 打工仔 Andy 2015-10-09 13:56:16
亮劍兄
你講得好岩! 依家最怕係我地有 d 人好想, 家在香江, 福利要似歐洲! 真係屎得! 
7. 打工仔 Andy 2015-10-09 14:02:58
長河兄

計生辦權力好似幾大下!
8. 歷史長河 2015-10-09 14:06:21
打工仔兄,哈哈,計生辦這事可能刀兄有解決辦法。
9. 向饭民说不 2015-10-09 14:15:14
历史长河,大陆暂时老人福利很低,所以就是人口老化,问题也不是很大。当然大陆的贫苦的老人会好悲惨,好多人最后都失去照顾而提早离开。

但是就是有这些问题,大数据去看,中国的平均寿命不比美国佬高很多,好像相差几岁。可想而知,大陆的食物安全肯定比美国佬好。

美国佬最识做包装,瘦肉精,方式脂肪,虽然知道有问题,但是还是可以合法的出售。而香港的沿水问题,无证据证明对身体有影响,但是一样被饭民穷追猛打。By the way,香港的女性寿命比日本更加长。好像是全世界最常。要知道日本的医疗系统是,如果一个人变了植物人,还会用医疗仪器让那人继续生存下去。但是就是这样,香港的女性寿命还是比日本长。

数据是不会骗人的。所有安全标准其实都系要用大数据去检验。
10. middle middle class 2015-10-09 17:16:07
Alan 兄,有見地。  香港有你是福氣。  但你冇参政 (就算參咗都冇 mass market ),怎麼說呢,就是香港人冇福氣。
11. 向饭民说不 2015-10-09 18:51:48
楼上,香港最大的政治势力系3公,就是公屋户,公援户和公务员。在这3大势力下,类似美国的右派共和党和英国的保守党,是没有市场的。在这3大势力下,所有主张自由经济的,都会被3公打成霸权,无人性,和妖魔化。

而事实上,香港所有的民选议员都主张福利主义。回归以后,我们见到所有发展,比如港珠澳大桥,机场扩建,和高铁,都会被班政棍challenge,而只有福利,政棍会叫多多益善。
12. 引刀一快 2015-10-09 20:34:06
長河弟,睇嚟你真係冇乜好講,冇嘢講搵嚟講。

計劃生育係點一回事你都未知。
13. 歷史長河 2015-10-09 21:29:30
刀兄,有人講你喺內地通,我睇未必。
14. 三T 2015-10-09 21:48:02

很久沒看到真心的文章了,也說出了我的想法。

不知道是不是我有偏見,總覺得以前的政府高官以至議員大多有修養有建樹,或名人紳士。現在的郤像為施展個人抱負或以政治混飯吃,就連言行舉止以及日常所所作所為都令人汗顏,為之羞愧!以前的年青人和現在的年青人,以前的新移民和現在的新移民都不一樣了!

人是香港最重要資源,現在由上而下地敗壞,這塊福地怕最終是留不住人的!

15. 向饭民说不 2015-10-09 22:15:20
楼上,一个井底之蛙,以为自己系高贵港人,高高在上,带着有色眼镜,反几多次大陆,都不可能真正了解中国啦。
16. 引刀一快 2015-10-09 23:05:11
向飯,大陸國家單位D退休金唔低架。
17. 向饭民说不 2015-10-09 23:31:49
楼上,所以话你被毒果洗脑,最懂断章其义,大陆公务员退休金是高,但是占人口比例很低,是的,系好不公平,系加拿大中国领事馆那里也见到不小人移民了,还拿退休金。但是只占一些特权阶级。
18. 引刀一快 2015-10-10 00:42:56
傻喇你,以前乜叉廠都係國營架,依傢你見到七老八十嘅人,祗要唔係農民幾乎都攞緊退休金。
19. 向饭民说不 2015-10-10 01:22:06
楼上废材,像你那样说,大陆真系无穷人,比你更幸福。还是中共。
20. 引刀一快 2015-10-10 18:36:21
向飯你真係九唔搭八。
21. 珍惜香港 2015-10-11 19:46:12
珍惜香港

依家世界上,仲有邊隻 GDP 增長,得番兩三巴仙嘅成熟經濟體,冇欠巨債,仲有盈餘?

香港是也!

咁,你話香港,有幾唔掂?

香港之所以咁掂,喺因為好多公嘢,都轉營為私嘢,自負盈虧。產業化嘅結果,帶嚟咗質素嘅提升,而副作用就喺,啲嘢貴咗。既然啲嘢貴咗,咁响呢個金字塔型經濟社會之下,一定要有適當嘅基層保障,先至唔會俾呢度啲黑心鬼講中,話乜乜貧富懸殊到咗極點,資產持份者會俾人批鬥之類啦!

至於乜嘢叫適當,就頗具爭議性。老曾做嘢,一向都好小心,佢到臨卸任,先至成就咗最低工資,就喺因為計算過,响產業化同大企業護蔭之下,香港嘅體質承受得起。如果唔喺咁,你估佔中呢味嘢,有冇咁易搞掂?唔通你以為,單靠一隻聽話嘅庸梁就得?慣咗享受嘅人,出嚟搞抗爭,根本就唔會捱得耐啦!

湯博士多次埋怨老曾,話佢搞埋啲乜關愛基金,一次性撥款兼欠透明度。其實我反而覺得,有啲福利開支,睇住個財政狀況撥款先喺明智,唔通好似庸梁咁,搞恆常化,放咗收唔番?經濟呢味嘢,唔喺年年都咁掂嘛!

正如最近有評論話,零售業大跌,香港嘅經濟好唔掂,甚至話仲衰過沙士,不過我又唔喺咁睇。原來好多人,根本就唔知道,支撐零售業嘅,從來都喺本地消費。當年沙士,香港唔掂,喺因為本地人唔肯消費,或者冇能力消費,先至要搞個自由行幫下拖。今時今日,我見到香港嘅氣氛,喺好正面,本地消費,仍然強勁,而零售下跌,主要嚟自內地同外地人嘅高消費下調,香港人自己,仲喺好捨得洗錢

咁,你話香港,有幾唔掂?

不過,將來又點?競爭力,喺來自競爭。依家香港受寵嘅新一代,的確喺面對緊,競爭力下降嘅問題。其實呢個問題,响世界各地嘅成熟經濟體裡面,都好普遍。但有幸,香港喺一處匯聚人才同投資嘅福地,所以,只要搵到正確嘅發展方向,呢個城市,喺唔會有問題。咁究竟乜嘢,先至喺正確嘅發展方向?

記得有次我評 UBER,話佢唔喺真正嘅創新,結果有人不滿,話我重商主義,壓抑創新。其實有好多人,根本就唔了解創新,以為用下個互聯網,寫下 APPS,就叫做創新。呢啲科技嘢,只不過喺工具,就正如,要寫個靚過呢度嘅地產網,有何難?但要取代呢個地產網,就唔喺咁簡單,因為地產網嘅真正價值,喺經多年累積番嚟,而唔喺响個網,或者個 APPS 度。香港嘅道路資源短缺,以集體運輸系統為主流,先至喺趨勢,所以政府喺唔會為咗個別企業,而去增加收費車輛嘅數目。即喺話,UBER 嘅正確方向,唔喺硬要開發新牌,而喺點樣,合法同合乎本地道路使用規格之下,與現有嘅持牌者合作。

我點解舉 UBER 做例?因為香港嘅情況,都喺一樣,好多人捉錯咗用神,以為自己好大,乜都做得。有啲嘢,唔喺唔得,只喺唔適合响香港做。正如你開發幾創新嘅農業技術,都唔等於可以响度,開闢土地,大搞農業。高科技,可以研發,但講到生產,就要搵第度。睇下美國,紐約喺金融中心,矽谷喺科技中心,你喺金融人才,就走去紐約,科技人才,咪走去矽谷囉!

香港要持續發展,就要定好自己,响國家之下,要爭取嘅長遠角色。舊香港人唔掂,可以換成新香港人,同樣地,唔適合响香港發展嘅人才,亦可以走入國內,點解要局限自己响一個城市度?

產業化,喺香港嘅大趨勢。將來擔當乜嘢角色,或許言之尚早,但肯定嘅喺,一個國際化商業城市,唔會變番做漁港,留得低响度嘅,就必要順勢而行,搵到自己嘅角色。香港依家,最大嘅問題,喺由上而下,都太政治化,好多人唔記得咗,香港之所以有今時今日,喺得來不易。

有人為咗順應民綷,將醫療、教育產業拉下馬;講到功績,開口辣乜,埋口限乜

今日,你清算老曾,否定重商之道,後患無窮。一個佔中嘅教訓,都唔可以令之醒覺,咁嘅人,真喺唔可以連任。都喺果句,舊嘅唔掂,咪換咗佢囉!我對香港,喺充滿信心。

總之,產業化,喺香港嘅大趨勢,呢句就喺答案。
22. 打工仔 Andy 2015-10-11 22:02:14
珍惜兄

多謝文章分享! 
我感覺到香港已經變咗, 我地以前既優勢所乘無幾! 前路十分難行了! 
23. 向饭民说不 2015-10-11 23:49:04

打工仔兄,其实香港面对的就是经济转型。80年代之前,大陆基本上关闭自首,所以香港成为大陆的门户。到了大陆改革开放,起初,大陆咩都吾识,又无资金,基建又差,所以需要依靠香港。改革开放之初,好多5星级大酒店,都要请香港的厨师,还有请香港人去管理,还有很多不同的工种,所以当时香港人的job market 非常好的。到了90年代初,大陆开始学识了,自然减少依赖香港。2000年之后,深圳崛起,加上香港没有工业,更加缺乏创新精神,没有冒险精神,基本上没有任何产业,除了金融,旅游,零售。深圳人包容性很高,而香港人自傲,不可一世。所以香港的优势所乘無幾。其实已经开始被边缘化。

所以现在香港的唯一出路,唯一可以解决经济转型,就是和深圳融合,将竞争对手变成合作伙伴,同时解决土地不足问题,人口不足问题。香港市场有7百人的市场变成2千万人的市场。

好多香港人不知道2千万人市场的概念。但是日本安培提出了保证日本要超过一亿。而新加波也正在加快人口增长。因为没有足够人口,是很难建立自己的产业。现金社会虽然提倡自由贸易,但是其实中间很多贸易壁垒。要打入其他地方市场,如果没有足够实力,是不可能。所有产品都需要在本土建立基础之后,先有可能和其他国家竞争。

我反对饭民,主要原因,第一饭民其实是最左的政党,非常社会主义思想。第二,就是饭民抗拒中港融合。


24. 打工仔 Andy 2015-10-12 07:42:37
向飯兄早晨

你講得好岩, 完全點出香港現在的問題! 小弟80年代也經常回內地工作, 曾參與一些項目的建設! 現在看到國家發展起來別有一翻感受! 

説到飯民, 的確令人十分十分失望! 

共勉之

25. 引刀一快 2015-10-12 18:17:54

To 23樓 向飯

 

你嘅眼光就真係窄咗,香港要融合,就係同整個珠三角融合,單單同一個深圳融合?咪即係提前完成五十年不變,提前叫深圳吞併咗香港,連特首都變埋深圳市長囉,你根本就唔熟悉大陸,近十年大陸做咗幾多吞併行動你知唔知?乜叉都唔識就指東指西。

香港有乜優勢你又唔清楚,深圳有咩潛在問題你又唔知,深圳香港融合?你呼籲下兩岸統一好過喇,九龍皇帝!

27. 向饭民说不 2015-10-15 18:55:47
楼上,你真系典型的四支发达,头脑简单的WC,今日香港深圳融合,是香港吞并深圳,等到2047,估计变成深圳吞并香港了。如你所愿。
要同珠三角融合,都系要和深圳融合先,看下香港的地理位置先啦,傻仔。
28. 引刀一快 2015-10-16 05:36:01
向飯

唔識就咪亂吹,我後悔陪你講咁多,咩叫融合呀?武俠小說兩個門派掌門人結婚呀?

黐線嘅!
29. 向饭民说不 2015-10-24 17:58:10
楼上,深港融合是不可避免,不是几件港蝗可以阻挡,如果深港融合是不可避免,那么越早融合,对香港人越有利。
30. 永和找援交妹line:tea232/永和喝茶/永和找女人打砲 2015-10-30 22:31:58

大台北台中叫小姐╭☆MM外送茶莊╭☆外約外出服務加Line:tea232

板橋全套外約line:tea232,板橋叫小姐,板橋外送服務,板橋外約

[img]http://www.baydu520.com/data/attachment/forum/201504/25/112659p0totthhpw6c7ju5.png[/img]

台中外叫,彩玲4K安親班老師~給你超貼心的舒服www.baydu520.com


台北援交妹,美麗足D大胸,風騷淫蕩正妹超會挑逗和吹舔www.baydu520.com

[img]http://www.baydu520.com/data/attachment/forum/201507/13/181551yr1cq9d109r13bkc.jpg[/img]

[img]http://www.kee977.com/data/attachment/forum/201507/20/132355qz03eemtavwj7u1z.jpg[/img]


*最多*最新*最優質*美女雲集*超優質美女*挑逗你的最深層慾望*

◇滿意度百分百◇配合度超乎你想像◇滿足你任何感官慾望◇


◇出差◇洽公◇消遣◇娛樂◇◆◇住家◇賓館◇旅館◇ M T◇皆可◇保密◇

◇安全◇方便◇快速◇免受騙◇不轉帳◇不匯款◇不買點數卡◇現金交易◇ 


╭★品茶區☆ http://www.baydu520.com

╭★娛樂區☆ http://www.kee977.com

Line : tea232

WeChat:tea232

即時通:anan_520

31. 歷史長河 2015-10-30 23:28:44
永和兄所言甚是,共找之!
32. 打工仔 Andy 2015-10-31 00:01:40
30樓, 不要搗亂!
33. middle middle class 2015-10-31 01:24:24
珍惜兄,我再一次欣賞你的評論。另外,我仍然很支持 DT,尤其是大市場,小政府。  其實我曾經俾佢嚇倒,賣剩兩個單位到依家。  不過,想深一層,自己道行未夠啫。


34. 引刀一快 2015-10-31 05:18:09
  過去就係過去,將來就係將來,兩者不無關係,但亦不是絕對關係,幾乎所有好友都會避開大陸衰退呢點唔講,并喜歡豪言壯語不切實際的正能量一番,Joe兄係少數肯在討論中提及大陸影響嘅好友,我有遺漏嗎?

  大陸來港消費跌,祇係一個表像,大陸人整體由于經濟變差唔敢消費,係根源,當資源開始撐唔起社會規模嘅時侯,各個方面必然需要調整配合,去維持社會運作,維持未來嘅可行性,呢個過程,當然要付出比平常更大嘅努力,係自然不過嘅事情,美其名為陣痛,呢種陣痛,有人堅持永遠痛不達香港,可能嗎?

   
35. 向饭民说不 2015-10-31 13:25:06
楼上,全世界都系度衰退,中国都系,但是中国还有货币政策去处理,就是减息,而台湾,日本,加拿大,欧洲等等所谓民主国家,救经济,只有吃鸦片,就是所谓的量宽。
36. 向饭民说不 2015-10-31 13:26:47
33楼,大市場,小政府,其实就是殖民地时代的核心。点不知道今日那些97后废青,一方面闹今日不同以前,好缅怀以前,但是却系度打击真正殖民地时代的核心。
37. Joe 2015-10-31 18:24:54

刀兄,是的,之前說過,要令樓巿因單一因素而下跌,必然是重大而絕大部分人都不能預計的。

所謂"知不知,尚矣",小弟自問凡人一個,身處細小井口,只能看到已知現象,例如現今祖國、人民和香港之豐厚儲蓄率可抵受一定經濟衝擊。

既然自己處身絕大部分人之間,就只能繼續以有限的知,安穩做其好友....

38. 珍惜香港 2015-10-31 20:34:15
珍惜香港

middle middle c1ass 提到 DT,其實 SSD 推出果陣,我都有埋怨過老曾,令我嘅資產重組、轉名等計劃,被迫擱置。不過,當記起自己第一次買樓上車果陣,假扮炒家嘅日子,我好快就諗通咗。況且,塞翁失馬,焉知非福?如果唔喺咁,我就唔會去重新評估自己嘅投資方向,最後捕捉到債嘅機遇啦!

所以,引刀兄話,正能量不切實際,我不敢苟同。我認為,正能量,喺非常重要。SSD 出不逢時,如果我以消極嘅心態,一怒之下,賣哂啲物業,咁就真喺大件事。當然,賣哂啲物業,番咗啲 CASH,話唔定今日,會發到豬頭咁呢?信我,以咁嘅心態,吐番嚟嘅錢,最終都喺會蝕埋。

真實嘅環境,我地改變唔到,未來嘅預測,極其量亦只喺五五波。自己嘅態度,引申出嚟嘅一系列選擇,先至喺決定命運嘅關鍵因素。所以點解,响冇必要嘅情況之下,我喺唔會為咗一個逃避,而選擇破產。因為,你有得揀,都仲要揀逃避嘅話,咁呢個逃避,就只會帶嚟更大嘅追逼,最後變成一世嘅逃避

至於中國嘅問題,我當然睇得到,只喺冇睇得咁灰。唔好淨喺顧住,個股市樓市,點樣舞高弄低,只要我地中國人,整體嘅生活水平,一直响度改善中,夫復何求?反觀美國,無論响經濟上,科技上,都喺龍頭,但喺要保持住自己嘅生活水平,同一哥地位,所消耗嘅內外資源,何其龐大?

睇下,第二回合,又喺開細,佢唔喺唔想加息,但真喺加唔到。相對而言,中國未來嘅發展,仲有好大嘅選擇空間同彈性,唔會好似美國咁,呢樣唔得,果樣唔得,焗住一定要點行。呢一點,同向饭兄嘅睇法相類似,而中國除咗減息之外,當然仲有好多招可以出。

環球經濟新常態之下,增長放緩,喺全球性。中國莫講話要保七、保六,就算保到五,都已經好勁。今日見到燒煤唔環保,可以叫停;一孩唔得,即改兩孩;滬港通、深港通,幾時啱 TIMING 就幾時上。試問世界上,仲有邊個大型經濟體,可以做得到?使唔使俾國會拉下布,或者要玩下公投先?

自從中港股市大跌之後,社會嘅氣氛,的確喺差咗,我問十間商戶,十間都喺咁講。不過,再問深入啲,原來佢地嘅生意,又唔喺太差喎,周圍嘅消費,仲喺好旺場。所以點解我話見到,本地消費,仍然強勁,絕對唔喺胡吹。有啲人,以前賺錢太容易,今日可能要辛苦番啲,或者嘔番少少出嚟,咪睇開啲囉!

最近個 CCL 回咗少少,有啲人就開心到要開香檳咁,講到個市好快就跌三、五成啦!其實,邊可能個指數永遠咁升,連小型波幅都冇?只喺因為咁,就話大市調頭向下,未免太武斷。咁如果下個禮拜,或者再下個禮拜,個指數又回升番少少,唔通又可以話個市,好快就升三成,甚至一倍?

Joe 兄話,安穩做其好友,或者我可以換句話,正能量,唔等於盲看好,只喺面對未知嘅將來果陣,响眾多可能性之中,選擇一條正面嘅路。咁就算你嘅選擇,所基於果啲,較正面嘅可能性,唔兌現都好,你响呢個過程嘅得著,亦唔會白費,而呢啲冇白費嘅得著,就成為你將來嘅運氣。呢度有啲人,成日話我好彩,我只能夠話,就算真喺有運,我嘅運,都只喺由我之前種下嘅一系列因,整合而成嘅果。

因果關係,就喺咁微妙!

話說,同政府借錢交學費嘅大學生,一出嚟做嘢,就要揹起一筆債,有人講到佢地,幾慘幾慘。大女今年入港大,都喺同政府借錢交學費,老豆有錢都唔俾,喺唔喺好 CHEAP?記得以前,同大家分享過,佢初中果陣,被同學邀請去六四燭光晚會果單嘢。我同佢傾咗好耐,佢亦問咗好多問題,結果都喺佢自己決定唔去。之後,我又帶過佢去理大投唐,到佔中期間,佢仲快過我提出一齊去簽名反佔中。

最近任命副校風波,搞到港大滿城風雨,佢問我,學生會費喺咪可以唔交喎!話說,學生會發起公投,佢有諗過去投票,反對果兩項無聊嘅議案,不過最終都喺冇去。我問點解,佢話,大學唔喺搞政治嘅地方,去投票,就等於認同公投呢個做法,不如集中精神讀好書,搞咁多嘢做乜?借錢都要還架!原來,如果你成績好,喺有渠道申請到獎學金,就算唔可以全蓋學費,都幫補一下啦!

我自問唔喺好識得教女,我俾到佢嘅,只喺一股正能量啫

個別嘅因,唔一定造就必然嘅果,但只要喺正確嘅方向,懷著善意嘅心,那怕種下乜嘢因,那怕造就乜嘢果?過程縱有波折,最終嘅結果,就算唔喺你預期嘅結果,都會喺一個美好嘅結果。而所謂,正確嘅方向,善意嘅心,就喺果一股正能量。

正能量,真喺非常重要!
39. 魚蛋仔 2015-10-31 21:02:12

嘩,對呀,珍港師兄!凡事抱着積極正面樂觀的心態,好境一定會來!

多謝你的正能量!

40. 正能量 2015-10-31 21:26:50
如果26個英文字母 A B C D E F G H I J K L M N O P Q R S T U V W X Y Z 分别等于

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26

那麼
Knowledge(知识) K+N+O+W+L+E+D+G+E= 11+14+15+23+12+5+4+7+5=96%

Workhard (努力工作) W+O+R+K+H+A+R+D = 23+15+18+11+8+1+18+4 =98%

也就是说知識和努力工作對我们們人生的影响可以達到96%和98%

Luck(好運) L+U+C+K=12+21+3+11=47%

Love(愛情) L+O+V+E=12+15+22+5=54%

看来,這些我們通常認為重要的東西却並没起到最重要的作用。

那麼,什麼可以决定我們100%的人生呢?

是Money(金钱)嗎? M+O+N+E+Y=13+15+14+5+25=72%
看來也不是

是Leadership(领導能力)嗎? L+E+A+D+E+R+S+H+I+P=12+5+1+4+5+18+19+9+16 =89%
還不是

金钱,權力也不能完全决定我們的生活。那是什麼呢?

其實,真正能使我們生活圆满的東西就在我們自己身上!

ATTITUDE(心態) A+T+T+I+T+U+D+E=1+20+20+9+20+21+4+5=100%

我們对待人生的態度才能够100%的影響我們的生活,或者說能够使我們的生活達到 100%的圆满!

這個有意思!
用什麼樣的態度去看待人生,就會得到什麼樣的人生哦!"

41. 打工仔 Andy 2015-10-31 21:34:23
珍惜兄出文, 特別醒神! 

已經睇咗兩次, 思考完再要睇多次! 多謝珍惜兄! 
42. 歷史長河 2015-11-01 00:15:38
珍惜香港兄,恭喜千金入港大先!關於公投一事,佢小小年紀已有那樣思維,不簡單!叻女!

正能量,亦是小弟一直倡導的理念,無論家裡還是公司裡。這也是我對公司新人入職,員工晉升的內心考量主要因素之一。

前些日子小弟回應論壇中師兄們討論中國問題時,曾提出過其中解決方法之一是放寬人口政策,一語中的。正負能量的區別在於負能量的人只看到問題,而正能量的人去想辦法。凡事如此,久而久之,則有人已走遠,有人仍徘徊不前。再發展下去,徘徊不前的人會說前者只是運氣好,未經歷過97雲雲。正如您所說,萬事皆有前因後果,看不到前因的人是有盲點而不自知。

希望更多有緣之人收到您的正能量!
43. 向饭民说不 2015-11-01 00:48:41

楼上,以前觉得民主会令行政下跌。但是发现,问题更加严重的是会令人负能量越来越严重。就如这里的引刀一样。在台湾或者香港,叫人勤力是不公义的。但是叫人享受,不工作,就是最公平,最公义。

在台湾,原来的选举是由负能量的选民选出总统。也难怪现社会一年不如一年。

早年西方民主社会之所以富裕,因为当时他们没有竞争对手,一旦出现竞争对手之后,也是一年差过一年。原来今日勤力就是不公义。负能量垄断的选民基础,所以生产力不断下跌,政府唯一可以做的是不断的量宽。直到经济崩溃。

44. 回長河兄 2015-11-01 02:06:07
我都收到你的正能量 :)
45. 引刀一快 2015-11-01 04:39:01
珍港兄

你又歪曲咗我寫嘅嘢!

你話:
所以,引刀兄話,正能量不切實際,我不敢苟同。我認為,正能量,喺非常重要。SSD 出不逢時,如果我以消極嘅心態,一怒之下,賣哂啲物業,咁就真喺大件事。當然,賣哂啲物業,番咗啲 CASH,話唔定今日,會發到豬頭咁呢?信我,以咁嘅心態,吐番嚟嘅錢,最終都喺會蝕埋。”

我冇話正能量不切實際,原文如下:

過去就係過去,將來就係將來,兩者不無關係,但亦不是絕對關係,幾乎所有好友都會避開大陸衰退呢點唔講,并喜歡豪言壯語不切實際的正能量一番,Joe兄係少數肯在討論中提及大陸影響嘅好友,我有遺漏嗎?”

“不切實際的正能量一番”,呢句話意思好簡單,即係不分情由一概以正能量去作為支持,係不切實際嘅態度。

呢句嘢嘅文字邏輯既簡單又清晰,我冇諗過呢度居然會有人睇唔明,魚蛋仔就話啫,乜你都會唔明咩?我唔信喎。
46. 引刀一快 2015-11-01 05:40:46
所謂正能量,用得最多就係傳銷、保險呢類行業,將盲好夾硬通假爲正能量,咪就係等同於搶佔道德高地,講最好聽嘅說話。

社會真正需要嘅,唔係好聽嘅說話,而係實事求是嘅態度。

雖然,“好聽”可以得到最多嘅歡呼。

我依家唔會睇到每個別人嘅謬論、詭辯、概念偷換等等都去穿插回應,除非問題好有啓發性,或者覺得難以接受。

有時,一大輪好聽嘅說話,夾雜幾個見仁見智嘅個人睇法,好多人囫圇吞棗,觀點俾人騎劫咗都唔知唔覺。
47. Jerry 2015-11-01 11:28:08
TO 38/F 珍惜香港兄:

估不到珍兄除左投資了得外,教導女兒也有一手。強!

我一直也希望教導兒女好似珍兄咁,唔會只係用錢去幫佢解決問題。

要叫老婆好好睇下呢篇回應,哈哈!^^
48. 歷史長河 2015-11-01 13:41:14
回44樓,日子有功,祝更上層樓!
49. 向饭民说不 2015-11-01 14:31:14

46楼,最近研究了台湾人的网友,那种负能量,真系可怕。政客为了当选,打击政敌,不断的鼓吹负能量。个个负能量鲁蛇都希望不劳而获。得出了一个结论,原来台湾总统代表的利益就是负能量鲁蛇。日日叫独立,如果无美国backup,一早被大陆武力统一啦。

当英国人决定和大陆在英国本土发展核能的时候,台湾人仍然系度争辩是不是要重开,核电厂已经开了,只是不用。而大巨蛋建了一大半,现在由被民进党以危险理由阻挡。台湾人年年受几次台风,同时因为工厂搬走,理论上应该无水的问题,但是台湾却经常要面对制水问题。最近香港的沿水问题,原来台湾更严重,台湾系好多地方仲系用紧用沿做的水管。最近话要加水费。台湾人不是去更换有问题的水管。而是让那些用紧有问题水管的用户不要加水费。同时因为台湾人无公屋,所以台北人面对的高楼价,高租金比香港更加严重。最近柯P建议比那些大学生以市值85%的租金租房。天啊,香港的政棍长毛系以市值的20%租公屋

香港班鲁蛇日日话香港人就来变大陆。其实不是变大陆,而是香港人更加可怕,越来越像台湾。

50. 引刀一快 2015-11-01 17:26:15
向飯

你應該感到高興,台灣如果繼續向極端方向發展,兩岸統一就好容易出現新契機。
51. 引刀一快 2015-11-01 17:29:01
英國同中國合作搞核能,有冇細節披露?我擔心係咪又搵中國笨,要中國包辦核廢料。
52. 向犯民说不 2015-11-01 19:44:58
中国其实好幸运,有台湾,日本做镜子。其中人口老化,发现势色不对,马上开放二胎。避免出现日本病。而台湾继续被鲁蛇选出来的总统统治,台湾就可以继续做鲁蛇。被中国武力统一只是时间问题,因为台湾时下年轻人,同引刀一样,充满负能量,完全没有斗志。

还有引刀,相信你又过虑了,今时今日,在谈判桌上,相信中国政府不会那么容易被欺骗啦。反而鬼佬开始后悔被骗了,比如高铁。几年前,中国还要向外国铁路公司进口。现在中国反过来变成了他们的直接竞争对手。